SwatVoice, Swat (2025)

11/05/2025

پاکستان پیپلز پارٹی پشاور سٹی کی جانب سے پاک فوج کےساتھ اظہار یکجہتی کے لیے ریلی نکالی گئی جس کی قیادت پارٹی کے رہنما سید ظاہر علی شاہ اور پارٹی کے دیگر اکابرین نے کی ۔پاک فوج کی خدمات کو سراہا گیا اور انہیں خراج عقیدت پیش کیا گیا 🌺

26/04/2025

ڈی پی او سوات کے احکامات پر کالج کالونی میں ون ویلنگ اور اوور اسپیڈنگ کے خلاف کریک ڈاؤن، متعدد نوجوان گرفتار
ڈی پی او سوات ناصر محمود کی خصوصی ہدایات پر ڈی ایس پی سیدو سرکل اور ایس ایچ او تھانہ سیدو شریف روشن خان نے ٹریفک پولیس کے ہمراہ کالج کالونی میں ون ویلنگ اور اوور اسپیڈنگ کے خلاف بھرپور کارروائی کی۔ کالج کالونی میں کافی عرصے سے موٹر سائیکل سوار نوجوانوں کی جانب سے ون ویلنگ، اوور اسپیڈنگ اور شور شرابے کی شکایات موصول ہو رہی تھیں جس سے مقامی رہائشی شدید پریشان تھے اور ذہنی اذیت کا شکار ہو چکے تھے۔

ڈی ایس پی سیدو کی قیادت میں پولیس ٹیم نے فوری کارروائی کرتے ہوئے متعدد نوجوانوں کو ون ویلنگ اور اوور اسپیڈنگ میں ملوث پایا اور انہیں موقع پر ہی گرفتار کرکے حوالات منتقل کردیا۔ کارروائی کے دوران نوجوانوں کی موٹر سائیکلیں بھی قبضے میں لے لی گئیں۔ پولیس کا کہنا ہے کہ عوامی شکایات پر کارروائی جاری رہے گی اور قانون کی خلاف ورزی کرنے والوں کے ساتھ کوئی رعایت نہیں برتی جائے گی۔

مقامی عمائدین نے پولیس کے اس اقدام کو سراہتے ہوئے امید ظاہر کی ہے کہ ایسی کارروائیوں سے علاقے میں امن و سکون بحال ہوگا اور نوجوانوں کو قانون کی پاسداری کی ترغیب ملے گی

21/04/2025

پریس ریلیز ڈبلیو ایس ایس سی سوات

کمشنر ملاکنڈ ڈویژن عابد وزیر نے ڈبلیو ایس ایس سی سوات کی ایک ہفتہ خصوصی صفائی مہم کا باقاعدہ افتتاح کر دیا۔

