Bukhari Media

28/11/2024

Qawwali | Ghazal | Best Ghazal

26/11/2024

Instrumental Music | Manzoor Hussain Santo Qawwal | Courtesy OSA Presentation

26/11/2024

Waqar Ali Khan Santo Qawwal | Live Performance at Astana Alia Hazrat Pir Syed Anwar Hussain Shah Bukhari 197GB, Murid Wala

24/11/2024

#

02/01/2024

2 گھنٹے قبل
جاپان کے دارالحکومت ٹوکیو کے ہانیدا ہوائی اڈے پر جاپان ایئرلائنز کے ایک مسافر طیارے میں آگ بھڑک اٹھی تاہم اس میں سوار تمام 379 مسافروں اور عملے کو نکال لیا گیا ہے۔

اطلاعات کے مطابق مسافر طیارے کی کوسٹ گارڈ کے ایک چھوٹے طیارے سے ٹکر ہوئی جس کے بعد اس میں آگ لگی۔

پولیس کے مطابق کوسٹ گارڈ کے طیارے پر عملے کے چھ میں پانچ افراد کی ہلاکت ہوئی ہے جبکہ اس کے پائلٹ زخمی ہیں۔
امدادی ٹیمیں کئی گھنٹوں سے آگ بجھانے میں مصروف ہیں۔ یہ طیارہ ہوکائیدو جزیرے کے شہر ساپورو سے ٹوکیو آیا تھا۔

جاپان ایئرلائنز کی پرواز 516 نے مقامی وقت شام چار بجے ساپورو ہوائی اڈے سے اڑان بھری تھی اور اسے پانچ بج کر 40 منٹ پر ہانیدا لینڈ کرنا تھا۔

02/01/2024

نگراں حکومت نے کنٹریکٹ بیسڈ اسمارٹ فونز پالیسی متعارف کرادی ہے جس کا اطلاق 15جنوری سے ہوگا۔انفارمیشن ٹیکنالوجی اور ٹیلی کمیونیکیشن کے وفاقی نگراں وزیر ڈاکٹر عمر سیف نے پالیسی کی تفصیلات بیان کرتے ہوئے کہاکہ بیرون ملک سفر کرنے والے افراد قسطوں کے ذریعے اسمارٹ فون کے جدید ترین ماڈلز حاصل کر سکتے ہیں۔

ڈاکٹر سیف کے مطابق یہ پالیسی ٹیلی کام انڈسٹری کے اسٹیک ہولڈرز کے ساتھ وسیع مشاورت کے بعد تیار کی گئی ہے ،بنیادی مقصد ذمہ دار مالیاتی رویے کو فروغ دینا اور اسمارٹ فون کی رسائی میں مسلسل اضافہ کو آسان بنانا ہے۔سرمایہ کاروں کو ڈیفالٹس سے بچانے کی کوشش میں موبائل فون بلاک کرنے اور نادہندگان کے ممکنہ طور پر قومی شناختی کارڈ جیسے اقدامات نافذ کیے جائیں گے۔ سرمایہ کاروں کی حفاظت اور پالیسی کی کامیابی کو یقینی بنانے کے لیے ایک مضبوط طریقہ کار کے قیام کی اہمیت پر زور دیا۔

02/01/2024

آرمی چیف جنرل عاصم منیر نے کہا ہے کہ پاک فضائیہ میں اسٹیٹ آف دی آرٹ ویپن سسٹم کی شمولیت بڑی کامیابی ہے، مسلح افواج ہرجارحیت کا بھرپور جواب دینے کیلئے تیار ہے۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل عاصم منیر نے آپریشنل ایئربیس کا دورہ کیا، آرمی چیف جنرل عاصم منیر نے ایئربیس کی آپریشنلائزیشن تقریب میں شرکت کی، تقریب کے دوران پاک فضائیہ کے طیاروں نے ایئرشو کا مظاہرہ بھی کیا، پاک فضائیہ کے لڑاکا طیاروں اور ایئرموبیلٹی اور یواے وی فلیٹ نے شاندار کرتب دکھائے۔
آرمی چیف جنرل عاصم منیر کی آمد پر سربراہ پاک فضائیہ نے استقبال کیا۔ پاک فضائیہ میں نئے ویپن سسٹم اور دفاعی اثاثوں کی شمولیت کی گئی۔

