I Love My Tarbela

I Love My Tarbela World's Largest Earth Filled Dam. Backbone & Tourist Attraction of Pakistan (Old Page Disabled)

*ضروری اطلاع / ہنگامی الرٹ از ڈپٹی کمشنر ہری پور**عوام الناس کو مطلع کیاجاتا ہے کہ رات بھر اور آج صبح شدید بارش کی وجہ س...
10/07/2025

*ضروری اطلاع / ہنگامی الرٹ از ڈپٹی کمشنر ہری پور*

*عوام الناس کو مطلع کیاجاتا ہے کہ رات بھر اور آج صبح شدید بارش کی وجہ سے اس وقت ایک بڑا سیلابی ریلا ہرنوئی ایبٹ آباد کی جانب سے ہریپور آرہا ہے لہذا*
*تمام شہریوں کو سختی سے ہدایت کی جاتی ہے کہ دریائے دوڑ سے دور رہیں۔ پانی کا بہاؤ بہت تیز ہے اور مزید بڑھنے کا اندیشہ ہے۔*

*اس سلسلے میں ہنگامی الرٹ جاری کر دیا گیا ہے۔*

جولائی 9 کو تربیلا ٹی5 ایکسٹینشن منصوبے پر ایک اہم اور بامعنی دورہ ہوا۔ واپڈا کے چیئرمین اور وفاقی وزیر برائے پانی و بجل...
10/07/2025

جولائی 9 کو تربیلا ٹی5 ایکسٹینشن منصوبے پر ایک اہم اور بامعنی دورہ ہوا۔ واپڈا کے چیئرمین اور وفاقی وزیر برائے پانی و بجلی نے خود موقع پر جا کر منصوبے کی پیش رفت کا جائزہ لیا اور کام کو قریب سے دیکھا۔

دورے کے دوران انہیں تفصیل سے بریفنگ دی گئی، جس میں اب تک حاصل ہونے والی کامیابیاں اور مستقبل کے مراحل کا خاکہ پیش کیا گیا۔ دونوں معزز شخصیات نے منصوبے کے مختلف اہم حصوں جیسے انٹیک، ٹنل، پین اسٹاک، پاور ہاؤس، ٹیل ریس کلورٹ، کینال اور سوئچ یارڈ کا معائنہ کیا۔

یہ دورہ صرف ایک رسمی کارروائی نہیں بلکہ اس عزم کی جھلک ہے کہ تربیلا ٹی5 ایکسٹینشن جیسے بڑے منصوبے پاکستان کی توانائی کی ضروریات کے لیے کتنے اہم ہیں۔ واپڈا اور وزارتِ پانی و بجلی اس بات کے لیے پرعزم ہیں کہ یہ اہم منصوبہ وقت پر اور اعلیٰ معیار کے ساتھ مکمل کیا جائے۔

Big shout out to my newest top fans! 💎 Farwa Jabeen, Shani Jutt, Kiran Siddiqui, Amarah Farooqi, Faizan Tarar, Anwar Ul ...
07/07/2025

Big shout out to my newest top fans! 💎 Farwa Jabeen, Shani Jutt, Kiran Siddiqui, Amarah Farooqi, Faizan Tarar, Anwar Ul Haq, Syed Hassan Shah Bacha, Anfal Shah, Iffat Parveen, Muhammad Uzair, Irfan Ahmad, Kayan Ayan, Muhammad Yasin Khan, Uzairgull Kakakhel, Saeed Muhammad Khan

Drop a comment to welcome them to our community,

کربلا کا دلسوز واقعہ ہمیں کئی سبق دیتا ہے، مگر ایک اہم سبق پانی کی اہمیت کا بھی ہے۔جب امام حسینؑ اور اُن کے پیارے ساتھیو...
06/07/2025

کربلا کا دلسوز واقعہ ہمیں کئی سبق دیتا ہے، مگر ایک اہم سبق پانی کی اہمیت کا بھی ہے۔

جب امام حسینؑ اور اُن کے پیارے ساتھیوں کو تپتے صحرا میں پیاسا رکھ کر تکلیف دی گئی ۔ علی اصغرؑ کی خشک زبان، حضرت عباسؑ کا مشک لے کر خیموں کی طرف دوڑنا… یہ سب ہمیں یاد دلاتے ہیں کہ پانی محض ایک مائع نہیں، یہ زندگی ہے… یہ امانت ہے۔

