06/05/2025
*ڈاکٹر گل زہرہ سیال کی سربراہی میں جھنگ جعلی،عطائیوں کے خلاف کریک ڈاؤن*
_ڈپٹی ڈسٹرکٹ ہیلتھ آفیسر ڈاکٹر گل زہرہ سیال نے جھنگ میں جعلی ڈاکٹروں کے خلاف فیصلہ کن کارروائی کا آغاز کر دیا۔_
_تفصیلات کے مطابق ڈاکٹر گل زہرہ سیال کی قیادت میں محکمہ صحت کی ٹیم نے دو طبی مراکز پر اچانک چھاپے مارے۔_
_پہلے چھاپے میں، ٹیم نے جھنگ کے نواح میں خود ساختہ احسن اعجاز کے غیر قانونی کلینک کو نشانہ بنایا_ ۔
_چھاپے کے دوران احسن اعجاز پنجاب ہیلتھ کیئر کمیشن کی جانب سے جاری کردہ کوئی سرٹیفکیٹ یا اجازت نامہ فراہم کرنے میں ناکام رہا_ ۔
_عطائی ڈاکٹر اپنی اہلیت ثابت کرنے کے لیے کوئی ڈگری یا لائسنس بھی پیش نہیں کر سکا۔_
_کلینک غیر صحت بخش پایا گیا، اور احسن اعجا، خراب حالات کا کوئی جواز پیش نہیں کر سکا_ ۔
_نتیجے میں کلینک کو سیل کر دیا گیا، اور ڈاکٹر کے خلاف قانونی کارروائی شروع کر دی گئی_ ۔
*دوسرا چھاپہ چنیوٹ روڈ اڈہ کھیوا پر واقع الشفاء ہسپتال پر مارا گیا* ۔
_چھاپے کے دوران پتہ چلا کہ ہسپتال میٹرک کی طالبہ چلا رہی تھی،جبکہ دو دیگر خواتین فرار ہونے میں کامیاب ہو گئیں۔_
_ہسپتال انتظامیہ پنجاب ہیلتھ کیئر کمیشن کا اجازت نامہ یا نو آبجیکشن سرٹیفکیٹ (این او سی) فراہم کرنے میں ناکام رہا۔_
_نتیجتاً ہسپتال کو سیل کر کے قانونی کارروائی شروع کر دی گئی_ ۔
_ڈاکٹر گل زہرہ سیال نے اس بات پر زور دیا کہ محکمہ صحت کی جانب سے عطائیوں اور جعلی کلینکس کے خلاف مسلسل کارروائی سے نااہل طبی پریکٹیشنرز کی وجہ سے ہونے والی اموات پر قابو پانے میں مدد مل سکتی ہے۔_
