Swat Today News

Swat Today News سچ خبر

سوات میں پیرامیڈیکل ایسوسی ایشن کے سابق صدر حاجی بشیر احمد کی ریٹائرمنٹ پر پروقار تقریب، 38 سالہ خدمات کو خراجِ تحسینسوا...
26/08/2026

سوات میں پیرامیڈیکل ایسوسی ایشن کے سابق صدر حاجی بشیر احمد کی ریٹائرمنٹ پر پروقار تقریب، 38 سالہ خدمات کو خراجِ تحسین

سوات (بیورو رپورٹ) سوات پیرامیڈیکل ایسوسی ایشن کے سابق صدر اور ممتاز رہنما حاجی بشیر احمد کی 38 سال اور 5 ماہ پر محیط سرکاری ملازمت کی تکمیل اور ریٹائرمنٹ کے موقع پر نجی شادی ہال میں ایک شاندار اور پروقار تقریب کا انعقاد کیا گیا، جس میں پیرامیڈیکل ایسوسی ایشن کے صوبائی و ضلعی قائدین، عہدیداروں، ملازمین، ریٹائرڈ ملازمین اور مختلف تنظیموں کے نمائندوں نے کثیر تعداد میں شرکت کی۔ تقریب کے دوران حاجی بشیر احمد کی شعبہ صحت، ملازمین اور پیرامیڈیکل ایسوسی ایشن کے لیے طویل عرصہ تک انجام دی جانے والی خدمات کو شاندار الفاظ میں خراجِ تحسین پیش کیا گیا۔

تقریب میں پیرامیڈیکل ایسوسی ایشن ضلع سوات کے جنرل سیکرٹری جاوید اللہ خان، مرکزی و صوبائی قائدین، ضلع سوات کی قیادت اور دیگر عہدیداروں سمیت ملازمین نے شرکت کی۔ تقریب کا باقاعدہ آغاز تلاوتِ کلامِ پاک سے ہوا، جس کے بعد قومی ترانہ پیش کیا گیا۔ صوبائی قائدین کی آمد پر ان کا شاندار اور پرجوش استقبال کیا گیا۔

اس موقع پر حاجی بشیر احمد کی 38 سالہ پیشہ ورانہ و تنظیمی جدوجہد پر مبنی خصوصی ڈاکومنٹری بھی پیش کی گئی، جسے شرکاء نے بے حد سراہا۔ تقریب سے خطاب کرتے ہوئے مختلف مقررین نے حاجی بشیر احمد کی شعبہ صحت اور ملازمین کے حقوق کے لیے خدمات کو خراجِ تحسین پیش کرتے ہوئے کہا کہ انہوں نے اپنی ملازمت کے ساتھ ساتھ پیرامیڈیکل اسٹاف کے حقوق کے لیے بھی بھرپور جدوجہد کی اور تنظیم کو مضبوط بنانے میں اہم کردار ادا کیا۔

مرکزی صدر شرافت اللہ یوسفزئی نے خطاب کرتے ہوئے کہا کہ حاجی بشیر احمد ضلعی اور ڈویژنل صدر کے علاوہ صوبائی سطح پر چیئرمین کے عہدے پر بھی فائز رہ چکے ہیں۔ انہوں نے ہمیشہ پیرامیڈیکل ایسوسی ایشن اور ملازمین کے حقوق کے لیے بے لوث خدمات انجام دیں، جنہیں مدتوں یاد رکھا جائے گا۔

سیدو گروپ آف ٹیچنگ ہسپتال کے ایم ایس ڈاکٹر محمد سلیم خان نے کہا کہ حاجی بشیر احمد نے اپنے پورے پیشہ ورانہ کیریئر میں فرض شناسی، دیانت داری اور ذمہ داری کا مظاہرہ کیا۔ شعبہ صحت کے لیے ان کی خدمات قابلِ قدر ہیں اور ان کا کردار دیگر ملازمین کے لیے مشعلِ راہ ہے۔

