12/10/2026
ٹانک ( ) ڈپٹی کمشنر آفس ٹانک میں ڈپٹی کمشنر جمشید خان اور ڈسٹرکٹ پولیس آفیسر عبدالصمد کی موجودگی میں دامان پریس کلب کے صحافیوں کی خوش گوار ماحول میں ملاقات ہوئی۔اس موقع پر کنڈی امن جرگے کے سربراہ قیوم قادری اور صحافی جاوید آرائیں بھی موجود تھے۔ ملاقات کے دوران ملک کی موجودہ سیاسی صورتحال، باہمی روابط اور مختلف اہم امور پر تبادلہ خیال کیا گیا۔
اس موقع پر ڈپٹی کمشنر جمشید خان کا کہنا تھا کہ صحافی معاشرے کی آنکھ اور کان ہوتے ہیں، جو عوامی مسائل اور مشکلات کو اجاگر کرنے کے ساتھ ساتھ انتظامیہ اور عوام کے درمیان رابطے کا اہم ذریعہ ہیں۔ انہوں نے کہا کہ ذمہ دارانہ اور مثبت صحافت معاشرے کی بہتری اور عوامی مسائل کی نشاندہی میں اہم کردار ادا کرتی ہے۔
ملاقات کے دوران صحافیوں اور ضلعی انتظامیہ و پولیس کے درمیان باہمی تعاون اور روابط کو مزید بہتر بنانے پر بھی اتفاق ہوا۔
