Sr news

09/09/2026

*📢 علاقہ تورڈھیر کے عوام الناس کے لیے اہم اطلاع*

*ڈی پی او صوابی وقاص رفیق کی جانب سے عوامی کھلی کچہری کا انعقاد کیا جا رہا ہے۔*

بروز جمعہ، 11 ستمبر 2026
⏰ وقت: صبح 10 بجے
📍 مقام: تھانہ تورڈھیر

عوام الناس اپنے مسائل و شکایات براہِ راست ڈی پی او صوابی کے سامنے پیش کریں۔

آپ کی آواز — آپ کا حق — آپ کا مسئلہ، براہِ راست ڈی پی او تک۔

08/09/2026

06/09/2026

نجکاری مزدوروں کا معاشی قتل ہے، حکومت مزدور تنظیموں سے مشاورت کرے۔ پاکستان ورکرز فیڈریشن
صوابی ( ) پاکستان ورکرز فیڈریشن کے سرپرستِ اعلیٰ چوہدری محمد یٰسین، جنرل سیکرٹری اسد محمود، صدر شوکت علی انجم، چیئرمین چوہدری عبدالرحمان عاصی، عبدالرزاق میمن، حاجی انور کمال خان، حاجی ثناء الحق ناصر، اشتیاق ورک، بشیر باچہ ، محبوب اللہ، اعظم فقیر، افتخار احمد اور دیگر مزدور رہنماؤں نے اپنے مشترکہ بیان میں کہا ہے کہ سی ڈی اے کے مختلف شعبہ جات، واپڈا، کراچی ڈاک لیبر بورڈ سمیت دیگر سرکاری اداروں کی نجکاری مزدوروں کا معاشی قتل ہے۔انھوں نے کہا کہ ان اداروں کی نجکاری کے نتیجے میں لاکھوں مزدوروں کے روزگار کو خطرات لاحق ہوں گے اور بڑی تعداد میں محنت کش بے روزگاری کا شکار ہو سکتے ہیں جس سے ان کے گھروں کے چولہے ٹھنڈے پڑنے کا خدشہ ہے۔ انھوں نے کہا کہ ریاست کی بنیادی ذمہ داری عوام کو روزگار کے مواقع فراہم کرنا اور مزدوروں کے معاشی و سماجی تحفظ کو یقینی بنانا ہے نہ کہ ایسے فیصلے کرنا جن سے لوگوں سے روزگار چھن جائے۔مزدور رہنماؤں نے کہا کہ قومی ادارے ملک کے اثاثے ہیں، اس لیے ان کی نجکاری کا فیصلہ کرنے سے قبل اس کے معاشی، سماجی اور صنعتی اثرات کا جامع جائزہ لیا جانا چاہیے۔ حکومت کو چاہیے کہ ملک اور قومی اداروں کی بہتری کے لیے نجکاری کے عمل کو روکے اور مزدور تنظیموں کے نمائندوں کو اعتماد میں لے کر متبادل اصلاحاتی اقدامات پر غور کرے۔انہوں نے مزید کہا کہ پاکستان میں لیبر قوانین موجود ہونے کے باوجود ان پر مؤثر عمل درآمد نہیں ہو رہا بالخصوص غیر رسمی شعبے سے وابستہ لاکھوں مزدور آج بھی ملازمت کے تحفظ، مناسب اجرت، سوشل سکیورٹی، پنشن، صحت کی سہولیات اور دیگر بنیادی حقوق سے محروم ہیں۔ ایسے حالات میں سرکاری اداروں کی نجکاری سے مزدور طبقے کی مشکلات میں مزید اضافہ ہوگا۔پاکستان ورکرز فیڈریشن کے رہنماؤں نے حکومت پر زور دیا کہ مزدوروں کے مسائل کے حل کے لیے قومی سطح پر جامع لیبر پالیسی تشکیل دی جائے، صنعتی اداروں میں لیبر قوانین پر سختی سے عمل درآمد یقینی بنایا جائے اور غیر رسمی شعبے کے محنت کشوں کو بھی قانونی و سماجی تحفظ فراہم کیا جائے۔انھوں نے وزیراعظم پاکستان، وفاقی وزیر برائے اوورسیز پاکستانیز و انسانی وسائل کی ترقی اور دیگر متعلقہ حکام سے مطالبہ کیا کہ سرکاری اداروں کی نجکاری سمیت مزدوروں سے متعلق تمام اہم فیصلے مزدور تنظیموں کے نمائندوں سے بامعنی مشاورت کے بعد کیے جائیں۔ انھوں نے کہا کہ حکومت مزدوروں کو اعتماد میں لے کر ایسے اقدامات کرے جو قومی اداروں کے تحفظ، کارکردگی میں بہتری اور محنت کش طبقے کے روزگار کے تحفظ کو یقینی بنائیں۔

