03/07/2026
**سیاست برائے خدمت: عوامی اعتماد ہمارا اثاثہ، خدمت کا سفر نئے عزم کے ساتھ جاری رہے گا، چوہدری عابد رضا کوٹلہ**
**سرائے عالمگیر (SDN نیوز):** سابق ایم این اے چوہدری عابد رضا کوٹلہ نے کہا ہے کہ ہم سیاست کو ذاتی مفاد کا ذریعہ نہیں بلکہ عبادت سمجھتے ہیں۔ عوام کی خدمت کا جذبہ ہی ہماری اصل پہچان ہے اور اس سفر کو پہلے سے زیادہ عزم، خلوص اور توانائی کے ساتھ جاری رکھا جائے گا۔
ان خیالات کا اظہار انہوں نے اپنے ایک بیان میں کیا۔ چوہدری عابد رضا نے کہا کہ عوام کی فلاح و بہبود کے لیے ہماری جدوجہد بلا تفریق جاری رہے گی۔ ہمیں عوامی حلقوں کا جو اعتماد حاصل ہے، وہ ہمارے لیے ایک اثاثہ ہے اور ہم اس اعتماد کی لاج رکھنے کے لیے ہر ممکن کوشش کریں گے۔ انہوں نے اس عزم کا اعادہ کیا کہ حلقے کے مسائل کا حل اور عوام کی دہلیز پر بنیادی سہولیات کی فراہمی ان کی اولین ترجیح ہے۔
🔥 **سیاست نہیں، عبادت!**
عوامی خدمت کے مشن پر گامزن، چوہدری عابد رضا کوٹلہ کا عزمِ مصمم! "ذاتی مفاد نہیں، عوام کی خدمت ہی ہمارا نصب العین ہے۔" 📢