آرمی چیف جنرل عاصم منیر نے پاک فضائیہ کی آپریشنل تیاریوں کی تعریف کی۔ فضائیہ میں اسٹیٹ آف دی آرٹ ویپن سسٹم کی شمولیت بڑی کامیابی ہے۔ پاک فضائیہ خطے میں طاقت کے توازن کو مستحکم کررہی ہے۔ پاک فضائیہ کی جدید ٹیکنالوجی کے حصول کی جدوجہد قابل تقلید ہے۔ آرمی چیف جنرل عاصم منیر نے کہاکہ مسلح افواج ہرجارحیت کا بھرپور جواب دینے کیلئے تیار ہے۔ آرمی چیف نے غزہ متاثرین کیلئے امدادبھجوانے میں پاک فضائیہ کے اقدامات کو سراہا۔ سربراہ پاک فضائیہ نے کہا کہ پاک فضائیہ وطن کے دفاع کو یقینی بنانے کیلئے پرعزم ہے۔

02/01/2024

02/01/2024

پاکستان اسٹیل ملز کی ہزاروں ایکڑ زمین چین کے حوالے کرنے کا فیصلہ۔ تفصیلات کے مطابق نگران وفاقی وزیر تجارت گوہر اعجاز نے اعلان کیا ہے کہ پاکستان اسٹیل ملزکی 1500 ایکڑ زمین انڈسٹریل پارک کیلیے مختص کی گئی ہے، اس کی ترقی سی پیک کے تحت چینی حکام کو تفویض کی گئی تھی۔ وفاقی حکومت نے اپنے صنعتی یونٹس قائم کرنے کیلیے اسے چینی حکام کے حوالے کرنے کا منصوبہ تیار کر لیا ہے۔
اس سے قبل 29 دسمبر کو جاری ایک بیان میں وفاقی وزیر تجارت، صنعت و پیداوار ڈاکٹر گوہر اعجاز نے کہا کہ 1982سے 2023تک آڈٹ کیے گئے پاک اسٹیل ملز کے پرفارمنس انڈیکیٹرزکو مدنظر رکھتے ہوئے حکومت/ایس آئی ایف سی اپنا ذمہ دارانہ قانونی کردار ادا کر کے پاکستان اسٹیل ملزکو بحال کر سکتے ہیں۔

جبکہ 19 دسمبر سامنے آنے والی خبر میں دعوٰی کیا گیا تھا کہ پاکستان اسٹیل ملزکونجکاری پروگرام کی فہرست سے نکال دیا گیا ۔

نگران حکومت نے نجکاری کے جاری پروگرام کی نئی فہرست جاری کردی جس کے مطابق جاری نجکاری پروگرام کی فہرست میں اداروں کی تعداد 27سے کم ہوکر26پرآگئی۔ توانائی شعبے کے سب سے زیادہ 14ادارے نجکاری کی فعال فہرست میں شامل ہیں۔ فناننشل اورریئل اسٹیٹ سے متعلق4,4 ادارے نجکاری کے جاری پروگرام میں شامل ہے۔ انڈسٹریل سیکٹر کی3ادارے جاری نجکاری پروگرام کا حصہ ہے ۔
ہوابازی شعبہ کا ایک پی آئی اے نجکاری پروگرام کی فعال فہرست میں شامل ہے۔ نجکاری کے جاری پروگرام میں اسٹیٹ لائف انشورنس کارپوریشن شامل ہے۔ بلوکی، حویلی بہادر، گدو اور نندی پور پاور پلانٹس جاری نجکاری پروگرام کا حصہ ہیں۔ تمام10سرکاری بجلی تقسیم کار کمپنیاں فعال نجکاری فہرست میں شامل ہے ،ہاؤس بلڈنگ فنانس کارپوریشن، فرسٹ ویمن بینک نجکاری فہرست میں شامل ہے۔ پاکستان انجینئرنگ کمپنی اور سندھ انجینئرنگ لمیٹڈ فہرست میں شامل ہے۔ سروسز انٹرنیشنل ہوٹل لاہور، جناح کنونشن سنٹر اسلام آباد نجکاری پروگرام میں شامل ہے، پی آئی اے روزویلٹ ہوٹل نجکاری کے جاری پروگرام کی فہرست میں شامل ہے ۔ جبکہ پاکستان اسٹیل ملز کو نجکاری پروگرام کی فہرست سے نکال دیا گیا۔

