M Zahid Shah

03/03/2026

جامعہ بنوری ٹاؤن کراچی کے قدیم استاذِ گرامی، محدثِ العصر حضرت بنوری رحمہ اللہ کے تلمیذِ رشید، حضرت مولانا محمد سالک ربانی صاحب طویل علالت کے بعد آج بوقتِ سحر انتقال فرماگئے۔انا للہ وانا الیہ راجعون۔
اگرچہ حضرت سے ہمیں براہِ راست شرفِ تلمذ حاصل نہ ہو سکا، تاہم ان سے عقیدت و محبت اور نیازمندی کا قلبی تعلق ہمیشہ قائم رہا۔ آپ علم و وقار کا پیکر ہونے کے ساتھ ساتھ شفقت و محبت کا مجسم نمونہ تھے۔ ان کی خوش مزاجی محفل کو معطر کر دیتی تھی۔طبیعت میں عجب انکسار تھا۔ علمی مقام و مرتبہ کےباوجود تکلف سے کوسوں دور، ہر ایک سے خندہ پیشانی سے ملنا، طلبہ کی بات تحمل سے سننا اور شفقت بھرے انداز میں رہنمائی کرنا ان کا معمول تھا۔ اسی لیے طلبہ کے ہر دلعزیز بنے رہے۔ دعاہےاللہ کریم ان کی مغفرت فرمائے، درجات بلند فرمائے، ان کی علمی و تدریسی خدمات کو شرفِ قبولیت عطا فرمائے، اور لواحقین و متعلقین کو صبرِ جمیل نصیب فرمائے۔ آمین۔

03/03/2026

اللہ کریم کا لاکھ لاکھ شکر ہے کہ بندۂ ناچیز کا آپریشن گزشتہ روز سی ایم ایچ راولپنڈی میں بخیریت اور کامیابی کے ساتھ مکمل ہوگیا۔ الحمدللہ! طبیعت پہلے کی نسبت کافی بہتر ہے اور صحت میں بتدریج بہتری محسوس ہو رہی ہے۔
احباب سے گزارش ہے کہ جلد اور مکمل صحت یابی کے لیے خصوصی دعاؤں میں یاد رکھیں۔
جزاکم اللہ خیراً
محمدزاھدشاہ

01/03/2026

آج سی ایم ایچ راولپنڈی میں بندۂ ناچیز کا آپریشن ہے۔ تمام احباب سے خصوصی دعاؤں کی درخواست ہے کہ اللہ تعالیٰ آسانی فرمائے اور صحتِ کاملہ عاجلہ عطا فرمائے۔

28/02/2026

28/02/2026

چارسدہ جرنلسٹ نامی فیس بک پیج نے ایک بار پھر قائدِ جمعیت کے ایک پرانے میڈیا ٹاک کو اس انداز میں نشر کیا ہے گویا یہ ان کا تازہ مؤقف ہو، حالانکہ قائدِ جمعیت دامت برکاتہم اس وقت عمرہ کے سفر پر ہیں، گزشتہ رات جدہ سے اسلام آباد کے لیے روانہ ہوئے اور تاحال اس حوالے سے کوئی نئی گفتگو نہیں کی۔

مذکورہ پیج اس سے قبل بھی اسی نوعیت کی غیر معیاری حرکت کا مرتکب ہو چکا ہے، جس پر باقاعدہ تنبیہ کی گئی اور کارکنان و احباب سے اسے اَن فالو اور رپورٹ کرنے کی اپیل کی گئی تھی، جس کے نتیجے میں متعلقہ ویڈیو بعد ازاں ہٹا دی گئی تھی۔ افسوس کہ اس واضح تنبیہ کے باوجود دوبارہ وہی طرزِ عمل اختیار کیا گیا ہے۔

جمعیت علماء اسلام ہمیشہ سنجیدہ، ذمہ دار اور باوقار سیاسی روایت کی علمبردار رہی ہے، اس لیے جمعیت کی قیادت کے مؤقف کو سیاق و سباق سے ہٹ کر پیش کرنا، پرانے بیانات کو نئے حالات سے جوڑ کر گمراہ کن تاثر پیدا کرنا نہ صرف اخلاقی طور پر غلط ہے بلکہ اس سے عوامی اعتماد بھی مجروح ہوتا ہے۔

