Voice Of Kech

18/09/2025

تربت: انجمن تاجران کیچ کے ترجمان نے شہر میں بڑھتی ہوئی گندگی اور کچرے کے ڈھیر پر گہری تشویش کا اظہار کرتے ہوئے کہا ہے کہ تربت شہر بلدیہ کی جانب سے جاری ہڑتال کے باعث شدید مسائل کا شکار ہوچکا ہے۔ ترجمان کے مطابق کئی دنوں سے بلدیاتی اداروں کی صفائی ستھرائی کی سرگرمیاں معطل ہیں، جس کے باعث جگہ جگہ کچرے کے ڈھیر لگ گئے ہیں اور شہری سخت پریشانی میں مبتلا ہیں۔

انجمن تاجران کے ترجمان نے کہا کہ بلدیاتی ادارے اپنے مسائل کے حل کے لئے احتجاج کا حق رکھتے ہیں، مگر اس کے لئے ایسے طریقے اختیار کیے جائیں جو عام عوام کی زندگی کو متاثر نہ کریں۔ صفائی ستھرائی کا عمل روکنے سے نہ صرف شہریوں کو مشکلات درپیش ہیں بلکہ بازاروں اور رہائشی علاقوں میں تعفن اور بدبو نے صحتِ عامہ کے لئے سنگین خطرات پیدا کردیے ہیں۔

انہوں نے مزید کہا کہ شہر کے تاجر برادری اور عوامی حلقے مطالبہ کرتے ہیں کہ بلدیاتی ادارے اور حکومت فوری طور پر مسائل کے حل کے لئے مذاکرات کریں تاکہ تربت کو کچرے کے ڈھیروں اور ماحولیاتی آلودگی سے نجات دلائی جاسکے۔ شہریوں کو ریلیف دینا اولین ترجیح ہونی چاہیے کیونکہ تربت جیسے بڑے شہر میں صفائی کا مسئلہ نظرانداز کرنے سے وبائی امراض پھوٹنے کا خدشہ ہے۔
اگر شہر کی صفائی مزید روکی گئی تو تاجران احتجاج کا راستہ اختیار کرنے پر مجبور ہو جائیں گے ۔
Vok

18/09/2025

بنام اسسٹنٹ کمشنر کیچ!

حکام سے گزارش ہے کے مرغی بہت سستے داموں میں کوہٹہ پنجگور گوادر ہر شہر میں دستاب ہے اور ہمارے تربت میں اب بھی 800 900 فی کلو پہ چل رہا ہر کوہی اپنے ریٹ لگا رہا ہے البتہ ائیرپورٹ روڈ سے ڈی بلوچ تک جتنے بھی چھوٹے منڈی ہیں 950 اور 1000 فی کلو فروخت کر رہے ہیں جناب سے گزارش ہے کہ گراں فروشوں پر کاروہی کی جاہے اور ہر کسی کو سرکاری ریٹ آویزاں کیا جاہے ...

گوادر فی کلو 700"750
پنجگور فی کلو 550"600
تربت فی ــ کلو 900"950

تربت شہر میں ہر کوہی اپنی من مانی کر رہا ہے کوہی پوچھنے والا نہیں
پراہیس کمیٹی تربت اور اسسٹنٹ کمشنر تربت سے مؤدبانہ گزارش ہے کہ ان گران فروشوں ہے جلد از جلد کاروہی کی جاے Voice Of Kech

17/09/2025

گوادر۔ جیوز کے سربراہ کے بی فراق سے کیچ کلچرل فیسٹیول آرگنائزنگ کمیٹی کی ملاقات، کیچ کلچرل انٹرٹینمنٹ آرٹس اینڈ لٹریچر فیسٹیول میں شرکت کی دعوت۔

گوادر ایجوکیشنل اینڈ انوائرمنٹل ویلفیئر سوسائٹی (جیوز) کے سربراہ کے بی فراق سے کیچ کلچرل انٹرٹینمنٹ آرٹس اینڈ لٹریچر فیسٹیول کے وفد نے جیوز گوادر کے دفتر میں ملاقات کی۔

وفد کی قیادت فیسٹیول منیجر التاز سخی نے کی جبکہ وفد میں غلام اعظم دشتی، عومر ہوت، حافظ صلاح الدین سلفی اور پھلان خان شامل تھے۔ فیسٹیول منیجر التاز سخی نے کے بی فراق کو فیسٹیول کی علمی وادبی ایونٹ سے متعلق بریف کیا اور انہیں اورجیوز کے ارکان کو فیسٹیول میں خصوصی شرکت کی دعوت دی، ہمارے یہاں آنے کامقصد یہی ہے کہ آپ جیسے اسکالرز سے خودملیں تاکہ رسمی دعوت نامہ کے بجائے ایک دوسرے کے فیلنگز اوراحساسات سے آگاہی حاصل کیاجاسکے۔

کے بی فراق نے اس دعوت کو خوش آئند اور قابلِ ستائش قرار دیتے ہوئے کہا کہ انتشار خیالی کے اس دور میں اس نوعیت کے ایونٹس کا انعقاد نہایت ضروری ہے تاکہ نوجوان مثبت اور صحت مندانہ سرگرمیوں کی جانب راغب ہوسکیں۔انہوں نے کہاکہ وہ فیسٹیول میں شرکت کریں گے اور ان کی کوشش ہوگی کہ زیادہ سے زیادہ ایونٹس میں شریک ہوسکیں۔
Vok

