20/09/2025
سیکرٹری انرجی اینڈ پاور خیبرپختونخوا محمد زبیر اور ڈپٹی کمشنر سوات سلیم جان مروت نے آج گورکن مٹلتان 84 میگاواٹ ہائیڈرو پاور پلانٹ اور گبرال کالام ہائیڈرو پاور پلانٹ کا دورہ کیا۔
دورے کے دوران دونوں منصوبوں پر جاری تعمیراتی کام پر پیش رفت کا تفصیلی معائنہ کیا گیا اور اب تک کی گئی تعمیراتی کام کا جائزہ لیا۔ وہاں پر موجود زمین مالکان کے مسائل سنے گئے جبکہ وئیر ہاؤس کا بھی معائنہ کیا گیا۔ اس موقع پر ڈپٹی کمشنر سوات سلیم جان مروت نے اسسٹنٹ کمشنر بحرین کو ہدایت دی کہ گبرال کالام ہائیڈروپاور پلانٹ منصوبے کا گودام جلد از جلد پیڈو (P**O) کے حوالے کیا جائے۔
اس کے علاوہ، عوام کی جانب سے پانی کی فراہمی سے متعلق شکایات پر سیکرٹری انرجی اینڈ پاور نے متعلقہ حکام کو فوری اقدامات کی ہدایت کرتے ہوئے پانی کی سپلائی کے لئے انتظامات کرنے کے کے ہدایات دئے۔ اسی طرح مقامی عوام نے روزگار کے تحفظ کا مطالبہ کیا، جبکہ گورکن مٹلتان ہائیڈرو پاور پلانٹ کے ملازمین نے تنخواہوں کی عدم ادائیگی کا مسئلہ بھی سامنے رکھا۔ اس پر فوری طور پر بقایا جات کی ادائیگی یقینی بنانے کے احکامات جاری کیے گئے۔
بعد ازاں سیکرٹری انرجی اینڈ پاور اور ڈپٹی کمشنر سوات نے گبرال کالام ہائیڈرو پاور پلانٹ کے زیر تعمیر سٹاف کالونی کا بھی دورہ کیا۔ اس دوران زیر تعمیر کام کا معائنہ کیا گیا اور ہدایت کی گئی کہ باقی ماندہ کام کو ترجیحی بنیادوں پر تیز رفتاری کے ساتھ مکمل کیا جائے تاکہ منصوبے کی بروقت تکمیل ممکن ہو
مزید برآں، سیکرٹری انرجی اینڈ پاور اور ڈپٹی کمشنر سوات نے گورکن مٹلتان ہائیڈرو پاور پلانٹ کی ٹرانسمیشن لائن سائٹس کا بھی معائنہ کیا۔ اس موقع پر اسسٹنٹ کمشنر بحرین کو ہدایت دی گئی کہ عوامی مسائل کو فوری طور پر حل کیا جائے تاکہ منصوبے پر کام جلد از جلد شروع ہو سکے۔سکے۔
