21/11/2025
ڪڏهن ڪڏهن زندگي اسان کي پهرين ڪوشش ۾ ڪاميابي ڏئي ڇڏيندي آهي، ۽ ڪڏهن ڪيل ھر ڪوشش زمين تي ڦٽو ڪري ڇڏيندي آهي۔ پر حقيقت اها آهي ته جيڪو پهرين ڪوشش ۾ هارائي وڃي ٿو، اهو اڪثر اندر کان وڌيڪ مضبوط ٿي ويندو آهي۔ شڪست انسان جي اندر اها امنگ پيدا ڪري ٿي جيڪا ڪاميابي ڪڏهن پيدا نه ٿي ڪري سگهي۔
جڏهن انسان ٽٽي ٿو، تڏهن هو پاڻ کي ٻيهر جوڙڻ سکندو آهي. هو سمجهندو آهي ته ڪاميابي رڳو جيت جو نالو نه آهي، پر ڪِري ڪري ٻيهر اٿڻ جو حوصلو به آهي۔ زخمي ذهن عام ذهن کان وڌيڪ طاقتور هوندو آهي، ڇوته اهو درد کي طاقت ۾ بدلڻ ڄاڻي ٿو۔ هر ناڪامي کيس ڪجهه نئون سيکاري ٿي، هر زخم کيس وڌيڪ گهرو ۽ سمجهدار بڻائي ٿو۔
جنهن هار ڏٺي هجي، اهو جيت جي قيمت به وڌيڪ چڱيءَ طرح ڄاڻي ٿو۔ اهو ٻين جي ڏک کي محسوس ڪري ٿو، ۽ زندگي جي هر موڙ تي وڌيڪ پختا فيصلا ڪري ٿو۔
ڪاميابي انهن جي نه آهي جيڪي ڪڏهن ڪِريا ئي نه هجن، بلڪه انهن جي آهي جيڪي هر ڀيري ڪرڻ کان پوءِ به ٻيهر اڀرڻ جو حوصلو رکن ٿا۔ شايد انهيءَ لاءِ چيو ويندو آهي، زخمي ذھن ۽ ٽٽل دل ئي اصل ۾ جيتڻ وارا هوندا آهن۔
