TNO Waseem Hassan

16/09/2025

پاسنگ مارکس میں کمی: طلبہ کے لیے آسانی یا معیارِ تعلیم میں کمی؟
یہ فیصلہ کہ خیبر میڈیکل یونیورسٹی نے پاسنگ مارکس کا معیار 60 فیصد سے کم کرکے 50 فیصد کر دیا ہے، بظاہر ایک مثبت قدم بھی ہے اور اس کے منفی پہلو بھی موجود ہیں۔ مثبت اس لیے ہے کہ یہ فیصلہ طلبہ کے حق میں ہے، اور ظاہر ہے کہ طلبہ اس پر خوش ہیں کیونکہ ان کے لیے کامیابی حاصل کرنا اب نسبتاً آسان ہو گیا ہے۔ اب اگر کوئی طالب علم پورے سمسٹر میں زیادہ محنت نہ بھی کرے اور آخر میں تھوڑا بہت پڑھ لے تو اس کے لیے امتحان پاس کرنا ممکن ہو جائے گا۔ خاص طور پر نجی کالجز میں یہ صورتحال زیادہ نظر آتی ہے، جہاں اکثر طلبہ کو 28 یا 29 انٹرنل مارکس دے دیے جاتے ہیں، اور جو طلبہ انتظامیہ کے قریب ہوتے ہیں ان کے لیے یہ اور بھی زیادہ فائدہ مند ثابت ہوتا ہے۔
لیکن اس فیصلے کا منفی پہلو بھی ہے۔ سرکاری نرسنگ کالجز میں انٹرنل مارکس ہمیشہ طلبہ کی مڈ ٹرم اور مجموعی کارکردگی پر دیے جاتے ہیں، جبکہ نجی اداروں میں اکثر طلبہ کلاسز میں باقاعدگی سے شریک بھی نہیں ہوتے، اور آخر میں محض انتظامیہ سے تعلقات یا مالی ذرائع استعمال کر کے امتحان میں کامیاب ہو جاتے ہیں۔ نجی کالجز اپنی شہرت اور رزلٹ خراب کرنے کے بجائے طلبہ کو زیادہ نمبر دینا ہی بہتر سمجھتے ہیں۔
یہی وہ نکتہ ہے جہاں اصل مسئلہ پیدا ہوتا ہے۔ اس پالیسی سے محنتی اور سنجیدہ طلبہ کا فرق ان طلبہ سے مٹ جائے گا جو محض نمبروں کے زور پر پاس ہو جاتے ہیں۔ نتیجتاً ایک "کمپیٹنٹ نرس" اور ایک "ٹک ٹاک نرس" میں کوئی نمایاں فرق باقی نہیں رہے گا۔ پہلے جو طلبہ تھوڑی بہت سنجیدگی سے پڑھائی کرتے تھے، اب ان کی محنت بھی نظرانداز ہو جائے گی.
یہ فیصلہ وقتی طور پر طلبہ کو خوش ضرور کرتا ہے، لیکن طویل المدت بنیادوں پر یہ معیار تعلیم اور نرسنگ کے پیشے کی سنجیدگی کے لیے ایک چیلنج بن سکتا ہے۔

Khyber Medical University, Peshawar, Khyber Pakhtunkhwa

15/09/2025

یہ واقعہ ایک نہایت اہم پیغام اپنے اندر سموئے ہوئے ہے کہ انسان کو اپنے پیشے کی قدر کرنی چاہیے، اپنی پہچان خود بنانی چاہیے اور دوسروں سے موازنہ کرنے کے بجائے اپنی صلاحیت اور خدمت پر فخر کرنا چاہیے۔

روٹین کے مطابق میں وارڈ میں بطور نرسنگ انٹرن ڈیوٹی انجام دے رہا تھا کہ ایک ہاؤس آفیسر نے نہایت دوستانہ انداز میں مجھ سے مخاطب ہو کر کہا: "ڈاکٹر صاحب! ڈیوٹی کیسی جارہی ہے؟"
میں نے مسکرا کر جواب دیا: "شاید آپ کو غلط فہمی ہوئی ہے، میں ڈاکٹر نہیں ہوں بلکہ نرسنگ انٹرن ہوں۔ آپ مجھے میرے نام سے، یا پھر ’آر این‘ (رجسٹرڈ نرس) یا ’نرس‘ کہہ سکتے ہیں۔"

