PiD Poonch Rawlakot

09/04/2026

01/03/2026

پونچھ راولاکوٹ
موجودہ ملکی صورتِ حال کے پیشِ نظر اسٹیٹ ڈیزاسٹر مینجمنٹ اتھارٹی آزاد کشمیر کے ڈائریکٹر جنرل کی ہدایت پر ریسکیو 1122 آزاد کشمیر سمیت تمام افسران و ملازمین کی چھٹیوں پر فوری طور پر پابندی عائد کر دی گئی ہے۔
جاری کردہ احکامات کے مطابق تمام افسران و اہلکاران کو ہمہ وقت الرٹ رہنے، اپنی حاضری کو یقینی بنانے اور کسی بھی ہنگامی صورتحال سے نمٹنے کے لیے جملہ ضروری سامان، مشینری اور گاڑیوں کو مکمل طور پر فعال اور تیار حالت میں رکھنے کی ہدایت کی گئی ہے۔ واضح کیا گیا ہے کہ کسی بھی قسم کی غفلت یا لاپرواہی ہرگز برداشت نہیں کی جائے گی۔
مزید برآں، ضلعی و تحصیل سطح پر قائم کنٹرول رومز کو مکمل طور پر فعال رکھنے، ایمرجنسی رسپانس ٹیموں کو فوری نقل و حرکت کے لیے تیار رکھنے اور متعلقہ اداروں کے درمیان مؤثر رابطہ کاری اور بروقت اطلاعات کے تبادلے کو یقینی بنانے کی بھی ہدایات جاری کی گئی ہیں۔
اس موقع پر ریسکیو آفیسر ضلع پونچھ، جمیل حمید نے اپنے بیان میں کہا کہ:
“ریسکیو 1122 ضلع پونچھ کا تمام عملہ مکمل طور پر الرٹ ہے۔ کنٹرول رومز فعال ہیں اور ایمرجنسی رسپانس ٹیمیں کسی بھی ہنگامی صورتحال سے نمٹنے کے لیے ہمہ وقت تیار ہیں۔ عوام الناس سے گزارش ہے کہ وہ افواہوں پر کان نہ دھریں اور کسی بھی ایمرجنسی کی صورت میں فوری طور پر ریسکیو ہیلپ لائن 1122 پر رابطہ کریں۔”
انہوں نے مزید کہا کہ عوام کے جان و مال کا تحفظ ہماری اولین ترجیح ہے اور تمام ادارے باہمی تعاون کے ساتھ ہر ممکن صورتحال کا مقابلہ کرنے کی مکمل صلاحیت رکھتے ہیں۔

20/02/2026

*رمضان المبارک کے پیش نظر ڈسٹرکٹ فوڈ اتھارٹی پونچھ کی خصوصی کارروائی*

*مورخہ 19 فروری 2026*

آ زاد جموں و کشمیر فوڈ اتھارٹی پونچھ نے *رمضان المبارک* کے تناظر میں عوام الناس کو محفوظ، معیاری اور صحت بخش اشیائے خورونوش کی فراہمی یقینی بنانے کے لیے شہر کے مختلف بازاروں میں باقاعدہ اور جامع انسپکشن مہم کا انعقاد کیا۔

کارروائی کے دوران پکوڑا و سموسہ شاپس، بیکری آئٹمز کی تیاری و فروخت کے مراکز، سبزی و فروٹ فروشوں کا تفصیلی معائنہ کیا گیا۔ ٹیم نے صفائی و حفظانِ صحت کے انتظامات، اشیاء کی کوالٹی، آئل کے معیار، اسٹوریج کنڈیشنز اور لیبلنگ کے تقاضوں کا باریک بینی سے جائزہ لیا۔
انسپکشن کے دوران *3 لیٹر بدبودار و ناقص (Rancid) کوکنگ آئل* برآمد ہوا جسے موقع پر ضبط کر کے تلف کر دیا گیا، *فوڈ اتھارٹی ایکٹ 2017 کے خلاف ورزیوں پر 7000 روپےجرمانہ* عائد کیا گیا ،جبکہ متعلقہ دکاندار کو سخت تنبیہ جاری کرتے ہوئے آئندہ خلاف ورزی کی صورت میں سخت قانونی کارروائی سے آگاہ کیا گیا۔
کارروائی کی قیادت *ڈسٹرکٹ فوڈ کنٹرولر امتیاز لعل نے کی، ان کے ہمراہ فوڈ ٹیکنالوجسٹ اور معاون عملہ* بھی شامل تھا۔ حکام نے واضح کیا کہ رمضان المبارک کے دوران غیر معیاری، مضرِ صحت یا زائدالمیعاد اشیاء کی فروخت کسی صورت برداشت نہیں کی جائے گی اور قانون کے مطابق بلاامتیاز کارروائی جاری رہے گی۔

