Chitral Truth line CTL

21/02/2026

ریشن رمداسی چوک میں کل احتجاجی جلسے کی تیاریاں مکمل، بھرپور احتجاج کیا جائے گا۔

30/11/2025

23/10/2025

موری لشٹ میں ڈاٹسن گاڑی حادثہ کا شکار ، 10 افراد زخمی ،

پولیس رپورٹ کے مطابق آج دوپہر ڈاٹسن گاڑی نمبر AF 2478 NCP , جسے ڈرائیور مسمی حضرت الدین چلارہے تھے ، جسمیں اسکول کے طلباء اور استاد سوار تھے جوکہ موری لشٹ کے مقام پر گولین وادی جاتے ہوئے حادثہ کا شکار ہوئی، جسکے نتیجے میں 9 طلباء زخمی ہوئے جن میں 4 زخمیوں کو ڈسٹرکٹ ہیڈ کوارٹر اسپتال چترال منتقل کر دئے گئے جبکہ 5 کو رورل ہیلتھ سنٹر کوغذی میں ابتدائی طبی امداد فراہم کرکے فارغ کردیا گیا ۔

پولیس رپورٹ کے مطابق اس حادثہ کے زخمیوں میں حسنین شہزاد ولد ژانو خان ، عابد الرحمٰن ولد اکبر عزیز ، سعید الرحمن ولد حاجی اکبر ، مظہر الدین ولد اقبال الدین ، ایان یوسف ولد یوسف ، وجاہت اللّٰہ ولد دلاور خان ، محمد الہام ولد اکرام خان ، حسن الرحمٰن ولد ژانو خان ، اور استاد عبدالکبیر ولد عبد الغفار شامل ہیں ۔

14/09/2025

ریشن اپر چترال کے نوجوان فٹبالر حسنین ولی رضا ایک بار پھر پاکستان کی نمائندگی کرتے ہوئے سری لنکا روانہ
اپر چترال (رپورٹ شہزاد احمد)
ریشن اپر چترال کے ہونہار نوجوان فٹ بال کھلاڑی حسنین ولی رضا نے ایک بار پھر اپنی صلاحیتوں کا لوہا منوا کر پاکستان کی فٹ بال ٹیم میں جگہ بنا لی ہے۔ حسنین بچپن ہی سے فٹ بال کے دلدادہ رہے ہیں اور اپنے بے پناہ جذبے، لگن اور انتھک محنت کی بدولت آج وہ ملک کے لیے کھیلنے کا اعزاز حاصل کر رہے ہیں۔

سال 2023 میں حسنین نے انڈر 14 ٹیم کے ہمراہ پاکستان کی نمائندگی کرتے ہوئے نیپال میں منعقدہ بین الاقوامی ٹورنامنٹ میں شاندار کارکردگی دکھائی تھی۔ اب 2025 میں وہ ایک بار پھر انڈر 17 ٹیم کا حصہ بن کر سری لنکا میں جاری SAFF U-17 چیمپئن شپ میں پاکستان کی نمائندگی کر رہے ہیں۔

پاکستانی ٹیم نے ٹورنامنٹ میں اپنے سفر کا آغاز 16 ستمبر کو بھوٹان کے خلاف میچ سے کیا ہے۔ شائقینِ فٹ بال خصوصاً چترال کے عوام حسنین اور ٹیم پاکستان کے لیے نیک خواہشات کا اظہار کر رہے ہیں اور امید رکھتے ہیں کہ "ہرے رنگ کے یہ ستارے" شاندار کارکردگی سے ملک و قوم کا نام روشن کریں گے۔

چترال جیسے پسماندہ اور دور افتادہ علاقے سے تعلق رکھنے والے ایک کھلاڑی کا بین الاقوامی سطح پر پاکستان کا پرچم بلند کرنا نہ صرف ان کی ذاتی کامیابی ہے بلکہ پورے علاقے کے لیے باعثِ فخر ہے۔ حسنین کی لگن، انتھک محنت اور کھیل کے میدان میں غیر معمولی کارکردگی اس بات کا ثبوت ہے کہ باصلاحیت نوجوان اگر مواقع پائیں تو وہ دنیا بھر میں پاکستان کا نام روشن کر سکتے ہیں۔

08/09/2025

ریشن پولو ٹورنامنٹ کا شاندار فائنل — برنس ٹیم نے ریشن کو 7-5 سے شکست دے کر ٹائٹل جیت لیا