اس پر انہوں نے بڑے عاجزانہ اور شائستہ انداز میں کہا: "یار! ویسے بھی سب ایک ہی چیز ہیں۔"
میں نے موقع کو غنیمت جان کر پیشہ ورانہ انداز میں وضاحت کی کہ نرسنگ اور میڈیکل دونوں الگ الگ شعبے ہیں، لیکن دونوں کا مقصد ایک ہی ہے: مریض کی بہتر دیکھ بھال۔ پھر میں نے ہلکے پھلکے انداز میں مثال دے کر کہا:
"اگر کل میں کوئی پروسیجر بہترین طریقے سے انجام دوں، جس سے مریض کو فائدہ ہو اور اُس کے تیماردار بھی خوش ہوں، لیکن اُس کا سارا کریڈٹ نرس کو دینے کے بجائے ڈاکٹر کو دے دیا جائے تو یہ دراصل نرسنگ پیشے کے ساتھ ناانصافی ہے، اور اپنی ہی پروفیشن کے ساتھ ظلم ہے۔"

یہ بات اُنہیں نہایت واضح اور مؤثر انداز میں سمجھ آگئی۔ مزید وضاحت کرتے ہوئے میں نے مسکرا کر کہا:
"شاید کچھ ٹک ٹاکرز یا سوشل میڈیا کے رجحانات کی وجہ سے آپ نے یہ سوچ لیا کہ نرس صرف ایک معاون کردار ہے۔ لیکن حقیقت یہ ہے کہ میں خود کو نرس کہلانے پر فخر محسوس کرتا ہوں، اور یہی وجہ ہے کہ آپ نے بھی مجھے اس نسبت سے مخاطب کیا۔"

میری بات سن کر وہ نہ صرف مسکرائے بلکہ میری سوچ کو سراہتے ہوئے کہا کہ آئندہ وہ اس پہلو کا ضرور خیال رکھیں گے۔ ساتھ ہی انہوں نے یہ بھی اعتراف کیا کہ نئی نسل کے نرسز واقعی مریضوں کی بھرپور خدمت کرنے کا جذبہ رکھتے ہیں اور مستقبل میں نرسنگ کا کردار مزید نکھر کر سامنے آئے گا۔

یوں یہ گفتگو خوشگوار انداز اور دوستانہ ماحول میں اختتام پذیر ہوئی، لیکن اس نے ایک بنیادی نکتہ اجاگر کیا:
نرسنگ محض ایک پیشہ نہیں بلکہ خدمتِ انسانیت کا عہد ہے، اور اس کی اصل پہچان تبھی قائم ہوگی جب ہم خود اپنی شناخت پر فخر کریں اور دوسروں کو بھی اس کی اہمیت سمجھائیں۔

سید وسیم حسن

25/06/2025

انٹرنشپ کے ساتھ مہینے اور تجربہ — ایک تلخ حقیقت ایک انقلابی سوچ

کالج سے اسپتال تک کا سفر بہت پُرجوش تھا۔ کالج کے دوران کئی مشکلات آئیں، مگر دل میں یہ اُمید تھی کہ اب بہتری کی طرف قدم بڑھائیں گے۔ لیکن افسوس کہ جب عملی زندگی کا آغاز ہوا تو اُمیدیں ٹوٹتی گئیں۔ انسان کی سوچ اُس وقت تک محدود ہوتی ہے جب تک وہ میدانِ عمل میں نہ اُترے، لیکن جیسے جیسے انسان عملی زندگی میں داخل ہوتا ہے، وہ ایک پروفیشنل بننے لگتا ہے۔

بہت جدوجہد کے بعد جب پہلا دن آیا تو بےحد خوشی تھی۔ مگر افسوس، وہ خوشی زیادہ دیر برقرار نہ رہ سکی۔ حقیقت یہ ہے کہ نرسنگ چاہے کالج میں ہو یا اسپتال میں، دونوں جگہ زوال کا شکار ہے۔ ہم عزت کے مستحق ہیں، مگر ہمیں ایسا سلوک دیا جاتا ہے جیسے ہم پر احسان کیا گیا ہو، یا ہم کسی غلام کی حیثیت سے آئے ہوں۔

