Zahid Lal

04/07/2025

04/07/2025

پرتگال کی مقدسہ الیصابات کی عید مبارک ہو۔

04/07/2025

4 جولائی
پرتگال کی مقدسہ الیصابات،ملکہ
آپ 1271 خ س میں ایک شاہی گھرانے میں پیدا ہوئیں۔چونکہ آپ کے خاندان سے پہلے بھی ایک مقدسہ ہو گزری تھیں۔جن کا نام ہنگری کی مقدسہ الیصابات ہے اسی لئے آپ کو بھی اس کا نام دیا گیا۔آپ کی تعلیم و تربیت بہت اچھے انداز سے ہوئی آپ شروع ہی سے نہایت دعا گو اور پرہیز گار تھیں۔12 برس کی عمر میں ہی پرتگال کے شہنشاہ سے آپ کی شادی کر دی گئی پس آپ چھوٹی عمر میں ملکہ بن گئیں۔تاہم آپ اس طرح حلیمی،سادگی اور دعائیہ زندگی بسر کرتی رہیں خدا نے آپ کو ایک خوبصورت بیٹی اور ایک بیٹا عطا کیا۔آپ کے خاوند قدرے بے وفا تھے اور اس کا آپ کو بے انتہا دکھ تھا۔لیکن آپ مسلسل ان کی تبدیلی کے لئے دعا کرتی رہیں ساتھ ہی ساتھ آپ نے غریبوں اور بیماروں کی خدمت کرنا شروع کی۔آپ کی دعاؤں کی بدولت آپ کے شوہر کی زندگی بدل گئی۔آپ کو اس وقت بھی شدید دکھ اٹھانے پڑے جب آپ کے خاوند نے اپنے حقیقی وارث بیٹے کی بجائے اپنی کنیزوں سے ہونے والے بچوں کو زیادہ اختیار دیا۔اس کو دیکھ کر آپ کے بیٹے شہزادہ الفونسو نے 1323 خ س میں اپنے والد کے خلاف اعلانِ جنگ کیا۔جب آپ کو اس بات کی خبر ہوئی تو آپ فوراً میدانِ جنگ پہنچیں اور باپ اور بیٹے کے درمیان اختلافی امور پر صلح کروانے میں کامیاب ہو گئیں۔جب 1325 خ س میں شہنشاہ کا انتقال ہو گیا تو آپ نے اسی وقت مکمل طور پر مزہبی زندگی اختیار کرنے کی ٹھان لی اور کچھ جماعتوں کا جائزہ لینے کے بعد آپ نے فراسسکن راہبہ بننے کا فیصلہ کر لیا۔
1336 خ س میں ایک بار پھر آپ کا بیٹا جو اب بادشاہ تھا۔اپنے سسر کے خلاف جنگ کے لئے تیار ہوا۔اب آپ عمر رسیدہ اور بیمار تھیں تب بھی آپ میدانِ جنگ پہنچیں اور کوشش کر کے صلح کروانے میں کامیاب ہو گئیں۔یہ ایک طرح سے آپ کا آخری سفر ثابت ہوا۔آپ شدید بیمار پڑ گئیں۔آپ نے جملہ اقدس ساکرامنٹ حاصل کئے اور بالآخر 4 جولائی 1336 خ س میں ابدی نیند سو گئیں۔
دعا:اے قادر مطلق خدا!خاندانی زندگی تیری طرف سے ہے ہم تجھ سے منت کرتے ہیں کہ اپنے مقدسوں کی شفاعت کی بدولت ہمارے خاندانوں میں وفا داری اور محبت کو پیدا کر تاکہ ہم سب کے سب تیری گواہی دے سکیں۔آمین

