02/01/2026
بینظیر انکم سپورٹ پروگرام کے تحت مستحق خواتین کو جاری کی جانے والی سم کے استعمال سے متعلق اہم ہدایات جاری کر دی گئی ہیں حکام کا کہنا ہے کہ سم موصول ہونے کے بعد فوری طور پر اسے اپنے موبائل میں ڈال کر نیٹ ورک چیک کریں اور اگر سم غیر فعال ہو تو کیمپ پر موجود متعلقہ عملے کو فوراً آگاہ کریں
ترجمان کے مطابق یہ سم کال میسج اور انٹرنیٹ کے لیے استعمال کی جا سکتی ہے تاہم صارفین کو مشورہ دیا گیا ہے کہ سم کو فعال رکھنے کیلئے معمولی بیلنس ضرور ڈلوایا جائے کسی بھی دکاندار یا فرد کے ذریعے اس سم پر اکاؤنٹ بنانے سے سختی سے منع کیا گیا ہے کیونکہ بینظیر انکم سپورٹ پروگرام خودکار طور پر اسی سم پر والٹ اکاؤنٹ بنا دیتا ہے
مزید بتایا گیا ہے کہ رقم ٹرانسفر ہونے کی صورت میں خفیہ کوڈ بھی اسی سم پر بھیجا جاتا ہے جسے کسی صورت شیئر نہ کیا جائے اور نہ ہی ڈیلیٹ کیا جائے، تاکہ رقم محفوظ رہے مستحقین یہ رقم اپنی سہولت کے مطابق کسی بھی مقام سے نکلوا سکتے ہیں جبکہ بجلی گیس بل اور ایزی لوڈ کی ادائیگی بھی اسی کے ذریعے ممکن ہے
ادارے کے مطابق تمام پیغامات 8171 کی جانب سے اسی سم پر بھیجے جائیں گے لہٰذا سم کی حفاظت کو یقینی بنایا جائے مزید رہنمائی کے لیے قریبی تحصیل آفس بینظیر انکم سپورٹ پروگرام سے رابطہ کرنے کی ہدایت بھی جاری کی گئی ہے
