03/05/2023
ریاض: سعودی عرب میں 5 مئی یعنی جمعے کے روز 4 گھنٹے اور 17 منٹ تک جزوی چاند گرہن ہوگا جس کے دوران چاند 10 فیصد کم روشن ہوگا۔
العربیہ نیوز کے مطابق سعودی عرب کے ماہر فلکیات کا کہنا ہے کہ چاند گرہن کا آغاز شام 6 بج کر 14 منٹ پر ہوگا اور 8 بج کر 24 منٹ پر عروج پر پہنچ کر رات ساڑھے دس بجے ختم ہوگا۔
ماہرین کا کہنا ہے کہ سعودی عرب کے آسمان پر سائے کی طرح کا چاند گرہن نظر آئے گا کیوں کہ اس روز زمین کا سایہ تو ہوگا لیکن وہ چاند پر نہیں پڑے گا اور سورج بھی چاند کی سطح کو روشن نہیں کرپائے گا۔