آل پاکستان پنشنرز ایسوسی ایشن کے مرکزی صدر حاجی فضل معبود، ایپکا ضلع سوات کے صدر علی رحمان، عصمت اللہ اور دیگر مقررین نے کہا کہ حاجی بشیر احمد کا ضلعی، ڈویژنل اور صوبائی کابینہ میں کلیدی کردار رہا ہے۔ بالخصوص پیرامیڈیکل اسٹاف کے لیے اسکیل 20 کی منظوری اور حصول کے لیے ان کی جدوجہد ایک اہم کارنامہ ہے، جسے ہمیشہ یاد رکھا جائے گا۔

تقریب سے صوبائی صدر مجاہد اعظم، ضلع بونیر کے صدر حاجی ظفر، شفیق احمد اور حاجی بشیر احمد کے بھائی ہلال دانش نے بھی خطاب کیا اور ان کی خدمات کو سراہا۔ اس موقع پر عماد نے حاجی بشیر احمد کی خدمات کو خراجِ تحسین پیش کرتے ہوئے خوبصورت اشعار بھی پیش کیے۔

سوات پیرامیڈیکل ایسوسی ایشن کی جانب سے تقریب میں شریک صوبائی قائدین اور ضلع سوات سے تعلق رکھنے والے تمام ریٹائرڈ ملازمین کو روایتی پختون چادریں اور پکول بھی پیش کیے گئے، جبکہ تقریب کے اختتام پر حاجی بشیر احمد کو ان کی شاندار خدمات کے اعتراف میں یادگاری شیلڈز اور تحائف پیش کیے گئے۔

اپنے الوداعی خطاب میں حاجی بشیر احمد نے تمام مہمانوں، ساتھی ملازمین اور تنظیمی رہنماؤں کا شکریہ ادا کرتے ہوئے کہا کہ وہ اللہ تعالیٰ کے بے حد شکر گزار ہیں کہ انہیں 38 سال اور 5 ماہ تک سرکاری ملازمت کے ذریعے عوام کی خدمت کا موقع ملا۔ انہوں نے کہا کہ اس طویل سفر کے دوران ہمیشہ حلال روزی کمانے اور سچ کا ساتھ دینے کی کوشش کی، سخت سے سخت حالات اور مشکلات کے باوجود کبھی کسی کے سامنے سر نہیں جھکایا اور نہ ہی اپنے شعبے سے خیانت کی۔

حاجی بشیر احمد نے کہا کہ انہیں اس بات کی خوشی ہے کہ طویل سروس کے دوران انہوں نے کبھی کسی کو شکایت کا موقع نہیں دیا۔ انہوں نے عزم ظاہر کیا کہ وہ زندگی کے آخری دم تک اپنے ساتھیوں اور پیرامیڈیکل ایسوسی ایشن کے ساتھ کھڑے رہیں گے۔

انہوں نے تقریب کی کوریج کرنے پر سوات میڈیا کلب کے صحافیوں اور نمائندوں کا خصوصی شکریہ ادا کیا اور کہا کہ صحافیوں نے ہمیشہ مثبت انداز میں ملازمین اور عوامی مسائل کو اجاگر کرنے میں اپنا کردار ادا کیا ہے۔ سٹیج سیکرٹری جاوید اللہ نے بھی سوات میڈیا کلب کے صحافیوں کو بہترین کوریج پر خراجِ تحسین پیش کیا۔

نویکلے مینگورہ میں B&C ملک ڈیلر پرائیویٹ لمیٹڈ کا افتتاح، خالص دودھ اور ڈیری مصنوعات کی فراہمی کا عزمسوات (لعل شیرخان سے...
20/08/2026

نویکلے مینگورہ میں B&C ملک ڈیلر پرائیویٹ لمیٹڈ کا افتتاح، خالص دودھ اور ڈیری مصنوعات کی فراہمی کا عزم

