Talagang TV - HD

26/07/2026

ڈسٹرکٹ کیمسٹ ایسوسی ایشن تلہ گنگ کا ششماہی اجلاس صدر ایسوسی ایشن ڈاکٹر عامر نواز اعوان کی زیر صدارت انعقاد پذیر، فارمیسیز/میڈیکل سٹورز کی بہتری کیلئے اہم فیصلے

تلہ گنگ(نمائندہ خصوصی) ڈسٹرکٹ کیمسٹ ایسوسی ایشن تلہ گنگ کا ششماہی اجلاس صدر ایسوسی ایشن ڈاکٹر عامر نواز اعوان کی زیر صدارت منعقد ہوا، جس میں تلہ گنگ شہر کی کیمسٹ کمیونٹی نے بھرپور شرکت کی۔ اجلاس میں فارمیسی کے شعبے کو درپیش مسائل، معیاری ادویات کی فراہمی، پیشہ ورانہ ذمہ داریوں، مارکیٹ کے نظم و ضبط اور کیمسٹ برادری کے باہمی اتحاد و اتفاق پر تفصیلی تبادلۂ خیال کیا گیا۔ اجلاس سے خطاب کرتے ہوئے صدر ڈاکٹر عامر نواز اعوان نے کہا کہ کیمسٹ کمیونٹی صحت کے نظام کا ایک اہم حصہ ہے، اس لیے تمام فارمیسی مالکان اور عملہ پیشہ ورانہ اصولوں، قانون کی پابندی اور عوام کی بہتر خدمت کو اپنی اولین ترجیح بنائیں۔ انہوں نے اس عزم کا اظہار کیا کہ ڈسٹرکٹ کیمسٹ ایسوسی ایشن تلہ گنگ اپنے اراکین کے حقوق کے تحفظ اور فارمیسیز/ میڈیکل سٹورز کی بہتری کے لیے ہر ممکن اقدامات جاری رکھے گی۔ اجلاس سے سرپرستِ اعلیٰ ملک سلیم بلال اعوان، جنرل سیکرٹری جمیل انجم، سابق صدر ملک سرفراز اعوان، سابق صدر چوہدری خالد حسین، سابق جنرل سیکرٹری چوہدری عامر حسین، سابق جائنٹ سیکرٹری محمد جمیل، ممبر کیمسٹ ایسوسی ایشن وسیم اعوان اور ممبر کیمسٹ ایسوسی ایشن محمد نثار نے بھی خطاب کیا۔ مقررین نے کیمسٹ برادری کے اتحاد، باہمی تعاون، پیشہ ورانہ اخلاقیات، عوام کو معیاری ادویات کی فراہمی اور فارمیسی کے شعبے کو مزید مضبوط بنانے کی ضرورت پر زور دیا۔ انہوں نے اس عزم کا اظہار کیا کہ کیمسٹ برادری مشترکہ جدوجہد کے ذریعے اپنے پیشے کے وقار کو بلند رکھنے اور عوامی خدمت کے مشن کو مزید مؤثر بنانے کے لیے بھرپور کردار ادا کرتی رہے گی۔ اجلاس کے اختتام پر کیمسٹ برادری کو درپیش مختلف امور پر مشاورت کے بعد اہم تجاویز منظور کی گئیں اور اس بات کا اعادہ کیا گیا کہ ڈسٹرکٹ کیمسٹ ایسوسی ایشن تلہ گنگ آئندہ بھی اپنے اراکین کے حقوق کے تحفظ، فارمیسیز/ میڈیکل سٹورز کے معیار کو بہتر بنانے اور عوام کو محفوظ و معیاری ادویات کی فراہمی کے لیے بھرپور کردار ادا کرتی رہے گی۔

24/07/2026

24/07/2026

ادارہ سائبان بے سہارا افراد کی جنت ہے
تحریر: ڈاکٹر عامر نواز اعوان

کسی بھی معاشرے کی اصل پہچان اس کی بلند و بالا عمارتیں یا ترقی کے دعوے نہیں ہوتے، بلکہ یہ ہوتی ہے کہ وہ اپنے کمزور، لاچار اور بے آسرا لوگوں کے ساتھ کیسا برتاؤ کرتا ہے۔ خوش قسمتی سے تلہ گنگ کی سرزمین پر ایک ایسا ادارہ موجود ہے جو انسانیت کی خدمت کا خاموش مگر روشن استعارہ بن چکا ہے۔ انجمن بہبودی مریضاں (رجسٹرڈ) تلہ گنگ کے زیرِ انتظام سائبان صرف ایک رہائشی مرکز نہیں بلکہ ان بزرگوں اور بے سہارا افراد کیلئے ایک محفوظ گھر ہے، جنہیں حالات نے تنہا کر دیا۔

سائبان میں مقیم بزرگ مرد و خواتین کو عزت، محبت اور احترام کے ساتھ زندگی گزارنے کا موقع فراہم کیا جاتا ہے۔ ان کی خوراک، لباس، صفائی، علاج معالجہ اور روزمرہ ضروریات کا اس انداز سے خیال رکھا جاتا ہے کہ انہیں کبھی یہ احساس نہ ہو کہ وہ اپنے خاندان سے دور ہیں۔ یہ ادارہ اس حقیقت کا ثبوت ہے کہ اگر نیت خالص ہو تو انسانیت کی خدمت وسائل کی محتاج نہیں رہتی۔

