17/08/2025
*پی ڈی ایم اے نیوز الرٹ
بلوچستان میں مون سون بارشوں کا نیا اسپیل 18 اگست سے شروع ہوگا۔*
*کوئٹہ(ڈیلی کوئٹہ نیوز)محکمہ موسمیات نے بلوچستان میں مون سون بارشوں کے نئے اسپیل کی پیش گوئی کرتے ہوئے کہا ہے کہ یہ سلسلہ 18 اگست سے شروع ہو کر 22 اگست تک جاری رہے گا۔*
*محکمہ موسمیات کے مطابق کوئٹہ، بارکھان، موسی خیل، ہرنائی اور سبی میں شدید بارشیں متوقع ہیں، جبکہ ژوب، شیرانی، قلعہ سیف اللہ، خضدار اور کچھی میں طوفانی بارش کا امکان ہے۔ اس کے علاوہ لسبیلہ، حب، آواران، کیچ، گوادر اور پنجگور میں گرج چمک کے ساتھ بارش ہونے کا امکان ظاہر کیا گیا ہے۔*
*پی ڈی ایم اے بلوچستان نے متعلقہ اضلاع کی انتظامیہ کو الرٹ رہنے کی ہدایات جاری کرتے ہوئے کہا ہے کہ بارشوں کے دوران خستہ حال مکانات میں رہائش اختیار نہ کی جائے۔ عوام کو غیر ضروری سفر سے گریز اور پکنک پوائنٹس پر جانے سے اجتناب کرنے کی تاکید کی گئی ہے۔
