SM News

04/06/2026

27/05/2026

عیدالاضحیٰ صرف جانور قربان کرنے کا نام نہیں بلکہ یہ حضرت ابراہیمؑ کی عظیم سنت، اللہ تعالیٰ کی رضا، ایثار، صبر اور اطاعت کا پیغام ہے۔
یہ ہمیں سکھاتی ہے کہ انسان اللہ کی محبت میں اپنی خواہشات تک قربان کرنا سیکھے۔
آج کے اس مبارک دن پر ہمیں چاہیے کہ خوشیوں میں غریب، مسکین اور ضرورت مند افراد کو بھی شامل کریں تاکہ عید کی حقیقی خوشی سب تک پہنچ سکے۔

ایس ایم نیوز کی جانب سے تمام اہلِ وطن کو عیدالاضحیٰ بہت بہت مبارک۔

SM News

26/05/2026

سکھر کے مشہور گھنٹہ گھر پر واقع مہران مرکز میں موجود “شیخ واچ” گھڑیوں اور گفٹ آئٹمز کی ایک بہترین دکان ہے، جہاں میرا کل جانے کا اتفاق ہوا۔ وہاں موجود احمد شیخ اور یوسف شیخ نے نہ صرف بڑی محبت، خلوص اور عزت دی بلکہ گھڑیوں کے بارے میں بہترین معلومات بھی فراہم کیں۔

شیخ واچ پر مختلف اقسام کی خوبصورت اور معیاری گھڑیاں، بریسلیٹ، رنگز، والٹ، کفلنگ اور دیگر گفٹ آئٹمز مناسب قیمت میں دستیاب ہیں۔ دکان کا ماحول اور گاہکوں سے ان کا اندازِ گفتگو واقعی قابلِ تعریف ہے۔

اگر آپ بھی اچھی اور معیاری گھڑیاں یا خوبصورت گفٹ آئٹمز خریدنا چاہتے ہیں تو ایک بار ضرور “شیخ واچ” مہران مرکز گھنٹہ گھر سکھر کا وزٹ کریں۔


SM News

25/05/2026

سکھر شہر میں روز بروز بڑھتے ہوئے ٹریفک کے مسائل نے شہریوں کی زندگی اجیرن بنا دی ہے۔ عید سے دو روز قبل شہر میں ٹریفک کا ایسا سیلاب امڈ آیا کہ شہری گھنٹوں سڑکوں پر پھنس کر رہ گئے۔ اگرچہ مختلف مقامات پر ٹریفک پولیس اہلکار موجود نظر آئے، مگر اس کے باوجود شہر کی اہم شاہراہیں ایک ایک گھنٹہ تک مکمل طور پر بند رہیں۔

بندر روڈ، ڈھک روڈ، گھنٹہ گھر، مقام روڈ، ایوب گیٹ، والس روڈ سمیت شہر کے کئی علاقوں میں شدید ٹریفک جام دیکھنے میں آیا۔ شہریوں کو نہ صرف شدید پریشانی کا سامنا کرنا پڑا بلکہ کاروباری سرگرمیاں بھی بری طرح متاثر ہوئیں۔

جب ٹریفک پولیس اہلکاروں سے اس صورتحال کے متعلق پوچھا گیا کہ عید تو دیگر شہروں اور ممالک میں بھی آتی ہے مگر سکھر میں ہی یہ مسائل کیوں شدت اختیار کر جاتے ہیں، تو ان کا کہنا تھا کہ ٹریفک پولیس کے پاس نفری کی شدید کمی ہے۔ اہلکاروں کے مطابق گھنٹہ گھر کے علاقے کو کچھ عرصہ قبل ون وے کیا گیا تھا جس سے ٹریفک کی روانی بہتر ہوئی تھی، مگر چھوٹی عید کے فوراً بعد اضافی نفری واپس چلی گئی اور شہر دوبارہ ٹریفک جام کے مسائل کا شکار ہو گیا۔