اور آج؟
ہم دریائے سندھ کے کنارے بستے ہیں، تربیلا جیسے عظیم ذخائر کے پاس رہتے ہیں…
ہمیں پانی بآسانی میسر ہے، مگر ہم اسے بے دردی سے ضائع کرتے ہیں۔

نلکے کھلے چھوڑ دینا
لیک پائپ مرمت نہیں کرواتے
وضو میں اسراف
گاڑیاں دھونا
ٹینکیاں overflow کرتی رہتی ہیں
غفلت سے بہتا پانی
یہ سب کیا ہے؟
کیا یہ نعمت کا انکار نہیں؟

قرآن ہمیں خبردار کرتا ہے:
"پھر اس دن تم سے ہر نعمت کے بارے میں سوال ہوگا" (التکاثر: 8)

کربلا کے عظیم پیغام سے سبق لیتے ہوئے:
🔹 پانی کی ہر بوند کی قدر کریں
🔹 اسراف سے بچیں
🔹 دوسروں کو بھی اس شعور سے آگاہ کریں

پانی… صرف آج کے لیے نہیں، ہماری آئندہ نسلوں کے لیے بھی ہے۔
یہ اللہ کی نعمت ہے، امانت ہے… اور اس کا حساب ہوگا

تربیلا ڈیم کے سپِل وے کے دروازے تو آج کُھل گئے لیکن ہمارے عقل کے دروازوں پر شاید کب تک قُفل پڑے رہیں گے؟ 🤔 تربیلا ڈیم سے...
04/07/2025

تربیلا ڈیم کے سپِل وے کے دروازے تو آج کُھل گئے لیکن ہمارے عقل کے دروازوں پر شاید کب تک قُفل پڑے رہیں گے؟ 🤔

تربیلا ڈیم سے آج نِکلنے والا 2 لاکھ ستر ہزار کیوسکِ پانی ایک مرتبہ پھر ہماری بے عملی، نااہلی اور سُستی کی داستان سُنا رہا ہے۔

یوں تو عام دِنوں میں تربیلا ڈیم جو پانی آب پاشی کے لیے چھوڑا جاتا ہے وہ زیرِزمین سُرنگوں کے ذریعے پاور ہاؤس سے گزار کر چھوڑا جاتا ہے جس سے ساتھ میں بجلی بھی پیدا ہوتی ہے لیکن سِپل وے سے نکلنے والے پانی سے نہ تو بجلی پیدا ہوتی ہے اور نہ وہ سٹور ہورہا ہوتا ہے۔

پاکستان کے پاس مُلکی ضروریات کا صرف 30 دِنوں کی ضرورت کا پانی ذخیرہ کرنے کی گنجائش ہے جب کہ پاکستان کے واٹر سائیکل کو دیکھتے ہوئے کم از کم 200 دِنوں کا پانی ذخیرہ کرنے کی گنجائش ہونی چاہیے۔

انڈیا کے پاس 180 دِنوں اور چین کے پاس 1,000 دِنوں کی ملکی ضروریات پوری کرنے کی واٹر سٹوریج موجود ہے۔

آج دریائے سندھ کے تربیلا ڈیم پر پانی کی سطح اسپل وے تک پہنچ جانے کے بعد اسپل وے سے 1 لاکھ 10 ہزار کیوسک سے زیادہ پانی کا اخراج شروع ہو گیا ہے ۔

اگر ٹنلز کے راستے نکلنے والے پانی کو بھی شامل کریں تو کل 2 لاکھ 70 ہزار کیوسک پانی آج تربیلا ڈیم سے نِکل رہا ہے جس کا مطلب ہے کہ ایک لاکھ کیوسک پانی اگلے چند دنوں میں کوٹری بیراج سے نیچے سمندر میں جائے گا۔

پاکستان اپنی کلُ ملکی پانی کا صرف 10 فی صد (یعنی 14 ملین ایکڑ فٹ) ذخیرہ کرسکتا ہے جب کہ واٹر سیکیورٹی کے لیے کم ازکم سٹوریج 40 فی صد (یعنی 50سے 60 ملین ایکڑ فٹ) ہونی چاہئے۔

تحریر: ظفر اقبال وٹو

آج دن 12 بجے تربیلا ڈیم کے سروس سپل ویز کھول دیئے جائیں گے۔سروس سپل ویز کھلنے کے باعث پانی کے بہاؤ میں 2 لاکھ 60 ہزار سے...
04/07/2025

