Sajjad Khan Crime Reporter

18/08/2026

| ٹیکسلا ٹک ٹاکر قتل کیس

ٹیکسلا میں ٹک ٹاکر عائشہ گیلانی کے قتل کیس میں پولیس کی تفتیش میں اہم پیش رفت سامنے آئی ہےپولیس کے مطابق سی سی ٹی وی فوٹیجز اور دیگر شواہد کی مدد سے مشتبہ افراد کو حراست میں لے کر تفتیش آگے بڑھائی جا رہی ہے

ذرائع کے مطابق تفتیش میں مبینہ طور پر مالی تنازع اور دیگر پہلوؤں کو بھی شاملِ تفتیش کیا جا رہا ہے، جبکہ پولیس مزید شواہد اکٹھے کر رہی ہے۔

جہاں سچ نیوز کا مطالبہ ہے کہ واقعے کی شفاف اور میرٹ پر تفتیش مکمل کی جائے اور اگر ملزمان کے خلاف شواہد ثابت ہوں تو قانون کے مطابق سخت کارروائی عمل میں لائی جائے۔

📍 عوام سے اپیل: اگر کسی شہری کے پاس واقعے سے متعلق کوئی مستند معلومات یا ثبوت موجود ہو تو متعلقہ پولیس کو فراہم کرے۔

15/08/2026

10/08/2026

ملک سہیل اختر کے انسان دوستی اور وفاداری پر مبنی اقدام کے موقع پر سیاسی، سماجی و کاروباری شخصیات کی شرکت۔
اس موقع پر چیف ایڈیٹر ملک شکیل اعوان بھی موجود تھے، جنہوں نے اس مثبت اور انسان دوست اقدام کو سراہا۔
یہ صرف ایک مکان کی خریداری نہیں بلکہ محبت، وفاداری اور انسانیت کی ایک خوبصورت مثال ہے۔
جہانِ سچ نیوز — خبر کے ساتھ انسانی احساس بھی اجاگر کرنے کا عزم۔

06/08/2026

اور اس وقت موجود ہوں واہ کینٹ، مالاکنڈ اسٹاپ، جنرل ہسپتال کے قریب، جہاں انسانی بالوں کا ایک بڑا گودام موجود ہے اور یہاں بڑے پیمانے پر بالوں کی خرید و فروخت کی جا رہی ہے۔

اسلامی تعلیمات کی روشنی میں بہت سے علماء انسانی بالوں کی خرید و فروخت کو ناجائز قرار دیتے ہیں۔ اس کے باوجود یہاں یہ کاروبار کھلے عام جاری ہے، جس پر کئی سوالات جنم لیتے ہیں۔

سب سے اہم سوال یہ ہے کہ اس گودام کو آخر کس سرکاری ادارے نے اس کاروبار کی اجازت دی ہے؟ اگر ان کے پاس کوئی لائسنس یا اجازت نامہ موجود ہے تو وہ کس محکمے کی جانب سے جاری کیا گیا ہے؟

مزید یہ کہ ہمیں ایک سرٹیفکیٹ بھی دکھایا گیا ہے جو بظاہر راولپنڈی سے جاری کیا گیا ہے۔ متعلقہ اداروں سے گزارش ہے کہ اس سرٹیفکیٹ کی حقیقت، قانونی حیثیت اور اس کی بنیاد پر اس کاروبار کی اجازت کی مکمل جانچ کی جائے تاکہ عوام کے سامنے حقائق واضح ہو سکیں۔

آئیے عوام سے بھی جانتے ہیں کہ وہ اس کاروبار کے بارے میں کیا رائے رکھتے ہیں۔ کیا ایسے کاروبار کی باقاعدہ نگرانی ہونی چاہیے؟ اور اگر اس میں کوئی قانونی یا انتظامی خلاف ورزی موجود ہے تو کیا کارروائی کی جانی چاہیے؟

ہم ضلعی انتظامیہ اور تمام متعلقہ اداروں سے مطالبہ کرتے ہیں کہ اس معاملے کی شفاف تحقیقات کی جائیں، متعلقہ ریکارڈ کی جانچ کی جائے، اور اگر کوئی خلاف ورزی سامنے آئے تو قانون کے مطابق کارروائی عمل میں لائی جائے۔