چارسدہ جرنلسٹ پیج کی انتظامیہ اس طرزِ عمل سے اجتناب کرے، بصورتِ دیگر کارکنان کو ایسے غیر ذمہ دار پلیٹ فارمز سے لاتعلقی اختیار کرنے کی اپیل کی جائے گی۔

کارکنانِ جمعیت سے گزارش ہے کہ سوشل میڈیا پر ایسے غیر ذمہ دارانہ طرزِ عمل پر گہری نظر رکھیں، حقائق کی تصدیق کو ترجیح دیں اور ذمہ دارانہ ڈیجیٹل رویے کو فروغ دیں، تاکہ سیاسی مکالمہ شائستگی، سچائی اور وقار کے دائرے میں برقرار رہ سکے۔قائدِ جمعیت دامت برکاتہم وطن واپسی کے بعد حسبِ روایت متوازن اور ذمہ دارانہ مؤقف پیش کریں گے، اس سےقبل چند ٹکوں کی خاطرریٹنگ کے چکر میں اس نوعیت کی حرکت قابلِ مذمت ہے۔
محمد زاہد شاہ
۔
۔
۔
۔
۔
۔
۔
۔







Hafeez Shah Jee
اورنگزیب رستمی واجدعلی مفتی عابد بنوی
Kifayat Ullah Umri Asmat Mehmood Abu Talha Jui Rahim Ullah

21/02/2026

حکیمُ الاسلام مولانا قاری محمد طیب رحمۃ اللہ علیہ بیان فرماتے ہیں کہ وفات سے چند دن پہلے ان کے والد محترم نے انہیں تنہائی میں بلایا… آنکھیں اشکبار تھیں… آواز بھرّا گئی تھی…
فرمایا:
"بیٹا! میرا وقت قریب ہے… میں تمہیں ایک امانت سونپ رہا ہوں۔"
پھر اپنے بچپن کا واقعہ سنایا کہ جب وہ حافظِ قرآن بنے تو ان کے والد، بانیٔ دارالعلوم دیوبند مولانا محمد قاسم نانوتوی رحمۃ اللہ علیہ بہت خوش ہوئے۔ محفل ہوئی، مبارکبادیں ہوئیں… مگر بعد میں تنہائی میں بلا کر فرمایا:
"احمد! تم عالم بنو گے، عزت پاؤ گے، شہرت ملے گی، دولت بھی ملے گی…
مگر یہ سب تمہارے لیے ہوگا۔
قرآن میں نے تمہیں اپنے لیے حفظ کرایا ہے… مجھے فراموش نہ کرنا!"
یہ جملہ زندگی بھر کے لیے نقش ہوگیا۔
چنانچہ انہوں نے روزانہ قرآن پڑھ کر اپنے والد کو ایصالِ ثواب کرنے کا معمول بنا لیا… جو آخری سانس تک جاری رہا۔
پھر یہی نصیحت انہوں نے اپنے بیٹے قاری طیب صاحب کو کی:
"بیٹا! یہ قرآن میں نے تمہیں اپنے لیے حفظ کرایا ہے… مجھے بھول نہ جانا!"
اور قاری طیب صاحب فرماتے ہیں کہ والد کی وفات کے بعد میں نے بھی روزانہ ایک پارہ ایصالِ ثواب کے لیے پڑھنے کا معمول بنا لیا… جو الحمدللہ آج تک جاری ہے۔
سوچئے! ہم اپنی اولاد کو دنیا کے لیے تیار کرتے ہیں،کیا کبھی آخرت کے لیے بھی کوئی سرمایہ جوڑا؟قرآن صرف پڑھنے کے لیے نہیں۔اپنے والدین کی نجات کا ذریعہ بنانے کے لیے بھی ہے۔آئیے عہد کریں:
جو حافظ ہیں وہ روزانہ کچھ نہ کچھ اپنے والدین کے لیے پڑھیں۔اور جو نہیں ہیں وہ بھی روزانہ تھوڑی تلاوت کو اپنا معمول بنائیں۔الللہ تعالیٰ ہمیں قرآن سے سچی محبت نصیب فرمائے اور اسے ہماری اور ہمارے والدین کی مغفرت کا ذریعہ بنائے۔

