JK News Sehnsa

05/06/2026

عوامی ایکشن کمیٹی سہنسہ پوٹھہ آواز دو ہم ایک ہیں

05/06/2026

Potha bazar

05/06/2026

Potha bazar

02/06/2026

ایس پی کوٹلی عدیل احمد لنگڑیال کی ہدایت پر منشیات فروشوں کے خلاف تسلسل سے کارروائیاں جاری

چوکی پولیس قمروٹی کی منشیات فروشوں کے خلاف کارروائیاں

*820 گرام چرس برآمد*
*ملزمان گرفتار*

محمد جمیل ASI چوکی افسر قمروٹی نے ہمراہ محمد خلیل DFC، ناصر حسین، فہد سبحانی صداقت حسین کنستیبلان کے منشیات فروشوں کے خلاف کارروائیاں

پہلی کارروائی میں ملزم محمد شفیق ولد محمد شریف قوم ملک ساکن سرساوہ کو گرفتار کرکے ملزم کے قبضہ سے 410 گرام چرس برآمد کی گئی ہے

دوسری کارروائی میں ملزم محمد تاج ولد سید محمد قوم گجر ساکن پنجیڑہ کٹانی کو گرفتار کرکے ملزم کے قبضہ سے 230 گرام چرس برآمد کی گئی ہے
تیسری کارروائی میں ملزم تصدق عرف منا ولد پلا خان ساکن کھڈ گوجراں کو گرفتار کرکے ملزم سے 180 گرام چرس برآمد کی گئی ہے ۔ملزمان کے خلاف منشیات ایکٹ میں مقدمات درج کرکے تفتیش کا آغاز کر دیا گیا ہے ۔

01/06/2026

ٹکٹ کی تقسیم میں میرٹ کی بالادستی ہی کامیابی کی ضمانت ہے: راجہ ذاکر کیانی ایڈووکیٹ
امیدوار اسمبلی (مسلم لیگ ن) حلقہ 4 سہنسہ، راجہ ذاکر کیانی ایڈووکیٹ ہائی کورٹ یوکے و پاکستان نے واضح الفاظ میں مؤقف اختیار کیا ہے کہ اگر حلقہ سہنسہ میں مسلم لیگ ن کا پارلیمانی ٹکٹ میرٹ، کارکنوں کی خواہشات اور زمینی حقائق کو نظر انداز کرتے ہوئے دیا گیا تو اس کے نتیجے میں ہونے والے سیاسی نقصان کی تمام تر ذمہ داری آزاد کشمیر کی مرکزی قیادت پر عائد ہوگی۔
انہوں نے کہا کہ حلقہ سہنسہ مسلم لیگ ن کا ایک اہم سیاسی مرکز ہے جہاں کارکنان اور عوام کی بڑی تعداد پارٹی کے ساتھ اپنی وابستگی اور وفاداری کا عملی ثبوت دیتی رہی ہے۔ اس لیے ٹکٹ کی تقسیم کے معاملے میں انصاف، شفافیت اور میرٹ کو ہر صورت مقدم رکھا جانا چاہیے تاکہ کارکنوں کے اعتماد کو مزید مضبوط بنایا جا سکے۔
راجہ ذاکر کیانی کا کہنا تھا کہ حلقہ سہنسہ کی مسلم لیگ ن اس وقت انتہائی سنجیدگی کے ساتھ پارٹی قیادت کے فیصلے کی منتظر ہے اور یہ توقع رکھتی ہے کہ ٹکٹ ایسے امیدوار کو دیا جائے گا جو عوامی حمایت، سیاسی جدوجہد، پارٹی خدمات اور انتخابی کامیابی کی صلاحیت کے اعتبار سے سب سے موزوں ہو۔ ان کے مطابق میرٹ پر مبنی فیصلہ نہ صرف کارکنوں کے حوصلے بلند کرے گا بلکہ پارٹی کو ایک مضبوط اور متحد قوت کے طور پر میدان میں اتارنے میں بھی مددگار ثابت ہوگا۔
انہوں نے مزید کہا کہ حلقہ کی عوام ہمیشہ میرٹ، انصاف اور اصولی سیاست پر یقین رکھتی ہے۔ یہی وجہ ہے کہ عوام ایسے فیصلوں کی حمایت کرتی ہے جو ذاتی پسند و ناپسند کے بجائے اجتماعی مفاد اور سیاسی حقائق کی بنیاد پر کیے جائیں۔ اگر قیادت کارکنوں کے جذبات اور عوامی رائے کو مدنظر رکھتے ہوئے فیصلہ کرے گی تو مسلم لیگ ن نہ صرف بھرپور انتخابی مہم چلانے میں کامیاب ہوگی بلکہ اس نشست کو جیت کر پارٹی قائد محمد نواز شریف کے لیے ایک قیمتی سیاسی تحفہ بھی پیش کر سکے گی۔
راجہ ذاکر کیانی نے اعلان کیا کہ بہت جلد حلقہ سہنسہ کے غیور مسلم لیگی رہنماؤں، کارکنان اور ذمہ داران کا ایک اہم اجلاس منعقد کیا جائے گا جس میں موجودہ سیاسی صورتحال، تنظیمی معاملات اور آئندہ کے لائحہ عمل پر تفصیلی مشاورت کی جائے گی۔ اس اجلاس کا مقصد پارٹی کے اندر اتحاد، مشاورت اور کارکنوں کے مؤقف کو مزید مؤثر انداز میں اجاگر کرنا ہوگا۔
انہوں نے اس امید کا اظہار کیا کہ مسلم لیگ ن کی قیادت کارکنوں کے جذبات، عوامی امنگوں اور انتخابی حقائق کو مدنظر رکھتے ہوئے ایسا فیصلہ کرے گی جو پارٹی کی کامیابی، اتحاد اور مضبوطی کا سبب بنے اور حلقہ سہنسہ میں مسلم لیگ ن کو مزید مستحکم کرے۔

