16/07/2026
سعودی کابینہ نے غیر ملکی تربیت کاروں اور پیشہ ور افراد کے لیے نئے ٹریننگ ویزا کی منظوری دے دی ہے، جس کا مقصد بین الاقوامی مہارتوں کے تبادلے، پیشہ ورانہ تربیت اور عالمی تعاون کو فروغ دینا ہے۔
عرب میڈیا کے مطابق نیا ٹریننگ ویزا منظور شدہ ضوابط کے تحت جاری کیا جائے گا۔ اس اقدام سے سعودی عرب میں مختلف شعبوں کے تربیتی پروگراموں، مہارتوں کی منتقلی اور عالمی سطح پر پیشہ ورانہ تعاون کے نئے مواقع پیدا ہونے کی توقع ہے۔
یہ فیصلہ ولی عہد و وزیراعظم شہزادہ محمد بن سلمان کی زیر صدارت ہونے والے کابینہ اجلاس میں کیا گیا، جہاں اسٹیٹ ریونیو لا (State Revenue Law) کی منظوری بھی دی گئی۔
اجلاس میں ولی عہد شہزادہ محمد بن سلمان نے امریکی صدر ڈونلڈ ٹرمپ کے ساتھ ہونے والی حالیہ ٹیلیفونک گفتگو سے کابینہ کو آگاہ کیا، جس میں دوطرفہ تعلقات، خطے کی صورتحال اور عالمی امور پر تبادلہ خیال کیا گیا۔
کابینہ کو کینیڈا کے وزیراعظم مارک کارنی کے ساتھ ہونے والے مذاکرات کی تفصیلات سے بھی آگاہ کیا گیا۔ دونوں ممالک نے توانائی، مصنوعی ذہانت، سرمایہ کاری، تعلیم، انفراسٹرکچر، مالیاتی خدمات اور انفارمیشن ٹیکنالوجی سمیت مختلف شعبوں میں تعاون بڑھانے پر اتفاق کیا۔
اجلاس میں خطے کی مجموعی صورتحال کا بھی جائزہ لیا گیا جبکہ سعودی کابینہ نے خلیج ہرمز میں تجارتی جہازوں پر حملوں اور علاقائی امن کو نقصان پہنچانے والے اقدامات کی مذمت کی۔
👍 آپ کی رائے میں نیا ٹریننگ ویزا غیر ملکی ماہرین اور پاکستانی پروفیشنلز کے لیے کتنے نئے مواقع پیدا کرے گا؟ اپنی رائے کمنٹ میں ضرور دیں۔
📲 پاکستان اور دنیا بھر کی تازہ ترین خبروں کے لیے احوالِ شاہکوٹ ایپ ڈاؤن لوڈ کریں:
https://play.google.com/store/apps/details...
🌐 www.ahwaleshahkot.com
ڈپٹی ایڈیٹر، روزنامہ حاوی رپورٹ لاہور (ABC Certified) — عاشق بھٹی
