27/10/2025
رحیم یار خان: آٹو مارکیٹ میں ناجائز تجاوزات کے خلاف پیرا فورس کا بڑا آپریشن
رحیم یار خان (سی ای او محمد ذوالقرنین خان نیازی) پیرا فورس نے آٹو مارکیٹ میں ناجائز تجاوزات کے خلاف بھرپور آپریشن کیا آپریشن کی قیادت ایس ایس ڈی ای او ضیاء اللہ گوندل نے کی، جبکہ سینیئر سارجنٹ صادق مصطفی، شہزاد (انویسٹیگیشن افسر) اور انفورسمنٹ افسر عاطف بھی ٹیم کے ہمراہ موجود تھےذرائع کے مطابق آٹو مارکیٹ میں طویل عرصے سے غیر قانونی شیڈز، تھڑے اور تعمیرات قائم تھیں جنہیں متعدد نوٹسز کے باوجود ختم نہیں کیا گیاپولیس اور انتظامیہ نے مشترکہ کارروائی کرتے ہوئے تمام غیر قانونی تعمیرات مسمار کر دیں اور مارکیٹ کی سڑکوں اور گزرگاہوں کو صاف کر دیاحکام کے مطابق شہر میں تجاوزات کے خاتمے کے لیے یہ کارروائیاں مرحلہ وار جاری رہیں گی تاکہ عوامی آمدورفت میں حائل رکاوٹوں کو ختم کیا جا سکے مقامی تاجروں کو ہدایت کی گئی ہے کہ وہ از خود اپنی تجاوزات ختم کریں ورنہ سخت قانونی کارروائی عمل میں لائی جائے گی انتظامیہ کا کہنا ہے کہ شہری تعاون کریں تاکہ شہر کو صاف، خوبصورت اور ٹریفک کے لیے کھلا رکھا جا سکے
