15/06/2026
پاک فضائیہ کا تربیتی طیارہ معمول کی تربیتی پرواز کے دوران مردان کے قریب حادثے کا شکار ہو گیا۔
آئی ایس پی آر کے مطابق حادثے میں پاک فضائیہ کے فلائٹ لیفٹیننٹ محمد قاسم عبداللّٰہ اور پاک بحریہ کے لیفٹیننٹ طہٰ عباسی شہید ہو گئے۔
حادثے کی وجوہات جاننے کے لیے ایئر ہیڈکوارٹرز کی جانب سے تحقیقاتی بورڈ بنا دیا گیا ہے۔
آئی ایس پی آر کا کہنا ہے کہ فیلڈ مارشل سید عاصم منیر نے المناک حادثے پر گہرے دکھ اور افسوس کا اظہار کرتے ہوئے شہداء کے اہلِ خانہ سے دلی تعزیت کی ہے۔
سروسز چیفس، مسلح افواج کے افسران اور جوانوں نے بھی حادثے پر گہرے دکھ اور دلی تعزیت کا اظہار کیا ہے۔
وزیرِ اعلیٰ پنجاب مریم نواز نے مردان کے قریب پاک فضائیہ کے تربیتی طیارے کے حادثے پر اظہارِ افسوس کرتے ہوئے جامِ شہادت نوش کرنے والے دونوں پائلٹس کو خراجِ عقیدت پیش کیا ہے۔
وزیرِ اعلیٰ مریم نواز نے شہید پائلٹس کے لواحقین سے دلی ہمدردی و اظہار تعزیت کیا ہے، حادثے میں زخمیوں کی جلد صحت یابی کے لیے دعا کی ہے۔
