امریکی صدر ڈونلڈ ٹرمپ نے اشارہ دیا ہے کہ ان کی انتظامیہ اب بھی کیوبا میں حکومت کا تختہ الٹنے کی کوشش کر رہی ہے جب کہ ایران کے خلاف امریکہ اسرائیل جنگ دوسرے ہفتے میں داخل ہو رہی ہے۔
خبر رساں ادارے روئٹرز کے مطابق، ٹرمپ نے پیر کے روز کہا کہ امریکی محکمہ خارجہ کی توجہ ابھی بھی کیوبا پر ہے، جہاں وائٹ ہاؤس کے منصوبوں میں جزیرے کا "دوستانہ قبضہ” شامل ہو سکتا ہے یا نہیں۔
09/03/2026
دنیا کا سب سے بڑا ڈر مسلمانوں کا اسلحہ نہیں، بلکہ مسلمانوں کا "اتحاد" ہے۔ یہ ویڈیو اسی گہرے مقصد کی وضاحت کرتی ہے کہ کس طرح بیرونی قوتیں ہمیں تقسیم کرنا چاہتی ہیں، جبکہ وقت کی پکار یہ ہے کہ ہم اپنے اختلافات کو بھلا کر ایک تسبیح کے دانوں کی طرح جڑ جائیں۔
08/03/2026
کیا مسجدِ اقصیٰ کے خلاف کوئی بڑا منصوبہ تیار کر لیا گیا ہے؟ اسرائیلی ایجنٹس کی گرفتاری اور بدلتی ہوئی عالمی صورتحال کے پیچھے اصل حقائق کیا ہیں؟
08/03/2026
ایران، امریکہ اور اسرائیل کے درمیان بڑھتی ہوئی کشیدگی نے پوری دنیا کو تشویش میں مبتلا کر دیا ہے۔ اگر وقت رہتے ان حالات کو قابو نہ کیا گیا تو یہ چھوٹی سی چنگاری ایک ایسی ہولناک جنگ (World War 3) کی شکل اختیار کر سکتی ہے جس کا نقصان پوری انسانیت کو اٹھانا پڑے گا۔ 🚫💣
08/03/2026
ایران نے گذشتہ سال اسرائیل کے خلاف 12 روزہ جنگ کے مقابلے اس حالیہ جنگ کے دوران خلیجی خطے کی جانب زیادہ میزائل داغے ہیں۔
سعودی عرب، قطر، متحدہ عرب امارات، بحرین اور کویت کی جانب سے فراہم کردہ اعداد و شمار کے مطابق 28 فروری سے 4 مارچ تک خلیجی ملکوں پر داغے گئے میزائلوں کی تعداد 550 سے زیادہ ہے۔
عمان نے اپنی سرزمین پر میزائل اور ڈرون حملوں کی تعداد نہیں بتائی۔
دوسری جانب واشنگٹن اور اسرائیل نے ایران پر ہزاروں بم گرائے ہیں۔
08/03/2026
اسرائیل اور امریکہ کی جانب سے حملوں کے بعد ایران نے مشرق وسطیٰ پر خود کش ڈرونز کے ذریعے 2000 سے زائد جوابی حملے کیے ہیں۔
رپورٹس کے مطابق ان نسبتاً سستے ایرانی ڈرونز کو تباہ کرنے کے لیے اب تک 800 سے زیادہ دفاعی میزائل داغے جا چکے ہیں، جن میں سے ہر میزائل کی لاگت 40 لاکھ ڈالرز تک ہے۔
فنانشل ٹائمز کے سکیورٹی اور دفاعی امور کے نامہ نگار چارلس کلوور نے بی بی سی کو بتایا کہ ہر پیٹریاٹ میزائل کی مالیت تقریباً 40 لاکھ ڈالرز ہے۔
08/03/2026
حکام کے مطابق ائیرلائنز کے طیاروں کے لیے استعمال ہونے والے جیٹ فیول کی قیمت میں 154 روپے فی لیٹر اضافہ کیا گیا ہے۔ اس اضافے کے بعد جیٹ فیول کی قیمت 188.93 روپے سے بڑھ کر 342.37 روپے فی لیٹر کی ریکارڈ سطح پر پہنچ گئی ہے۔
07/03/2026
عالمی منظر نامے پر کچھ ایسا ہو گیا ہے جس پر روسی صدر ولادیمیر پوتن بات نہیں کرنا چاہتے تھے۔