31/08/2026

27/08/2026

پریس ریلیز
27 اگست 2026

*صوابی: تھانہ کالوخان پولیس کی اہم کارروائی، جعلی بت کے ذریعے سادہ لوح شہریوں سے لاکھوں روپے ہتھیانے والا ملزم گرفتار*

صوابی: تھانہ کالوخان پولیس نے سادہ لوح شہریوں کو جعلی اور نقلی بت کو قیمتی و قدیم ظاہر کرکے لاکھوں روپے سے محروم کرنے والے ملزم کو گرفتار کرلیا۔

پولیس کے مطابق گرفتار ملزم شیر نواز عرف امان ولد مرتضیٰ، ساکن کالو ڈیر، علاقہ تھانہ کالوخان، چوکی اعظم آباد گزشتہ تقریباً 30 سال سے اسی نوعیت کی وارداتوں میں مبینہ طور پر ملوث ہے اور درجنوں شہریوں کو دھوکا دے کر ان سے رقم بٹور چکا ہے۔

ملزم کا طریقۂ واردات انتہائی چالاکی پر مبنی تھا۔ وہ ٹیکسلا سے تقریباً دو سے تین ہزار روپے مالیت کا سیمنٹ سے بنا ہوا بت خریدتا، اسے مٹی وغیرہ سے ڈھانپ کر قدیم اور قیمتی بت کا روپ دیتا اور پھر سادہ لوح شہریوں کو اپنے جال میں پھنساتا تھا۔

ملزم متاثرہ شخص کو یہ باور کراتا کہ اس نے مذکورہ بت 50 لاکھ روپے میں خریدا ہے، تاہم اس کے شریکِ کاروبار یا دوست کو فوری طور پر رقم کی ضرورت ہے۔ ملزم شہری کو پیشکش کرتا کہ وہ بت اپنے پاس رکھ لے اور بدلے میں 50 ہزار، ایک لاکھ، دو لاکھ یا اپنی استطاعت کے مطابق رقم دے دے، جبکہ وہ اگلے روز رقم واپس کرکے بت واپس لے جائے گا۔

اس جھانسے میں آنے والے شہری جب ملزم کو رقم دے کر بت اپنے پاس رکھ لیتے تو ملزم رقم وصول کرنے کے بعد روپوش ہوجاتا تھا۔

ڈی ایس پی سرکل رزڑ شکیل خان اور ایس ایچ او تھانہ کالوخان ہارون خان کی قیادت میں چوکی اعظم آباد انچارج نصیب جان معہ نفری پولیس نے ملزم کو گرفتار کرکے اس کے خلاف قانونی کارروائی شروع کردی ہے، جبکہ اس کے خلاف عوامی شکایات موصول ہورہے تھے۔جبکہ مزید تفتیش جاری ہے۔
* #ترجمان صوابی پولیس*

27/08/2026

ریسکیو 1122 صوابی

صوابی: کوٹھا گاؤں میں افسوسناک حادثہ، 9 سالہ بچہ جاں بحق

ٹوپی کے علاقے کوٹھا گاؤں میں ٹریکٹر کے کٹر سے گر کر 9 سالہ بچہ موقع پر ہی جاں بحق ہوگیا۔

اطلاع ملتے ہی ریسکیو 1122 کی میڈیکل ٹیم فوری طور پر موقع پر پہنچ گئی اور ضروری کارروائی کے بعد جاں بحق بچے کی لاش کو پوسٹ مارٹم کے لیے قریبی ہسپتال منتقل کر دیا۔

میڈیا کوآرڈینیٹر
ریسکیو 1122 صوابی

27/08/2026

چھوٹا لاہور ریسکیو 1122 اسٹیشن 44 کا باقاعدہ افتتاح

صوابی: ریسکیو 1122 صوابی کے چھوٹا لاہور اسٹیشن 44 کا باقاعدہ افتتاح ایک پروقار تقریب میں کر دیا گیا۔ تقریب میں قومی اسمبلی کے سابق اسپیکر اسد قیصر خان، سابق صوبائی وزیر شہرام خان ترکئی، عبد الکریم خان، سیکرٹری ریلیف، بحالی و آبادکاری سہیل خان، ڈائریکٹر آپریشنز ڈاکٹر میر عالم خان، ڈائریکٹر فنانس کمال شاہ، ڈسٹرکٹ ایمرجنسی آفیسر صوابی اویس بابر، دیگر افسران، معززین علاقہ اور ریسکیو اہلکاروں نے شرکت کی۔

