islami waqiat in Urdu

22/06/2025

روس نے کہا ہے کہ ایران کے نیو کلئیر پلانٹ کو تباہ کیا گیا تو چرنوبل جیسی صورتحال ہوسکتی ہے۔ چرنوبل یوکرین کا ایک علاقہ ہے۔۔۔ جو دنیا کے سب سے بڑے نیوکلیئرحادثے کی وجہ سے مشہور ہوا۔۔🔥
یہ حادثہ 26 اپریل 1986 کو پیش آیا۔۔ جب چرنوبل نیوکلیئر پاور پلانٹ کا ایک ری ایکٹر (Reactor 4) پھٹ گیاتھا۔۔ ری ایکٹر کے اندر ایک تجربہ ہو رہا تھا جو غلطی سےقابو سےباہرہو گیا۔ری ایکٹر میں دھماکہ ہوا اور بہت زیادہ تابکار (Radioactive) مواد فضا میں پھیل گیا۔۔۔⛈️
یہ مواد ہوا کے ذریعے یورپ کے کئی ملکوں تک پہنچا
ہزاروں لوگ فوری طور پر متاثر ہوئے۔ 33 ہزار اموات ہوئیں کئی لوگ بعد میں کینسر اور دیگر بیماریوں سے مرے۔ چرنوبل شہر اورآس پاس کے علاقوں کو خالی کروا لیا گیا۔ آج تک یہ علاقہ خطرناک زون میں شامل ہےاور وہاں انسانوں کا رہنا ممنوع ہے۔۔🕷️
آج چرنوبل ایک "بھوتوں کا شہر" (Ghost Town) بن چکا ہے۔ وہاں صرف سائنسدان، فوجی، یا سیاح خاص اجازت سے جا سکتے ہیں۔۔۔🚁

21/06/2025

اسرائیلی اخبار کا سرکاری ذرائع سے چشم کُشا انکشاف، کہا ایران کے نظام حکومت میں کوئی کمزوری یا عدم استحکام پیدا نہیں ہوا ،اسرائیلی حملوں سے ایران میں نظام حکومت کمزور ہونے کے بجائے مزید مستحکم ہو گیا۔

اسرائیلی اخبار 'دی یروشلم پوسٹ' نے تین اسرائیلی حکام کے توسط سے انکشاف کیا ہے کہ ایران پر اسرائیلی حملوں اور خطے میں بڑھتی کشیدگی کے باوجود، تہران کی حکومت میں کسی قسم کی کمزوری یا عدم استحکام کے شواہد نہیں ملے، بلکہ ایرانی حکومت نے اندرونی طور پر اپنی گرفت مزید مضبوط کر لی ہے۔

دی یروشلم پوسٹ کی رپورٹ کے مطابق، اسرائیلی سیکیورٹی ذرائع کا کہناہے کہ تہران میں مرکزی حکومت کے کنٹرول میں کسی قسم کی کمی دیکھنے میں نہیں آئی، بلکہ حقیقت اس کے برعکس ہے۔ ایرانی حکومت اندرونی سطح پر مزید سختی سے کنٹرول حاصل کر رہی ہے۔

یہ بیان ایک ایسے وقت میں سامنے آیا ہے جب کچھ بین الاقوامی مبصرین کا ماننا تھا کہ مسلسل اسرائیلی حملوں، معاشی پابندیوں اور عوامی دباؤ کے باعث ایران میں داخلی سیاسی کمزوری پیدا ہو سکتی ہے۔

تاہم اسرائیلی انٹیلیجنس کے مطابق، ایران کی حکومت نے فوجی اور انٹیلیجنس اداروں کے ساتھ روابط کو مزید مضبوط کیا ہے، اور ممکنہ "بغاوت یا بےچینی" کے ہر پہلو کو مؤثر طریقے سے کنٹرول کیا ہے۔

اخبار کے ذرائع کے مطابق، ایرانی حکومت اس وقت قومی یکجہتی کو فروغ دینے اور "خارجی خطرے" کو بنیاد بنا کر داخلی حمایت حاصل کرنے کی پالیسی پر عمل پیرا ہے

21/06/2025

ایرانی میزائل حملوں سے نمٹنے کے لیے اسرائیلی انٹرسیپٹر نظام کی فی میزائل لاگت کتنی؟

ایران کے ممکنہ میزائل حملوں کے خطرے کے پیش نظر اسرائیل نے مختلف دفاعی انٹرسیپٹر سسٹمز تعینات کر رکھے ہیں، جن کی فی میزائل قیمت درج ذیل ہے:

