Awaze Zameer

Awaze Zameer جب سچ بولنے والے کم ہو جائیں
تو آوازِ ضمیر بلند ہوتی ہے

🍽️ پلیٹ میں چھوڑا گیا ہر نوالہ کسی بھوکے کا حق ہے… ہم روزانہ اپنی پلیٹوں میں کھانے کے ڈھیر لگا لیتے ہیں، لیکن اکثر آخر م...
02/09/2025

🍽️ پلیٹ میں چھوڑا گیا ہر نوالہ کسی بھوکے کا حق ہے… ہم روزانہ اپنی پلیٹوں میں کھانے کے ڈھیر لگا لیتے ہیں، لیکن اکثر آخر میں کچھ نوالے بچا دیتے ہیں۔ وہ نوالے بظاہر چھوٹے ہوتے ہیں، لیکن حقیقت میں کسی بھوکے انسان کی پوری غذا ہو سکتے ہیں۔ رزق اللہ کی سب سے بڑی نعمت ہے۔ لاکھوں لوگ ایسے ہیں جو ایک وقت کی روٹی کو ترستے ہیں، اور ہم کھانے کو ضائع کرکے ان کی بھوک کو اور بڑھا دیتے ہیں۔ یہ صرف رزق کی ناقدری ہی نہیں بلکہ ناشکری بھی ہے۔ آئیے آج سے عہد کریں کہ جتنا کھا سکیں اتنا ہی پلیٹ میں ڈالیں، بچوں کو بھی رزق کی اہمیت سمجھائیں، اور کبھی کھانا ضائع نہ کریں کیونکہ یہ کسی محتاج کا حق ہے۔ 🌿 رزق کی قدر کریں، شکر کریں اور ضائع نہ کریں، یہی حقیقی شکر گزاری اور برکت کا ذریعہ ہے۔ 🙏

📖 قرآن میں ارشاد ہے:
“اور کھاؤ، پیو اور فضول خرچی نہ کرو۔ بے شک اللہ فضول خرچ کرنے والوں کو پسند نہیں کرتا۔”
(سورۃ الاعراف 31)

🤲 نبی ﷺ نے فرمایا:
“جب کھاؤ تو اپنی خوراک گرنے نہ دو، اگر گر جائے تو اسے صاف کر کے کھالو، رزق کو ضائع نہ کرو۔”
(صحیح مسلم)

مظفرآبادکا سی ایم ایچ فلائی اوور منصوبہ اس شہر کا ایک بڑا انفراسٹرکچر پراجیکٹ تھا جس کا مقصد ٹریفک کا دباؤ کم کرنا اور ع...
27/08/2025

مظفرآبادکا سی ایم ایچ فلائی اوور منصوبہ اس شہر کا ایک بڑا انفراسٹرکچر پراجیکٹ تھا جس کا مقصد ٹریفک کا دباؤ کم کرنا اور عوام کو آسانی فراہم کرنا تھا مگر بدقسمتی سے یہ منصوبہ پانچ سال سے تاخیر کا شکار رہا۔ ان پانچ سالوں میں شہری روزانہ گھنٹوں ٹریفک جام میں پھنسے رہے، چھوٹی چھوٹی سڑکوں پر گاڑیاں پھنسی رہیں، لوگوں کا وقت، پیسہ اور ایندھن ضائع ہوا۔ مریض، طلبہ اور ملازمین سب مشکلات کا شکار رہے اور سب سے بڑھ کر تنگ جگہ اور رش کی وجہ سے ڈرائیوروں اور شہریوں میں جھگڑے اور تلخ کلامی روز کا معمول بنے رہے۔
اسی سب کے باوجود حکمرانوں نے صرف وعدے کیے مگر عملی اقدامات نہ ہونے کے برابر رہے۔ اور اب جب یہ منصوبہ مکمل ہوگا تو بڑے بڑے افتتاحی بینر لگیں گے، فیتہ کاٹا جائے گا اور یہ کریڈٹ لینے کی کوشش کی جائے گی کہ یہ ہماری کارکردگی ہے۔
لیکن سوال یہ ہے کہ کیا اصل کارکردگی یہ ہے کہ عوام کو پانچ سال تک ذلیل و خوار رکھا گیا؟ کیا عوام کی پانچ سالہ تکالیف کا حساب دیا جائے گا؟ کیا ان جھگڑوں، برباد وقت اور ضائع وسائل کی ذمہ داری کوئی قبول کرے گا؟
حقیقت یہ ہے کہ اگر منصوبہ وقت پر مکمل ہوتا تو عوام کو اتنی تکلیف نہ سہنی پڑتی۔ حکمرانوں کو سوچنا چاہیے کہ صرف منصوبے شروع کرنا ہی کافی نہیں بلکہ انہیں بروقت اور معیاری طور پر مکمل کرنا اصل خدمت ہے۔
اور اگر واقعی عوامی خدمت مقصد ہے تو آئندہ ہر بڑے منصوبے کی ٹائم لائن اور فنڈنگ عوام کے سامنے رکھی جائے، کام کی رفتار اور معیار پر ماہانہ رپورٹ جاری کی جائے، تاخیر کرنے والے اداروں اور ٹھیکیداروں سے جرمانہ وصول کیا جائے اور منصوبوں کا کریڈٹ لینے سے پہلے عوام سے تاخیر پر معافی مانگنے کا کلچر اپنایا جائے۔
کیونکہ یہ منصوبے عوام کے پیسوں سے بنتے ہیں اور عوام ہی ان کے اصل مالک ہیں۔ اگر پانچ سال کی تاخیر کے بعد کوئی اسے کارکردگی کہے تو یہ عوام کی توہین ہے اور عوام اب اس توہین کو مزید برداشت نہیں کریں گے۔

