RN balochistan

14/08/2026

خوشحال خان کاکڑ:
"کسی جرگے کی کوئی ضرورت نہیں، ایک منظم تحریک بنائی جائے۔"

#جرگہ #بلوچستان #کوئٹہ

13/08/2026

دہشت گردوں کا مقدر شکست ہے، پاکستان کی فتح کو کوئی طاقت نہیں روک سکتی: وزیراعلیٰ بلوچستان میر سرفراز بگٹی

#وزیراعلیٰ_بلوچستان #بلوچستان #پاکستان #دہشتگردی

13/08/2026

کوئٹہ میں لوگ جشنِ آزادی کے لیے پُرجوش ہیں، مگر ساتھ ہی غربت، بدامنی، ناانصافی، ٹارگٹ کلنگ اور اغوا کاریوں نے شہریوں کو پریشان کر رکھا ہے۔ وطنِ عزیز، ریاستِ پاکستان سے عوام کے گلے شکوے بھی ہیں اور بہتر مستقبل کی امید بھی۔

#کوئٹہ #بلوچستان #پاکستان #امن #بدامنی #ناانصافی #غربت #اغوا #14اگست

13/08/2026

کوئٹہ: جشنِ آزادی کے سلسلے میں پولو گراؤنڈ میں پروقار تقریب، ہزاروں افراد کی شرکت

کوئٹہ کے پولو گراؤنڈ میں جشنِ آزادی کے سلسلے میں ایک پروقار تقریب کا انعقاد کیا گیا، جس میں وزیراعلیٰ بلوچستان میر سرفراز بگٹی، صوبائی وزراء، سول سوسائٹی کے نمائندوں، کور کمانڈر اور عسکری قیادت سمیت مختلف شعبہ ہائے زندگی سے تعلق رکھنے والے افراد نے شرکت کی۔

تقریب میں ہزاروں شہریوں کے علاوہ مختلف اسکولوں اور کالجز کے طلبہ و طالبات نے بھی شرکت کی۔ جشنِ آزادی کے حوالے سے ملی نغموں اور دیگر فنکارانہ پیشکشوں نے تقریب کو مزید پُرجوش بنا دیا۔

وزیراعلیٰ بلوچستان میر سرفراز بگٹی نے تقریب سے خطاب کرتے ہوئے کہا کہ آج کا دن عظیم قربانیوں کے بعد حاصل ہوا ہے۔ ہمارے سول سرونٹس، ایف سی اور سکیورٹی فورسز کے جوان ملک کی سلامتی کے لیے بڑی قربانیاں دے رہے ہیں۔

وزیراعلیٰ نے کہا کہ بلوچستان کے عوام کی جانب سے شہداء کے لواحقین کو یقین دلانا چاہتا ہوں کہ آپ کا دکھ ہمارا دکھ ہے۔ ریاستِ پاکستان نے ہمیشہ واضح کیا ہے کہ تشدد کا راستہ اختیار کرنے والوں کو اس سے سوائے تباہی کے کچھ حاصل نہیں ہوا۔

ان کا کہنا تھا کہ بلوچستان کے بچوں کو ترقی اور تعلیم سے دور رکھا گیا، جبکہ تشدد کا راستہ اختیار کرنے والوں سے ایک بار پھر کہتے ہیں کہ وہ ہتھیار ڈال دیں، ریاست کے دروازے ان کے لیے کھلے ہیں۔

وزیراعلیٰ نے واضح کیا کہ معصوم شہریوں کو نشانہ بنانے کی صورت میں ریاست پیچھے نہیں ہٹے گی اور دہشت گردی کے خلاف بھرپور کارروائی جاری رہے گی۔ انہوں نے کہا کہ بلوچستان میں امن قائم کرکے رہیں گے۔

میر سرفراز بگٹی کا کہنا تھا کہ بلوچستان کے عوام ایک تاریخی اور بہادر قوم کی روایات کے وارث ہیں۔ صوبے کے بچوں کے لیے ہارورڈ اور آکسفورڈ سمیت دنیا کی بہترین جامعات کے دروازے کھولے گئے ہیں تاکہ نوجوان تعلیم کے ذریعے اپنا مستقبل سنوار سکیں۔

انہوں نے کہا کہ اسلام کے نام پر دہشت گردی پھیلانے والوں کا اسلام سے کوئی تعلق نہیں، جبکہ بلوچ نوجوانوں کو ایک لاحاصل جنگ میں دھکیلا جا رہا ہے۔

تقریب کے اختتام پر جشنِ آزادی کے حوالے سے ملی نغموں اور مختلف ثقافتی پرفارمنسز نے حاضرین کا جوش و جذبہ مزید بڑھا دیا۔

12/08/2026

مارکیٹ میں آگ لگ گئی، جس کے نتیجے میں متعدد دکانیں متاثر ہوئیں۔

12/08/2026

11/08/2026

بلوچستان میں ہر خواب کو چمکنے کا حق ہے۔
وزیراعلیٰ بلوچستان میر سرفراز بگٹی صاحب کے وژن کے تحت خواجہ سرا طلبہ کو باعزت طریقے سے تعلیم، اسکالرشپس اور فنی مہارتوں کے مواقع فراہم کیے جا رہے ہیں۔
انہیں فخر کے ساتھ "ہمارے اچھے طلبہ" کہا جاتا ہے۔

08/08/2026

قلعہ عبداللہ: 35 سالہ نوجوان نے 24 سال پرانی دشمنی ختم کروا دی، دونوں فریق خوش ہیں
وزیر محمد خان اچکزئی
#صلح #امن #بلوچستان
Wazir Mohammad Khan