سوات:()صوبائی حکومت کی ہدایات کی روشنی میں خیبرپختونخوا عوامی ایجنڈا کے تحت واٹر اینڈ سینیٹیشن سروسز کمپنی سوات کا مینگورہ شہر میں صفائی ستھرائی کے نظام کو مؤثر، اور منظم بنانے کے لیے ایک ہفتہ خصوصی صفائی مہم کا آغاز کر دیا گیا ہے۔مہم کا باقاعدہ افتتاح کمشنر ملاکنڈ ڈویژن عابد وزیر نے ڈبلیو ایس ایس سی سوات کے ٹرانسفر اسٹیشن سے کیا۔ افتتاحی تقریب میں چیف ایگزیکٹو آفیسر ڈبلیو ایس ایس سی سوات،تنویر الرحمٰن، ایڈیشنل ڈپٹی کمشنر (جنرل)حامد بونیرے،اسسٹنٹ کمشنر بابوزئی محمد جواد آصف اور متعلقہ سٹاف سمیت صفائی اہلکاروں نے شرکت کی۔
کمشنر ملاکنڈ ڈویژن عابد خان وزیر نے تقریب کے دوران ڈبلیوایس ایس ایس سی سوات کی کارکردگی کو سراہتے ہوئے کہا کہ صفائی صرف ادارے کی ذمہ داری نہیں، بلکہ ہر شہری کا فرض ہے۔ڈبلیو ایس ایس سی سوات کی یہ مہم نہایت مؤثر قدم ہے جو سوات کو صاف، صحت مند اور خوشحال بنانے کے عزم کی نمائندگی کرتی ہے۔انہوں نے صفائی مہم کا آغاز کرتے ہوئے کہا کہ مینگورہ شہر کی صفائی و خوبصورتی ہماری اجتماعی ذمہ داری ہے۔ عوام سے اپیل ہے کہ وہ ادارے کے ساتھ تعاون کریں تاکہ شہر کو صاف ستھرا رکھا جا سکے۔کمشنر ملاکنڈ ڈویژن عابد وزیر نے صفائی عملے کے ساتھ مل کر صفائی کی علامتی سرگرمی میں بھی حصہ لیا۔تقریب کے بعد ''آگاہی واک'' کا بھی اہتمام کیا گیا، جس میں کمشنر ملاکنڈ ڈویژن،ضلعی انتظامیہ کے افسران، ڈبلیوایس ایس ایس سی سوات کے چیف ایگزیکٹیو آفیسر اور آفس سٹاف سمیت صفائی عملے نے شرکت کی۔اس آگاہی واک کا مقصد عوام کو صفائی کی اہمیت سے آگاہ کرنا، ماحول دوست رویے اپنانے کی ترغیب دینا اور شہریوں میں اجتماعی ذمے داری کا احساس پیدا کرنا تھا۔
چیف ایگزیکٹو آفیسر جناب تنویر الرحمٰن نے کہا۔ڈبلیو ایس ایس سی سوات مینگورہ شہر کو صاف اور شفاف بنانے میں بھر پور کوشش کر رہی ہے۔ یہ صفائی مہم محض ایک ہفتے کی سرگرمی نہیں، بلکہ عوامی شعور کو مستقل بنیادوں پر اجاگر کرنے کی ایک مکمل حکمت عملی ہے۔انہوں نے کہا کہ اس مہم کو کامیاب بنانے کے لیے کمپنی اپنے تمام وسائل بروئے کار لائے گی۔ پورے مینگورہ شہر سمیت نیبر ہڈ اور ویلج کونسلز میں خصوصی صفائی کی جائے گی، جس کا بنیادی مقصد شہریوں کو صحت مند اور صاف وشفاف ماحول فراہم کرنا ہے۔عوام سے بھی اپیل کی گئی کہ وہ اس مہم میں بڑھ چڑھ کر حصہ لیں اور اپنے گھروں، دکانوں اور اردگرد کے ماحول کو صاف رکھنے میں اپنا کردار ادا کریں۔ہمیں یقین ہے کہ شہری ہمارا بھرپور ساتھ دیں گے۔

04/04/2025

عیدالفطر پر سوات میں چار لاکھ سے زائد سیاحوں کی آمد بہترین سیکیورٹی، ٹریفک مینجمنٹ اور سہولیات پر ڈی پی او سوات ناصر محمود خان، سوات پولیس، ڈی جی اپر سوات ڈویلپمنٹ اتھارٹی عدنان ابرار اور ٹورازم پولیس قابلِ تحسین ہیں۔ سیاح محفوظ ماحول میں آئے اور خیریت سے واپس گئے۔

27/03/2025

رواں سال اپر سوات ڈویلپمنٹ اتھارٹی نے سوات کے سیاحتی مقام کالام ونٹر سیزن میں سیاحوں کی باآسانی رسائی کو یقینی بنانے کے لیے سڑکوں کی بحالی اور برف ہٹانے کے لیے جدید اور بھاری مشینری کا مؤثر استعمال کیا ہے۔ برفباری کے فوراً بعد راستے کھولنے کا عمل تیز رفتاری سے جاری رہتا ہے تاکہ سیاح محفوظ، آرام دہ اور بلا تعطل سفر کر سکیں۔

