29/06/2025
کراچی /ماچکو چیک پوسٹ پر پولیس کی کھلی لوٹ مار! بلوچستان سے آنے والے ٹرک، ٹرالر، فیلڈر اور مسافر گاڑیاں بھی محفوظ نہ رہیں
کراچی (رپورٹ): کراچی کی مشہور ماچکو چیک پوسٹ پر پولیس اہلکاروں کی جانب سے بلوچستان سے آنے والی تمام گاڑیوں — بشمول ٹرک، ٹرالر، فیلڈر کاریں اور مسافر گاڑیاں — کو مبینہ طور پر لوٹنے کا سلسلہ جاری ہے
ذرائع کے مطابق، بلوچستان سے کراچی میں داخل ہونے والی کوئی بھی گاڑی ان اہلکاروں کے ہتھے چڑھ جائے تو رشوت، زبردستی رقم کی وصولی، اور بلاوجہ تنگ کرنے کی شکایات معمول بن چکی ہیں۔ مسافر گاڑیوں میں سوار لوگوں کو روک کر تلاشی کے بہانے ہراساں کیا جاتا ہے، جبکہ تجارتی گاڑیوں سے مال اُتارنے یا دھمکیاں دے کر رقم بٹورنے کی شکایات بھی سامنے آئی ہیں
متاثرہ ڈرائیوروں اور مسافروں کا کہنا ہے کہ
“یہ چیک پوسٹ قانون کی رکھوالی کے بجائے پولیس کے لیے آمدن کا ذریعہ بن چکی ہے، یہاں سے گزرنے والی ہر گاڑی کو ’نذرانہ‘ دینا پڑتا ہے
شہریوں، ٹرانسپورٹرز اور سیاسی و قبائلی رہنماؤں نے اعلیٰ حکام سے مطالبہ کیا ہے کہ ماچکو چیک پوسٹ پر تعینات اہلکاروں کے خلاف فوری تحقیقات کی جائیں اور ان کے خلاف سخت کارروائی کی جائے تاکہ بلوچستان سے کراچی آنے والوں کو مزید ذلت اور پریشانی کا سامنا نہ کرنا پڑے۔