02/01/2024

سال 2023میںپاکستان کی سب سے بڑی تین کار ساز کمپنیوں ٹیوٹا، سوزوکی اور ہونڈا کی فروخت ہونے والی گاڑیوں کے اعدادوشمار سامنے آ گئے۔ نجی ٹی وی کے مطابق اعدادو شمار پاکستان آٹو میٹو مینوفیکچررز ایسوسی ایشن کی جانب سے جاری کئے گئے ہیں جس کے مطابق گاڑیوں کی فروخت میںکمی ریکارڈ کی گئی ہے۔
رپورٹ کے مطابق ہونڈا نے سال 2023 میں 9 ہزار 760 گاڑیاں فروخت کیں جبکہ اس کے برعکس 2022 میں گاڑیوں کی فروخت ریکارڈ 28 ہزار 928 رہی یعنی فروخت میں مہنگائی کی وجہ سے 66.26 فیصد تک کمی ریکارڈ کی گئی۔ کمپنی کی جانب سے سال جنوری سے نومبر 2023 تک ہونڈا سویک اور ہونڈا سٹی کے مجموعی طور پر 7 ہزار 68 یونٹس فروخت کئے گئے جبکہ اسی عرصہ کے دوران 2022 میں فروخت 25 ہزار 502 یونٹس تھی جس میں 72 فیصد سے زیادہ کمی ریکارڈ ہوئی۔

ہونڈا بی آروی اور ایچ آر وی کی فروخت میں بھی بھاری کمی ہوئی، سال 2022 میں کمپنی نے 3 ہزار 426 گاڑیاں فروخت کی تھیں جبکہ 2023 میں یہ تعدا د کم ہو کر 2 ہزار 692 رہ گئی۔سوزوکی کی گاڑیوں کی فروخت میں بھی گزشتہ سال 2023 میں شدید کمی ریکارڈ کی گئی۔ جنوری سے نومبر 2023 کے دوران مجموعی طور پر کمپنی نے 35 ہزار 253 گاڑیاں فروخت کیں جبکہ 2022 میں یہ تعداد ایک لاکھ 14 ہزار 605 تھی یعنی کمپنی کی فروخت میں 69.24 فیصد کمی ہوئی ۔
مشہور زمانہ گاڑی آلٹو کے محض 19 ہزار 71 یونٹس ہی فروخت ہوئے جبکہ 2022 میں یہ تعداد 59 ہزار 526 تھی، سوزوکی کلٹس کی فروخٹ 3 ہزار 424 رہی جبکہ اس سے قبل یہ تعداد 12 ہزار 739 تھی ۔اس مہنگائی کا اثر ٹیوٹا کی سیلز پر بھی پڑا اور کمپنی سال 2022 کی نسبت 2023 میں 66.81 فیصد خسارے کا شکار رہی ، جنوری سے نومبر 2023 تک صرف 19 ہزار 320 گاڑیاں ہی فروخت ہو سکیں جبکہ 2022 میں یہ تعداد 51 ہزار 945 تھی ۔