کیمرہ مین کے ساتھ، سجاد خان، واہ کینٹ

02/08/2026

راولپنڈی مری روڈ پر کشمیر میں جاری ظلم کے خلاف احتجاج کیلئے آئے ہوئے نوجوان پر پولیس کی جانب سے بدترین تشدد۔ ظلم و بربریت دیکھنے کے لیے کسی کو مقبوضہ کشمیر یا فلسطین جانے کی ضرورت نہیں ہے

01/08/2026

گزشتہ کچھ دنوں سے SHO آصف خان کے حوالے سے مختلف الزامات اور خبریں سامنے آ رہی ہیں۔ ہماری گزارش صرف اتنی ہے کہ اگر کسی کے پاس کسی بھی قسم کے الزامات کے متعلق ٹھوس شواہد موجود ہیں تو وہ انہیں منظرِ عام پر لائے۔

صرف ایک پوسٹ لگا دینا یا الزام عائد کر دینا کافی نہیں۔ اگر آپ کسی SHO یا کسی بھی سرکاری افسر پر سنگین الزام لگا رہے ہیں تو اس کے ساتھ ویڈیوز، دستاویزی ثبوت، ریکارڈ یا دیگر قابلِ تصدیق شواہد بھی پیش کریں تاکہ حقیقت عوام کے سامنے آ سکے۔

اگر کسی ٹیم کا کوئی فرد کسی غلط کام میں ملوث ہے تو اس کی ذمہ داری کا تعین بھی شواہد کی بنیاد پر ہونا چاہیے۔ کسی ایک شخص پر بغیر ثبوت الزام عائد کرنا نہ انصاف ہے اور نہ صحافتی اصولوں کے مطابق۔

واہ کینٹ کے عوام خود فیصلہ کرنے کی صلاحیت رکھتے ہیں اور وہ ہر افسر کی کارکردگی کو بھی دیکھتے ہیں۔ کسی بھی معاملے میں اگر کوئی بے ضابطگی یا بدعنوانی ہوئی ہے تو اس کے متعلق ٹھوس شواہد متعلقہ اداروں کے سامنے پیش کیے جائیں تاکہ قانون کے مطابق کارروائی ہو سکے۔

جہانِ سچ نیوز کی جانب سے ہمارا مؤقف واضح ہے کہ ہم شواہد پر مبنی صحافت پر یقین رکھتے ہیں۔ اگر کسی کے پاس ثبوت ہیں تو وہ سامنے لائے جائیں، تاکہ حقیقت بھی واضح ہو اور انصاف بھی ہوتا ہوا نظر آئے

26/07/2026

واہ کینٹ، منیر آباد، لالہ زار اور گردونواح کے عوام کی توجہ!

گیس لیکیج یا دیگر کاموں کے لیے گلیوں اور سڑکوں میں کھدائی کی جاتی ہے، مگر افسوس کہ متعدد مقامات پر کام مکمل ہونے کے بعد کھودے گئے گڑھوں اور ٹوٹی ہوئی سڑکوں کو بحال نہیں کیا جاتا۔ اس کے باعث شہریوں، بچوں، بزرگوں اور موٹر سائیکل سواروں کو شدید مشکلات اور حادثات کے خطرات کا سامنا رہتا ہے۔

اگر گیس لائن کی مرمت ضروری ہے تو عوام کی سہولت کو بھی یقینی بنایا جائے۔ کام مکمل ہونے کے بعد سڑکوں اور گلیوں کو فوری طور پر پہلے جیسی حالت میں بحال کرنا متعلقہ اداروں کی ذمہ داری ہے۔

متعلقہ حکام سے مطالبہ ہے کہ واہ کینٹ، منیر آباد، لالہ زار اور دیگر متاثرہ علاقوں میں کھودی گئی گلیوں اور سڑکوں کی فوری مرمت اور بحالی کو یقینی بنایا جائے تاکہ شہری مزید پریشانی سے بچ سکیں۔

23/07/2026

21/07/2026

🚨 واہ کینٹ قتل کیس میں پولیس کی شاندار کارروائی

صرف ایک گھنٹے کے اندر ملزم گرفتار کرکے حوالات میں بند کر دیا گیا۔

ایس ایچ او آصف خان اور واہ کینٹ پولیس ٹیم کو بروقت اور مؤثر کارروائی پر خراجِ تحسین۔ امید ہے کہ متاثرہ خاندان کو جلد انصاف ملے گا۔

Well Done SHO Asif Khan & Wah Cantt Police Team. 👏🇵🇰