MERI AWAAZ

18/04/2026

بینطیر انکم سپورٹ پروگرام ضلع کیچ میں لوگوں کی سہولیات کے لیے اہم فیصلے سروے رجسٹریشن کے حوالے لوگوں کی سہولت کے لیے شیڈول فیکس

18/04/2026

ناصر آباد کیچ بلوچستان کے رہائشی فہد بلوچ کا معصوم بچہ پھپھڑوں کی خطرناک بیماری میں مبتلا ھے انھیں علاج کے لیے مدد کی ضرورت ھے معصوم بچے کے علاج کے لیے انکے والدین کے ساتھ مدد کریں اور انکی خوشیاں لوٹائیں یقین جانیے یہی خوشیاں گھوم پھر کر آپکے پاس واپس ہونگیں ، مدد کے لیے رابطہ و اکاؤنٹ نمبر ویڈیو میں موجود ھے

18/04/2026

تربت شہر میں پبلک فٹ پاتھ پر دوکانداروں کے قبضے کے خلاف تربت پولیس غضب ناک ہو گئی ، بار بار کی ھدایت کے باوجود دوکانداروں کی من مانیوں کے بعد کاروائی عمل میں لائی اور پولیس نے یہ کاروائی عوامی شکایت پر عمل میں لائی ، انجمن تاجران پولیس کے ساتھ تعاون کرے اور دوکانداروں کو انکی روش پر سرزنش کرے ، ہر بار انھیں پیار سے ھدایت دی جاتی ھے مگر وہ اپنی من مانیاں نھیں چھوڑتے ہیں اگر اب بھی ایسے عوامل دھراے گئے تو مزید کاروائی ہوگی، تربت پولیس نے پھر انتباء جاری کردی

17/04/2026

شاہ دوست دشتی کی زیر نگرانی بالی فری Eکامرس اور فری لانسینگ کورسز کی کامیاب انٹری ٹیسٹ سینکڑوں بوائز اینڈ گرلز کی شرکت، شاہ دوست دشتی نوجوانوں کے لیے اس بڑی کاوش کی زبردست پزیرائی

17/04/2026

ڈسٹرکٹ ہیلتھ کمیٹی کیچ کا ایک اہم اجلاس ڈپٹی کمشنر کیچ یاسر اقبال دشتی کی صدارت میں منعقد ہوا جس میں ڈی ایچ او کیچ ڈاکٹر عبدالرؤف رند، ایم ایس ٹیچنگ ہسپتال تربت ڈاکٹر عبدالوحید بلیدی، ڈی ایس ایم پی پی ایچ آئی ڈاکٹر مرتضیٰ، ڈرگ انسپکٹر محمد اکرم سمیت محکمہ صحت کے متعلقہ افسران نے شرکت کی۔

اجلاس کے دوران ڈپٹی کمشنر نے ضلع میں محکمہ صحت کی مجموعی کارکردگی اور ڈینگی وائرس کی موجودہ صورتحال پر تفصیلی بریفنگ لی۔ ڈی ایچ او ڈاکٹر عبدالرؤف رند نے محکمہ صحت کی کارکردگی پر روشنی ڈالتے ہوئے بتایا کہ مختلف صحت مراکز میں بنیادی سہولیات فراہم کی جا رہی ہیں تاہم دور دراز علاقوں میں واقع آر ایچ سیز اور بی ایچ یوز کو کچھ مسائل درپیش ہوسکتے ہیں جن کے حل کے لیے اقدامات اٹھائے جارہے ہیں جب کہ ہر صحت کے مراکز میں میڈیکل افسران کی تعیناتی یقینی بنائی گئی ہے۔ انہوں نے کہاکہ ڈپٹی کمشنر کیچ کی سخت ہدایت پر محکمہ ہیلتھ کے 187 غیر حاضر ملازمین کی تنخواہوں پر کٹ لگایا گیا ہے۔

