19/09/2025
*ایک خواب سے حقیقت تک: NextGen Success Platform کی دو ماہ کی متاثرکن سفر*
تحریر: *امتیاز علی*
بانی - NextGen Success Platform
جب 23 جولائی 2025 کو NextGen Success Platform (NSP) کا باقاعدہ آغاز کیا گیا، تو میرے دل میں صرف ایک خواب تھا: گلگت بلتستان کے نوجوانوں کو وہ پلیٹ فارم فراہم کرنا جو ان کی قائدانہ صلاحیتوں، فکری پختگی، اور عملی میدان میں رہنمائی کا ذریعہ بنے۔
ہم نے سب سے پہلا قدم اپنی ٹیم کی تربیت سے اُٹھایا۔ Core Team کے لیے ایک ابتدائی تربیتی نشست کا انعقاد کیا گیا، تاکہ ہر رکن کو ادارے کے وژن، اقدار اور ذمہ داریوں کا مکمل ادراک ہو۔ اس کے بعد مسلسل ٹیم میٹنگز کا سلسلہ جاری رہا، جس نے باہمی رابطے کو مضبوط کیا اور ادارے کے نظم و ضبط کو بہتر کیا۔
*9 اگست 2025* کو ہمارا پہلا باضابطہ ایونٹ "The Missing Skillset in GB Youth: Speak and Lead" کے عنوان سے گورنمنٹ بوائز ڈگری کالج سکردو میں منعقد ہوا۔ اس پروگرام کے مہمانِ خصوصی Director of Education Baltistan Region جناب Abdul Wahab Mir تھے، جبکہ کلیدی مقرر جناب Kacho Junaid Ahmad و دیگر معزز مہمان شامل تھے۔ اس سیشن نے نوجوانوں میں گفت و شنید کی صلاحیت اور لیڈرشپ کی اہمیت کو اجاگر کیا۔
اس کے بعد ہم نے یہ محسوس کیا کہ ایک تنظیم کی کامیابی اس کے اراکین کے درمیان موجود ہم آہنگی اور بھائی چارے میں چھپی ہوتی ہے۔ چنانچہ ہم نے اپنی پوری ٹیم کے ساتھ Blind Lake Shigar میں ایک پکنک کا اہتمام کیا جہاں نہ صرف ہم نے قدرتی ماحول میں لطف اندوزی کی بلکہ سنجیدہ و تعمیری گفتگو کے ذریعے مستقبل کے منصوبوں پر تبادلہ خیال کیا۔ اس دوران مختلف اسٹڈی سرکلز اور سرگرمیاں بھی منعقد کی گئیں جنہوں نے ٹیم ورک کو مزید مضبوط کیا۔
ماحولیاتی تبدیلی گلگت بلتستان کے لیے ایک سنجیدہ چیلنج بن چکی ہے۔ اسی پس منظر میں، NSP نے 30 اگست 2025 کو Govt. High School Sukamaidan میں ایک اہم آگاہی سیشن منعقد کیا جس کا عنوان تھا:
"Youth, Climate and the Future of Gilgit-Baltistan"
اس سیمینار کے مہمانِ خصوصی Director of CKNP Mr. Raja Abid Ali تھے، جبکہ مقررین میں Dr. Muhammad Qasim (UOBS) اور Ms. Mishal Zehra (GB EPA) و دیگر معزز مہمان شامل تھے۔ اس سیشن کا بنیادی مقصد نوجوانوں کو موسمیاتی تبدیلی کے اثرات اور ان کے ممکنہ کردار سے آگاہ کرنا تھا۔
اسی دوران گلگت بلتستان میں شدید بارشوں اور سیلاب کے باعث کافی جانی و مالی نقصان ہوا۔ NSP نے اپنے انسانی فریضے کے تحت "Flood Relief Campaign" کا آغاز کیا تاکہ متاثرہ خاندانوں کو فوری مدد فراہم کی جا سکے۔ یہ مہم ایک ہفتے تک جاری رہی، جس کے دوران ہم نے 14 اور 15 ستمبر 2025 کو خپلو، غرسے اور ہلدی کے متاثرہ علاقوں میں راشن کی تقسیم کی۔
اس مہم کے دوران میری کئی معزز شخصیات سے ملاقات ہوئی جن میں مولانا عبدالواحد عبداللہ صاحب ناظم اعلیٰ GB اور نائب ناظمِ اعلیٰ مرکزی جماعت اہلحدیث پاکستان و دیگر معزز شخصیت شامل ہیں۔ ان کی رہنمائی اور سپورٹ ہمارے لیے باعثِ فخر تھی۔
ان دو مہینوں کی بھرپور مصروفیات نے مجھے ایک بات سکھا دی کہ کامیابی صرف خواب دیکھنے سے نہیں، بلکہ ایک مخلص ٹیم، مسلسل محنت، اور خلوصِ نیت سے مل کر کام کرنے سے حاصل ہوتی ہے۔ میں تہہ دل سے اپنی پوری NSP ٹیم کا شکر گزار ہوں جنہوں نے دن رات محنت کر کے نہ صرف ادارے کو مستحکم بنایا بلکہ قوم کی خدمت میں بھی کوئی کسر نہیں چھوڑی۔
میں ان تمام سپانسرز، میڈیا چینلز، اور انفرادی شخصیات کا بھی شکر گزار ہوں جنہوں نے ہماری آواز کو بلند کیا اور ہر موقع پر ہمارا ساتھ دیا۔
آئندہ اکتوبر 2025 میں NSP آپ کے لیے مختلف پروگرامز کا انعقاد کرنے جا رہا ہے، جن میں Debate Competition, Quiz Competition اور Career Counselling Sessions شامل ہیں۔
ہماری آپ سب سے درخواست ہے کہ اس کارِ خیر میں ہمارا ساتھ دیں، اور NSP کا حصہ بن کر گلگت بلتستان کے نوجوانوں کے بہتر مستقبل کے لیے ہمارے ساتھ قدم سے قدم ملا کر چلیں۔
والسلام و شکریہ!
*امتیاز علی*
بانی - NextGen Success Platform