ڈیوڈز سلنگ: 7 لاکھ امریکی ڈالر

ایرو 2: 15 لاکھ امریکی ڈالر

ایرو 3: 20 لاکھ امریکی ڈالر

آئرن ڈوم: 30 لاکھ امریکی ڈالر تک

یہ تمام سسٹمز اسرائیل کی دفاعی حکمت عملی کا حصہ ہیں تاکہ کسی بھی ممکنہ خطرے کو بروقت روکا جا سکے، تاہم ان کی بھاری قیمت ملکی دفاعی بجٹ پر واضح اثر ڈالتی ہے۔

21/06/2025

ایران پر حملے کے لیے امریکہ کو پاکستانی اڈوں کی ضرورت نہیں، عسکری تجزیہ کاروں کا مؤقف

واشنگٹن: دفاعی و عسکری تجزیہ کاروں کا کہنا ہے کہ ایران کے خلاف ممکنہ امریکی کارروائی کے لیے پاکستان کے کسی بھی فوجی یا فضائی اڈے کی ضرورت نہیں ہے۔ جدید جنگی طیاروں اور خطے میں مضبوط عسکری موجودگی کے باعث امریکہ مکمل خود کفیل ہے۔

امریکی فضائیہ کے پاس B-2 اسٹیلتھ بمبار، F-35 لائٹننگ اور FA-18 ہارنیٹ جیسے جدید طیارے موجود ہیں، جو زمین دوز اور انتہائی محفوظ اہداف کو بھی مؤثر طریقے سے نشانہ بنانے کی صلاحیت رکھتے ہیں۔ ان طیاروں کے ساتھ ساتھ گہرائی میں مار کرنے والے اسمارٹ بم اور میزائل امریکہ کو تکنیکی برتری فراہم کرتے ہیں۔

مزید برآں، اسرائیلی خفیہ ایجنسی موساد اور بھارتی انٹیلی جنس ایجنسی را (RAW) سے حاصل شدہ زمینی معلومات امریکی اہداف کو مزید واضح اور قابلِ بھروسہ بناتی ہیں، جس سے ایرانی تنصیبات پر حملے کی کامیابی کے امکانات بڑھ جاتے ہیں۔

خلیج میں پہلے ہی امریکہ کے پاس قطر، بحرین، متحدہ عرب امارات اور کویت میں مستقل فوجی اڈے موجود ہیں، جہاں سے کسی بھی کارروائی کا آغاز ممکن ہے۔ ماہرین کے مطابق ان اڈوں کی موجودگی امریکہ کو خطے میں اسٹریٹیجک برتری فراہم کرتی ہے۔

تجزیہ کاروں کا کہنا ہے کہ اگرچہ جغرافیائی لحاظ سے پاکستان ایران کے قریب ہے، تاہم موجودہ حالات اور امریکہ کی تکنیکی و انٹیلیجنس برتری کے تناظر میں واشنگٹن کو اسلام آباد کے کسی تعاون کی ضرورت نہیں رہی۔

21/06/2025

امریکا کو صدر اوباما کے بعد ٹرمپ لاحق ہوا تھا۔ ٹرمپ صاحب اوباما کے بعد پہلی بار اقتدار میں آئے اور پھر بیچ میں بائیڈن صاحب کا وقفہ آ گیا۔ البتہ ٹرمپ نے اوباما پر ہوائی حملے جاری رکھے۔ شاید وہ اوباما سے شدید متاثر ہیں۔

ٹرمپ کو سیاسی شہرت سنہ 2011 میں ملی جب اس نے بارک اوباما کی امریکی شہریت چیلنج کرتے اسے غیرملکی مسلمان خاندان سے جوڑ دیا تھا۔ اوباما نے جب ریاست ہوائی کا برتھ سرٹیفکیٹ لہرا دیا تو ٹرمپ نے پینترا بدل کر کہا خدا معلوم نقلی ہے کہ اصلی!!!۔۔ ٹرمپ کے چھیاسٹھ فیصد حامیوں کو آج بھی یہ یقین ہے کہ اوبامہ نہ صرف غیر ملکی بلکہ مسلمان بھی ہے۔یہ ہوتی ہے سیاسی ہوائی بازی!