ایم ایس ٹیچنگ ہسپتال تربت ڈاکٹر عبدالوحید بلیدی نے ہسپتال کی کارکردگی سے آگاہ کرتے ہوئے بتایا کہ میڈیکل اسٹورز کی ہسپتال کے اندر منتقلی کا عمل جاری ہے جب کہ جہاں میڈیکل اسٹورز قائم ہیں وہاں ہسپتال انتظامیہ دیگر ضروری کام انجام دینے کا ارادہ رکھتی ہے۔ انہوں نے کہا کہ میڈیکل اسٹورز کے بجلی کے میٹرز کا مسئلہ تاحال حل نہیں ہو سکا جس کے حل کے لیے متعلقہ افراد کو بارہا ہدایت کی جا چکی ہے۔

انہوں نے مزید بتایا کہ ہسپتال میں ڈاکٹروں کی حاضری کے لیے متعارف کرائے گئے اے آئی سسٹم کے تحت ڈپٹی کمشنر کی جانب سے کیے گئے اقدامات کے بعد صورت حال میں نمایاں بہتری آئی ہے جب کہ چند باقی رہ جانے والے کیسز میں متعلقہ ڈاکٹروں کو دوبارہ شوکاز نوٹس جاری کیے گئے ہیں۔

اجلاس سے خطاب کرتے ہوئے ڈپٹی کمشنر یاسر اقبال دشتی نے ڈرگ انسپکٹر کو ہدایت کی کہ میڈیکل اسٹورز میں نشہ آور اور غیر معیاری ادویات کے خلاف بلاامتیاز کارروائی کی جائے اور اس حوالے سے تفصیلی رپورٹ پیش کی جائے۔ انہوں نے کہا کہ ادویات کی محفوظ ترسیل اور اسٹوریج کے لیے درجہ حرارت (ٹمپریچر) کو برقرار رکھنا ضروری ہے بصورت دیگر ادویات کے معیار پر اثر پڑ سکتا ہے۔

ڈپٹی کمشنر نے خبردار کیا کہ اگر میڈیکل اسٹور مالکان مقررہ اصولوں پر عملدرآمد میں ناکام رہے تو انہیں انسانی جانوں سے کھیلنے کے مترادف سمجھتے ہوئے سخت قانونی کارروائی عمل میں لائی جائے گی اور متعلقہ دکانیں سیل کر دی جائیں گی۔

اجلاس کے اختتام پر اس عزم کا اظہار کیا گیا کہ محکمہ صحت کی کارکردگی کو مزید بہتر بنانے اور عوام کو معیاری طبی سہولیات فراہم کرنے کے لیے تمام وسائل بروئے کار لائے جائیں گے۔

17/04/2026

تربت آئی جی ایف سی بلوچستان (ساؤتھ)سے ضلع کیچ کی بارڈر ٹریڈ کمیٹی کے وفد کی خصوصی ملاقات

آئی جی ایف سی بلوچستان (ساؤتھ) سے ضلع کیچ کی بارڈر ٹریڈ کمیٹی کے وفد نے خصوصی ملاقات کی، جس میں ضلعی انتظامیہ اور بارڈر سے متعلقہ اداروں کے افسران بھی شریک ہوئے۔ ملاقات میں اراکین کمیٹی نے سرحدی علاقوں میں تیل کی فراہمی اور قیمتوں سے متعلق درپیش مسائل سے آئی جی ایف سی کو آگاہ کیا۔

آئی جی ایف سی نے اس موقع پر بتایا کہ تیل کی ترسیل میں تعطل ایران میں جاری جنگی صورتحال کے باعث ہے، جس کے اثرات نیو مند، ضلع کیچ کے علاوہ چاغی اور پنجگور سمیت دیگر تمام کراسنگ پوائنٹس پر بھی مرتب ہوئے ہیں۔ تاہم اس کے باوجود نیو مند کراسنگ پوائنٹ کو کھلا رکھا گیا ہے تاکہ مقامی ضروریات کو حتیٰ الامکان پورا کیا جا سکے۔

آئی جی ایف سی نے تیل کی ترسیل کے مسائل کو ترجیحی بنیادوں پر حل کرنے کے لیے درج ذیل احکامات صادر کیے۔