یہ اقدامات نہ صرف سیاحت کو سال بھر فعال رکھنے میں مددگار ثابت ہو رہے ہیں بلکہ مقامی معیشت کو فروغ دینے، روزگار کے مواقع بڑھانے اور کاروباری سرگرمیوں میں اضافے کا بھی سبب بن رہے ہیں۔

25/02/2025

سوات کالام میں برفباری کا سلسلہ شروع

23/02/2025

سوات:چارباغ مسجد میں فائرنگ کرنے والا ملزم سعود ولد سرتاج سکنہ توہا چارباغ سے ہوئی۔ملزم نے ذاتی دشمنی کے بنا پر فائر نگ کی۔ پولیس

19/02/2025

خیبر پختونخوا میں آج کل جو فلم چل رہی ہے، اس کے ہیرو بننے کی پیشکش سب سے پہلے مجھے کی گئی تھی، مگر میں نے انکار کر دیا۔ بعد میں ہمیں الیکشن میں ہروا دیا گیا۔ اللہ مجھے ہمت دے کہ میں خاموشی برقرار رکھ سکوں، لیکن جس دن میں نے خاموشی توڑ دی، اس دن کوئی بھی منہ دکھانے کے قابل نہیں ہوگا۔چئیرمین پاکستان تحریک انصاف پارلیمنٹیرین و سابق وزیر اعلی محمود خان کا اسلام اباد میں پارٹی قائدین سے خطاب

16/02/2025

جب تک یونی ورسٹیوں میں مارکس اور پرچے چیک کرنے کا اندرونی طریقہ رہے گا تب تک مالاکنڈ یونی ورسٹی جیسے کارستانیاں جاری رہیں گی!

13/02/2025

شہاب علی شاہ چیف سیکریٹری خیبرپختونخوا تعینات

پشاور: وفاقی حکومت نے گریڈ 21 کے سینئر بیوروکریٹ شہاب علی شاہ کو چیف سیکریٹری خیبرپختونخوا تعینات کر دیا۔ اس حوالے سے باقاعدہ نوٹیفکیشن جاری کر دیا گیا ہے۔

شہاب علی شاہ کا شمار ملک کے تجربہ کار اور قابل افسران میں ہوتا ہے۔ وہ مختلف انتظامی عہدوں پر فرائض انجام دے چکے ہیں اور بیوروکریسی میں وسیع تجربہ رکھتے ہیں۔ ان کی تعیناتی کو صوبے میں گورننس اور انتظامی معاملات میں بہتری کے لیے اہم قدم قرار دیا جا رہا ہے۔

ذرائع کے مطابق شہاب علی شاہ جلد اپنی نئی ذمہ داریاں سنبھالیں گے۔ ان کی تعیناتی ایسے وقت میں عمل میں آئی ہے جب خیبرپختونخوا کو مختلف انتظامی اور مالی چیلنجز کا سامنا ہے۔ توقع کی جا رہی ہے کہ وہ اپنی صلاحیتوں کو بروئے کار لاتے ہوئے صوبے میں گورننس کے نظام کو مزید مستحکم کریں گے۔

11/02/2025

کمشنر مالاکنڈ ڈویژن عابد وزیر سے ڈائریکٹر جنرل اپر سوات ڈویلپمنٹ اتھارٹی عدنان ابرار نے ان کے دفتر میں ملاقات کی۔ اس دوران سوات میں سیاحت کی بحالی، ترقیاتی منصوبوں اور نئے سیاحتی مقامات کے قیام پر تفصیلی تبادلہ خیال کیا گیا۔

ڈائریکٹر جنرل عدنان ابرار نے کمشنر مالاکنڈ ڈویژن کو اپر سوات ڈویلپمنٹ اتھارٹی کے تحت سیاحتی ترقی، انفراسٹرکچر کی بہتری اور سیاحوں کے لیے مزید پرکشش مقامات کھولنے سے متعلق تفصیلی بریفنگ دی۔ انہوں نے سوات میں جاری منصوبوں اور مستقبل میں سیاحت کے فروغ کے لیے کیے جانے والے اقدامات سے بھی آگاہ کیا۔