28فروری کو ایران کے رہبر اعلیٰ آیت اللہ علی خامنہ ای اسرائیلی اور امریکی حملوں میں مارے گئے۔ اگلے دن پوتن نے رہبر اعلیٰ کی ہلاکت کو ’قتل‘ قرار دیتے ہوئے اس کی مذمت کی۔ ایسا قتل، جو پوتن کے مطابق، ’انسانی اخلاقیات اور بین الاقوامی قوانین کے تمام تر اصولوں کی صریح خلاف ورزی‘ تھا۔
07/03/2026
وزیر اعظم شہباز شریف کی زیر صدارت حالیہ عالمی صورتحال کے تناظر میں ملکی معاشی حالات کا جائزہ لینے کے لیے اہم اجلاس منعقد ہوا۔ اجلاس میں عالمی سطح پر جاری کشیدگی اور اس کے خطے کی معیشت پر ممکنہ اثرات کے بارے میں تفصیلی بریفنگ دی گئی۔
اجلاس میں وزیر اعظم کو فعال کمیٹی کی جانب سے بریفنگ دیتے ہوئے بتایا گیا کہ گزشتہ ہفتے عالمی کشیدگی کے ممکنہ معاشی اثرات کا جائزہ لینے کے لیے ایک کمیٹی تشکیل دی گئی تھی جو مختلف اقدامات پر کام کر رہی ہے۔ بریفنگ میں یہ بھی بتایا گیا کہ انہی اقدامات کے باعث ملک میں پیٹرولیم مصنوعات کی کسی قسم کی کمی پیدا نہیں ہوئی۔
وزیر اعظم نے معاشی دباؤ کے پیش نظر سادگی اور بچت پر مبنی لائحہ عمل تیار کرنے کی ہدایت کرتے ہوئے متعلقہ کمیٹی کو کہا کہ آئندہ 48 گھنٹوں کے اندر قابلِ عمل تجاویز پیش کی جائیں تاکہ عوام پر بوجھ کم سے کم رکھا جا سکے اور عوامی ریلیف کو اولین ترجیح دی جائے۔
کشیدگی کے اثرات، وزیر اعظم کی سادگی اور بچت
07/03/2026
ایران کے صدر نے کہا ہے کہ ایران کی جانب سے پڑوسی ممالک کے خلاف کسی قسم کا حملہ یا میزائل حملے نہیں کیے جائیں گے۔
ایک بیان میں ایرانی صدر نے کہا کہ گزشتہ دنوں ہونے والے حملوں کے معاملے پر وہ پڑوسی ممالک سے معذرت خواہ ہیں اور ایران کا دوسرے ممالک پر حملہ کرنے کا کوئی ارادہ نہیں ہے۔
مسعود پزشکیان کے مطابق عبوری لیڈر شپ کونسل نے بھی اس بات کی منظوری دے دی ہے کہ پڑوسی ممالک کے خلاف کوئی حملہ یا میزائل حملہ نہیں کیا جائے گا۔ انہوں نے واضح کیا کہ جب تک کسی ملک کی سرزمین سے ایران پر حملہ نہیں کیا جاتا ایران بھی اس کے خلاف کوئی کارروائی نہیں کرے گا۔
ایرانی صدر کا کہنا تھا کہ ایران امریکا اور اسرائیل کے سامنے سرنڈر نہیں کرے گا اور دشمن کو ایرانی عوام کے ہتھیار ڈالنے کی خواہش کو ہمیشہ کے لیے دفن کرنا پڑے گا۔
07/03/2026
مسلمانوں کے لیے دروازے بند کرنے کی منصوبہ بندی ہو رہی ہے؟ 'رجیم چینج' کے پیچھے اصل مقاصد کیا ہیں اور کیا تیل کے ذخائر پر قبضے کی نئی جنگ شروع ہو چکی ہے؟
06/03/2026
کیا ڈونلڈ ٹرمپ واقعی مسلمانوں سے نفرت کرتے ہیں؟ یا پھر عالمی سیاست کا نقشہ بدلنے والا ہے؟ حامد میر کے اس خصوصی تجزیے میں جانیے کہ نیتن یاہو، امریکہ اور یورپ کے درمیان کیا کھچڑی پک رہی ہے اور آنے والے وقت میں مسلم دنیا پر اس کے کیا اثرات ہوں گے۔
Be the first to know and let us send you an email when The Mir Report posts news and promotions. Your email address will not be used for any other purpose, and you can unsubscribe at any time.
