INN News Channel

14/08/2025

14/08/2025

03/08/2025

19/07/2025

13/07/2025

🗣️ عوامی آواز: ڈنہ نمبر چار اسکول میں تقریب، لیکن اسکول کی حالت اب بھی ویسی کی ویسی!

ڈنر نمبر چار، حلقہ نمبر تین، آزاد کشمیر:
یہ سن کر دل خوش ہوا کہ ہمارے قابل احترام ماسٹر رفیق صاحب کی ریٹائرمنٹ پر 15 جولائی کو ایک شاندار تقریب رکھی جا رہی ہے جس میں حلقے کے ایم ایل اے، سردار حاجی یعقوب صاحب کی آمد متوقع ہے۔ ماسٹر صاحب کی خدمات کسی تعارف کی محتاج نہیں، انہوں نے تعلیم کے میدان میں جو چراغ جلایا وہ آج بھی روشنی دے رہا ہے۔

لیکن دوسری طرف عوام کے دل میں ایک زخم پھر سے ہرا ہو گیا ہے – وہی اسکول، وہی عمارت، وہی خستہ حال دیواریں، اور وہی ٹوٹی چھتیں۔ آج بھی ہمارے بچے اسی اسکول میں بیٹھتے ہیں جہاں نہ مناسب کلاس روم ہیں، نہ بیٹھنے کا بندوبست، نہ ہی بنیادی سہولیات۔

کیا یہ وہی اسکول نہیں جس کے لیے ہمارے نوجوانوں نے پرامن احتجاج کیا تھا؟ جس پر انہیں رمضان کے مہینے میں گرفتار کر کے تھانے میں پانچ دن رکھا گیا؟ کیا ان کا قصور صرف یہ تھا کہ وہ اپنی نسلوں کے لیے ایک بہتر تعلیمی ماحول مانگ رہے تھے؟

تاہم، اسی اسکول کی خستہ حالی اور عدم تعمیر پر علاقے کے عوام میں شدید غم و غصہ پایا جاتا ہے۔ یاد رہے کہ کچھ عرصہ قبل جب سردار حاجی یعقوب صدر ریاست تھے، تب اس اسکول کی تعمیر کے لیے پرامن احتجاج کیا گیا۔ اس احتجاج میں شامل کئی نوجوانوں کو گرفتار کیا گیا اور رمضان المبارک کے مقدس مہینے میں انہیں پانچ روز تک تھانے میں رکھا گیا۔ اس واقعے کو عوام آج بھی زیادتی اور ناانصافی کی علامت سمجھتے ہیں۔

اہم بات یہ ہے کہ آزاد کشمیر بھر میں یہ واحد اسکول ہے جو تاحال ایرا یا سرا جیسے تعمیراتی منصوبوں میں شامل نہ ہو سکا۔ اسکول کی عمارت خستہ حالی کا شکار ہے اور بچے آج بھی بنیادی تعلیمی سہولیات سے محروم ہیں۔ کلاس رومز کی کمی، بیٹھنے کے نامناسب انتظامات اور ناقص عمارت والدین اور طلبہ کے لیے شدید پریشانی کا باعث بنے ہوئے ہیں۔

علاقے کے بزرگ اور نوجوان آج بھی اس ناانصافی کو نہیں بھولے۔ سردار حاجی یعقوب صاحب کی آمد پر عوام بھرپور انداز میں اپنا احتجاج ریکارڈ کروانے کا ارادہ رکھتے ہیں – پر امن طریقے سے، لیکن مؤثر انداز میں۔

یہ سوال آج ہر ماں کے دل میں ہے: کیا میرے بچے کو بھی وہی پرانی چھت تلے بیٹھ کر خواب دیکھنے ہوں گے؟
منجانب عوامی علاقہ ڈنر نمبر چار

30/06/2025

29/06/2025

کھایگلہ علی سوجل روڈ

*سردار یعقوب عوامی مجرم ، حلقہ 3 کی محرومیوں کا ذمہ دار یے ، 10 جولائی تک کھائی گلہ علی سوجل روڈ پر کام شروع نہ ہوا تو گوئیں نالہ روڈ پر غیر معینہ مدت کے لئے دھرنا دیں گے ۔ ایکسٹرا اسسٹنٹ کمشنر زائد چوہان اور زین السلام کی جرگہ آمد ، کل سے مذاکرات شروع کئے جائیں گے۔ محکمہ شاہرات سمیت انتظامیہ کل کھائی گلہ علی سوجل روڈ کا وزٹ کرئے گی* ، معززین علاقہ محکمہ کے ساتھ ہوں گے۔

