For Promotions: 
09/05/2025
دل بوجھل ہے… ایک خاموش چیخ ہمیشہ کے لیے خاموش ہو گئی۔
آج ایک افسوسناک خبر نے دل ہلا کر رکھ دیا — ڈی ایس پی صاحب، جو ڈسٹرکٹ آفیسر سپیشل برانچ کے طور پر خدمات سرانجام دے رہے تھے، نے اپنے آبائی گھر ڈیرہ شمس رحیم یار خان میں زندگی کی بازی خود ہی ہار دی۔
میری بطور تفتیشی افسر پہلی پوسٹنگ انہی کے زیرِ سایہ ہوئی۔ وہ اُس وقت تھانہ سٹی لیاقت پور میں ایس ایچ او تھے۔ ایک فرض شناس، نرم گو اور نفیس طبیعت کے حامل آفیسر۔ وقت گزرا، وہ ترقی پا کر اعلیٰ رینک پر پہنچے، لیکن شاید ذہنی دباؤ اور تنہائی جیسے غیردکھائی دینے والے زخموں نے اندر ہی اندر گہرا کام کیا۔
یہ محض ایک واقعہ نہیں — یہ ایک المیہ ہے جو ہمیں سوچنے پر مجبور کرتا ہے کہ وردی کے پیچھے کھڑا شخص بھی انسان ہوتا ہے۔ ہم میں سے کتنے لوگ ان “ خاموش لوگوں” کے دکھوں کو محسوس کرتے ہیں؟
اللّٰہ تعالیٰ اُن کی مغفرت فرمائے، اُن کے درجات بلند کرے، اور اہلِ خانہ کو صبرِ جمیل عطا فرمائے۔ آمین۔
اگر آپ یا آپ کا کوئی جاننے والا شدید ذہنی دباؤ کا شکار ہے، تو براہِ کرم خاموش نہ رہیں۔ مدد مانگنا کمزوری نہیں، حکمت ہے۔