23/08/2025

تمام ڈاکٹروں سے گزارش ہے غریب مریض جب ائے تو ان سے ایک بار پوچھ لیا کریں کیا کام کرتے ہو اگر مریض غریب یا بے روزگار ہے تو غیر ضروری ٹیسٹ اور کمیشن والی دوائیاں لکھنے سے پرہیز کیا کریں

حال ہی میں پاکستان اور بھارت کی جنگ کے دوران مظفرآباد پاجگراں میں بلال مسجد شہید ہو گئی تھی، یہ وہ مسجد ہے جو ہمارے محلے...
17/08/2025

حال ہی میں پاکستان اور بھارت کی جنگ کے دوران مظفرآباد پاجگراں میں بلال مسجد شہید ہو گئی تھی، یہ وہ مسجد ہے جو ہمارے محلے کا مرکزِ ایمان ہے اور پاجگراں کی پہچان ہے، الحمدللّٰہ! مسجد شہید ہونے کے بعد بھی یہاں نماز اور دینی سرگرمیاں جاری ہیں لیکن چونکہ عمارت مکمل طور پر متاثر ہو چکی ہے اس لیے ضرورت اس بات کی ہے کہ ہم سب مل کر اس کی دوبارہ تعمیر کریں تاکہ یہ ایمان کا مرکز اور سکون و ہدایت کا چراغ مزید مضبوطی کے ساتھ آباد ہو سکے، یہ ذمہ داری صرف محلے والوں کی نہیں بلکہ ہم سب بہن بھائیوں پر ہے، آئیے مل کر اللہ کے گھر کی تعمیر میں حصہ ڈالیں اور اپنی آخرت سنواریں، رسول اکرم ﷺ نے فرمایا: "جو شخص اللہ کے لیے مسجد بنائے، اللہ اس کے لیے جنت میں گھر بناتا ہے"، اس لیے سب سے دست بستہ اپیل ہے کہ بڑھ چڑھ کر اس نیک عمل میں حصہ ڈالیں اور اپنی استطاعت کے مطابق تعاون کریں، برائے تعاون و رابطہ:
ایزی پیسہ خورشید الحسن 03153414846۔

میرا خیال ہے بادلوں نے انسان کی چھپائی ہوئی چوری کودنیا کے سامنے لا کھڑا کیا ہےقوم پہرہ دے نوسیری ڈیم میں موجود اربوں ...
15/08/2025