ہم نے جو کچھ کالج میں پڑھا، اُس کا صرف 1 فیصد بھی عملی میدان میں لاگو نہیں ہوتا۔ حقیقت بالکل مختلف ہے۔ نرسنگ کے شعبے میں ہر غیر متعلقہ کام نرسوں سے کروایا جاتا ہے۔ نہ کہیں جاب ڈسکرپشن لگی ہے، نہ کسی کو یہ پتہ ہے کہ کس کا کیا کام ہے۔ چاہے وہ نرس ہو، نرسنگ اسسٹنٹ ہو یا پیرا میڈکس، سب کچھ بے ترتیب ہے۔

ہم تو ڈگری لے کر ایک پروفیشنل بن کر آئے ہیں، لیکن بدقسمتی یہ ہے کہ ہمارے ہی سینئرز ہمیں سکھاتے ہیں کہ اسی نظام کے ساتھ سمجھوتہ کرنا پڑے گا۔ اصل رکاوٹ ہماری اپنی کمیونٹی کے لوگ ہیں۔ جہاں باقی ڈیپارٹمنٹ ایک دوسرے کی عزت کرتے ہیں، وہیں نرسنگ کمیونٹی سارا دن ایک دوسرے کی غیبت میں مصروف رہتی ہے، جو انتہائی غیر پیشہ ورانہ رویہ ہے۔ یہی وجہ ہے کہ پھر کوئی ہمیں عزت نہیں دیتا، کیونکہ ہم خود اپنی حرکتوں سے اپنی عزت گنواتے ہیں۔

بیڈنگ جیسے کاموں میں وقت ضائع ہو جاتا ہے، بےشمار غیر متعلقہ کاموں میں انٹرنز کا وقت برباد کیا جاتا ہے۔ دوا کی تیاری کے دوران بھی سنگین غلطیوں کے امکانات بڑھ جاتے ہیں کیونکہ سب مریضوں کی دوائیاں ایک ساتھ تیار کی جاتی ہیں، اور انٹرنز سے صرف سرنجیں بھروا کر کہا جاتا ہے کہ لگاتے جاؤ۔ نہ ایکسپائری چیک کی جاتی ہے، نہ دوا کی شناخت، نہ انڈیکیشنز۔ LASA (Look Alike Sound Alike) ادویات کی وجہ سے غلطیوں کا امکان بہت بڑھ جاتا ہے۔

فائل انٹری دوا دینے سے پہلے ہو جاتی ہے، اور بعد میں ویٹلز لینے کا وقت آتا ہے۔ تمام وارڈز میں تھرمامیٹر، بی پی اپریٹس، پلس آکسی میٹر، ای سی جی وغیرہ کی شدید قلت ہے، جس کی وجہ سے جعلی ویٹلز بنائے جاتے ہیں، جو ایک سنگین جرم ہے۔

انٹرنز کو کبھی بھی اکیلا کام نہیں سونپنا چاہیے۔ PNC کے قوانین کے مطابق انٹرنز کی ہر وقت نگرانی ہونی چاہیے، تاکہ وہ رہنمائی کے ساتھ کام کریں، لیکن یہاں تو انٹرنز کو آزاد چھوڑ دیا جاتا ہے۔ اور اگر کوئی غلطی ہو جائے، تو وہی سینئرز اور کمیونٹی ساتھ کھڑے ہونے کے بجائے اسے تنہا چھوڑ دیتے ہیں۔ یہ ہماری نرسنگ کی بدقسمتی ہے۔

ہم میں بھی کئی خامیاں ہیں، کچھ لوگ خوش ہوتے ہیں کہ انہیں غیر متعلقہ کام ملے تاکہ اصل کام سے بچ سکیں اور سارا دن وارڈ سے باہر رہیں۔ جب پھر کسی نئے انٹرن کی وارڈ میں پوسٹنگ ہوتی ہے تو اُسے سخت مشکلات کا سامنا کرنا پڑتا ہے۔

BSN انٹرنز کو PNC کے مطابق جو سہولیات دی جانی چاہییں، وہ مہیا نہیں کی جاتیں۔ NES (Nursing Education Sessions) کے لیے بھی کوئی مستقل ہال موجود نہیں، جس کی وجہ سے ہمارا ایک قیمتی مہینہ ضائع ہو چکا ہے۔

PNC کے مطابق ہمارا زیادہ تر وقت critical areas میں ہونا چاہیے، مگر یہاں تو روستر ان کی مرضی سے بنتا ہے۔ ہمیں بس اسٹاف کی کمی پوری کرنے کے لیے رکھا گیا ہے۔ اس ظلم کے خلاف نہ کوئی آواز اٹھاتا ہے، نہ کوئی قدم لیتا ہے۔ جو لوگ خود کو نرسنگ چیمپئن کہتے ہیں، وہ صرف سیاسی پوائنٹ اسکورنگ میں لگے ہوئے ہیں، زمینی حقیقت کچھ بھی نہیں۔