سوات (لعل شیرخان سے) سوات کے علاقے نویکلے مینگورہ میں نیک پی خیل بس اسٹینڈ کے بالمقابل نزد لاہور ہوٹل B&C ملک ڈیلر پرائیویٹ لمیٹڈ کے نام سے جدید ملک شاپ کا باقاعدہ افتتاح کردیا گیا۔ افتتاحی تقریب میں ملاکنڈ ٹریڈ فیڈریشن کے صدر عبدالرحیم اور کانجو ٹاؤن شپ سوسائٹی کے صدر امجد کمال زئی نے فیتہ کاٹ کر ملک شاپ کا افتتاح کیا۔ تقریب میں مقامی کاروباری شخصیات، سماجی کارکنوں، صحافیوں اور عمائدینِ علاقہ نے شرکت کی اور ملک شاپ کے مالک خالد خان کو نئے کاروبار کے آغاز پر مبارکباد پیش کی۔افتتاحی تقریب سے خطاب کرتے ہوئے ملاکنڈ ٹریڈ فیڈریشن کے صدر عبدالرحیم نے کہا کہ سوات میں کاروبار کرنا اس وقت انتہائی مشکل اور چیلنجز سے بھرپور ہے۔ انہوں نے کہا کہ پائیدار کاروباری سرگرمیوں اور سرمایہ کاری کے لیے علاقے میں امن و امان کا قیام بنیادی ضرورت ہے۔ سوات کے عوام طویل عرصے سے غیر یقینی صورتحال کا سامنا کر رہے ہیں، جس کے باعث کاروباری طبقہ بھی شدید تشویش اور بے یقینی کا شکار ہے۔عبدالرحیم نے ریاستی اداروں پر زور دیا کہ عوام کے تحفظ اور علاقے میں مستقل امن کے قیام کے لیے عملی اور مؤثر اقدامات کیے جائیں۔ انہوں نے ملاکنڈ ڈویژن کے حوالے سے کہا کہ اس خطے کی تاریخی، آئینی اور انتظامی حیثیت سے متعلق عوام کے تحفظات کو سنجیدگی سے لیا جائے۔ ان کا کہنا تھا کہ ملاکنڈ ڈویژن کی موجودہ حیثیت کے خاتمے کی کوئی بھی کوشش عوام کے لیے قابل قبول نہیں ہوگی۔انہوں نے کہا کہ صوبائی حکومت کی جانب سے کیپرا ٹیکس کے خاتمے کا نوٹیفکیشن جاری کیا گیا ہے، تاہم وفاقی سطح پر ٹیکس نفاذ سے متعلق فیصلوں پر بھی نظرثانی کی ضرورت ہے۔ انہوں نے خبردار کیا کہ اگر عوامی تحفظات دور نہ کیے گئے تو ملاکنڈ ڈویژن کے عوام اپنے حقوق کے حصول کے لیے آئینی اور جمہوری جدوجہد جاری رکھیں گے، جس میں سول نافرمانی سمیت مختلف پرامن راستے اختیار کرنے کا آپشن بھی زیرِ غور آسکتا ہے۔ملاکنڈ ٹریڈ فیڈریشن کے صدر نے مزید کہا کہ وہ بہت جلد وزیراعظم پاکستان میاں محمد شہباز شریف سے ملاقات کرکے ملاکنڈ ڈویژن کے تاجروں اور عوام میں پائی جانے والی بے چینی، تشویش اور ٹیکس سے متعلق تحفظات سے آگاہ کریں گے۔انہوں نے B&C ملک ڈیلر پرائیویٹ لمیٹڈ کے مالک خالد خان کو نئے کاروبار کے آغاز پر مبارکباد دیتے ہوئے کہا کہ خالد خان نے مختصر عرصے میں اپنے معیار اور کاروباری کارکردگی کے باعث اچھی شہرت حاصل کی ہے۔ انہوں نے امید ظاہر کی کہ نئی ملک شاپ میں معیار، صفائی اور خالص اشیائے خوردونوش کی فراہمی کو ترجیح دی جائے گی اور یہ سلسلہ مستقبل میں بھی برقرار رہے گا۔اس موقع پر کانجو ٹاؤن شپ سوسائٹی کے صدر امجد کمال زئی نے کہا کہ نئے کاروبار کا آغاز نہ صرف کاروباری سرگرمیوں کے فروغ کی علامت ہے بلکہ اس سے مقامی سطح پر روزگار کے نئے مواقع بھی پیدا ہوتے ہیں۔ انہوں نے کہا کہ دودھ اور دیگر ڈیری مصنوعات عوام کی بنیادی غذائی ضروریات میں شامل ہیں، اس لیے معیاری، تازہ اور خالص دودھ کی فراہمی ایک اہم عوامی خدمت بھی ہے۔