1-ڈی سی کیچ کی سربراہی میں ایک خصوصی کمیٹی تشکیل دی گئی،جو دیگر اضلاع کے مطابق تیل کی مناسب اور متوازن قیمت مقرر کریگی، تاکہ اس کاروبار سے منسلک افراد کو بہتر منافع مل سکے۔

2-جنگی صورتحال کے باعث ایران حکومت کی جانب سے تیل کی سپلائی فی الوقت نصف کر دی گئی ہے،جس کے نتیجے میں یومیہ صرف 60 سے 100 گاڑیوں تک تیل کی ترسیل محدود ہو گئی ہے۔ اس صورتحال کے پیش نظر آئی جی ایف سی نے ضلعی انتظامیہ کو ہدایت جاری کی کہ وہ متعلقہ ایرانی حکام سے رابطہ کرکے اپریل کے اختتام تک یومیہ 300 گاڑیوں کی سپلائی کو یقینی بنائیں، تاکہ عوامی ضروریات کو بہتر انداز میں پورا کیا جا سکے۔

3- تمپ کو نئے ضلع کا درجہ ملنے کے بعد ضلع کیچ میں تیل کی ترسیل منظم اور موثر بنانے کے لیے اضافی کراسنگ پوائنٹس کھولنے کے آپشن کو زیر غور لایا جائے۔

آخر میں آئی جی ایف سی بلوچستان (ساؤتھ) نے وفد کو یقین دہانی کرائی کہ وہ خود ضلعی انتظامیہ اور متعلقہ اداروں کی کارکردگی کی نگرانی کریں گے۔ انہوں نے ضلعی انتظامیہ کو ہدایت کی کہ تیل کے کاروبار سے وابستہ افراد کو ہر ممکن تعاون فراہم کیا جائے اور اس حوالے سے باقاعدہ رپورٹ آئی جی ایف سی کو پیش کی جائے، تاکہ عوام کو بروقت اور موثر ریلیف فراہم کیا جا سکے۔

16/04/2026

مبارکبادی بیان

پاکستان پیرامیڈیکل اسٹاف ایسوسی ایشن ضلع کیچ و ٹیچنگ ہسپتال تربت یونٹ نے اپنے مشترکہ بیان میں پاکستان پیرامیڈیکل اسٹاف ایسوسی ایشن بلوچستان کے صوبائی صدر حاجی شفاء مینگل کو مرکزی جنرل سیکرٹری، نیک محمد خلیجی کو مرکزی نائب صدر ،امین الحق مندو خیل نائب صدر ,ڈپٹی جنرل سیکریٹری سعید بوریوال ،اختر کرد کو مرکزی فنانس سیکرٹری اور طاہر ھوتک کو مرکزی چیف آرگنائزر منتخب ہونے پر دلی مبارکباد پیش کرتے ہوئے نیک خواہشات کا اظہار کیا ہے۔

بیان میں مزید کہا گیا کہ حاجی شفاء مینگل نے بطور صوبائی صدر و مرکزی جنرل سیکرٹری وفاقی وزیر صحت مصطفیٰ کمال سے ملاقات کرکے بلوچستان کے پیرامیڈیکس اور ویکسینیٹرز کو درپیش مسائل سے آگاہ کیا اور انہیں تفصیلی بریفنگ دی۔

ہم ان کے اس اقدام کو بلوچستان کے پیرامیڈیکس کے حق میں مثبت پیش رفت سمجھتے ہیں اور دعاگو ہیں کہ حاجی شفاء مینگل کی قیادت میں بلوچستان کے پیرامیڈیکس کے مسائل باہمی مشاورت اور مذاکرات کے ذریعے حل ہوں گے۔

16/04/2026

16/04/2026

تربت کیچ میں ترقیاتی منصوبوں کی سست روی پر اظہارِ برہمی، ٹھیکیداروں کے خلاف کارروائی کا حکم

