20/08/2026
سپریم کورٹ کے حکم پر ممکنہ ہسپتال منتقلی سے قبل طبی ٹیم نے اڈیالہ جیل میں عمران خان سے ملاقات کی طبی ٹیم ڈاکٹر فیصل اور بہن ڈاکٹر عظمیٰ اڈیالہ جیل پہنچے جہاں حکام نے انہیں داخلے کی اجازت دی۔ذرائع کے مطابق ہسپتال منتقلی سے قبل بانی کی صحت کا جائزہ لیا جائے گا۔اس کے علاوہ علیمہ خان بھی اپنے کزن قاسم نیازی کے ساتھ اڈیالہ کے گیٹ نمبر پانچ کے قریب پہنچ گئیں اور گاڑی میں بیٹھ کر انتظار کرتی رہیں۔
قبل ازیں عمران خان کی منتقلی سے قبل آئی جی اسلام آباد، ڈپٹی کمشنر اور دیگر متعلقہ افسران الشفا اسپتال پہنچے جہاں انہوں نے صورتحال کا جائزہ لیا جبکہ سیکیورٹی کے سخت انتظامات کرتے ہوئے پولیس کی بھاری نفری کو تعینات کردیا گیا۔اس کے علاوہ الشفا ہسپتال کی سڑک پر رکاوٹیں کھڑی کر کے گاڑیوں کی آمد و رفت کو روک دیا گیا جبکہ آئی جی اسلام آباد نے جوانوں کو خصوصی ہدایات بھی جاری کیں۔