امجد کمال زئی نے امید ظاہر کی کہ B&C ملک ڈیلر پرائیویٹ لمیٹڈ عوام کو معیاری ڈیری مصنوعات کی فراہمی میں اپنا کردار ادا کرے گا اور مستقبل میں اس نوعیت کے مزید کاروباری منصوبے سوات میں سرمایہ کاری اور روزگار کے مواقع بڑھانے کا ذریعہ بنیں گے۔تقریب سے گفتگو کرتے ہوئے ملک شاپ کے مالک خالد خان نے کہا کہ دودھ اور ڈیری مصنوعات کا کاروبار ان کے خاندان کا پرانا پیشہ ہے اور ان کے آباؤ اجداد بھی اسی شعبے سے وابستہ رہے ہیں۔ انہوں نے کہا کہ وہ خاندانی کاروباری روایت کو آگے بڑھاتے ہوئے ایمانداری، معیار اور خالص مصنوعات کی فراہمی کو اپنی اولین ترجیح سمجھتے ہیں۔خالد خان نے کہا کہ B&C ملک ڈیلر پرائیویٹ لمیٹڈ کے تحت صارفین کو قدرتی اور خالص دودھ، دہی، دیسی گھی سمیت مختلف معیاری ڈیری مصنوعات فراہم کی جائیں گی۔ ان کے بقول مصنوعات کے معیار اور خالص ہونے کو یقینی بنانے کے لیے خصوصی توجہ دی جائے گی تاکہ صارفین کو معیاری اشیاء دستیاب ہوسکیں۔انہوں نے بتایا کہ مستقبل میں کاروبار کو وسعت دینے اور سوات کے مختلف علاقوں میں نئی برانچیں قائم کرنے کا منصوبہ بھی زیرِ غور ہے۔ ان کا کہنا تھا کہ کاروبار کو صرف ذاتی منافع تک محدود رکھنے کے بجائے مقامی نوجوانوں کے لیے روزگار کے مواقع پیدا کرنا بھی ان کی ترجیحات میں شامل ہے۔خالد خان نے کہا کہ سوات میں متعدد نوجوان روزگار کے مواقع نہ ہونے کی وجہ سے مشکلات کا سامنا کر رہے ہیں، اس لیے ان کی کوشش ہوگی کہ اپنے کاروبار کے دائرہ کار کو وسعت دے کر زیادہ سے زیادہ نوجوانوں کو روزگار فراہم کیا جائے۔ انہوں نے کہا کہ اگر کوئی شخص ملک شاپ یا ڈیری مصنوعات کا کاروبار شروع کرنا چاہتا ہے تو B&C ملک ڈیلر پرائیویٹ لمیٹڈ کی جانب سے اسے کاروباری تعاون اور رہنمائی فراہم کرنے کے لیے تیار ہیں۔افتتاحی تقریب میں عقل ودان سمیت دیگر شرکاء نے بھی خالد خان کو نئی ملک شاپ کے آغاز پر مبارکباد دی اور نیک خواہشات کا اظہار کیا۔ خالد خان نے تقریب میں شرکت کرنے والے تمام مہمانوں، کاروباری شخصیات، عمائدین اور دوستوں کا شکریہ ادا کیا۔تقریب میں حاجی بامین خان، انٹرنیشنل ہیومن رائٹس موومنٹ ضلع سوات اور کبل پریس کلب سوات کے نائب صدر لعل شیرخان، صلاح الدین، حبیب خان، عبداللہ خان اور حیات خان سمیت دیگر افراد بھی موجود تھے۔مقررین نے کہا کہ موجودہ مشکل معاشی حالات میں نئے کاروبار کا آغاز ایک حوصلہ افزا قدم ہے۔ ان کے مطابق مقامی سطح پر کاروباری سرگرمیوں میں اضافہ روزگار کے مواقع پیدا کرنے کے ساتھ ساتھ مارکیٹ میں مسابقت اور صارفین کو بہتر سہولیات کی فراہمی کا باعث بنتا ہے۔ تاہم تاجروں اور کاروباری حلقوں کا کہنا ہے کہ سوات میں سرمایہ کاری، کاروبار اور سیاحت کے فروغ کے لیے مستقل امن و امان، سازگار کاروباری ماحول اور پالیسیوں میں تسلسل ناگزیر ہے۔B&C ملک ڈیلر پرائیوٹ لمیٹڈ کے افتتاح کو مقامی کاروباری حلقوں کی جانب سے سوات میں نئی سرمایہ کاری اور کاروباری سرگرمیوں کے فروغ کی جانب ایک مثبت قدم قرار دیا جا رہا ہے۔

