06/09/2024
*خطبہ جمعہ مرکزی جامع مسجد طولتی کھرمنگ سے اقتباس*
6 ستمبر 2024
⏪ سب سے پہلے آج 6 ستمبر یوم دفاع کی مناسبت سے ملک کے دفاع میں اپنی جانوں کا نذرانہ پیش کرنے والے شھداء کو خراج تحسین پیش کرتا ہوں ۔ خدا ان تمام شھداء کی مغفرت و درجات بلند کرے۔آمین
⏪ *تعلیمی میدان میں کچھ حوصلہ افزاء اقدامات کو خراج تحسین*
ان دنوں ضلع میں تعلیمی میدان میں کچھ اچھی خبریں سننے کو مل رہی ہیں۔ سب سے پہلے کمنگو میں ایک پبلک لائبریری کا افتتاح ہوا۔ جوانوں میں سٹیڈی کلچر کو فروغ دینے کے لئے یہ ایک انتہائی خوش آئند قدم ہے۔ البتہ ضرورت اس امر کی ہے کہ اس لائبریری کو اسی عنوان سے ہی زیر استعمال لاتے ہوئے اس سے استفادہ کیا جائے۔ اس اہم تعلیمی پروجیکٹ کو لانے پر جناب شیخ اکبر علی رجائی کا کردار لائق تحسین ہے۔
دوسری خبر یہاں طولتی مرکن میں پرائمری سکول کی نئی عمارت اور محلہ رمہ میں ایک پرائمری سکول کی تعمیر کے حوالے سے سائد سلیکشن ہوگیا ہے اور غالبا پی سی ون کے مرحلے میں آگیا ہے یہ دنوں پروجیکٹ جناب سید امجد زیدی صاحب نے لائے ہیں ان کو بھی ہم خراج تحسین پیش کرتے ہیں اور یہی دعا ہے کہ ہمارے نمائندوں کو اس طرح عوام کی خدمت کی توفیق دے۔آمین
تیسری اہم خبر الحمد للہ بوائز ہائیر سیکنڈری سکول طولتی میں ہائیر سیکنڈری کی کلاسسز کامیابی سے جاری ہے اب الحمد للہ طولتی، پاری،کمنگو اور آس پاس کے علاقوں کے علماء و عمائدین اور عوام سب کی کوششوں سے اب یہ ادارہ فیڈرل بورڈ میں ہائیر سیکنڈری سکول کے عنوان سے رجسٹرڈ بھی ہوگیا ہے یہ اس علاقے کے عوام اور سٹوڈنٹس کے لئے ایک اچھی خبر ہے۔
⏪ *ہائیر سیکنڈری سکول میں گرلز کے لئے عبایا متعارف کرایا جائے*
جیسا کہ بتایا کہ ہائیر سیکنڈری سکول طولتی میں کلاسسز کا سلسلہ کامیابی سے جاری ہے اور اب فیڈرل بورڈ میں رجسٹرڈ بھی ہوگیا ہے۔ البتہ ان علاقہ جات کے عوام کی نمائندگی کرتے ہوئے اور اپنی ذمہ داری کا احساس کرتے ہوئے ہم ڈائریکٹر ایجوکیشن، ڈپٹی ڈائریکٹر ایجوکیشن کھرمنگ اور سکول انتظامیہ سے مطالبہ کرتے ہیں کہ ہائیر سکنڈری سکول میں گرلز کے لئے عبایا کو وردی کا حصہ قرار دیا جائے۔ کیونکہ Co-Education ہے تو اس کا تقاضا یہ ہے کہ ہماری بچیوں کے لئے تعلیم تو محدود نہ ہو لیکن ان کا تحفظ یقینی ہو۔ چونکہ سارا سکول بوائز کا اور اساتیذہ بھی مرد حضرات ہیں لہذا اس ماحول کا تقاضا یہی ہے کہ وہاں ہائیر سیکنڈری میں پڑھنے والی طالبات کے لئے عبایا کو لازمی قرار دی جائے۔ عمائدین اس حوالے سے تحریری مطالبہ بھی پیش کریں۔
⏪ *سکردو میں *عالمی سازشیں اور گلگت بلتستان* کے عنوان سے کانفرنس کا انعقاد*
ان دنوں جامع مسجد سکردو میں ایک اہم کانفرنس بعنوان *عالمی سازشیں اور گلگت بلتستان* کے عنوان سے منعقد ہوئی۔ جس میں گلگت بلتستان بھر سے علمائے کرام نے شرکت کی اور اس علاقے کے خلاف ہونے والی سازشیں اور ان کے راہ حل اور جی بی کی آئینی محرومی کے حوالے سے گفت و شنید ہوئی اور باقاعدہ ایک قرار داد پاس کیا۔ ہم بوجہ عذر موجہ اس کانفرنس میں شریک نہیں ہوسکے البتہ ہم اس کانفرنس کے قرار داد کی مکمل حمایت کرتے ہیں اور علماء کے شابہ بشانہ کھڑے ہیں۔
⏪ *سول ہسپتال طولتی نرسوں کے رحم و کرم پر*
سول ہسپتال طولتی کے بارے خبر یہ ہے کہ اس وقت نرسوں کے رحم و کرم پر ہے۔ ہم ایل ایم او کا مطالبہ کر رہے تھے اور ڈی ایچ او نے جولائی تک ایل ایم او کی تعیناتی یقینی بنانے کی بات کی تھی مگر اب خبر یہ ہے کہ ایم او بھی آن ڈیوٹی نہیں ہے۔ اس ہسپتال میں سہولیات دینے کی بجائے سہولیات چھیننے کی کوشش زیادہ ہوتی ہے۔ ہمارا ڈائریکٹر ہیلتھ اور ڈی ایچ او کھرمنگ سے مطالبہ ہے کہ خدارا یہاں کے خواتین کا احساس کریں اور جلد یہاں ایل ایم او کی تعیناتی یقینی بنائی جائے اور دیگر سٹاف کی حاضری بھی یقینی بنائی جائے۔
⏪ *غیر مقامی افراد کا بغیر اجازت آبادی میں آنے پر پابندی ہو*
پچھلے دنوں سوشل میڈیا کے توسط سے ایک حیران کن خبر آئی کہ ایس سی او کےملازمین کمنگو کھیتوں میں گھس کر سبزیاں چوری کرتے ہیں۔ کس قدر شرمناک بات ہے۔ آخر محکمہ اپنے ملازمین کو ایسے اقدامات سے منع کیوں نہیں کرتے۔ اسی طرح دور دراز علاقوں سے پٹھان لوگ چند ناقص سامان اٹھاکر آبادیوں میں گھس جاتے ہیں۔ اس طرح ہر کس و ناکس کا آبادیوں میں آنے پر پابندی ہونی چاہیے اور اس حوالے سے ہر جگہ باقاعدہ بورڈ لگاکر غیر مقامی افراد کو بغیر اجازت آبادیوں میں گھسنے سے روکا جائے کیونکہ اس کے اثرات و نتائج اچھے نہیں ہونگے۔
*علامہ شیخ عابد حسین حافظی*
امام جمعہ و الجماعت طولتی کھرمنگ
#ایڈمن
KhaSman TV Kharmang
Shaheen Tv-Tolti
Office of the Chief Secretary, Gilgit Baltistan
District Administration Kharmang
Assistant Commissioner Kharmang Official
اصغریہ خیر العمل آرگنائزیشن رجسٹرڈ طولتی کھرمنگ
Asgharia Welfare Society