Kifayat Ullah Umri
Amanullah Haqqani
Asmat Mehmood
Abdul Hakeem
Abu Talha Jui
Hafeez Shah Jee
Muhammad Zubair Abbasi
عابد بنوی اورنگزیب رستمی حافظ سلمان الحق حقانی
واجدعلی مفتی

21/02/2026

مفتی زین الاسلام صاحب مدظلہ دارالعلوم دیوبندکےصدرمفتی مقرر کردئیے گئے۔

19/02/2026

دلی معذرت اوردعاؤں کی درخواست
رحمتوں اور برکتوں کا مہینہ رمضان المبارک سایہ فگن ہو چکا ہے۔ اللہ کریم ہم سب کو اس سے حقیقی طور پر بہرہ ور ہونے کی توفیق عطا فرمائے۔ احباب مجھے بھی اپنی خصوصی دعاؤں میں یاد رکھیں کہ اللہ صحت و عافیت نصیب فرمائے، پریشانیوں اور مشکلات سے نجات دے اور خاتمہ بالخیر نصیب فرمائے۔
ایک ضروری گزارش ہے کہ اکثر دوست مزاج کی سختی کے باعث بجا طور پر مجھ سے شاکی رہتے ہیں۔ مجھے اپنی اس طبعی افتاد کا احساس بھی ہے اور اعتراف بھی۔ لہٰذا جن حضرات کو میری گفتگو یا کسی تحریر سے تکلیف پہنچی ہو، اُن سے نہ صرف معذرت خواہ ہوں بلکہ دعاؤں کا بھی طالب ہوں کہ اللہ کریم میرے مزاج میں نرمی اور وسعت پیدا فرما دے۔ آمین۔
محمد زاہد شاہ
۔۔
۔
۔
۔
۔
۔
۔..







#اسیرمالٹا

#اسیرمالٹا

16/02/2026

انگورکھٹے ہیں۔۔۔۔
جب سینٹ کاالیکشن لڑرہاتھا اس وقت بھی تو یہی ایوان تھا،تب بھی یہی الیکشن کمیشن اور یہی جنرل عاصم منیر تھا،پھرالیکشن لڑاکیوں؟ حلف برداری سے عاجزی پراچانک غیرت جاگ اٹھی۔۔۔
۔۔۔
۔
۔
۔

۔








#اسیرمالٹا

Rahim Ullah
Muhammad Zubair Abbasi
#اسیرمالٹا
Muhammad Zubair Abbasi

13/02/2026

تازہ ترین اطلاعات کے مطابق طاقتور لوگوں نے ان کے ترجمان ادارے سے منسلک یو ٹیوب چینلز اور اپنے تنخواہ داروں کو دو ہدایات سختی سے جاری کی ہیں۔
۱- مولانا فضل الرحمن صاحب پر جتنا کیچڑ ماضی میں ہماری ہدایات پر اچھالا گیا تھا اس کو دوبارہ اچھالنے کے عمل کا آغاز کیجئے۔
۲- عمران خان اور سہیل آفریدی کے خلاف کوئی بات نہیں کرنی۔

ایک تقریر کتنی آگ لگا سکتی ہے اس کا اندازہ لگائیے ذرا😂
لیکن آپ کے لے پالکوں سے یہ نہ ہو پائے گا ان شاءاللہ۔
انجنئیر ضیاء الرحمن
مرکزی کوارڈینیٹر ڈیجیٹل میڈیا جے یو آئی پاکستان

13/02/2026

قائدِ جمعیت کے خلاف کردار کشی مہم
تحریر: محمد زاہد شاہ
گزشتہ رات جے یو آئی ڈیجیٹل میڈیا ٹیم کے مرکزی کوآرڈی نیٹر انجینئر ضیاء الرحمن کی ایک پوسٹ نظر سے گزری، جس میں انہوں نے خبردار کیا کہ ایک بار پھر قائدِ جمعیت کے خلاف کردار کشی کی منظم مہم شروع کیے جانے کی تیاری ہے۔ انجینئرضیاء الرحمن کایہ انتباہ یوں توکوئ نئ بات نہیں بلکہ ایک ایسے طرزِ عمل کی یاد دہانی ہے جو ماضی میں بھی بارہا اختیار کیا جاتا رہا ہے۔تاہم اگر کوئی ایسی مہم لانچ کی جاتی ہے تو ہمیں پہلے سے باخبر اور بیدار رہنا چاہیے۔ اورابھی سے اپنی مجالس، اپنے حلقوں اور سوشل میڈیا کے پلیٹ فارم پر بھی واضح موقف اختیار کرناچاہئے کہ اس گمراہ کن پروپیگنڈے کا مقصد اصل قومی مسائل سے توجہ ہٹانا ہے۔