کبل گراؤنڈ نوجوانوں کا حقکبل گراؤنڈ کسی کی ذاتی جاگیر نہیں، بلکہ سوات کے نوجوانوں کا حق اور تحصیل کبل کے بچوں کے لیے ایک...
15/08/2026

کبل گراؤنڈ نوجوانوں کا حق

کبل گراؤنڈ کسی کی ذاتی جاگیر نہیں، بلکہ سوات کے نوجوانوں کا حق اور تحصیل کبل کے بچوں کے لیے ایک تاریخی کھیل کا میدان ہے۔
کبل گراؤنڈ میں کسی بھی شخص کی ذاتی اکیڈمی، کاروبار یا نجی ادارے کی مداخلت کسی صورت قبول نہیں کی جائے گی۔ یہ گراؤنڈ ہمارے بچوں اور نوجوانوں کے کھیل کے لیے ہے، اسے کسی کے ذاتی مفاد کے لیے استعمال نہیں ہونے دیں گے۔
اگر کوئی شخص اپنی اکیڈمی یا کاروبار قائم کرنا چاہتا ہے تو وہ اپنی ذاتی زمین استعمال کرے۔ عوامی گراؤنڈ پر ذاتی مفاد کی اجازت نہیں دی جا سکتی۔
تحصیل کبل کے نوجوانوں کے حق پر ہم کسی سے بھی سمجھوتہ نہیں کریں گے اور گراؤنڈ کے تحفظ کے لیے ہر آئینی و قانونی فورم پر آواز اٹھائیں گے۔
سلیم خان
صدر، پاکستان پیپلز پارٹی ضلع سوات

فری ٹی بی کیمپبروز جمعہ مورخہ 17 جولائی 2026بوقت صبح 9 بجے سے دوپہر 12 بجے تک معائنے کیلئے تشریف لائیں #سوات #ننگولئی ...
15/07/2026

فری ٹی بی کیمپ
بروز جمعہ
مورخہ 17 جولائی 2026
بوقت صبح 9 بجے سے دوپہر 12 بجے تک معائنے کیلئے تشریف لائیں

#سوات


#ننگولئی







#خوشخبری



#ہسپتال

سوات میڈیا کلب کی حلف برداری تقریب، صحافت میں تحقیق، ساکھ اور ذمہ داری ناگزیر ہے، اختر خان ایڈووکیٹسوات(لعل شیرخان سے) ڈ...
13/07/2026

سوات میڈیا کلب کی حلف برداری تقریب، صحافت میں تحقیق، ساکھ اور ذمہ داری ناگزیر ہے، اختر خان ایڈووکیٹ