میرا خیال ہے بادلوں نے انسان کی چھپائی ہوئی چوری کودنیا کے سامنے لا کھڑا کیا ہےقوم پہرہ دے نوسیری ڈیم میں موجود اربوں روپےکی لکڑی چرا نہ لی جائ
نوسیری ڈیم میں اربوں روپے کی لکڑی عوام کی امانت ہے اس کی حفاظت سب کی ذمہ داری ہے بارشوں اور سیلاب نے لکڑی کے بڑے ذخائر لا کر جمع کر دیے ہیں یہ صرف لکڑی نہیں بلکہ خطے کا قیمتی سرمایہ ہے اگر آج ہم پہرہ نہ دیں تو یہ چند ہاتھوں میں غائب ہو جائے گی لہٰذا ہم عوام اور انتظامیہ سے مطالبہ کرتے ہیں لکڑی کا مکمل سرکاری ریکارڈ بنایا جائے کہاں سے آئی کتنی مقدار ہے اور کہاں محفوظ کی جائے گی پولیس مقامی انتظامیہ اور محکمہ جنگلات فوری طور پر پہرہ دیں تاکہ کوئی اسے چوری نہ کر سکے مقامی لوگ اور میڈیا اس معاملے پر نظر رکھیں اور کسی بھی مشکوک حرکت کی اطلاع فوراً دیں ہر گاڑی یا ٹرک جو لکڑی لے کر جائے اس کی ویڈیو اور نمبر پلیٹ کا ریکارڈ محفوظ کیا جائے تاکہ بعد میں کوئی انکار نہ کر سکے یہ وقت خاموش رہنے کا نہیں اپنی امانت کے تحفظ کے لیے آواز بلند کرنے کا ہے

30/07/2025

مظفرآباد میں عوامی واش رومز کی اشد ضرورت!
تحریر وخیال۔: طارق میر

میری ذاتی مشاہدے میں یہ بات بارہا آئی ہے کہ لوگ ایمرجنسی میں راستوں، خالی جگہوں یا سڑک کنارے بیٹھنے پر مجبور ہوتے ہیں۔ خواتین، بچے اور بزرگ اس حالت میں کتنی تکلیف اٹھاتے ہیں، یہ میں نے خود کئی بار دیکھا ہے۔ یہ نہ صرف ان کے وقار کو مجروح کرتا ہے بلکہ بیماریوں اور بدبو کا باعث بھی بنتا ہے۔
مظفرآباد میں عوامی واش رومز کی شدید کمی ہے۔ اگر کوئی مسافر ہو، خواتین یا بچے ہوں تو اکثر ان کے لیے واش روم کی سہولت دستیاب نہیں ہوتی۔ اس مجبوری کی وجہ سے لوگ ایسی جگہوں پر بیٹھنے پر مجبور ہو جاتے ہیں جو کسی کے لیے مناسب نہیں۔ یہ مسئلہ شہری تہذیب، صحت اور شہر کی خوبصورتی سب کو متاثر کر رہا ہے۔
حکومت اور بلدیہ کو چاہیے کہ ہر بڑے بازار، پارک، بس اڈے، چوراہے اور مصروف جگہ پر فوری طور پر معیاری عوامی واش رومز قائم کرے۔ ان واش رومز میں خواتین، مرد اور معذور افراد کے لیے الگ الگ سہولت ہو اور باقاعدہ صفائی کا نظام بھی موجود ہو۔
یہ ہر شہری کا بنیادی حق ہے اور ہمیں اس کے لیے آواز بلند کرنی ہوگی۔ آئیں ہم سب مل کر حکومت سے مطالبہ کریں کہ مظفرآباد کے ہر عوامی مقام پر صاف اور محفوظ واش رومز بنائے جائیں تاکہ کوئی بھی ایسی مجبوری اور تکلیف کا شکار نہ ہو
براہِ کرم ڈپٹی کمشنر مظفرآباد، میونسپل کمیٹی مظفرآباد، لوکل گورنمنٹ آزاد کشمیر، AJK حکومت اور دیگر متعلقہ ادارے اس مسئلے پر فوری توجہ دیں تاکہ عوام کو ریلیف مل سکے۔ساتھ ہی عوامی ایکشن کمیٹی سے بھی گزارش ہے کہ اس مسئلے پر توجہ دے اور حکومت سے اس کا حل کروائے۔مقامی میڈیا اور عوامی پلیٹ فارمز سے بھی اپیل ہے کہ اس مسئلے کو اُجاگر کریں تاکہ آواز اُن اداروں تک پہنچے جن کا یہ کام ہے اور جو اس کو حل کر سکتے ہیں۔

#مظفرآباد #صفائی #صحت

24/07/2025

بڑا خطرناک دور چل رہا ہے ہر طرف فتنے ہی فتنے ہیں۔ اے رب کائنات ہماری باقی زندگی صراط مستقیم پر گزارنا آخری خاتمہ ایمان پر فرما۔

Address

Rawalpindi

Website

Alerts

Be the first to know and let us send you an email when Awaze Zameer posts news and promotions. Your email address will not be used for any other purpose, and you can unsubscribe at any time.

Shortcuts

Share

Category