02/07/2025
آج صبح مورخہ 2 جولائی 2025 کو تقریباً صبح 6:00 بجے کے قریب روندو کے مقام پر واقع شوت پل کے قریب ایک افسوسناک ٹریفک حادثہ پیش آیا۔ سکردو سے گلگت جانے والی ایک گاڑی (رجسٹریشن نمبر SKD-A-184) اچانک بے قابو ہو کر دریائے سندھ کی جانب ایک گہری کھائی میں جا گری۔
حادثے کے نتیجے میں گاڑی میں سوار دونوں افراد موقع پر ہی جاں بحق ہوگئے۔ جاں بحق افراد کی شناخت درج ذیل ہے:
1. ساجد علی ولد حسن، ساکن گلتری فلٹوکس، تحصیل و ضلع سکردو، عمر تقریباً 30 سال
2. منظور حسین ولد محمد رضا، ساکن برسیل تحصیل و ضلع کھرمنگ، عمر تقریباً 31 سال
حادثے کی اطلاع ملتے ہی اسسٹنٹ کمشنر روندو موقع پر پہنچے اور ضلعی انتظامیہ نے فوری طور پر ریسکیو 1122 اور پولیس محکمہ کے ساتھ مل کر ریسکیو کارروائیاں شروع کیں۔لاشوں کو فوری طور پر سول ہسپتال تھوار منتقل کیا گیا، جہاں ایڈیشنل ڈپٹی کمشنر روندو نے سول ہستپال تھوار میں وزٹ کرکے ایمرجنسی صورتحال کا جائزہ لیا اور ضروری لیگل کارروائی کے بعد انہیں ریسکیو اور ہسپتال کی ایمبولینس کے ذریعے سکردو روانہ کیا گیا۔
مقامی انتظامیہ اس سانحے پر گہرے دکھ اور افسوس کا اظہار کرتے ہوئے جاں بحق افراد کے لواحقین سے دلی ہمدردی اور تعزیت کا اظہار کرتی ہے۔