سوات(لعل شیرخان سے) ڈیڈک چیئرمین و رکن صوبائی اسمبلی اختر خان ایڈووکیٹ نے کہا ہے کہ صحافی کی سب سے بڑی طاقت اس کی ساکھ (کریڈیبلٹی) ہوتی ہے، اس لیے ہر خبر شائع یا نشر کرنے سے قبل مکمل تحقیق اور تصدیق کرنا ناگزیر ہے۔ صحافت ریاست کا چوتھا ستون ہے اور عوام صحافیوں کی لکھی اور کہی ہوئی بات پر اعتماد کرتے ہیں، لہٰذا ذمہ دارانہ اور مثبت صحافت ہی ایک بہتر معاشرے کی تشکیل میں مؤثر کردار ادا کر سکتی ہے۔وہ سوات میڈیا کلب اور سوات میڈیا یونین آف جرنلسٹس کی نومنتخب کابینہ کی حلف برداری تقریب سے بطور مہمانِ خصوصی خطاب کر رہے تھے۔اختر خان ایڈووکیٹ نے کہا کہ نوجوان نسل منشیات کی لعنت کی لپیٹ میں آ رہی ہے، اس سنگین مسئلے کے سدباب کے لیے صحافیوں کو آگاہی مہم چلانے اور معاشرے میں شعور اجاگر کرنے میں اپنا فعال کردار ادا کرنا چاہیے۔ انہوں نے کہا کہ سوات میڈیا کلب صحافیوں کے لیے ایک بہترین پلیٹ فارم ہے، جو مظلوم اور بے بس عوام کی آواز حکومتی ایوانوں تک پہنچانے اور حکومت و عوام کے درمیان ایک مضبوط پل کا کردار ادا کر سکتا ہے۔اس موقع پر انہوں نے سوات میڈیا کلب کے لیے نئی عمارت کی تعمیر، صحافیوں کی پیشہ ورانہ تربیت کے لیے ورکشاپس کے انعقاد اور دیگر ضروری وسائل کی فراہمی کا اعلان کیا، جبکہ سوات میڈیا کلب کے لیے ایک لاکھ روپے کی مالی معاونت دینے کا بھی اعلان کیا۔تقریب میں سوات کے سیاسی، سماجی، تجارتی اور صحافتی حلقوں سمیت مختلف شعبہ ہائے زندگی سے تعلق رکھنے والی شخصیات نے بڑی تعداد میں شرکت کی۔ شرکاء میں ٹریڈ فیڈریشن ملاکنڈ ڈویژن کے صدر عبدالرحیم، ہوٹل ایسوسی ایشن ضلع سوات کے صدر الحاج زاہد خان، قامی تڑون کے ترجمان عرفان چٹان، حاجی اسحاق زاہد، تحصیل کبل کے سابق چیئرمین سعید خان، سوات چیمبر آف کامرس کے ترجمان یوسف علی، اے اے سی بابوزی عمران علی شاہ، ڈی ایس پی سٹی نصیر باچا، کلاس فور ملازمین کے وفد، سوات جمز مرچنٹ ایسوسی ایشن کے صدر قیصر سلطان اور سیکرٹری عرفان اللہ، سابق ناظمین، محکمہ اطلاعات خیبرپختونخوا کے سابق ڈائریکٹر نورالہدی، سیدو گروپ آف ہسپتالز کے ایم ایس ڈاکٹر محمد سلیم خان، کیجولٹی انچارج طارق خان، الخدمت فاؤنڈیشن کے سابق صدر اختر علی خان، سوات الیکٹرانک میڈیا ایسوسی ایشن کے صدر صمد انجم، سوشل میڈیا کلب کے صدر حارث خان، یونین آف جرنلسٹس کے جنرل سیکرٹریی سلمان یوسفزئی، سوات پریس کلب کے سابق چیئرمین رشید اقبال، سوات پریس کلب کے سابق چیئرمین سینئر صحافی فیاض ظفر اور تحصیل خوازہ خیلہ، مٹہ اور کبل سے تعلق رکھنے والے صحافی شامل تھے۔تقریب سے خطاب کرنے والے مقررین نے کہا کہ امن و امان کے قیام میں صحافیوں کا کردار انتہائی اہم ہے۔ اگر علاقے میں امن ہوگا تو صحافت، سیاحت اور معیشت تینوں کو فروغ ملے گا اور خطہ ترقی کی راہ پر گامزن ہوگا۔ مقررین نے ملاکنڈ ڈویژن میں ٹیکس کے نفاذ کی مخالفت کرتے ہوئے کہا کہ یہ خطہ پہلے ہی قدرتی اور انسانی ساختہ آفات سے شدید متاثر رہا ہے، اس لیے یہاں کسی بھی نئے ٹیکس کو قبول نہیں کیا جائے گا۔