ریشن (رپورٹ شہزاد احمد) – ریشن میں جاری چار روزہ پولو ٹورنامنٹ کا فائنل آج شاندار انداز میں کھیلا گیا۔ فائنل مقابلہ برنس اور ریشن کی پولو ٹیموں کے درمیان ہوا، جس میں برنس ٹیم نے شاندار کھیل پیش کرتے ہوئے ریشن کو 5 کے مقابلے میں 7 گول سے شکست دے کر ایونٹ اپنے نام کر لیا۔

فائنل میچ کے مہمان خصوصی تحصیل چیئرمین سردار حکیم تھے۔ اس ایونٹ کا انعقاد چترال کی معروف سیاسی، سماجی اور ادبی شخصیت ایڈوکیٹ عبدالولی خان عابد کے خصوصی تعاون سے ممکن ہوا۔ اس کے علاوہ ڈپٹی کمشنر اپر چترال، ڈسٹرکٹ سپورٹس آفیسر اپر چترال، ڈائریکٹر سوائل کنزرویشن مجیب الرحمن اور منیجر نیشنل بینک چترال امجد ثانی کا تعاون بھی شامل رہا۔

چار دن تک جاری رہنے والا یہ ٹورنامنٹ شائقین کی توجہ کا مرکز بنا رہا۔ چترال کے نامور پولو کھلاڑی مختلف ٹیموں کی نمائندگی کر رہے تھے، جبکہ ضلع کے مختلف علاقوں سے شائقین بڑی تعداد میں ریشن پہنچے۔ شائقین نے اس ایونٹ کو بہترین اور یادگار قرار دیا۔

تماشائیوں اور مقامی لوگوں کی جانب سے خصوصی طور پر ایڈوکیٹ عبدالولی خان عابد کا شکریہ ادا کیا گیا جن کے تعاون سے یہ کامیاب ایونٹ ممکن ہوا۔
اپنے خطاب میں ایڈوکیٹ عبدالولی خان عابد نے ریشن کے عوام کی مہمان نوازی کو سراہا اور کہا کہ ان کا ریشن کے عوام کے ساتھ دیرینہ تعلق اور محبت ہمیشہ قائم رہے گی۔ انہوں نے اس موقع پر اعلان کیا کہ اگلے سال اس سے بھی بہتر اور بڑا ایونٹ منعقد کیا جائے گا تاکہ کھیل اور ثقافت کو مزید فروغ مل سکے۔۔

تحصیل چیئرمین سردار حکیم نے اپنے خطاب میں ریشن کے عوام کا شکریہ ادا کیا اور کہا کہ وہ ریشن پولو گراؤنڈ کو بہتر بنانے کے حوالے سے بھرپور کوشش کریں گے۔ ان کا کہنا تھا کہ امید ہے آنے والے وقتوں میں ریشن ایک بہترین اور شاندار پولو گراؤنڈ کی شکل اختیار کرے گا۔۔

ایونٹ کے اختتام پر شاندار کھیل پیش کرنے والے کھلاڑیوں میں انعامات تقسیم کیے گئے، جس پر شائقین نے کھلاڑیوں کو دل کھول کر داد دی۔

04/09/2025

چترال بونی شندور روڈ بلاک

گورنمنٹ ڈگری کالج بونی کے طلبہ نے پرنسپل اور پروفیسر فزکس کے تبادلے کے خلاف چترال بونی شندور روڈ کو بلاک کر کے احتجاج پر بیٹھ گئے ہیں۔

03/09/2025

چلاس میں دو گروپوں کے درمیان تصدم

02/09/2025

گورنمنٹ ڈگری کالج بونی کے پرنسپل اور لیکچرر کا غیر قانونی تبادلہ فی الفور منسوخ کیا جائے، طلبہ کی پریس کانفرنس

ٹرانسفر پوسٹنگ پر پابندی کے باوجود سیاسی مصلحت کے تحت گورنمنٹ ڈگری کالج بونی کے پرنسپل اور فزکس کے لیکچرر کا راتوں رات تبادلہ، طلبہ کے حقوق پر ڈاکہ ڈالنے اور تعلیم کو متاثر کرنے کی ایک سازش ہے، جس کی ہم پرزور الفاظ میں مذمت کرتے ہیں۔ ان خیالات کا اظہار گورنمنٹ ڈگری کالج بونی کے طلبہ نے پریس کانفرنس کرتے ہوئے کیا۔