صدر اوباما کو 2009 میں نوبیل پرائز ملا تھا۔ ٹرمپ کی بھی شدید خواہش رہی کہ اسے بھی اوباما کے بعد نوبیل ملے۔ یہ خواہش نئی نہیں ہے۔ اس خواہش کا اظہار وہ کئی بار اپنی زبان سے فرما چکے ہیں۔” وہ مجھے نوبیل نہیں دیں گے کیونکہ وہ نوبیل لبرلز کو دیتے ہیں۔”۔اوباما کو نوبیل ملنے کے بعد ٹرمپ نے ٹوئٹر پر کہا تھا کہ اوباما کا انعام واپس لے لیا جانا چاہیے۔

نوبیل کی خواہش میں ٹرمپ کو خوش کرنے کی خاطر سنہ 2020 میں نارویجین سیاستدان تائیبرنگ جیڈ نے ٹرمپ کا نام نامزد کیا تھا۔ جیڈ نے کہا تھا “ میرے خیال میں انہوں نے دیگر ممالک کے درمیان امن قائم کرنے میں بہت سے نوبیل انعام یافتہ افراد سے زیادہ کوششیں کی ہیں۔”۔ جواباً ٹرمپ نے جیڈ کا خصوصی شکریہ ادا کیا۔

سنہ 2024 میں یوکرین کے رکن پارلیمنٹ اولیکسنڈر میرزکو نے بھی ٹرمپ کو نامزد کیا تھا۔ اور اس سال 2025 کے آغاز میں نوبیل نامزدگیوں کی تعداد 338 تھی جن میں ٹرمپ پھر شامل تھے۔ امریکی کانگریس کے رکن ڈیرل عیسیٰ نے ٹرمپ کو نوبیل انعام کے لیے نامزد کیا۔ پہلے سے نامزد ٹرمپ کو اب حکومت پاکستان نے بھی نوبیل کے لیے نامزد کر دیا ہے۔

آپ دیکھئیے پاکستان کی ڈپلومیسی کا جال کیسا پھیلا ہوا ہے۔ امریکا کے ساتھ بھی ، چین کے ساتھ بھی، روس کے ساتھ بھی تعلقات خوشگوار ہیں۔ اب آپ سوچیئے کہ آخر پاکستان کے پاس ایسی کونسی گیدڑ سنگھی ہے ؟۔ پاکستان کے اعلیٰ عہدیداروں نے سوچا ہو گا ٹرمپ کا نام پہلے سے نامزد ہے پھر سے کرنے میں کیا حرج ہے، چلو چچا خوش ہو جائے گا۔ اس کی بڑی شدید خواہش ہے کہ نوبیل کو چوم کر گھر میں سجائے۔اگر مل گیا تو ٹھیک اور حسب سابق نہ ملا تو گونگلو (اس کی جگہ ٹرمپ بھی پڑھ سکتے ہیں) سے مٹی جھاڑ دی جائے۔

پاکستان کے چین سے سٹریٹجک تعلقات دیرینہ ہیں۔ اگر اسرائیل امریکا کا چھوٹا ہے تو پاکستان چین کا چھوٹا ہے۔ امریکا سے ہمارا تعلق ڈالر جاتی یا قرض جاتی ہے۔ امریکا سے ڈائیریکٹ مالی مدد کے ساتھ امریکا کے زیر اثر ورلڈ بینک اور آئی ایم ایف سے قرض وصولی کی ایک ہسٹری ہے۔ بدلے میں پاکستان نے بھی امریکا کے لیے اپنا کافی خون پسینا بہایا ہے۔روس بھارت تعلقات گہرے تھے اور پاکستان کے ساتھ روس کا ناطہ سائبیریا جیسا ٹھنڈا تھا۔ نارتھ کوریا روس کا چھوٹا ہے۔ پاکستان نے نارتھ کوریا یعنی روسی چھوٹے کے ذریعہ تعلقات بحال کرنے کو بہت محنت کی۔