اس موقع پر مقررین نے کہا کہ چھوٹا لاہور میں ریسکیو 1122 اسٹیشن کا قیام علاقے کے عوام کو بروقت اور معیاری ایمرجنسی سروسز کی فراہمی کی جانب اہم قدم ہے۔ نئے اسٹیشن کے فعال ہونے سے چھوٹا لاہور اور ملحقہ آبادیوں میں ہنگامی صورتحال کے دوران ریسکیو 1122 کا رسپانس مزید تیز اور مؤثر ہوگا۔

اسٹیشن 44 سے روڈ ٹریفک حادثات، طبی ہنگامی حالات، آگ لگنے کے واقعات، عمارتوں کے حادثات اور دیگر ایمرجنسیز میں متاثرین کو بروقت ریسکیو، طبی امداد اور دیگر ضروری خدمات فراہم کی جائیں گی۔

ڈسٹرکٹ ایمرجنسی آفیسر صوابی اویس بابر نے کہا کہ ریسکیو 1122 عوام کے جان و مال کے تحفظ اور مشکل وقت میں بروقت مدد کی فراہمی کے لیے ہمہ وقت مصروف عمل ہے۔ چھوٹا لاہور اسٹیشن 44 کا قیام اسی عوامی خدمت کے سلسلے کی ایک اہم کڑی ہے، جس سے علاقے میں ایمرجنسی سروسز کی رسائی مزید بہتر ہوگی۔

انہوں نے کہا کہ ریسکیو 1122 نے اپنی پیشہ ورانہ خدمات، بروقت رسپانس اور مشکل حالات میں مؤثر کارروائیوں کے ذریعے عوام کا اعتماد حاصل کیا ہے۔ اس اعتماد کو مزید مضبوط بنانا ریسکیو 1122 کی اولین ترجیحات میں شامل ہے۔

تقریب کے شرکاء نے ریسکیو 1122 صوابی کی عوامی خدمت، پیشہ ورانہ کارکردگی اور ہنگامی حالات میں اہلکاروں کی خدمات کو سراہا۔ مقررین نے کہا کہ عوام کو ان کی دہلیز کے قریب بروقت ایمرجنسی سروسز کی فراہمی نہ صرف ایک اہم سہولت ہے بلکہ عوام کے جان و مال کے تحفظ کے لیے ایک عملی اقدام بھی ہے۔

ریسکیو 1122 صوابی کے اہلکار 24 گھنٹے مستعد رہتے ہوئے کسی بھی ہنگامی صورتحال میں فوری رسپانس، مؤثر ریسکیو آپریشن اور معیاری طبی امداد کی فراہمی کے لیے اپنی ذمہ داریاں انجام دے رہے ہیں۔ ضلع کے مزید علاقوں تک ایمرجنسی سروسز کی رسائی بہتر بنانے کے لیے اقدامات بھی جاری ہیں۔

24/08/2026

24/08/2026

*تورڈھیری کے قریب شیرآباد میں لنٹر گرنے سے 2 افراد زخمی ریسکیو 1122 صوابی*

تورڈھیری کے قریب شیرآباد میں لنٹر کے کام کے دوران اچانک لنٹر گرنے سے دو افراد ملبے تلے دب گئے۔

ریسکیو 1122 صوابی کے کنٹرول روم کو اطلاع موصول ہوتے ہی ڈیزاسٹر ریسکیو ٹیم فوری طور پر موقع پر پہنچ گئی اور ریسکیو آپریشن شروع کیا۔ اہلکاروں نے دونوں افراد کو ملبے تلے سے زندہ اور زخمی حالت میں نکال لیا اور ابتدائی طبی امداد فراہم کرنے کے بعد باچا خان ہسپتال منتقل کر دیا۔

ریسکیو 1122 کے بروقت رسپانس اور فوری کارروائی کے باعث دونوں افراد کی قیمتی جانیں بچا لی گئیں۔

زخمی افراد:

- وقار — عمر 18 سال
- لقمان — عمر 33 سال

میڈیا کوآرڈینیٹر
ریسکیو 1122 صوابی

24/08/2026

ما شا ٕ اللہ