ان کا کہنا تھا کہ کالج ہٰذا میں پہلے ہی اساتذہ کی کمی ہے اور اس موقع پر ہمارے پرنسپل اور لیکچرر فزکس کا سیاسی انتقام کے طور پر تبادلہ کرکے طلبہ کے ساتھ مزید ظلم کیا گیا ہے۔

انہوں نے یہ بھی بتایا کہ پچھلے سال ہمارے دو لیکچررز کا تبادلہ کیا گیا تھا، جن کی جگہ تاحال پر نہیں کی گئی۔ اب ہم مزید ایسے تبادلوں کے متحمل نہیں ہو سکتے۔

طلبہ کا کہنا ہے کہ اگر اڑتالیس گھنٹوں کے اندر ان غیر قانونی تبادلوں کو منسوخ نہ کیا گیا تو اس کے نتائج کی ذمہ داری متعلقہ ادارے پر عائد ہوگی۔

طلبہ نے مزید کہا کہ اگر مطالبات منظور نہ کیے گئے تو ہم ضلع اپر اور لوئر چترال کے کالجز کے طلبہ کو بھی اس احتجاج میں شریک کرکے روڈ بلاک کرنے پر مجبور ہوں گے۔

01/09/2025

تورکھو شاگرام کا RHC ہسپتال 21 سال بعد صحت کی سہولت سے محروم، عمائدین کی پریس کانفرنس

اپر چترال ( رپورٹ شہزاد احمد)
تورکھو شاگرام کا رورل ہیلتھ سنٹر (RHC) گزشتہ 21 برسوں تک حکومت اور آغا خان ہیلتھ سروس کے درمیان طے شدہ معاہدے کے تحت علاقے کے عوام کو صحت کی بنیادی سہولتیں فراہم کرتا رہا۔ تاہم ایم او یو (MOU) ختم ہونے کے بعد اب ایک لاکھ بیس ہزار کی آبادی والا یہ دور افتادہ علاقہ صحت کی بنیادی سہولت سے محروم ہو چکا ہے۔

اس سنگین صورتحال پر تورکھو کے معززین نے اپر چترال پریس کلب میں پریس کانفرنس کی۔ پریس کانفرنس سے سابق ناظم یو سی شاگرام و چیئرمین عوامی ایکشن کمیٹی عبدالقیم بیک، سابق ناظم یو سی کھوت شیر عزیز بیگ، شیر بہادر (سابق ناظم کھوت)، سفیراللہ واشیچ، صدر مسلم لیگ ن احمد اللہ، خطیب شاہی مسجد شاگرام مولانا ریاض الحق، سابق ناظم یو سی تریچ قاری عطا الرحمان، چیئرمین وی سی شاگرام احمد سید بیگ، چیئرمین وی سی کھوت بلا میر نظام الدین، صوبیدار فیض عالم، عبدالرحیم، جنرل سیکرٹری مسلم لیگ ن تورکھو حسین زرین، جلال الدین، صوبیدار شیر عزیز ، صدر اے این پی تورکھو عزیز شیر افضل اور ادریس سمیت بڑی تعداد میں عمائدین شریک ہوئے۔

شرکاء نے خطاب کرتے ہوئے کہا کہ علاقے کے عوام بنیادی صحت کی سہولت سے محرومی کے باعث شدید مشکلات کا شکار ہیں۔ خاص طور پر خواتین کو زچگی اور ڈلیوری کیسز میں گھنٹوں سفر کرنا پڑتا ہے۔ ٹی بی پروگرام، ایمرجنسی سروس، اسٹاف اور ڈاکٹروں کی کمی نے صورتحال کو مزید سنگین بنا دیا ہے۔ چھوٹے چھوٹے ٹیسٹ کے لیے بھی عوام کو دور دراز کے علاقوں کا رخ کرنا پڑتا ہے، جو عوام کے ساتھ سراسر ناانصافی ہے۔

مقررین نے زور دیا کہ RHC ہسپتال میں پہلے سے دستیاب سہولیات فوری طور پر بحال کی جائیں۔ اگر خدانخواستہ صحت کے حوالے سے کسی ناخوشگوار واقعے کا سامنا ہوا تو اس کی مکمل ذمہ داری متعلقہ اداروں پر عائد ہوگی۔

عمائدین نے حکومت خیبر پختونخوا، محکمہ صحت اور ڈی ایچ او اپر چترال سے مطالبہ کیا کہ عوام کو صحت کی بنیادی سہولت ان کی دہلیز پر فراہم کرنا حکومت کی اولین ذمہ داری ہے۔