انہوں نے صحافی برادری پر زور دیا کہ وہ منشیات فروشی کے خلاف مؤثر آگاہی مہم چلائیں اور نوجوان نسل کو اس ناسور سے بچانے کے لیے اپنا قومی اور سماجی فریضہ ادا کریں۔سوات میڈیا کلب کے چیئرمین وحید اللہ سواتی نے اپنے خطاب میں کہا کہ وہ پندرہ برس سے زائد عرصہ سوات پریس کلب میں مختلف عہدوں پر خدمات انجام دیتے رہے، تاہم وہاں کارکن صحافیوں کے حقوق اور عزتِ نفس کا مکمل خیال نہیں رکھا جاتا تھا۔ اسی وجہ سے انہوں نے صدر رفیع اللہ خان کی دعوت پر سوات میڈیا کلب میں شمولیت اختیار کی۔ انہوں نے کہا کہ صحافی برادری نے جس اعتماد کا اظہار کرتے ہوئے انہیں اہم ذمہ داری سونپی ہے، وہ اسے پوری دیانت داری اور احساسِ ذمہ داری کے ساتھ نبھانے کی بھرپور کوشش کریں گے۔سوات میڈیا یونین آف جرنلسٹس کے صدر رفیع اللہ خان نے اپنے خطاب میں کہا کہ صحافیوں کو کسی بھی صورت صحافتی اصولوں پر سمجھوتہ نہیں کرنا چاہیے۔ انہوں نے کہا کہ صحافت کا اصل مقصد مظلوم کی داد رسی اور ظالم کے خلاف بے خوف قلمی جدوجہد ہے، جسے ہر حال میں جاری رکھا جائے گا۔انہوں نے ڈیڈک چیئرمین سے سوات میڈیا کلب کی مستقل عمارت، صحافیوں کی پیشہ ورانہ تربیت اور دیگر بنیادی سہولیات کی فراہمی کا مطالبہ بھی کیا۔رفیع اللہ خان نے صوبائی حکومت سے مطالبہ کیا کہ سوات کے چار شہید صحافیوں، شہید موسیٰ خان خیل، سراج دین، قاری شعیب اور عبدالعزیز شاہین کی یاد میں سوات کے گیٹ وے لنڈاکی چیک پوسٹ کے مقام پر اعزازی یادگاری تختی نصب کی جائے تاکہ سوات آنے والے سیاح اور مہمان اس حقیقت سے آگاہ ہوں کہ ملک کی بقا، امن اور سالمیت کے لیے سوات کے ان بہادر صحافیوں نے اپنی جانوں کا نذرانہ پیش کیا۔انہوں نے مزید کہا کہ سوات پریس کلب میں صرف ایک مخصوص شخصیت کی برسی منائی جاتی ہے جبکہ دیگر مرحوم اور شہید صحافیوں کو نظر انداز کیا جاتا ہے۔ اس موقع پر انہوں نے اعلان کیا کہ سوات میڈیا کلب شہید صحافی موسیٰ خان خیل، سراج دین، قاری شعیب، عبدالعزیز شاہین کے علاوہ مرحوم صحافی حاجی سلیم خان، فقیر گل ماما، محبوب لالہ جی، اسماعیل طوطا، حکیم صاحبزادہ اور سبحان اللہ کی برسی بھی باقاعدگی سے منائے گا۔تقریب کے اختتام پر انہوں نے محکمہ اطلاعات خیبرپختونخوا سے اپیل کی کہ صحافیوں کو میڈیکل انڈومنٹ فنڈ سمیت دیگر فلاحی سہولیات کی فراہمی یقینی بنائی جائے تاکہ صحافی برادری کو درپیش مسائل کا مؤثر حل ممکن ہو سکے۔

خوشخبریلیڈی ڈینٹل سرجن ڈاکٹر ماہ رخ علی شاہ صابر میڈیکل سنٹر کوزہ بانڈئی سوات میں روزانہ صبح دس بجے سے عصر 6 بجے تک مریض...
09/07/2026

خوشخبری

لیڈی ڈینٹل سرجن ڈاکٹر ماہ رخ علی شاہ صابر میڈیکل سنٹر کوزہ بانڈئی سوات میں روزانہ صبح دس بجے سے عصر 6 بجے تک مریضوں کا معائنہ اور علاج کریں گی۔ نمبر لینے کیلئے رابطہ کریں
03399778888

Address

Swat
19200

Website

Alerts

Be the first to know and let us send you an email when Swat Today News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category