16/02/2026

راولاکوٹ (پی آئی ڈی)16 فروری 2026
کمشنر پونچھ ڈویژن سردار وحید خان کی زیرِ صدارت ڈویژن کے چاروں اضلاع کے ڈپٹی کمشنرز کا اہم اجلاس کمشنر آفس کے کمیٹی روم میں منعقد ہوا۔ اجلاس میں ڈپٹی کمشنر پونچھ سید ممتاز کاظمی، ڈپٹی کمشنر سدھنوتی سردار عمر فاروق، ڈپٹی کمشنر باغ عاصم خالد اعوان، ایڈیشنل ڈپٹی کمشنر جنرل پونچھ سردار عبدالقادر اور اسسٹنٹ کمشنر حویلی سرفراز شاد سمیت دیگر افسران نے شرکت کی۔
اجلاس میں رمضان المبارک کے بابرکت مہینے میں عوام کو زیادہ سے زیادہ سہولیات کی فراہمی اور اشیائے خوردونوش کی قیمتوں کو کنٹرول رکھنے کے حوالے سے تفصیلی غور کیا گیا۔ کمشنر پونچھ ڈویژن نے ہدایت کی کہ ڈویژن کے تمام ضلعی ہیڈکوارٹرز اور تحصیل سطح تک اشیائے ضروریہ کی قیمتوں کو مستحکم رکھا جائے اور عوام کو ریلیف فراہم کرنے کے لیے سستے بازاروں کے انعقاد کو یقینی بنایا جائے۔
انہوں نے ہدایت کی کہ مجسٹریٹس روزانہ کی بنیاد پر بازاروں کا معائنہ کریں اور ذخیرہ اندوزی و ناجائز منافع خوری کے خلاف سخت کارروائی عمل میں لائی جائے تاکہ عوام کو رمضان المبارک میں ریلیف مل سکے۔ دور دراز علاقوں کے بازاروں پر خصوصی توجہ دینے اور وہاں بھی قیمتوں کے کنٹرول کو یقینی بنانے کی ہدایت جاری کی گئی۔
اجلاس میں رمضان المبارک کے دوران کرایہ نامہ پر مکمل عملدرآمد کو یقینی بنانے پر بھی زور دیا گیا۔ کمشنر نے کہا کہ رمضان کے آخری ایام میں ٹرانسپورٹرز کی جانب سے زائد کرایہ وصول کرنے کی شکایات سامنے آتی ہیں، اس لیے اس عمل کی سخت نگرانی کی جائے اور خلاف ورزی کرنے والوں کے خلاف کارروائی عمل میں لائی جائے۔ کمشنر پونچھ نے ڈپٹی کمشنرز کو مناسب جگہوں پر قبرستانوں کے لیے جگہ مختص کرنے کی بھی ہدایت کی
اجلاس کے اختتام پر کمشنر پونچھ ڈویژن نے ہدایت کی کہ تمام ضلعی انتظامیہ عوامی ریلیف کے لیے متحرک کردار ادا کرے اور رمضان المبارک میں سہولیات کی فراہمی کو یقینی بنایا جائے

14/02/2026

وزیر اطلاعات رفیق نئیر کا اوورسیز کشمیریز کنونشن کے حوالے سے خصوصی پیغام

14/02/2026

راولاکوٹ (پی آئی ڈی)

آزاد کشمیر کے معروف سیاحتی مقام تولی پیر پر آزاد جموں و کشمیر ونٹر سپورٹس ایسوسی ایشن ، محکمہ سپورٹس یوتھ اینڈ کلچر اور محکمہ سیاحت و آثار قدیمہ کے اشتراک سے سنو اسکیئنگ فیسٹیول کی اختتامی تقریب منعقد ہوئی۔ تین روزہ فیسٹیول میں ملک بھر سے اسکیئنگ ایتھلیٹس نے بھرپور شرکت کی جس کی
اختتامی تقریب میں صدر آزاد کشمیر ونٹر سپورٹس ایسوسی ایشن ائیر کموڈور (ر) شاہد ندیم، ڈپٹی ڈائریکٹر سپورٹس پونچھ ڈویژن لقمان فاروق، ضلعی آفیسر اطلاعات ناصر لطیف، اسسٹنٹ ڈائریکٹر سیاحت و آثار قدیمہ پونچھ سردار وقاص مظفر سمیت دیگر مہمانانِ گرامی نے شرکت کی۔
تقریب کے دوران مقابلہ جات میں نمایاں کارکردگی دکھانے والے ایتھلیٹس میں انعامات اور شیلڈز تقسیم کی گئیں۔ فیسٹیول میں پاکستان بھر، آزاد کشمیر اور گلگت بلتستان سے کھلاڑیوں نے شرکت کر کے اپنی صلاحیتوں کا بھرپور مظاہرہ کیا۔
مقررین نے خطاب کرتے ہوئے کہا کہ تولی پیر سنو اسکیئنگ کے ساتھ ساتھ گراس اسکیئنگ کے لیے بھی انتہائی موزوں مقام ہے۔ ایسے کھیلوں کے انعقاد سے علاقے میں سیاحت، ثقافت اور کھیلوں کو فروغ ملے گا اور نوجوانوں کو صحت مند سرگرمیوں کی جانب راغب کرنے میں مدد ملے گی۔