اب سوال یہ ہے کہ اس کا حل کیا ہے؟

یہ نظام ایک کینسر کی طرح ہے۔ اسے ختم کرنا ہوگا۔ تبدیلی ہم سے ہے، اور ہم ہی اسے ممکن بنائیں گے۔ یہ سب ایک دن میں ممکن نہیں ہوگا، مگر ہم اپنی پوری کوشش کریں گے۔ ہم نئے لوگ ہیں، مگر ہم نے کبھی بھی اپنے معیار پر سمجھوتہ نہیں کرنا۔ جو معیار ہم نے سیٹ کیا ہے، اُسے برقرار رکھیں گے۔

غیر متعلقہ کاموں سے صاف انکار کریں، چاہے نتیجہ کچھ بھی ہو۔ جعلی ویٹلز ایک جرم ہیں، اور اس کا حساب قیامت کے دن دینا ہوگا۔ اگر کچھ چیز میسر نہیں تو صاف صاف لکھ دیں: "Not Available"۔

کسی سے ڈرنے کی ضرورت نہیں، کوئی آپ کا کچھ نہیں بگاڑ سکتا۔ اپنے کام سے مخلص رہیں، مریضوں سے خلوص رکھیں۔ خود کو عزت دیں، دوسروں کی بھی عزت کریں۔ سینئرز سے بحث مت کریں، اپنی شکایت ہمیشہ لکھ کر اپنے ایریا مینیجر کو دیں۔

اور برائے مہربانی "بہن، بھائی، باجی" والا کلچر ختم کریں۔ ہر کسی کو سر/میڈم کہہ کر مخاطب کریں، تاکہ نرسنگ ایک پروفیشنل فیلڈ کے طور پر ابھرے۔

وقتی فائدے کے لیے نہ اپنی عزت خراب کریں، نہ نرسنگ پروفیشن کو بدنام کریں۔ اپنے والدین کی عزت کا خیال رکھیں۔ خاص طور پر لڑکیوں کے لیے عزت کے بغیر زندگی بے معنی ہے۔ کسی کے ساتھ فری ہونے کی کوئی ضرورت نہیں۔

کبھی بھی معیار پر سمجھوتہ نہ کریں!
کسی کو موقع نہ دیں کہ وہ آپ کو ہراساں کرے۔ اپنے دائرہ اختیار میں رہیں، دوسروں سے صرف کام کی بات کریں۔ نرسنگ کے معیار ہم نے بنانے ہیں، نرسنگ کا امیج ہم نے سنوارنا ہے۔

چاہے جتنی بھی مشکلات آئیں، ہم جدوجہد کریں گے — آخری سانس تک نرسنگ کی عزت کے لیے لڑیں گے۔

اللّٰہ ہم سب کا حامی و ناصر ہو۔ ہماری مشکلات آسان فرمائے۔
آمین 🤲🏼

اِن شاءاللّٰہ وہ دن دور نہیں جب لوگ دل سے نرسنگ کی عزت کریں گے۔
اِن شاءاللّٰہ — ہمارا مشن، ہمارا خواب۔
Stay Strong, Stay United.

Kamal Shah Jawad Anjum

05/06/2025

02/06/2025

Alhamdulillah, our first research article has been successfully published in the International Journal "The Research of Medical Science Review". This achievement marks a significant milestone for our team.
Alhamdulilalllah 💞🫀

26/05/2025

We make it happen 🫀💞.

26/05/2025

Alhamdulilalllah
Today I officially received my degree, and I dedicate this degree to my family especially my mother and father who supported me, and to the uncountable prayers of my family which made things easier for me in every tough situation. This is not the end, and In Sha Allah, this journey will continue.
💞🫀.

11/01/2025

As I start this new journey, I feel excited and energetic. It's time to use what I have learned in a practical way. I am thankful for this chance and pray that Allah brings me happiness, success, and the ability to help others. My aim is to help people and serve others, and I am grateful to pursue this worthy profession.

01/12/2024

📷⛰️🫀.

30/11/2024

Jalil Baba ⛰️🌾📷.

22/11/2024

Receiving CPR training certification it Shifa Medical Center From doctor Abdusalam 🫀🌸.