09/08/2025
رپورٹ: جاگ ٹی وی
ہر انسان کے باطن میں کئی خوبیاں پوشیدہ ہوتی ہیں، مگر کچھ ایسے باکمال لوگ بھی ہوتے ہیں جن کی سادگی، محبت، اور پاکیزہ سوچ ان کے چہرے سے عیاں ہوتی ہے۔ قیصر علی شاہد انہی بااخلاق، نیک سیرت اور باصفا نوجوانوں میں سے ہیں، جنہیں دیکھ کر دل بے اختیار مسکرا اُٹھتا ہے۔
وہ نہ صرف ایک خوش اخلاق انسان ہیں بلکہ ایک ایسے نوجوان شاعر ہیں جن کے کلام میں محبت، خلوص، اور امن کا پیغام صاف جھلکتا ہے۔ ان کے اشعار دکھاوے سے پاک اور سچے جذبات کا آئینہ ہوتے ہیں۔
قیصر علی شاہد ان لوگوں میں شامل ہے اس اپنی دوستان اس بہت تنگ بھی کرتے ہیں، مگر محبت سے؛ جو ہنسانے کا ہنر بھی رکھتے ہیں اور دل جیتنے کا فن بھی۔
ان کے تمام ادبی مصروفیات، اشعار اور سماجی کردار میں ریاکاری یا نمائش کی کوئی جھلک نہیں ہوتی۔ یہی ان کی انفرادیت ہے — سچائی سے لبریز شخصیت، سادگی سے بھرپور دل، اور محبتوں کا خزانہ۔
ان کے کئی اشعار مولا امام حسین علیہ السلام کی محبت میں ڈوبے ہوتے ہیں، جنہیں سن کر سامعین نہ صرف روحانی طور پر متاثر ہوتے ہیں بلکہ عشقِ اہلِ بیتؑ میں سرشار ہو جاتے ہیں۔
دعا ہے کہ اللہ تعالیٰ اس نیک دل اور باصلاحیت نوجوان کو اس کی زندگی کے اصل مشن میں کامیابی عطا فرمائے۔ آمین۔
قیصر علی شاہد ایک روشن چراغ ہیں جو نہ صرف بلتستان، بلکہ پورے ادبِ پاک کے اُفق پر محبت اور روشنی بکھیر رہے ہیں۔
واہ... ماشاءاللہ!
-