بلوچستان اسپیشل ڈویلپمنٹ انیشیٹو (BSDI) فیز ون اور فیز ٹو کے تحت جاری ترقیاتی منصوبوں کی پیش رفت کا جائزہ لینے کے لیے ایک اہم اجلاس ڈپٹی کمشنر کیچ یاسر اقبال دشتی کی زیر صدارت جمعرات کو منعقد ہوا۔ اجلاس میں پی ایچ ای، لوکل گورنمنٹ اور بی اینڈ آر (روڈز اینڈ بلڈنگ) سمیت مختلف محکموں کے افسران اور کمیٹی ممبران نے شرکت کی۔

اجلاس کے دوران زیر تکمیل منصوبوں کی پروگریس رپورٹس پیش کی گئیں، تاہم ڈپٹی کمشنر نے مجموعی کارکردگی پر عدم اطمینان کا اظہار کرتے ہوئے متعلقہ ٹھیکیداروں کے خلاف فوری کارروائی کی ہدایت جاری کی۔ انہوں نے واضح کیا کہ اگر آئندہ اجلاس میں پیش رفت تسلی بخش نہ ہوئی تو متعلقہ ٹھیکیداروں کو بلیک لسٹ کر دیا جائے گا۔

ڈپٹی کمشنر یاسر اقبال دشتی نے افسران کو سختی سے ہدایت کی کہ وہ ترقیاتی منصوبوں کی مسلسل نگرانی کو یقینی بنائیں اور معیار پر کسی قسم کا سمجھوتہ نہ کیا جائے۔ انہوں نے کہا کہ منصوبوں کی بروقت تکمیل نہ صرف عوامی سہولیات کی فراہمی کے لیے ضروری ہے بلکہ فیز تھری کے آغاز کو بھی اسی سے مشروط کیا گیا ہے۔

اجلاس میں ونگ کمانڈر تربت کرنل علی، ایکسین مجیب احمد، ایکسین حامد علی، ایکسین محمد عظیم، اسسٹنٹ ڈائریکٹر لوکل گورنمنٹ زاھد علی، انجینئر محمد اقبال، ایس ڈی او گھرام گچکی اور سپرنٹنڈنٹ ڈویلپمنٹ برانچ اعجاز احمد سمیت دیگر افسران نے شرکت کی۔

اجلاس کے اختتام پر اس عزم کا اظہار کیا گیا کہ تمام محکمے باہمی رابطہ اور مؤثر نگرانی کے ذریعے منصوبوں کی بروقت اور معیاری تکمیل کو یقینی بنائیں گے تاکہ علاقے میں ترقیاتی عمل کو مزید تیز کیا جا سکے۔

16/04/2026

کیا دنیا میں موجود ممالک پر اقتصادی پابندیاں لگانے کا کوئی قانون موجود ھے ؟ امریکہ بذات خود پابندیاں کس قانون کے تحت لگاتا پھرتا ھے ؟ پابندیاں لگانے میں انکے پاس سب سے خطرناک ہتھیار کونسا ھے جسے امریکہ پابندیاں لگانے میں استعمال کرتا ھے ؟ خلیجی ممالک امریکی ڈالر کو طاقتور بنانے کی قیمت آج خود چکا رھے ہیں ؟ کیا دنیا ڈی ڈالرایزیشن کی طرف بڑھ رھی ھے ؟

15/04/2026

!!ڈی سی تربت کا ساتھ دو

15/04/2026

تربت ڈسٹرکٹ ایجوکیشن گروپ کیچ کا اجلاس، تعلیمی امور کا جائزہ اجلاس، داخلہ مہم کی کارکردگی زیر غور، غیر حاضری اور جعلی اندراجات پر تشویش، یونیسیف کی کارکردگی پر تنقید

کچ میں ڈسٹرکٹ ایجوکیشن گروپ کا ایک اہم اجلاس بدھ کے روز ڈپٹی کمشنر کچ یاسر اقبال دشتی کی زیر صدارت منعقد ہوا۔ اجلاس میں ڈسٹرکٹ ایجوکیشن آفیسر کیچ امجد شہزاد، ڈپٹی ڈی ای او دشت شیرجان دشتی، ڈپٹی ڈی ای او تربت نعیم جان،ڈپٹی ڈی ای او فیمیل تمپ شاری بلوچ، میڈم ماہ پری، جنت عزیز، ممتاز بلوچ، مختلف تحصیلوں کے ڈپٹی ڈی ای اوز، آر ٹی ایس ایم کے کوار ڈی نیٹر حلیم بلوچ، فلائیٹ کے نزیر گاجیزئی، یونیسیف کے فیض الرحمان اور سرکل ہیڈز نے شرکت کی۔

