Daily Balochistan

11/06/2026

کوئٹہ، پہاڑوں کی آغوش میں بسا وہ حسین شہر، جہاں فطرت اپنی پوری رعنائی کے ساتھ جلوہ گر ہوتی ہے

سرد ہوائیں، بلند پہاڑ اور دلکش وادیاں، کوئٹہ کی پہچان ہیں

11/06/2026

مجھے مسجد روڈ کوئٹہ سے کچھ رقم ملی ہے جو غالباً کسی شخص سے گر گئی ہے۔ رقم کے اصل مالک سے گزارش ہے کہ رقم کی درست نشانی بتا کر اپنی امانت وصول کر لیں۔

براہِ کرم صرف حقیقی مالک ہی رابطہ کرے۔
0814128232

11/06/2026

زیرِ نظر تصویر اوچ گیس فیلڈ۔ 28 نمبر ویل کے قریب ایک انتہائی افسوسناک منظر پیش کر رہی ہے جہاں شدید پیاس اور پانی کی عدم دستیابی کے باعث ایک قیمتی اونٹ جان کی بازی ہار گیا دل دہلا دینے والی بات یہ ہے کہ اس اونٹ کا ننھا بچہ اپنی ماں سے جدا ہونے کو تیار نہیں اور مسلسل اُس کے قریب موجود ہے
اہلِ علاقہ کو مطلع کیا جاتا ہے کہ یہ اونٹ کا بچہ جس کسی کا بھی ہے وہ فوری طور پر ایف سی 139 ونگ کے ایس ایم صاحب سے رابطہ کرے تاکہ بچے کو محفوظ طریقے سے اس کے مالک تک پہنچایا جا سکے
ہم حکومتِ بلوچستان وزیراعلیٰ بلوچستان میر سرفراز بگٹی صاحب، ایف سی آئی جی نارتھ سوئی کمانڈنٹ اور 139 ونگ کمانڈر سے پُرزور اپیل کرتے ہیں کہ اوچ گزئی اور مزوئی کے مقامات پر فوری طور پر پانی کے تالاب تعمیر کیے جائیں تاکہ انسان جانور اور پرندے پانی کی سہولت حاصل کر سکیں یہ ایک عظیم انسانی و فلاحی اقدام ہوگا جس سے بے شمار جانیں بچائی جا سکتی ہیں اور یہ اللہ تعالیٰ کی رضا اور اجر کا باعث بھی بنے گا
آئیں ہم سب مل کر اس خطے کے انسانوں اور بے زبان جانوروں کیلئے پانی جیسی بنیادی نعمت کی فراہمی کو یقینی بنانے میں اپنا کردار ادا کریں
منجانب: اوچ یوتھ کونسل، سوئی ضلع ڈیرہ بگٹی

11/06/2026

گوادر میں ایڈہاک بنیادوں پر SST Science، SST General اور SS کی آسامیوں کا اشتہار جاری کیا گیا ہے، لیکن افسوس کے ساتھ کہنا پڑتا ہے کہ اس میں پروفیشنل ڈگری ہولڈرز کو مکمل طور پر نظر انداز کیا گیا ہے۔

حالانکہ SST Science اور SST General کی آسامیوں کے لیے بنیادی طور پر پروفیشنل ڈگری ہولڈرز، خصوصاً BS Education کے امیدوار اہل سمجھے جاتے ہیں۔ BS Education ایک ایسی ڈگری ہے جو اکیڈمک اور پروفیشنل دونوں حیثیت رکھتی ہے، اس لیے اس کے حامل امیدوار سائنس اور جنرل دونوں کیٹیگریز کے لیے اہل ہیں۔

ایچ ای سی اور بلوچستان پبلک سروس کمیشن کے قواعد بھی اس بات کی تصدیق کرتے ہیں کہ پروفیشنل ڈگری ہولڈرز ان کے لیے ہی ہیں۔ اس کے باوجود انہیں نااہل قرار دینا پالیسی کے خلاف اور ان کے جائز حق کی حق تلفی ہے۔

ہم متعلقہ حکام سے پُرزور مطالبہ کرتے ہیں کہ اس فیصلے پر فوری نظرِ ثانی کی جائے اور پروفیشنل ڈگری ہولڈرز کو ان کے قانونی حق کے مطابق اہل قرار دیا جائے۔

گوادر کے تمام پروفیشنل ڈگری ہولڈرز کو چاہیے کہ وہ اپنے حق کے تحفظ کے لیے متحد ہو کر آواز بلند کریں، کیونکہ یہ حق انہی کا ہے۔
Haji Laljan jaffar
Mir Sarfraz Ahmed Bugti Fans
CMO Balochistan
DC Gwadar

09/06/2026

انتہائی تشویشناک
سوئی اور ڈیرہ بگٹی میں کمسن نوجوانوں کا آئس نامی مہلک نشے میں مبتلا ہونے کی اطلاع
علاقہ مکینوں کی جانب سے حکام سے فوری نوٹس لینے کی اپیل

09/06/2026

ڈپٹی کمشنر ڈیرہ بگٹی اور ٹاؤن چیئرمین عزت اللہ امان صاحب سے پرزور اپیل ہے کہ سڑک کے اوپر تعمیر کی گئی یہ بڑی بڑی دیواریں فوری طور پر ہٹائی جائیں۔ یہ دیواریں نہ صرف سڑک کی خوبصورتی کو متاثر کر رہی ہیں بلکہ انسانی جانوں کے لیے بھی سنگین خطرہ بن چکی ہیں۔

ماضی میں ہم چاچا بہار کی صورت میں ایک قیمتی جان گنوا چکے ہیں، اس لیے مزید کسی حادثے کا انتظار کرنے کے بجائے فوری عملی اقدامات کی ضرورت ہے۔ عوام کے جان و مال کے تحفظ کو یقینی بنانے اور ٹریفک کی روانی بہتر بنانے کے لیے ان رکاوٹوں کو ہٹایا جائے تاکہ مستقبل میں کسی بھی ناخوشگوار واقعے سے بچا جا سکے۔

عوامی مفاد اور انسانی جانوں کے تحفظ کے لیے فوری کارروائی وقت کی اہم ضرورت ہے۔

08/06/2026

تہران، تبریز اور اصفہان میں دھماکوں کی اطلاعات

ایرانی میڈیا کے مطابق تہران میں دھماکوں کی آوازیں سنی گئی ہیں۔

رپورٹس میں تبریز اور اصفہان میں بھی دھماکوں کی آوازیں سننے کی اطلاعات دی گئی ہیں۔

ادھر امریکی میڈیا کے مطابق عراق کے دارالحکومت بغداد میں بھی دھماکوں کی آوازیں سنی گئی ہیں۔

تاحال دھماکوں کی نوعیت اور ممکنہ نقصانات سے متعلق سرکاری تفصیلات سامنے نہیں آئی ہیں۔

05/06/2026