30/05/2026

آج ڈسٹرکٹ ہیلتھ آفیسر کوٹلی نے تحصیل ہیڈکوارٹر ہسپتال سہنسہ اور بی ایچ یو سہرمنڈی کا تفصیلی دورہ کیا۔ اس موقع پر میڈیکل سپرنٹنڈنٹ (MS) تحصیل ہیڈکوارٹر ہسپتال سہنسہ نے ہسپتال کی مجموعی کارکردگی، دستیاب طبی سہولیات، مریضوں کے علاج معالجہ، ادویات کی فراہمی، ایمرجنسی سروسز، لیبارٹری، زچہ و بچہ کی نگہداشت، حفاظتی ٹیکہ جات اور دیگر جاری صحت پروگراموں کے حوالے سے جامع بریفنگ دی۔

دورے کے دوران ڈیوٹی ڈاکٹرز، نرسز، پیرا میڈیکل سٹاف اور دیگر طبی عملے سے ملاقات کی گئی اور ان کی پیشہ ورانہ خدمات، محنت اور عوامی خدمت کے جذبے کو سراہا گیا۔

ڈی ایچ او کوٹلی نے کہا کہ ایم ایس تحصیل ہیڈکوارٹر ہسپتال، ہیلتھ آفیسرز، ڈاکٹرز، نرسز اور پیرا میڈیکس کی انتھک محنت، لگن اور جذبۂ خدمت قابلِ ستائش ہے۔ یہ تمام افراد محدود وسائل کے باوجود عوام کو بہتر طبی سہولیات فراہم کرنے کے لیے شب و روز کوشاں ہیں اور ہر مشکل گھڑی میں اپنے فرائض نہایت ذمہ داری سے انجام دیتے ہیں۔

ڈی ایچ او نے ہسپتال کے مختلف شعبہ جات بشمول ایمرجنسی، او پی ڈی، لیبر روم، فارمیسی، لیبارٹری اور وارڈز کا معائنہ کیا اور مریضوں کو فراہم کی جانے والی سہولیات کا تفصیلی جائزہ لیا۔ صفائی ستھرائی، ادویات کی دستیابی، مریضوں کی نگہداشت اور ریکارڈ کے نظام کا بھی معائنہ کیا گیا۔

