Daily Muhim Peshawar

01/09/2026

راولپنڈی کی تقریباً ہر دوسری گلی کھودی ہوئی ہے، پھول بوٹے تارے ستارے لگا کر بیوٹی فیکشن ہو رہی ہے۔ لیکن شہروں کو میک اپ کی نہیں، سرجری کی ضرورت ہے۔ شہروں کو اچھا سیوریج سسٹم چاہیے۔

01/09/2026

راولپنڈی

01/09/2026

*گجرات: جنسی زیادتی کے بعد کزن کے ہاتھوں قتل 4 سالہ بچی کی میڈیکل رپورٹ سامنے آگئی*

ملزم جاں بحق ہونے والی 4 سالہ نور فاطمہ کا چچا زاد بھائی ہے

01/09/2026

راولپنڈی کے اولڈ ایئرپورٹ روڈ پر شدید سیلابی صورتحال اور ٹریفک کی بندش شہریوں کے لیے ایک انتہائی تکلیف دہ صورتحال ہے۔

01/09/2026

*شہید کی جو موت ہے وہ قوم کی حیات ہے*

چاغی (بلوچستان) میں دہشتگردوں سے لڑتے ہوئے کیپٹن عبید جام شہادت نوش کرگئے، 18 دہشتگرد جہنم واصل

31/08/2026

*پاکستان،سعودی عرب اور ترکیہ کے درمیان مکہ مشترکہ دفاعی معاہدہ*

مکہ مشترکہ دفاعی معاہدے کے تحت قائم اسٹریٹجک سیاسی ودفاعی کمیٹی کا پہلا اجلاس آج استنبول میں ہوگا

اجلاس سے قبل ترک وزیر دفاع یاشار گولر کی وزیر دفاع خواجہ محمد آصف سے ملاقات

ملاقات میں میں ترک چیف آف جنرل اسٹاف جنرل سلچوک بائرکتار اوغلو بھی شریک تھے

ملاقات میں وزیر دفاع خواجہ آصف اور ترک قیادت کا خطے میں مشترکہ دفاعی تعاون بڑھانے پراتفاق

30/08/2026

فیلڈ مارشل و چیف آف ڈیفنس فورسز سید عاصم منیر سرکاری دورے پر ترکیہ پہنچ گئے۔

راولپنڈی(مہم نیوز)فیلڈ مارشل و چیف آف ڈیفنس فورسز سید عاصم منیر سرکاری دورے پر ترکیہ پہنچ گئے۔پاک فوج کے شعبہ تعلقاتِ عامہ (آئی ایس پی آر)کے مطابق فیلڈ مارشل سید عاصم منیر کا یہ دورہ پاکستان اور ترکیہ کے درمیان دفاعی و سٹریٹجک تعاون کو مزید مضبوط بنانے کے تناظر میں اہم قرار دیا جا رہا ہے۔

ترجمان پاک فوج کا کہنا تھا کہ دورے کے دوران سید عاصم منیر کی ترکیہ کی سیاسی اور عسکری قیادت سے اہم ملاقاتیں متوقع ہیں جن میں باہمی دلچسپی کے امور، علاقائی سلامتی کی صورتحال اور دفاعی تعاون پر تبادلہ خیال کیا جائے گا۔ خیال رہے پاکستان اور ترکیہ کے درمیان تاریخی، برادرانہ اور سٹریٹجک تعلقات کے ساتھ ساتھ دفاعی شعبے میں بھی قریبی تعاون جاری ہے، حالیہ پیش رفت میں پاکستان، ترکیہ اور سعودی عرب کے درمیان دفاعی تعاون کو مزید آگے بڑھانے کے لیے اعلی سطحی رابطے بھی جاری ہیں۔