شہری حلقوں نے مطالبہ کیا ہے کہ انتظامیہ عید سمیت دیگر مصروف دنوں میں ٹریفک کے مؤثر انتظامات یقینی بنائے، اضافی نفری تعینات کی جائے اور شہر میں مستقل بنیادوں پر ٹریفک نظام کو بہتر بنانے کے اقدامات کیے جائیں تاکہ شہریوں کو روزانہ کی اذیت سے نجات مل سکے۔

25/05/2026

قربانی صرف ایک مذہبی رسم نہیں بلکہ اللہ تعالیٰ کی رضا حاصل کرنے، ایثار، محبت اور جذبۂ اطاعت کا عظیم درس ہے۔ حضرت ابراہیمؑ اور حضرت اسماعیلؑ کی بے مثال قربانی ہمیں یہ پیغام دیتی ہے کہ اللہ کے حکم کے سامنے اپنی خواہشات کو قربان کرنا ہی اصل بندگی ہے۔

عیدالاضحیٰ کے موقع پر مسلمان جانور کی قربانی دے کر سنتِ ابراہیمی کو زندہ کرتے ہیں اور اس کے گوشت کو غریبوں، مسکینوں اور رشتہ داروں میں تقسیم کر کے بھائی چارے اور مساوات کا عملی مظاہرہ کرتے ہیں۔ قربانی انسان کے دل میں ہمدردی، سخاوت اور شکر گزاری کے جذبات پیدا کرتی ہے۔

آج کل قربانی میں ایک عجیب سا مقابلہ بھی دیکھنے کو ملتا ہے کہ پچھلے سال فلاں نے ہمارے گھر گوشت بھیجا تھا تو اس سال ہم بھی ان کے گھر گوشت بھیجیں گے تاکہ دکھا سکیں کہ ہم نے بھی قربانی کی ہے۔ حالانکہ قربانی دکھاوے یا مقابلے کے لیے نہیں بلکہ خالص اللہ کی رضا اور ضرورت مندوں کی مدد کے لیے ہونی چاہیے۔

اسلام میں قربانی کا اصل مقصد صرف جانور ذبح کرنا نہیں بلکہ اپنے اندر کی انا، لالچ اور برائیوں کو ختم کرنا بھی ہے۔ یہی وجہ ہے کہ قربانی ہمیں صبر، اطاعت اور دوسروں کی مدد کرنے کا درس دیتی ہے۔

23/05/2026

سکھر شہر میں دن بدن بڑھتے ہوئے ٹریفک جام کے مسئلے میں چنچی لوڈر رکشے بھی ایک بڑی وجہ بنتے جا رہے ہیں۔ اگرچہ ان میں سے کئی سفید پوش افراد اپنے گھر کا روزگار چلاتے نظر آتے ہیں، مگر انہی کے درمیان کچھ ایسے عناصر بھی موجود ہیں جو دکانداروں اور شہریوں کے لیے شدید پریشانی کا باعث بن رہے ہیں۔ شہر کے مختلف بازاروں میں روزانہ یہ صورتحال دیکھنے میں آتی ہے کہ بڑے بڑے لوڈر رکشے تنگ اور مصروف مارکیٹوں میں داخل ہو جاتے ہیں، جس کے باعث گھنٹوں ٹریفک جام رہتی ہے اور شہریوں کو شدید مشکلات کا سامنا کرنا پڑتا ہے۔۔۔

شہریوں اور دکانداروں کا کہنا ہے کہ جب ان لوڈر رکشہ ڈرائیورز سے راستہ کھولنے یا گاڑی ہٹانے کا کہا جاتا ہے تو بعض اوقات بدتمیزی، گالم گلوچ اور لڑائی جھگڑے کی نوبت آ جاتی ہے۔ دکاندار بھی اس صورتحال سے سخت پریشان دکھائی دیتے ہیں کیونکہ بازاروں میں رش اور جام کی وجہ سے کاروبار متاثر ہو رہا ہے۔۔۔