نوے کی دہائی میں بینظیر صاحبہ نے شمالی کوریا کے متعدد ہائی آفیشلز سے ملاقاتیں کی تھیں۔مبینہ طور پر ان ملاقاتوں کی پشت پر اسٹیبلشمنٹ کی سپورٹ تھی۔ جوہری ٹیکنالوجی منتقل کرنے کے بدلے پاکستان کوریا کے Rodong لانگ رینج بیلسٹک میزائلز ٹیکنالوجی حاصل کرنے کا خواہشمند تھا۔ اس دور میں بہت سے “مشکوک” کارگو دونوں ممالک کے درمیاں ایکسچینج ہوئے۔ سی آئی اے نے سیٹلائٹ امیجز سے کچھ شواہد جمع کر لیے اور یوں پاکستان پر الزام لگا کہ اس نے نارتھ کوریا کو جوہری ٹیکنالوجی منتقل کی ہے اور بدلے میں نارتھ کوریا سے بیلسٹک میزائل پروگرام میں مدد لی ہے۔ان شواہد کو تقویت تب ملی جب پاکستان نے غوری ون میزائل کا تجربہ کر لیا۔ غوری ون کے متعلق کہا گیا کہ کوریائی روڈونگ میزائل کا بس کور بدلا گیا ہے اندر پراڈکٹ سیم ہے۔ پاکستان پر جوہری پھیلاؤ کا الزام لگا جس سے بچ نکلنے کو قدیر خان کی گردن پیش کی گئی۔ جو کیا قدیر خان نے ذاتی حیثیت میں کیا ریاست کو کچھ معلوم نہیں۔

پاکستان دنیا میں ٹاپ پندرہ پروفیشنل افواج رکھنے والے ممالک میں بارہویں نمبر اور جوہری صلاحیت رکھنے والے ممالک میں ساتویں نمبر پر شمار ہوتا ہے۔ پاکستان کسی طاقت سے ٹکراؤ یا ناراضگی افورڈ نہیں کر سکتا۔ جغرافیائی اعتبار سے اس جگہ واقع ہے جہاں روس، چین اور امریکی اڈے اردگرد واقع ہیں۔بھارت، سعودیہ اور ایران بھی پاس پاس ہیں۔ میں جب جب پاکستان کی ڈپلومیسی پر غور کرتا ہوں مجھے یہ قطع یاد آ جاتا ہے اور یہی ہمارا ڈپلومیٹک ڈاکٹرائن ہے۔

16/06/2025

اسرائیل نے ایرانی سرکاری ٹی وی کی عمارت کو اڑا دیا ہے اور متعدد مقامات پر شدید حملے کیے ہیں۔ نیتن یاہو نے ابھی کچھ دیر قبل کہا ہے ہمارا نشانہ علی خامنہ ای ہو سکتے ہیں اور تہران کے شہری شہر کو چھوڑ کر محفوظ مقام پر چلے جائیں۔ تہران پر آگ برسائیں گے۔ اور ابھی ابھی ایران نے حملوں کے جواب میں اسرائیل پر بلیسٹک میزائلز داغ دیے ہیں۔

اسرائیل میں سائرن بج رہے ہیں۔ میزائل گر رہے ہیں۔ صورتحال یوں بھی مزید بگڑتی جا رہی ہے کہ امریکی بحری بیڑہ سدرن چائنہ سمندر سے خلیج فارس پہنچ رہا ہے جس پر سو سے زائد طیارے ہیں۔ اس بیڑے نے آٹھ گھنٹے قبل سدرن چائنہ سمندر سے خلیج فارس کی جانب سفر شروع کیا تھا۔امریکی بیڑے کی موومنٹ یا تو ایران پر دباؤ بڑھانے کے لیے ہے یا پھر امریکا بھی ایران پر حملے میں شریک ہو سکتا ہے۔ اس بارے ابھی وثوق سے نہیں کہا جا سکتا کہ امریکا کیا کرنے جا رہا ہے۔

بہرحال دعا ہی کی جا سکتی ہے ایران کسی طرح بچ نکلے اور عالمی طاقتیں بھی اسرائیل پر دباؤ ڈال کر جنگ رکوائیں۔

16/06/2025

آپریشن رائزنگ لائن - پردے کے پیچھے کیا ہوا؟

گزشتہ ایک ہفتے سے ڈپلومیٹک دنیا میں ایران پر اسرائیلی حملے کے حوالے سے باتیں ہورہی تھیں اور تقریباً دنیا کے تمام بڑے اخبارات میں یہ خبریں شائع ہو چکی ہیں، سو جب واقعی ایران پر اسرائیلی حملہ ہوا تو اس میں کوئی چونکا دینے والی بات نہیں تھی. تاہم 13 جون کی صبح کو ہونے والا حملہ اپنے اہداف کے حصول کے حوالے سے غیر معمولی تھا. اب اسرائیلی ماہرین سے پتہ چل رہا ہے کہ اس حملے کی تیاری دس برس سے جاری تھی.

