06/09/2026
🚨چکوال میں افغان مہاجرین سے چھینی گئی 20 دکانوں کا سامان نیلام،
چکوال میں افغان مہاجرین سے سے چھینی گئی20 دکانوں کے سامان کی نیلامی کر دی گئی۔ مقامی رپورٹس کے مطابق متاثرہ دکانداروں کا دعویٰ ہے کہ ان دکانوں میں موجود سامان کی مالیت ایک کروڑ سے 10 کروڑ روپے تک تھی، مقامی ذرائع کے مطابق حکومت نے ان دکان داروں کو پانچ مہینے پہلے گرفتار کیا تھا جن کو دکان تک سمیٹے نہیں دیا گیا۔ اور ان سب کو ہولڈنگ سینٹر میں ڈال دیا گیا تھا۔ اور ان میں سے اکثر کو ڈیپورٹ کردیا تھا۔ ابھی متاثرین ویزوں کے انتظار میں تھے کہ واپس جاکر دکان سمیٹیں گے۔ آج ان کو خبر ملی کہ ان کی دکانوں کو حکومت نے اونے پونے نیلام کردیا ہے۔ جس سے متاثرین شدید صدمے میں ہیں۔
اس معاملے پر اسلام آباد میں افغان سفارتخانے نے بھی تشویش کا اظہار کرتے ہوئے پاکستانی متعلقہ حکام سے معاملہ اٹھایا اور افغان دکانداروں کے حقوق اور ان کے سامان کے تحفظ کے لیے قانونی و مناسب حل کا مطالبہ کیا۔ تاکہ افغان مہاجرین کو ان کا سرمایہ واپس مل سکے۔ اور افغان سفارت خانے نے اپنا ایک وفد بھی اس معاملے کو حل کرنے کے لئے چکوال روانہ کردیا۔