30/08/2026

ایک بار پھر آج پھر نیپال کو ایک اور سیلاب کی لہر کا سامنا ہے۔

30/08/2026

‎سیکیورٹی فورسز کی جنوبی بلوچستان میں اہم کارروائی؛ فتنة الہندوستان (بی ایل اے) کی جانب سے خودکش بمبار کے طور پر تیار کی گئی دو کمسن لڑکیاں گرفتار
*کوئٹہ*: بلوچستان لبریشن آرمی (بی ایل اے) فتنة الہندوستان کا کمسن لڑکیوں کو خودکش حملے کے لیے استعمال کرنے کا منصوبہ سیکیورٹی فورسز کے انٹیلی جنس بیسڈ آپریشن کے نتیجے میں ناکام بنا دیا گیا۔ انٹیلیجنس معلومات پر کی گئی اس کارروائی کے دوران 16 سالہ زینب اور اس کی 12 سالہ کزن فاطمہ کو محفوظ تحویل میں لے لیا گیا۔
اس آپریشن کی تفصیلات کوئٹہ میں ایک پریس کانفرنس کے دوران سامنے لائی گئیں، جس کی قیادت صوبائی وزیر داخلہ بلوچستان میر ضیاء اللہ لانگو نے کی اور دونوں لڑکیاں بھی ان کے ہمراہ موجود تھیں۔ میڈیا سے گفتگو کرتے ہوئے ضیاء اللہ لانگو نے بتایا کہ اس بریفنگ کا بنیادی مقصد بی ایل اے کے مذموم ہتھکنڈوں کو بے نقاب کرنا ہے۔ انہوں نے قانون نافذ کرنے والے اداروں کی مسلسل کوششوں کا ذکر کرتے ہوئے کہا کہ اگرچہ کوئی واقعہ رونما ہونے پر عوام سیکیورٹی اقدامات پر سوال اٹھاتے ہیں، لیکن سیکیورٹی ادارے پس پردہ ایسے درجنوں منصو بوں کو خاموشی سے ناکام بناتے ہیں۔
انٹروگیشن کے دوران دونوں لڑکیوں نے اپنے ساتھ پیش آنے والے المناک واقعات اور جبر کا انکشاف کیا۔ زینب نے بتایا کہ اس کے شوہر سیف کو بی ایل اے کے ایک مقامی کمانڈر کی تنظیم کے لیے کام کرنے سے انکار پر نشانہ بنا کر قتل کر دیا گیا تھا۔ اسی عسکریت پسند نیٹ ورک نے اس کے خاندان کے دیگر 8 سے 10 افراد کو بھی قتل کیا۔ سیف کے قتل کے بعد، مذکورہ کمانڈر نے زینب سے مسلسل رابطہ قائم رکھا اور اس کے شوہر کے قتل کا جھوٹا الزام ریاستی اداروں پر لگا کر اسے انتقام کے لیے جذباتی طور پر بلیک میل کیا۔ فاطمہ، جس کے والد بھی بی ایل اے کے ایک حملے میں شہید ہوئے تھے، زینب سے قریبی تعلق کی وجہ سے اس نیٹ ورک کے دام میں آ گئی۔
غم اور جھوٹے بیانیے سے متاثر ہو کر، دونوں لڑکیاں ایک خفیہ مقام پر پہنچیں جہاں انہیں 40 دن تک محبوس رکھا گیا۔ اس قید کے دوران عسکریت پسندوں نے ان پر تشدد کیا اور مقامی کمانڈر نے زینب کے ساتھ نامناسب رویہ اختیار کرنے کی کوشش کی۔ جب بھی لڑکیاں کمانڈر سے براہِ راست ملنے کی درخواست کرتیں، تو انہیں بتایا جاتا کہ وہ پڑوسی ملک کے دورے پر ہے اور واپسی پر ملاقات کروائی جائے گی۔
حکام نے اس بات پر زور دیا کہ بی ایل اے غیر ملکی مفادات کی کٹھ پتلی کے طور پر کام کر رہی ہے، جسے بالخصوص نئی دہلی کی سرپرستی حاصل ہے، جبکہ اس کی قیادت کابل، قندھار اور یورپ کی محفوظ گاہوں میں چھپ کر مقامی مظلوم خاندانوں کا استحصال کر رہی ہے۔ کمسن بچوں کو خودکش بمبار کے طور پر استعمال کرنے کی یہ کوشش اسلامی اصولوں اور بلوچوں کی روایتی اقدار کی براہِ راست خلاف ورزی ہے، جو تاریخی طور پر خواتین اور بچوں کے تحفظ کو ترجیح دیتی ہیں۔
یہ منصوبہ اس وقت خاک میں ملا جب سیکیورٹی فورسز نے انٹیلی جنس کی بنیاد پر اس وقت کارروائی کی جب لڑکیوں کو ایک خفیہ مقام سے دوسرے مقام پر منتقل کیا جا رہا تھا۔ ان کی کم عمری اور ورغلائے جانے کے حالات کو مدنظر رکھتے ہوئے، ریاست نے ان کے خلاف سخت قانونی کارروائی نہ کرنے کا فیصلہ کیا۔ اس کے بجائے، حکام نے انہیں ان کے اہلخانہ سے ملوانے کا اہتمام کیا تاکہ وہ عام زندگی کی طرف لوٹ سکیں اور اپنے علاقوں میں ان عسکریت پسند نیٹ ورکس کی حقیقت کے بارے میں شعور بیدار کر سکیں۔ زینب اور فاطمہ دونوں نے اپنی جانیں بچانے پر سیکیورٹی فورسز کا شکریہ ادا کیا۔

30/08/2026