ایسے ادارے صرف عمارتوں سے نہیں بنتے بلکہ ان کے پیچھے ایسے لوگ ہوتے ہیں جو بغیر کسی تشہیر کے خدمت کو اپنا مشن بنا لیتے ہیں۔ ڈاکٹر ارشد ملک، ملک ندیم اختر، ملک غلام عباس جھابری، میڈیا کوآرڈینیٹر نوید احمد ملک اور ان کے ساتھ وابستہ متعدد گمنام رضاکار اسی جذبے کے ساتھ اس کارِ خیر کو آگے بڑھا رہے ہیں۔ شاید ان کے نام ہر جگہ نمایاں نہ ہوں، مگر ان کی خدمات ان بزرگوں کی دعاؤں میں ضرور زندہ رہتی ہیں۔

سائبان کی سب سے دل کو چھو لینے والی کہانی ایک معذور بچے حیدر کی ہے۔ والدین کے انتقال کے بعد یہ بچہ بے یار و مددگار رہ گیا تھا۔ تقریباً اڑھائی سال قبل اس کی حالت متعلقہ افراد کے علم میں لائی گئی تو ملک ندیم اختر اور ملک غلام عباس جھابری نے فوری طور پر اس تک رسائی حاصل کی۔ اس وقت وہ انتہائی ناگفتہ بہ حالت میں تھا، مگر اسے سائبان منتقل کیا گیا جہاں آج وہ عزت، تحفظ اور محبت بھرے ماحول میں زندگی گزار رہا ہے۔ اس کی دیکھ بھال اس طرح کی جاتی ہے جیسے وہ اس ادارے کے ہر فرد کی اپنی ذمہ داری ہو۔

ڈاکٹر ارشد ملک کا اس بچے کے ساتھ رویہ خصوصی طور پر قابلِ تحسین ہے۔ وہ جب بھی سائبان جاتے ہیں تو حیدر کیلئے وقت ضرور نکالتے ہیں، اسے اپنی گاڑی میں بٹھا کر شہر کی سیر کراتے ہیں، اس کی پسند کے کھلونے دلاتے ہیں اور اس کے ساتھ ایسی شفقت سے پیش آتے ہیں جو ایک باپ اپنے بیٹے سے کرتا ہے۔ یہ منظر صرف ایک بچے کی خوشی کا سبب نہیں بنتا بلکہ یہ احساس بھی دلاتا ہے کہ محبت اور توجہ کسی بھی دوا سے بڑھ کر اثر رکھتی ہے۔

ہمیں ایسے اداروں اور ایسے لوگوں کی قدر کرنی چاہیے جو خاموشی سے انسانیت کی خدمت میں مصروف ہیں۔ معاشرے کی حقیقی خوبصورتی انہی کرداروں سے قائم رہتی ہے۔ سائبان اس بات کا عملی ثبوت ہے کہ اگر دردِ دل رکھنے والے لوگ موجود ہوں تو بے سہارا انسانوں کی زندگی میں امید کے چراغ روشن کیے جا سکتے ہیں۔

اللہ تعالیٰ انجمن بہبودی مریضاں (رجسٹرڈ) تلہ گنگ، ادارہ سائبان اور اس سے وابستہ تمام خدمت گزار افراد کو اپنی حفاظت میں رکھے، ان کی خدمات کو قبول فرمائے اور انہیں مزید ہمت، اخلاص اور توفیق عطا فرمائے تاکہ یہ انسانیت کی خدمت کا یہ روشن سفر اسی طرح جاری رکھ سکیں۔

24/07/2026

سائبان بزرگ اور غذائیت ۔۔۔عمر رسیدہ بے سہارا افراد کے ادارے سائبان تلہ گنگ میں مقیم بزرگوں کی حفظان صحت کے مطابق غذا اور خوراک کا خاص خیال رکھا جاتا ہے ، اور اس سلسلہ میں " ماہر غذائیت" سے منظور شدہ دیگر پکوانوں کے ساتھ ساتھ روزانہ کی بنیاد پر فروٹ یا فریش جوسز کا بھی انتظام کیا جاتا ہے تاکہ انھیں اس بڑھاپے اور بیماری میں ایک توانائی بخش غذا مل سکے ، جس کا ان کی صحت پر خوشگوار اثر پڑے۔۔۔۔سائبان ٹیم تجھے سلام ۔

23/07/2026

🌿 سنتِ نبوی ﷺ کے مطابق حجامہ کی بابرکت تاریخیں 🌿

الحمدللہ! 17، 19 اور 21 صفر المظفر کی مسنون تاریخیں قریب آ رہی ہیں۔ ان بابرکت ایام میں حجامہ کروانا سنتِ نبوی ﷺ پر عمل اور صحت کی حفاظت کا بہترین ذریعہ ہے۔

سنت تاریخیں
✔️ 1 اگست — 17 صفر المظفر
✔️ 3 اگست — 19 صفر المظفر
✔️ 5 اگست — 21 صفر المظفر

محترم مریض حضرات سے گزارش ہے کہ سنت تاریخوں میں غیر معمولی رش کے باعث اپنی اپائنٹمنٹ پیشگی بک کروا لیں تاکہ آپ کو بروقت اور معیاری خدمات فراہم کی جا سکیں۔

Umar Dar-Ul-Shifa & Hijama Clinic
📍 قادر چوک، تلہ گنگ

👨‍⚕️ Dr. Aamir Nawaz Awan
Doctor of Homeopathy | Herbal Physician
Hijama Therapist (Gold Medalist)

📞 Appointment: 0300-5476104

سنتِ رسول ﷺ پر عمل کیجیے، اپنی صحت کا خیال رکھیے، اور قدرتی و محفوظ علاج کے لیے ماہر حجامہ سروس سے استفادہ کیجیے۔