آج دن 12 بجے تربیلا ڈیم کے سروس سپل ویز کھول دیئے جائیں گے۔

سروس سپل ویز کھلنے کے باعث پانی کے بہاؤ میں 2 لاکھ 60 ہزار سے 2 لاکھ 70 ہزار کیوسک تک اضافے کا امکان ہے۔
دریائے سندھ کے بہاؤ میں ممکنہ اضافے کے پیش نظر ملحقہ علاقوں کے مکین آبی گزر گاہوں کے قریب جانے سے گریز کریں۔
دریائے سندھ کے قریبی سیاحتی مقامات پر سیر و تفریح کے دوران محتاط رہیں اور مقامی انتظامیہ کے ساتھ تعاون کریں۔

ریسکیو 1122 غازی میں آخر کب آئے گی ؟
02/07/2025

ریسکیو 1122 غازی میں آخر کب آئے گی ؟

*****FLOOD ALERT AT TARBELA**** عوام الناس کو اطلاع دی جاتی ہے کہ تربیلا ڈیم کا سروس سپل وے سیلابی سیزن 2025 میں آئندہ 0...
29/06/2025

*****FLOOD ALERT AT TARBELA****
عوام الناس کو اطلاع دی جاتی ہے کہ تربیلا ڈیم کا سروس سپل وے سیلابی سیزن 2025 میں آئندہ 02 دنوں کے اندر سیلابی صورت حال کے پیش نذر کھولے کے قوی امکانات ہیں جس کی وجہ سے دریائے سندھ میں پانی کے بہاوٴ میں نچلی درمیانے درجے کی سیلابی صورت حال پیش آسکتی

لہٰذا تمام ضروری احتیاطی تدبیر اور انتظامات کئے جائیں۔
اور عوام الناس دریائے سندھ سے دور رہیں شکریہ

منجانب۔سپرنٹنڈنگ انجینئر سروے اور ہائیڈرولوجی-ریذیڈنسی تربیلا ڈیم پروجیکٹ

"تربیلا ، منگلا میں پانی ڈیڈ لیول پر پہنچ گیا"۔ اس طرح کی بات کا ہر گز یہ مطلب نھیں ہوتا کہ پانی بالکل خشک ہوگیا۔ اس طرح...
13/03/2025

"تربیلا ، منگلا میں پانی ڈیڈ لیول پر پہنچ گیا"۔
اس طرح کی بات کا ہر گز یہ مطلب نھیں ہوتا کہ پانی بالکل خشک ہوگیا۔ اس طرح ڈیم بھر گیا (ڈیم بھر تا نھیں بلکہ ڈیم کا ذخیرہ (reservoir) بھر جاتا ہے) کا ہر گز یہ مطلب نھیں کہ ڈیم کے ٹاپ لیول تک پانی پہنچ گیا۔

جب بھی ڈیم بنایا جاتا ہے تو اس میں ایک ڈیڈ لیول رکھا جاتا ہے ۔ اس لیول کے نیچے حصے کو آئندہ سالوں میں آنے والے مٹی کو ضم کرنے کے لیے استعمال کیا جاتا ہے اور اس میں موجود پانی کو مچھلیوں کے افزائش کے لیے استعمال کیا جاتا ہے۔ ڈیڈ لیول اس لیے کہتے ہے کہ اس لیول کے نیچے پانی کو نکال نھیں سکتے یا نکالا نھیں جاتا۔ اس لیول کو وقت کے ساتھ ساتھ تبدیل یعنی اونچا کیا جاتا ہے کیونکہ ڈیم کے ذخیرے میں مٹی آتی رہتی ہے ۔

تربیلا ڈیم کا ڈیڈ لیول سال 1984 میں 1369 فٹ سطح سمندر سے اونچائی پر تھا جبکہ آج کل یہ لیول 1402 فٹ پر ہے جس کا مطلب 30 سالوں کے بعد سے 34 فٹ ،مٹی کی وجہ سے اونچا کرنا پڑا ہے
اس طرح اگر منگلا کی بات کی جاے تو اس کا ڈیڈ لیول سال 1985 میں 1040 فٹ اونچائی پر تھا ۔ اج کل 1050 فٹ پر ہے جس کا مطلب ہے 10 فٹ ڈیڈ لیول اونچا کرنا پڑا ہے

تحریر: انجینیئر صلاح الدین

Address

Tarbela

Website

Alerts

Be the first to know and let us send you an email when I Love My Tarbela posts news and promotions. Your email address will not be used for any other purpose, and you can unsubscribe at any time.

Shortcuts

Share

Category