27/08/2025
خبر: (نثارعلوی جرنلسٹ نیشنل نیوز چینل پاکستان) راہِ حق ویلفیئر فاؤنڈیشن ساہیوال کی جانب سے سوات اور بونیر کے متاثرین کے لیے امدادی سرگرمیاں جاری۔
تفصیلات:
ساہیوال: صوبائی اسمبلی کے امیدوار اور راہِ حق ویلفیئر فاؤنڈیشن کے چیئرمین چوہدری صغیر انجم کی خصوصی ہدایات پر فاؤنڈیشن کی جانب سے سوات اور بونیر میں سیلاب اور دیگر آفات سے متاثرہ خاندانوں کی امداد کا سلسلہ زور و شور سے جاری ہے۔ اس فلاحی مہم کی قیادت فاؤنڈیشن کے سینئر نائب صدر چوہدری محمدمنیراورصدر میاں بابر صغیر کر رہے ہیں، جن کے ساتھ مقامی رہنما اور کارکنان بھی بھرپور تعاون کر رہے ہیں۔
اس امدادی کارروائی کے دوران چوہدری محمدمنیر اور میاں بابرصغیر نے متاثرہ علاقوں کا دورہ کیا اور ذاتی طور پر لوگوں میں راشن اور دیگر ضروری اشیاءتقسیم کیں۔ انہوں نے متاثرین کی تکالیف کو سن کر ان سے دلی ہمدردی کا اظہار کیا اور یقین دلایا کہ مشکل کی اس گھڑی میں راہِ حق ویلفیئر فاؤنڈیشن ان کے ساتھ کھڑی ہے۔ انہوں نے کہا کہ فلاحی کام کرنا ہمارا اولین مقصد ہے اور ہم اس مشن کو ہر ممکن طریقے سے جاری رکھیں گے۔
امدادی ٹیم میں راہِ حق ویلفیئر فاؤنڈیشن کے چیئرمین چوہدری صغیر انجم کے پرسنل سیکرٹری عبدالواہاب، صدر میاں بابرصغیر کے پرسنل سیکرٹری حمزہ اور سوات و بونیر کے مقامی لوگ بھی شامل ہیں۔ یہ تمام افراد مشکل راستوں اورکٹھن حالات میں متاثرین تک امداد پہنچانے میں مصروف ہیں۔ فاؤنڈیشن کا یہ اقدام نہ صرف متاثرہ افراد کو فوری ریلیف فراہم کر رہا ہے بلکہ مقامی لوگوں کے دلوں میں ایک نیا اعتماد اور امید بھی پیدا کر رہا ہے۔ فاؤنڈیشن کے نمائندوں نے اس عزم کا اظہار کیا ہے کہ جب تک تمام متاثرین کی بحالی کا عمل مکمل نہیں ہو جاتا، یہ امدادی سلسلہ جاری رہے گا۔
