09/03/2026
سکھر:ببرلوء تھانے کی حدود سینٹرل جیل روڈ پر پولیس اور مجرموں کے درمیان مقابلہ ہوا۔ مقابلے کے دوران ببرلوء تھانے کے منشی جاوید جتوئی گولی لگنے سے زخمی ہو گئے، جبکہ پولیس نے ایک ملزم کو گرفتار کر لیا۔گرفتار ملزم ارشاد میرانی کی نشاندہی پر ببرلوء پولیس نے دو فرار ملزمان کی گرفتاری کے لیے شاہ لطیف کے مقام پر پہنچی، جہاں ملزمان نے پولیس پر فائرنگ شروع کر دی۔ فائرنگ کے نتیجے میں ارشاد میرانی اپنے ہی ساتھی کی گولی لگنے سے ہلاک ہو گیا، جبکہ پولیس کی جوابی فائرنگ میں دوسرا ملزم نور احمد بروہی بھی مارا گیا۔پولیس کے مطابق مارے جانے والے ملزمان ببرلو سمیت مختلف قومی شاہراہوں پر ڈکیتی، چوری اور پولیس مقابلوں سمیت مختلف جرائم میں ملوث تھے۔ پولیس کا کہنا ہے کہ تیسرے ملزم کی گرفتاری کے لیے مختلف مقامات پر سرچ آپریشن جاری ہے۔
