26/12/2025
پریس ریلیز
بگاردو میں عوامی زمین اور معدنی وسائل پر قبضہ کی کوشش — شدید الفاظ میں مذمت کرتا ہوں ڈاکٹر محمد شریف
بگاردو کے علاقے میں پی ایس او (PSO) کی جانب سے عوامی زمین پر قبضہ کی کوشش کو انتہائی تشویشناک، غیر قانونی اور عوامی مفاد کے سراسر منافی قرار دیتے ہوئے اس کی سخت الفاظ میں مذمت کرتا ہوں۔
عوامی زمینیں اور چراگاہیں کسی ادارے، کمپنی یا فردِ واحد کی جاگیر نہیں بلکہ مقامی عوام کی اجتماعی ملکیت اور امانت ہیں۔
لینڈ ریفارمز کا مقصد عوامی حقوق کا تحفظ، مقامی ملکیت کی بحالی اور منصفانہ نظام کا قیام ہے، نہ کہ ان قوانین کی آڑ میں طاقتور اداروں کے ذریعے زمینوں پر قبضہ۔
اسی طرح معدنی وسائل بھی عوام کی مشترکہ ملکیت ہیں۔
ان پر کسی بھی قسم کا یکطرفہ، غیر شفاف یا زبردستی کنٹرول آئین، قانون اور انصاف کے بنیادی اصولوں کے خلاف ہے۔
مقامی عوام کی رضامندی، شفاف طریقہ کار اور قانونی تقاضوں کے بغیر معدنیات سے متعلق کوئی اقدام قابلِ قبول نہیں۔
ہم واضح اور دوٹوک الفاظ میں اعلان کرتے ہیں کہ:
عوامی زمین اور چراگاہوں پر کسی بھی قسم کا قبضہ نامنظور
لینڈ ریفارمز کی روح کے خلاف ہر اقدام کو مسترد کیا جائے گا
معدنی وسائل پر عوام کے حق کے بغیر کوئی فیصلہ قبول نہیں
عوامی حقوق کے تحفظ کے لیے پرامن مگر بھرپور عوامی اور قانونی مزاحمت کی جائے گی
میں ضلعی و صوبائی انتظامیہ اور متعلقہ اداروں سے مطالبہ کرتا ہوں کہ
اس سنگین معاملے کا فوری نوٹس لیا جائے،
پی ایس او کی جانب سے عوامی زمین پر کسی بھی قبضہ نما کارروائی کو روکا جائے
اور بگاردو کے عوامی حقوق اور قدرتی وسائل کو مکمل تحفظ فراہم کیا جائے۔
بگاردو کے باشعور عوام سے اپیل ہے کہ
اپنے اجتماعی حق اور آنے والی نسلوں کے مستقبل کے تحفظ کے لیے متحد رہیں
اور آئینی و قانونی جدوجہد کا حصہ بنیں۔
عوامی زمین پر قبضہ نامنظور
لینڈ ریفارمز عوام کے لیے، اداروں کے قبضے کے لیے نہیں
معدنیات عوام کی ملکیت ہیں