04/07/2025

سال کے تیرھویں ہفتے کا ہفتہ
5 جولاٸی

03/07/2025

03/07/2025

آمین

03/07/2025

مقدس توما کی کہانی مقدس توما کی زبانی

03/07/2025

مقدس توما رسول پاک و ہند

03/07/2025

رسول ہند،مقدس توما

03/07/2025

مقدس توما رسول کی عید مبارک ہو۔

03/07/2025

3 جولائی
مقدس توما،رسول پاک و ہند
جب خداوند یسوع مسیح نے آپ کو رسولوں کی جماعت میں شامل کیا تو اس وقت آپ یہودی تھے۔خداوند یسوع مسیح کے شاگرد ہونے کے بعد آپ نے دل و جان سے اپنے خداوند کی پیروی کی۔جب لعزر کی وفات پر ایک بار خداوند نے اپنے شاگردوں سے کہا کہ وہ یہودیہ کو چلیں تو اس وقت آپ ہی نے دیگر ساتھیوں کی حوصلہ افزائی کی کہ وہ یسوع کے ساتھ اس سفر میں شریک ہوں کیونکہ اس وقت خداوند کی مخالفت عروج پر تھی۔آخری کھانے کے موقعہ پر بھی جب خداوند یسوع مسیح نے اپنے شاگردوں کو بتایا کہ وہ باپ کے پاس جاتا ہے تاکہ ان کے لئے وہاں جگہ تیار کرے تو آپ ہی نے سوال کیا کہ آپ نہیں جانتے کہ وہ جگہ کہاں ہے؟اس کے جواب میں خداوند یسوع مسیح نے کہا کہ،،راہ حق اور زندگی میں ہوں،،
ان
ساری باتوں کے علاوہ آپ خداوند یسوع مسیح کے مردوں میں سے جی اٹھنے کے بعد کی گواہی کے حوالہ سے بھی جانے جاتے ہیں۔جب خداوند یسوع مسیح مردوں میں سے جی اٹھنے کے بعد پہلی بار شاگردوں پر ظاہر ہوئے تو آپ وہاں موجود نہ تھے۔اس لئے آپ نے اس واقعہ کو ماننے سے انکار کر دیا۔اور اس بات کا اظہار و شک کیا کہ آپ جب تک تصدیق کے طور پر بذاتِ خود دیکھ نہ لیں اس بات پر یقین نہ کریں گے۔بعد ازیں آپ نے بہ نفس نفیس خداوند یسوع کے ہاتھوں،پاؤں اور پسلی کے زخموں کو دیکھ کر انہیں سجدہ کیا اور،،اے میرے خداوند اے میرے خدا،،کہہ کر نہ صرف خود ایمان و اقرار کیا بلکہ دوسروں کو بھی بیان کیا۔اسی واقعہ کی وجہ سے بعض دفعہ آپ کو،،توما شکی،،کے نام سے بھی جانا جاتا ہے۔بیان کیا جاتا ہے کہ عید پینتکوست کے بعد آپ پارتھیوں،مادیوں،اور فارسیوں کو بشارت دینے کے لئے چل نکلے۔سفر کرتے کرتے آپ برصغیر تک آن پہنچے۔
روایت ہے کہ آپ ہندوستان اور موجودہ پاکستان کے علاقوں ٹیکسلا،ٹھٹھہ وغیرہ تک تبلیغ کرنے کے لئے آئے یہی وجہ ہے کہ آپ کو،،رسول پاک و ہند،کے نام سے جانا جاتا ہے۔آپ جہاں جہاں گئے آپ نے وہاں کلیسیائیں قائم کیں اور گرجا گھر تعمیر کروائے۔آپ خود بھی ایک ماہر تعمیرات تھے۔آپ کے بارے میں یہ بات مشہور ہے کہ آپ نے انڈیا میں شہنشاہ گندا فورس کے لئے محل تعمیر کیا تھا۔برصغیر پاک و ہند میں آپ کی خدمات کے حوالہ سے ہمارے ہاں لوگ اس بات پر فخر کرتے ہیں کہ ہمیں آپ کی معرفت مسیحیت اور مسیحی ایمان تک رسائی حاصل ہوئی۔بھرپور منادی کرنے کے بعد تقریباً 72 خ س میں آپ کو مائیلا پور میں شہید کر دیا گیا جو موجودہ مدراس میں واقعہ ہے۔پاپائے اعظم پولوس ششم نے آپ کو 1972 خ س میں پاک و ہند کا مربی قرار دیا۔
دعا:اے قدوس و مہربان خدا!مقدس توما رسول کے لئے ہم تیرے بہت ہی شکر گزار ہیں جس نے ہماری سر زمین پر آ کر ہمیں نجات کی خوشخبری عطا کی۔بخش دے کہ اس کی شفاعت کی بدولت ہم اپنے ایمان میں نہ صرف مضبوط رہیں بلکہ اس کو عام کرنے میں بھی اپنا کردار ادا کریں۔آمین

03/07/2025

سال کے تیرھویں ہفتے کا جمعہ
4 جولاٸی