08/08/2026

#آٹھ #اگست کے #شہدا کی یاد میں #بلوچستان #ہائی #کورٹ میں پروگرام منعقد کیا گیا ہے،
اس تعزیتی پروگرام کے شروع کرنے سے پہلے قرآن خوانی کررہے ہیں

07/08/2026

قلعہ عبداللہ کا تاریخی صلح پروگرام: نوجوانوں کا روشن مستقبل اور روایتی سوچ کی تبدیلی
​پس منظر اور ایک روشن مثال
​ضلع قلعہ عبداللہ کے علاقے میں تقریباً 24 سال قبل غبیزئی قوم کی ذیلی شاخ اعوان کہول کے دو خاندانوں (حاجی محمد لال اکا اور مرحوم حاجی امان اللہ اکا) کے درمیان ایک ناخوشگوار واقعہ پیش آیا تھا، جس میں حاجی امان اللہ اپنی زندگی کی بازی ہار گئے تھے۔ دو دہائیوں سے زائد عرصے تک چلنے والی اس خاندانی رنجش اور عداوت نے بالآخر ایک تاریخی موڑ لیا اور وہ پرانی تلخیاں خوشیوں میں بدل گئیں۔
​پشتون روایات کے مطابق اس صلح کے دوران روایتی دیت (خون بہا) کی ادائیگی کی گئی اور بالکل وہی کلاشنکوف بھی فریقِ مخالف کے حوالے کی گئی جس سے یہ واقعہ رونما ہوا تھا، تاکہ ماضی کے تمام ابواب ہمیشہ کے لیے بند کیے جا سکیں۔
​روایتی سوچ سے ہٹ کر: نوجوانوں کا تاریخی کردار
​اس پورے واقعے کا سب سے زیادہ حیران کن اور قابلِ غور پہلو یہ ہے کہ:
​"یہ صلح روایتی قبائلی مشران، ساداتِ کرام یا علماء کی روایتی پنچایتوں کے ذریعے نہیں ہوئی، بلکہ اس کی بنیاد 30 سے 35 سال کے جیالے نوجوانوں نے رکھی۔"
​اس مشکل ترین اور حساس ترین مشن کو جن باحوصلہ نوجوانوں نے اپنے کندھوں پر اٹھایا اور احسن طریقے سے پایہ تکمیل تک پہنچایا، اتنی کم عمری میں اتنی بڑی خاندانی دشمنی کا بوجھ اٹھانا اور دونوں فریقین کو شیر و شکر کرنا کوئی معمولی کارنامہ نہیں ہے۔ یہ نوجوان اس بات کا عملی ثبوت ہیں کہ اگر ارادہ سچا ہو تو عمر کی کمزوری یا تجربے کی کمی رکاوٹ نہیں بنتی۔
​ایک اہم سوال اور فکری تبدیلی کی ضرورت
​یہ واقعہ ہمارے معاشرے کے لیے ایک بہت بڑا سوالیہ نشان چھوڑ جاتا ہے:
​کیا ہم ہر قبائلی، قومی یا خاندانی رنجش کو ختم کرنے کے لیے ہمیشہ روایتی قبائلی مشران، علماء کرام یا ساداتِ فیملیز کا انتظار ہی کرتے رہیں گے؟
​کیا معاشرتی اصلاح کا ٹھیکہ صرف چند بزرگوں یا روایتی عہدیداروں کے پاس ہے؟
​اس کا واضح جواب "نہیں" ہے۔ ہمیں اس فرسودہ سوچ سے نکلنا ہوگا کہ ہر اچھے کام کے لیے کسی رسمی یا روایتی پگڑی والے کی اجازت یا موجودگی ضروری ہے۔
​صلح کا حقیقی مفہوم
​صلح صرف دو افراد یا خاندانوں کا ملاپ نہیں ہے، بلکہ اس کے گہرے معاشی، معاشرتی اور اخلاقی مضمرات ہیں:
​بوجھ کا خاتمہ: صلح کا مطلب ایک قوم اور خاندان کے کندھوں سے کلاشنکوف کا بوجھ اتارنا اور ان کی پشت سے دشمنی کا خوف ہمیشہ کے لیے ختم کرنا ہے۔
​آزاد فضا: اس کا مقصد فریقین کو خوف کے سائے سے نکال کر ایک آزاد ماحول اور پرسکون فضا میں سانس لینے کا موقع فراہم کرنا ہے۔
​خوشیوں کی واپسی: یہ عمل برسوں سے سوگوار دونوں خاندانوں کو دوبارہ خوشیوں میں شریک ہونے اور گلے ملنے کا حسین موقع دیتا ہے۔
​عزمِ نو
​آئیے اس پروقار موقع پر یہ عہد کریں کہ معاشرے میں امن قائم کرنے، صلح صفائی کرانے اور نفرتوں کو محبتوں میں بدلنے کے لیے کسی قبائلی سردار، کمانڈر یا روایتی مشر بننے کا انتظار نہیں کیا جائے گا۔
​اگر نیت صاف ہو اور دل میں دردِ انسانیت ہو، تو کوئی بھی باشعور نوجوان اکیلے یا اجتماعی کوششوں سے معاشرے کا سب سے بڑا ناسور (دشمنی) ختم کر سکتا ہے۔ ایسے دردِ دل رکھنے والے نوجوانوں کو ہر پلیٹ فارم پر سراہنا، آگے لانا اور بھرپور انداز میں سپورٹ کرنا وقت کی سب سے بڑی ضرورت ہے۔
#صلح #امن #بلوچستان