شہری حلقوں نے مطالبہ کیا ہے کہ سکھر انتظامیہ فوری طور پر اس مسئلے کا نوٹس لے اور چنچی لوڈر رکشوں کے لیے مخصوص اوقات مقرر کیے جائیں تاکہ وہ صرف مقررہ ٹائمنگ میں ہی مارکیٹوں میں داخل ہو سکیں۔ شہریوں کے مطابق اگر اس مسئلے کو فوری حل نہ کیا گیا تو ٹریفک جام کا بحران مزید سنگین ہو جائے گا۔۔۔

شہریوں نے کمشنر سکھر ، ڈپٹی کمشنر ، اسسٹنٹ کمشنر اور ایس ایس پی سکھر سے اپیل کی ہے کہ وہ اس مسئلے کا فوری نوٹس لیتے ہوئے لوڈر رکشوں کے لیے واضح ٹائمنگ مقرر کریں تاکہ شہر میں بڑھتے ہوئے ٹریفک مسائل پر قابو پایا جا سکے۔۔۔

اور ایسے لوگوں کے خلاف سخت قانونی کاروائی کی جائے۔۔۔

19/05/2026

شہرِ Sukkur میں Sukkur Electric Power Company کی مبینہ نااہلی اور غلط بلنگ نظام شہریوں کے لیے شدید پریشانی کا باعث بنتا جا رہا ہے۔ مختلف علاقوں سے موصول ہونے والی شکایات کے مطابق ایسے صارفین، جن کا ماہانہ بجلی کا استعمال 50 سے 100 یونٹ تک محدود ہوتا ہے اور جو باقاعدگی سے اپنے بل ادا کرتے ہیں، انہیں بھی ہزاروں روپے کے اضافی “ڈیٹیکشن بل” بھیجے جا رہے ہیں۔

شہریوں کا کہنا ہے کہ جو افراد بمشکل 25 ہزار روپے ماہانہ کماتے ہیں اور ہر مہینے ایک ہزار سے پندرہ سو روپے تک بجلی کا بل باقاعدگی سے جمع کرواتے ہیں، انہی پر اچانک 30 ہزار، 40 ہزار اور بعض اوقات اس سے بھی زائد رقم کے ڈیٹیکشن بل ڈال دیے جاتے ہیں۔ عوام کا مؤقف ہے کہ بجلی چوری روکنے میں ناکامی کا بوجھ غریب صارفین پر ڈالنا سراسر زیادتی ہے۔

متاثرین کے مطابق جب وہ شکایات کے ازالے کے لیے دفاتر کا رخ کرتے ہیں تو وہاں انہیں ایک میز سے دوسری میز تک چکر لگوائے جاتے ہیں مگر مسئلہ حل نہیں کیا جاتا۔ شہریوں نے الزام عائد کیا کہ ایک طرف بجلی بچانے کی مہمات اور اشتہارات چلائے جاتے ہیں، جبکہ دوسری طرف کم بجلی استعمال کرنے والے صارفین کو ہی ڈیٹیکشن بلز کے ذریعے مالی دباؤ میں لایا جا رہا ہے۔

شہر کے مختلف علاقوں میں اس وقت سب سے بڑا مسئلہ غلط بلنگ اور ڈیٹیکشن بن چکا ہے، جس کی وجہ سے عوام ذہنی اذیت اور شدید پریشانی کا شکار ہیں۔ شہریوں نے اعلیٰ حکام سے مطالبہ کیا ہے کہ Sukkur Electric Power Company کے ڈیٹیکشن بلنگ نظام کا فوری آڈٹ کیا جائے، بے بنیاد بلز ختم کیے جائیں اور غریب صارفین کو مزید ذہنی و مالی مشکلات سے بچایا جائے۔