ٹاپ کے ایرانی نیوکلئیر سائنسدان مارے گئے،
‏ایرانی فوج کا چیف اور ڈپٹی چیف مارا گیا،
‏ائیر فورس کا چیف مارا گیا،
‏یورینیم کے پلانٹس تباہ کر دئیے گئے،
‏سیکیورٹی سسٹم تباہ کر دیا گیا،
‏بیلسٹک میزائل کا اڈہ تباہ کر دیا،

میں نے اسرائیلی ڈیفنس ماہرین کی رپورٹس کے مطابق اس حملے کا عرق نکالا ہے. جس طرح حالیہ پاکستان بھارت جھڑپ نے اکیسویں صدی میں جنگوں کے حوالے سے ایک نئے باب کا اضافہ کیا ہے، ایران، اسرائیل جنگ بھی ایک نیا خوبی باب لکھنے جارہی ہے. اسرائیلی ماہرین کی اطلاعات کے مطابق اس آپریشن کا ڈھانچہ اسرائیلی فوج (IDF) اور اس کی انٹیلیجنس ایجنسی موساد کے درمیان دس سالوں پر محیط مشترکہ منصوبہ بندی کی بنیاد پر کھڑا تھا۔ اس کا مقصد صرف اہداف کو نشانہ بنانا نہیں تھا، بلکہ ایک ایسی فضا قائم کرنا تھا جہاں ناکامی کا امکان کم سے کم ہو جائے۔ اس کی حکمت عملی بنیادی طور پر تین خفیہ زمینی ستونوں پر قائم تھی۔

پہلا ستون: تہران کے مرکز میں خفیہ اڈہ
اس منصوبے کا سب سے اہم اور جرأت مندانہ حصہ ایران کے اندر، دارالحکومت تہران کے قریب، موساد کے ذریعے ایک خفیہ ڈرون اڈے کا قیام تھا۔ اس اڈے کا مقصد حملہ شروع ہونے پر اسرائیل کی طرف داغے جانے والے ایرانی میزائل لانچروں کو مقامی طور پر ہی فوری نشانہ بنا کر ناکارہ کرنا تھا۔ یہ پیشگی دفاع کی ایک غیر روایتی اور انتہائی مؤثر حکمت عملی تھی۔

دوسرا ستون: فضائی دفاع کو غیر مسلح کرنا
دوسرا کلیدی عنصر سرحد پار سے جدید ہتھیاروں کے سسٹمز کی اسمگلنگ تھا۔ ان نظاموں کو گاڑیوں کے ذریعے ایران کے اندر پہنچایا گیا، جن کا واحد مقصد ایرانی فضائی دفاعی نظام (ایئر ڈیفنس) کو جیم کرکے مفلوج کرنا تھا۔ اس حکمت عملی نے حملہ آور اسرائیلی طیاروں کے لیے ایک محفوظ فضائی راہداری (Safe Air Corridor) فراہم کی، جس سے انہیں اہداف تک بلا روک ٹوک رسائی حاصل ہوئی۔

تیسرا ستون: زمینی کمانڈوز کا سرجیکل استعمال
تیسرا ستون، موساد کے زمینی کمانڈوز کا براہ راست استعمال تھا۔ یہ آپریٹوز خفیہ طور پر ایران کے حساس علاقوں میں داخل ہوئے اور اہم طیارہ شکن تنصیبات (Anti-Aircraft sites) کے قریب پہنچ کر انہیں ٹھیک ٹھیک نشانہ بنانے والے میزائلوں سے غیر فعال کیا۔ اس عمل نے ایرانی دفاعی صلاحیت کی کمر توڑنے میں فیصلہ کن کردار ادا کیا۔ ان کمانڈوز نے ایران کے اندر سے ڈرون چھوڑے جنہوں نے آرٹیفشل انٹیلیجنس استعمال کرتے ہوئے پن پوائنٹ ایکوریسی کے مطابق اہداف پر حملہ کیا. ایرانی سائنسدانوں اور جرنیلوں پر حملہ اسی تکنیک کے تحت کیا گیا. ابھی حال ہی میں یوکرین نے روس کے اندر ہزاروں میل گہرائی میں ایسے ہی ڈرون استعمال کیے اور روسی فضائیہ کو بھاری نقصان پہنچایا.

یہ تینوں زمینی کارروائیاں ایک مربوط اور ہم آہنگ حکمت عملی کے تحت کام کر رہی تھیں، جن کا مقصد اسرائیلی فضائیہ کے 200 سے زائد طیاروں پر مشتمل مرکزی حملے کے لیے راستہ صاف کرنا اور کامیابی کو یقینی بنانا تھا۔ اہداف کے حصول کے حساب سے یہ آپریشن کامیاب ٹھہرا مگر اس کے آفٹر شاکس دور دور تک جائیں گے اور پورے خلیج میں طاقت کے مراکز کو شدید متاثر کریں گے.