اس موقع پر کمشنر عابد وزیر نے اپر سوات ڈویلپمنٹ اتھارٹی کی کارکردگی کو سراہتے ہوئے کہا کہ سوات قدرت کا انمول تحفہ ہے، جو اپنی بے مثال قدرتی خوبصورتی کے باعث ملکی اور غیر ملکی سیاحوں کے لیے انتہائی پرکشش مقام ہے۔ انہوں نے کہا کہ صوبائی حکومت سوات میں سیاحت کے فروغ کے لیے سنجیدہ اقدامات کر رہی ہے اور درپیش تمام رکاوٹوں کو انتظامیہ کے تعاون سے دور کیا جائے گا۔

کمشنر مالاکنڈ ڈویژن نے سیاحت کے شعبے میں ترقی کے لیے اپر سوات ڈویلپمنٹ اتھارٹی کو ہر ممکن تعاون کی یقین دہانی کراتے ہوئے کہا کہ سوات کو سیاحوں کے لیے مزید پرکشش بنانے کے لیے حکومت اور متعلقہ ادارے مل کر کام کریں گے، تاکہ قدرتی حسن اور ثقافتی ورثے کو محفوظ رکھتے ہوئے سیاحتی سرگرمیوں کو فروغ دیا جا سکے۔

10/02/2025

سابق وزیر اعلیٰ محمود خان کا ایک اور وعدہ مکمل، سوات چڑیا گھر عوام کے لیے جلد کھولنے کا اعلان

سابق وزیر اعلیٰ خیبر پختونخوا اور چیئرمین پاکستان تحریک انصاف پارلیمنٹیرین محمود خان کے کو شیشوں سے منظور شدہ “سوات چڑیا گھر” کا منصوبہ پایۂ تکمیل کو پہنچ گیا۔ ایک ارب 71 کروڑ روپے کی لاگت سے مکمل ہونے والا یہ چڑیا گھر جلد عوام اور سیاحوں کے لیے کھول دیا جائے گاجس سے علاقے میں سیاحت کو فروغ ملے گا۔

اپنے جاری کردہ بیان میں سابق وزیر اعلی محمود خان نے کہا کہ یہ خیبر پختونخوا اور پاکستان کا اپنی نوعیت کا پہلا چڑیا گھر ہےجو خاص طور پر ایسے جانوروں کے لیے ڈیزائن کیا گیا ہے جو شدید موسمی حالات اورخصوصاً گرمی برداشت نہیں کر سکتے۔

انہوں نے مزید کہا کہ سوات منی چڑیا گھر دو حصوں پر مشتمل ہے جوکانجو ٹاؤن شپ میں 94 کنال پر محیط
جبکہ مالم جبہ میں سمر ہاوس 18 کنال پر مشتمل ہے۔

سمر ہاؤس میں ایسے جانوروں کی میزبانی کی جائے گی جو سخت موسمی حالات برداشت نہیں کر سکتےجن میں مارخور، آئی بیکس، چیتے اور دیگر مقامی نسلیں شامل ہیں، جبکہ افریقہ سے نایاب جانور بھی لائے جائیں گے۔ منصوبے کے تحت اونٹ، مارخور، چیتے اور افریقی شیروں سمیت دیگر جانوروں کی منتقلی بھی منصوبے میں شامل ہے۔

سابق وزیر اعلی محمود خان نے افسوس کا اظہار کرتے ہوئے کہا کہ سوات کے ترقیاتی منصوبوں کو دوسرے اضلاع منتقل کیا جا رہا ہےجو علاقے کے ساتھ ناانصافی کے مترادف ہے۔ انہوں نے سوات کے منتخب عوامی نمائندوں کی عدم دلچسپی اور نااہلی پر کڑی تنقید کرتے ہوئے کہا کہ وہ اس صورتحال پر خاموش تماشائی بنے ہوئے ہیں ۔

SwatVoice

11/05/2025

26/04/2025

21/04/2025

04/04/2025

27/03/2025

25/02/2025

23/02/2025

19/02/2025

16/02/2025

13/02/2025

11/02/2025

10/02/2025

Address

Website

Alerts

Contact The Business

Shortcuts

Share

Category