کھائی گلہ علی سوجل روڈ کی ناقص تعمیر ، بقیہ کام میں تاخیر کے حوالے سے احتجاجی شیڈول جاری کرنے کے حوالے سے عوامی جرگہ منعقد کیا گیا ۔ جسمیں جبوتہ سے اہم سیاسی و سماجی شخصیات نے شرکت کی۔ جرگہ کی صدارت سابق امیدوار اسمبلی ڈاکٹر عرفان اشرف نے کی۔ عوامی جرگہ سے چئیرمین مصری خان ، وائس چئیرمین UC پکھر سردار لیاقت، کونسلر پکھر نکہ وارڈ سردار سرور سدوزئی، کونسلر چھوٹی نکر وارڈ سردار اخلاق رفیق ، حلقہ صدر حق دو تحریک سردار اکرام منصف، جنرل سکریٹری سردار قمر رشید، سردار سرور خان ، سردار اعظم گل، سردار شوکت ایڈوکیٹ، سردار جمیل خان، سردار خالد ، راجہ سلیم، سردار صوبیدار حلیم سمیت دیگر معززین علاقہ نے شرکت کی۔ جرگہ سے ڈاکٹر عرفان اور دیگر نے خطاب کرتے ہوئے کہا کہ کھائی گلہ علی سوجل روڈ کی ناقص تعمیر اور بقیہ کام میں تاخیر پر تشویش ہے۔ مقررین نے حلقہ MLA پر شدید تنقید کرتے ہوئے سردار یعقوب کو عوامی مجرم قرار دیا ۔ عوام علاقہ نے کہا کہ سردار یعقوب نے 40 سالہ دور اقتدار میں اس علاقے کا بدترین استحصال کیا ہے ۔لیکن اب پانی سر سے اونچا ہو چکا ہے۔ مقررین نے کہا کہ کھائی گلہ علی سوجل روڈ کا کام میں تاخیر کا زمہ دار سردار یعقوب ہے ۔ سردار یعقوب اور ٹھیکیداروں کی ملی بھگت سے کھائی گلہ علی سوجل روڈ کا کام تاخیر کا شکار ہے۔ *مقررین نے واضع کیا کہ حکومت کے پاس 10 جولائی کا وقت ہے اگر کام شروع نہ ہوا تو 11 جولائی کو گوئیں نالہ روڈ بند کر دیں گے* ۔ عوامی جرگہ کے دوران ایکسٹرا اسسٹنٹ کمشنر زائد چوہان اور محکمہ شاہرات سے انجنئیر زین السلام نے شرکت کی اور کھائی گلہ علی سوجل روڈ کے حوالے سے مذاکرات کی دعوت دی۔ جرگہ کے عمائدین نے مشاورت سے 7 رکنی کمیٹی جن میں سردار اکرام ، سردار جمیل ، سردار سرور سدوزئی، سردار اخلاق رفیق، سردار خالد ، سردار قمر رشید اور وائس چئیرمین سردار لیاقت اور راجہ سلیم شامل ہیں۔
عوامی جرگہ اور انتظامیہ کے درمیان یہ طے پایا کہ کل دن بروز سوموار دن 11 بجے انتظامیہ اور محکمہ شاہرات کا عملہ کھائی گلہ علی سوجل روڈ کا وزٹ کرئے گا اور عوامی خدشات ، شکایات کا ازالہ کرتے ہوے اگلے چند روز میں سڑک کا کام شروع کروائے گا ۔ عوامی جرگہ نے واضع کیا کہ اگر کام شروع نہ ہوا تو 11 جولائی کی گوئیں نالہ بند کی کال اپنی جگہ موجود ہے ، کام شروع نہ ہونے کی صورت میں 11 جولائی کو گوئیں نالہ روڈ پر غیر معینہ مدت کے لئے دھرنا دیا جائے گا۔