اجلاس میں ضلع بھر کے تعلیمی نظام کا تفصیلی جائزہ لیا گیا اور تفصیلی غور خوص کیا گیا۔ حکام کے مطابق ضلع میں کل 718 اسکولز میں سے 85 شلٹرلیس اسکول فعال ہیں جب کہ مجموعی طور پر 116 اسکول عمارت سے محروم ہیں۔ شلٹر لیس 44 اسکولوں کے بینک اکاؤنٹس کھولے جا چکے ہیں جبکہ 58 اسکولوں میں پی ٹی ایس ایم سی تشکیل دی گئی ہے۔ 11 اسکولوں کو فنڈز کے چیکس جاری کیے گئے جبکہ مزید 14 کے چیکس منظور ہو چکے ہیں۔

اجلاس میں فیصلہ کیا گیا کہ شلٹرلیس اسکولوں کو فعال بنانے کے لیے مقامی کمیونٹی کو شامل کیا جائے گا اور بچوں کے داخلے کو یقینی بنایا جائے گا۔ ڈپٹی کمشنر کو بتایا گیا کہ بی ایس ڈی پی کے تحت 41 نامکمل اسکولوں کا دورہ کیا گیا جن میں پیش رفت نہ ہونے پر تشویش کا اظہار کیا گیا۔ دشت کے بعض علاقوں میں ایسے اسکولوں کی نشاندہی بھی کی گئی جہاں فنڈز کے اجرا کے باوجود کوئی کام نہیں ہوا۔

اجلاس میں نشاندہی کی گئی کہ ایجوکیشن آفس میں جاری ایک ترقیاتی منصوبہ بھی سست روی کا شکار ہے۔ نصابی کتب کے حوالے سے بتایا گیا کہ ضلع کو 6 لاکھ 50 ہزار کتابیں موصول ہوئی ہیں جب کہ ضرورت 7 لاکھ کتابوں کی ہے۔ تین کلسٹر اسکولوں کی جانب سے تاحال کتابیں وصول نہ کرنے پر انہیں شوکاز نوٹس جاری کیے گئے ہیں۔

داخلہ مہم کے حوالے سے حکام نے بتایا کہ بلوچستان میں کچ ضلع سرفہرست ہے اور ایک مخصوص ایپ کے ذریعے تمام ریکارڈ محفوظ کیا جا رہا ہے۔ تاہم ڈپٹی کمشنر کیچ کی نشاندہی پر جعلی داخلوں کے ذریعے تعداد بڑھانے کی شکایات پر کراس چیکنگ کو لازمی قرار دیا گیا اس کے لیے مقامی معتبرین اور کونسلرز سے رابطہ کی ضرورت پر زوردیا گیا۔

اجلاس میں اساتذہ کی تعداد اور کارکردگی پر بھی گفتگو ہوئی۔ بتایا گیا کہ ضلع کیچ میں 4600 اساتذہ اور 2000 نان ٹیچنگ اسٹاف تعینات ہیں جن کی چیک اینڈ بیلنس اور حاضری کے لیے روزانہ کی بنیاد پر دورہ کیا جاتا ہے۔ افسران کو ہدایت کی گئی کہ وہ اسکولوں کے دورے مذید بڑھائیں اور غیر حاضری کے مسئلے پر قابو پائیں۔

اجلاس کے اختتام پر یونیسیف کے نمائندے کو ہدایت دی گئی کہ وہ اپنے تمام جاری منصوبوں کی تفصیلی اور جامع رپورٹ مکمل ریکارڈ کے ساتھ جلد از جلد پیش کریں جب کہ آئندہ ماہ کے لیے جامع منصوبہ بندی پر بھی زور دیا گیا۔