اس موقع پر عملے کو ہدایات جاری کی گئیں کہ مریضوں کے ساتھ خوش اخلاقی، بروقت اور معیاری علاج، صفائی کے اعلیٰ معیار اور ہسپتال کے نظم و ضبط کو ہر صورت یقینی بنایا جائے۔ ساتھ ہی مریضوں اور ان کے لواحقین کو درپیش مسائل کے فوری حل کے لیے خصوصی توجہ دینے کی بھی ہدایت کی گئی۔

ڈی ایچ او کوٹلی نے ہسپتال کی مزید بہتری، خدمات کے معیار میں اضافے اور صحت عامہ کے پروگراموں کی مؤثر عملداری کے حوالے سے احکامات جاری کیے۔ انہوں نے مریضوں اور ان کے تیمارداروں سے ملاقات کر کے فراہم کی جانے والی طبی سہولیات کے بارے میں براہِ راست فیڈبیک حاصل کیا اور ان کے مسائل و تجاویز کو غور سے سنا۔

آخر میں انہوں نے تمام ہیلتھ ورکرز کی خدمات کو خراجِ تحسین پیش کرتے ہوئے کہا کہ ہمیں اپنے ڈاکٹرز، نرسز، پیرا میڈیکس اور دیگر طبی عملے پر فخر ہے جو دن رات انسانیت کی خدمت میں مصروف ہیں اور عوام کی صحت کے تحفظ کے لیے اہم کردار ادا کر رہے ہیں۔

اللہ تعالیٰ تمام ہیلتھ ورکرز کو مزید ہمت، صحت، استقامت اور کامیابی عطا فرمائے

30/05/2026

🔥 انجمن تاجران سہنسہ کی حکومت اور محکمہ برقیات کو 7 دن کی آخری مہلت 🔥
سہنسہ (نمائندہ خصوصی) — عید کی تعطیلات کے دوران سہنسہ ٹاؤن میں محکمہ برقیات کی کارکردگی مکمل طور پر سوالیہ نشان بنی رہی۔ بازار مکمل بند ہونے کے باوجود وولٹیج پچاس سے اوپر نہ جا سکی جبکہ بجلی کی بار بار بندش نے عوام کا جینا دوبھر کر دیا۔ ماضی میں جب بازار بند ہوتا تھا تو گھریلو صارفین کو بہتر بجلی فراہم کی جاتی تھی، مگر اس مرتبہ صورتحال اس کے برعکس رہی، جس سے عوام میں شدید بے چینی اور غم و غصہ پایا جاتا ہے۔

انجمن تاجران سہنسہ کے صدر راجہ سلیم خان اور جنرل سیکرٹری چوہدری محمد یوسف نے عید ملن پارٹی کے موقع پر مقامی صحافیوں سے گفتگو کرتے ہوئے کہا کہ سہنسہ ٹاؤن کے ساتھ ہمیشہ سوتیلی اولاد جیسا سلوک کیا گیا ہے اور افسوسناک بات یہ ہے کہ یہ رویہ آج بھی برقرار ہے۔ عوام یہ سوال کرنے میں حق بجانب ہیں کہ آخر سہنسہ کو بنیادی سہولت یعنی بجلی سے کیوں محروم رکھا جا رہا ہے؟

انہوں نے کہا کہ ایک طرف برسوں سے زیرِ تکمیل گرڈ اسٹیشن کا منصوبہ انتہائی سست رفتاری کا شکار ہے اور عوام آج تک اس کے ثمرات سے محروم ہیں، جبکہ دوسری طرف کم وولٹیج اور غیر اعلانیہ لوڈشیڈنگ نے رہی سہی کسر بھی پوری کر دی ہے۔ اگر ترقیاتی منصوبے فائلوں سے باہر نہیں نکل رہے اور بجلی کی صورتحال دن بدن خراب ہوتی جا رہی ہے تو پھر عوام کو دیے گئے وعدوں کی حیثیت کیا رہ جاتی ہے؟