15/06/2025

ایران مشھد مقدس میں حرم حضرت امام علی رضا علیہ السلام کے قریب انٹرنیشنل ائیرپورٹ پر موجود انتہائی افسوس ناک مشہد ائیرپورٹ پر موساد ایجنٹوں نے خود کش ڈرونز کے ذریعے ایرانی فضائیہ کا ائیر رفیولر ٹینکر تباہ کر دیا۔ ایران کے پاس اب صرف 2 ائیر ریفیولر ٹینکر رہ گئے ہیں ۔

اسرائیل دشمن کےحملے کے بعد دھوئیں کے بادل اٹھتے ہوئے

15/06/2025

ایران کے شہر اسلام میں اسرائیلی ڈرون فیکٹری پکڑی گئی
ایرانی حکام
یہ اطلاعات پہلے آئی تھیں کہ ایران دشمن ملک کے ایجنٹوں سے بھرا ہوا ہے آج چھ کار بم بھی اسی کا ثبوت تھے
یہ بھی اطلاعات ہیں کہ ایران پر پہلا حملہ ایران کے اندر ہی سے ہوا

15/06/2025

*کل رات ہونے والے شدید نقصان کے بعد اسرائیلی اخبار کا کہنا ھے کہ یہ جنگ اسرائیل کو غزہ میں بدل رہی ھے، رات شدید حملے کے بعد نیتن یاہو نے امریکہ سے درخواست کی لیکن امریکہ نے اسرائیل کی جنگ میں شامل ہونے کی درخواست مسترد کردی۔*
*درحقیقت امریکہ چاہتا ھے کہ وہ اسرائیلی جنگ میں براہ راست شامل ہو۔ لیکن اسے معلوم ھے کہ اگر ایسا ہوا تو چائنہ اور روس بھی اس جنگ میں شامل ہوجائیں گے اور پھر سب کچھ ہاتھ سے نکل جائے گا، آج صبح چائنہ کے وزیرخارجہ نے ایرانی ہم منصب کو فون کرتے ہوئے امریکہ و اسرائیل کو واضح پیغام پہنچا دیا ھے، کل رات کی تباہی کے بعد اب اسرائیل یہ جنگ جلد از جلد ختم کرنا چاہتا ھے لیکن ایران اور روس اس جنگ کو لمبا لیجانا چاہتے ہیں، ایرانی عوام پچھلے 40 سال سے پابندیوں کو جھیل رہی ھے اور اس سے پہلے عراق کیساتھ طویل جنگ لڑ چکی ھے، ایرانی عوام اور حکومت جنگوں کی تباہی، خوراک اور ادویات کی کمی کی عادی ہو چکی ھے اور ان حالات میں سروائیو کرنا جانتی ھے لیکن اسرائیلی عوام کے لئے یہ سب نیا ھے، وہ صرف 2 دن کی جنگ سے ڈر چکے ہیں، وہ پچھلے کئی دنوں سے سو نہیں پائے۔۔ اور خود اسرائیلی حکومت اب سیز فائر چاہتی ھے لیکن ایران اس پر رضامند نہیں ہو رہا، ایرانی سپریم لیڈر کھل کر بول چکے ہیں کہ اب ہم آخری گولی آخری میزائل اور خون کے آخری قطرے تک لڑیں گے،* *اسرائیل نے جنگ کے شروع میں کامیابی ضرور حاصل کی ھے لیکن اب وہ اس جنگ میں پھنس چکا ھے جہاں سے اپنی مرضی سے نکل نہیں پائے گا، جس طرح امریکہ نے روس کو یوکرائن میں پھنسا کر رکھا ھے بلکل ویسے ہی اب روس امریکہ کو اس جنگ میں پھنسا کر رکھنا چاہتا ھے۔۔۔

منقول

19/05/2025

بدین میں آج قتل ہونے والے اس ٹیچر کے قتل میں بھارتی خفیہ ایجنسی را کے ملوث ہونے کا انکشاف
اسکول ٹیچر رضا اللّٰہ نظامانی المعروف (ابو سفیان) کو دن دیہاڑے بدین کے شہر ماتلی میں ٹارگٹ کرکے گولی مار کر قتل کیا گیا۔

12/05/2025