ملکی سیاسی تاریخ اس حقیقت کی گواہ ہے کہ جب بھی قائدِ جمعیت جرأت کے ساتھ اسلام، آئین و جمہوریت کی بالادستی کا علم بلند کرنے اور عوامی حقوق کے لیے دوٹوک مؤقف اپناتے ہیں تو ان کے خلاف الزام تراشی اور کردار کشی کی مہمات تیز کر دی جاتی ہیں۔ آج اگر اس نوع کی کسی منظم پروپیگنڈا مہم کی بازگشت سنائی دے رہی ہے تو اسے غیر معمولی واقعہ نہیں سمجھنا چاہیے، بلکہ یہ دراصل سابقہ روش کا تسلسل اورنظریاتی سیاست کو کمزور کرنے کی کوشش ہے،جس کایہ بارہاتجربہ کر اپنی بےبسی کامشاہدہ کرچکے ہیں۔

جمعیت علماء اسلام کی سیاست اصول، فکر اور مسلسل جدوجہد کی سیاست ہے۔ اسی نظریاتی استقامت کی علامت قائدِ جمعیت مولانا فضل الرحمٰن ہیں۔ جب مخالفین کے پاس ان کے کسی مؤقف کا مدلل جواب نہ ہو اور وہ عوامی میدان میں پذیرائی کا مقابلہ نہ کر سکیں تو وہ ان کی شخصیت کو نشانہ بناتے ہیں۔ مگرکردار پر حملہ دراصل دلیل سے عجز اور فکری کمزوری کا اعتراف ہوتا ہے۔

اس مرحلے پر کارکنان کے لیے سب سے اہم چیز ذہنی پختگی اور تنظیمی شعور ہے۔ کسی بھی ممکنہ پروپیگنڈا مہم سے مرعوب ہوکر دفاعی پوزیشن اختیار کرنے کی بجائےقیادت پر اعتماد، جماعتی نظم سے مضبوط رابطہ، اور شائستہ مدلل گفتگو ہی وہ راستہ ہے جو پروپیگنڈے کو بے اثر بناتا ہے۔ ہمیں غیر ضروری وضاحتوں میں الجھنے کے بجائے اپنا بیانیہ زیادہ قوت، ترتیب اور شعور کے ساتھ پیش کرنا چاہیے۔

کردار کشی کی مہمات اچانک نہیں چلتیں؛ ان کے پیچھے منصوبہ بندی اور وقت کا انتخاب ہوتا ہے۔مگر یادرکھنا چاہئے کہ دوٹوک جواب کا مطلب ہرگز یہ نہیں کہ ہم اخلاقی حدود سے تجاوز کریں۔ ہمارا انداز شائستہ اور باوقار، ہمارا مؤقف واضح اور غیر مبہم ہونا چاہئے۔ کارکن نہ اشتعال کا شکار ہوں اور نہ خاموشی اختیار کریں، بلکہ اعتماد،دلیل، شعور اور تنظیمی قوت کے ساتھ اپنا جواب دیں۔

یہ وقتی مہمات آتی اور گزر جاتی ہیں، مگر نظریاتی قیادت کا وقار وقت کے ساتھ مزید نکھر کر سامنے آتا ہے۔ یہی یقین، استقامت اور یہی اعتماد کارکنان کا اصل سرمایہ ہے۔ یہ وقت گھبرانے کا نہیں، بلکہ منظم ہوکربیدار رہنے اور اپنےبیانیےکو مزید قوت کیساتھ پیش کرنےکاہے۔
محمدزاھدشاہ
۔
۔

۔
۔
۔







#اسیرمالٹا
M Zahid Shah