انجمن تاجران کے رہنماؤں نے کہا کہ کم و بیش روزانہ بجلی کے اتار چڑھاؤ کی وجہ سے شہریوں کے قیمتی برقی آلات جل رہے ہیں، کاروبار متاثر ہو رہے ہیں اور ہزاروں روپے کے نقصانات برداشت کرنا پڑ رہے ہیں، مگر ان نقصانات کی ذمہ داری لینے والا کوئی نہیں۔ آج کے دور میں بجلی ایک بنیادی ضرورت ہے اور اس کے بغیر معمولاتِ زندگی اور کاروباری سرگرمیوں کا چلنا تقریباً ناممکن ہو چکا ہے۔

انہوں نے وزیر حکومت چوہدری محمد اخلاق، محکمہ برقیات کے اعلیٰ حکام اور متعلقہ ذمہ داران کو 7 دن کی واضح مہلت دیتے ہوئے مطالبہ کیا کہ سہنسہ بازار اور گردونواح میں بجلی کے نظام کی بہتری، کم وولٹیج کے خاتمے اور غیر اعلانیہ لوڈشیڈنگ کو روکنے کے لیے فوری اور عملی اقدامات کیے جائیں۔

انجمن تاجران نے واضح کیا کہ اگر سات دن کے اندر اندر حالات میں نمایاں بہتری نہ آئی تو تاجر برادری، عوامی نمائندوں اور شہریوں کے ساتھ مشاورت کے بعد بھرپور احتجاجی تحریک کا اعلان کیا جائے گا، جس میں شٹر ڈاؤن ہڑتال، احتجاجی مظاہرے اور دیگر جمہوری اقدامات شامل ہوں گے۔

انہوں نے کہا کہ عوام کو اب صرف وعدے اور بیانات نہیں بلکہ نتائج چاہئیں۔ اگر بنیادی مسائل حل نہیں ہوتے تو آنے والے انتخابات میں عوام اپنی رائے کا اظہار بھی انہی کارکردگیوں کو سامنے رکھ کر کریں گے۔ سہنسہ کے عوام مزید نظرانداز ہونے کے متحمل نہیں ہو سکتے۔

"سات دن میں بجلی کا نظام بہتر کریں، کم وولٹیج اور غیر اعلانیہ لوڈشیڈنگ ختم کریں، ورنہ عوام اور تاجر برادری اپنے آئندہ کے لائحہ عمل کا اعلان کرنے پر مجبور ہوگی۔"

27/05/2026

آج ایک بڑی عجیب و غریب بات معلوم ہوئی گوشت ہٹانے کے بعد ان ہڈیوں کو ایک بزرگ کے کہنے پر یہاں سے توڑا گیا پوچھنے پر انہوں نے یہ بتایا کہ یہ ہڈیاں اگر ثابت اسی طرح پھینک دی جائے اور کسی غلط بندے کے ہاتھ لگ جائے تو وہ ان ہڈیوں کو جادو کے لیے استعمال کرتا ہے یہ نہیں کہ اگر کسی پر جادو کرنا ہو تو وہ ان ہڈیوں کا استعمال کرتا ہے لیکن اگر یہ ثابت نہ ہو اور اس طرح ٹوٹی ہوئی ہو تو پھر یہ اس کی کام کی نہیں رہتی اس لیے ان کو توڑا گیا ہے مجھے تو بڑی عجیب سی بات لگی اس لیے کہ ان چیزوں سے اللہ پاک نے ہمیشہ دور رکھا ہے تو اسی طرح کی کوئی معلومات نہیں ہے مگر علم حاصل کرنا بھی ضروری ہے اس لیے پوچھنے لگا ہوں کہ کیا اپ کو اس کے بارے میں کچھ معلومات ہیں کہ ایسا کچھ ہوتا ہے ؟

26/05/2026

26/05/2026

إِنَّا لِلّٰهِ وَإِنَّا إِلَيْهِ رَاجِعُونَ۔

پیر سید تصویر حسین شاہ نوشاہی قادری انتقال کر گئے ہیں نماز جنازہ آج شام 6 بجے دربار عالیہ نوشاہیہ قادریہ سہرمنڈی کے مقام پر ادا کیا جائے گا۔