03/09/2026
تحصیل بانڈہ داؤد شاہ ٹیری میں ایک کروڑ روپے کی سٹریٹ لائٹس منصوبے پر سوالات۔۔۔
تحصیل بانڈہ داؤد شاہ ٹیری میں ایم پی اے خورشید خٹک کے ثواب دیدی CSR فنڈ سے منظور شدہ تقریباً ایک کروڑ روپے کی لاگت کے سٹریٹ لائٹس منصوبے پر عوامی سوالات اٹھنے لگے ہیں۔ اس منصوبے کے حوالے سے ہم پہلے بھی ایک ویڈیو رپورٹ میں نشاندہی کر چکے ہیں کہ سٹریٹ لائٹس کے فاؤنڈیشن اور تنصیب کے کام میں مبینہ طور پر خامیاں موجود ہیں۔
اب صورتحال یہ ہے کہ لگائی گئی بعض لائٹس رات 12 بجے کے بعد بند ہو جاتی ہیں، جس سے استعمال ہونے والی لائٹس کے معیار پر بھی سوالات پیدا ہو رہے ہیں۔
عوامی نیٹ ورک بہت جلد اس منصوبے پر ایک تفصیلی اور جامع رپورٹ پیش کرے گا، جس میں یہ حقائق سامنے لائے جائیں گے:
منصوبے میں کل کتنی سٹریٹ لائٹس لگنی تھیں؟
اب تک کتنی سٹریٹ لائٹس نصب کی جا چکی ہیں؟
سٹریٹ لائٹس مقررہ فاصلے کے مطابق لگائی گئی ہیں یا نہیں؟
منصوبے پر ایک کروڑ روپے کی رقم کس طرح خرچ کی گئی؟
اور سب سے اہم، اس منصوبے کے بارے میں عوام کی رائے کیا ہے؟
چند ہی دنوں میں مکمل رپورٹ عوامی نیٹ ورک پر شیئر کی جائے گی۔
عوامی نیٹ ورک — عوام کی آواز، عوام کے مسائل کے ساتھ