17/09/2025

تُربَت
بلوچستان اکیڈمی تُربَت کے وفدنے نومنتخب چیئرمین ڈاکٹرغفورشادکی قیادت میں ڈپٹی کمشنر کیچ بشیراحمدبڑیچ سے ان کے آفس میں ملاقات کی، ملاقات میں نومنتخب جنرل سیکرٹری مقبول ناصر نے ڈی سی کیچ کو بلوچی زبان کے اہم شعری سرمایہ میراث کے حوالے سے بریف کیا،جس پر ڈپٹی کمشنرنے اکیڈمی کی تحسین کی اور اکیڈمی کودرپیش مالی مشکلات کے حل کے لئے اقدامات کی یقین دہانی کرائی،وفد میں اکیڈمی کے سابق چیئرمین و اگزیکٹیوباڈی کے رکن عبیدشاد بھی شامل تھے،ملاقات میں پی ایس ٹو ڈی سی شیرجان بلوچ بھی موجودتھے۔دریں اثنا ڈپٹی کمشنر نے نومنتخب عہدیداران کومبارکباددی۔بعدازاں ڈاکٹرغفورشادنے دوجلدوں پرمشتمل میراث ڈپٹی کمشنر کو تحفتاََ پیش کیا۔
Vok

17/09/2025

تربت۔ آر سی ڈی کونسل گوادر اور خیر جان آرٹ اکیڈمی گوادر کا کیچ کلچرل فیسٹیول میں بھرپور شرکت کا اعلان، کیچ اور گوادر کے درمیان قائم دیرینہ علمی، ادبی اور ثقافتی رشتوں کومزید مضبوط بنانے کا عزم، کیچ کلچرل فیسٹیول کی آرگنائزنگ ٹیم نے فیسٹیول منیجر التاز سخی کی قیادت میں آرسی ڈی سی گوادر کا دورہ کیا جہاں پر آر سی ڈی کونسل گوادر کے صدر ناصر رحیم سہرابی، عبداللہ عثمان، نیاز ابراہیم اور عبدالوہاب، خیرجان آرٹ اکیڈمی کے سربراہ خیرجان خیرول اور طارق فیض سے میٹنگ کی، ٹیم میں غلام اعظم دشتی، عومر ہوت، حافظ صلاح الدین سلفی اورپھلان خان شامل تھے۔ التاز سخی نے آرسی ڈی کونسل گوادر اور خیر جان آرٹ اکیڈمی گوادر کو کیچ کلچرل فیسٹیول کے بارے میں تفصیل سے بریف کیا اور بتایا کہ 3روزہ فیسٹیول میں علمی وادبی مباحثے،ثقافتی اور تفریحی پروگرامات کے ساتھ تھیٹر، میوزک کمپیٹیشن، بزنس پروپوزل کمپیٹیشن، پینٹنگز سمیت دیگر ایونٹ شامل کئے گئے ہیں،التاز سخی نے آرسی ڈی کونسل اور خیرجان آرٹ اکیڈمی کی علمی، ادبی، ثقافتی اورسماجی خدمات کو سراہتے ہوئے کہاکہ ان اداروں کے توسط سے ہم گوادر کے عوام کوفیسٹیول میں شرکت کی دعوت دینے آئے ہیں، آرسی ڈی کونسل گوادرکے صدرناصررحیم سہرابی اور خیرجان آرٹ اکیڈمی کے سربراہ خیرجان خیرول نے کیچ کلچرل فیسٹیول کے انعقاد کو سراہتے ہوئے کہاکہ کیچ ایک تاریخی خطہ ہونے کے ناطے علم وادب اور ثقافت کا گہوارہ ہے کیچ میں اس طرح کے ایونٹ کا انعقاد خوش آئند ہے، انہوں نے کہاکہ گوادر میں جب بھی لٹریچر فیسٹیول یا دیگر تفریحی سرگرمیاں منعقد کی جاتی ہیں تو کیچ سے کثیرتعداد میں لوگ آکر ان پروگرامات میں شریک ہوتے ہیں اور ان کا حصہ بن کر پروگرامات کی کامیابی میں اپنا کردار نبھاتے ہیں، گوادر کے عوام کیچ فیسٹیول میں زیادہ سے زیادہ شرکت کرکے اس روایت اورتعلق کومزید مضبوط بناکر کیچ وگوادرکے درمیان رشتوں کومزید مستحکم بنائیں گے، میٹنگ کے دوران آرسی ڈی کونسل اور خیرجان آرٹ اکیڈمی کی طرف سے مختلف تجاویز اورمشورے دئیے گئے۔
Vok

16/09/2025

بلوچستان بار کونسل کے انتخابات: پنجگور بار نے جاڈین دشتی ایڈوکیٹ کی حمایت کا اعلان کردیا

پنجگور ۔ بلوچستان بار کونسل کے آئندہ الیکشن 2025-2030 کے سلسلے میں پروفیشنل پینل کے امیدوار برائے مکران و لسبیلہ سیٹ، سپریم کورٹ کے وکیل جاڈین دشتی ایڈوکیٹ نے اپنی انتخابی مہم کے دوران ڈسٹرکٹ بار ایسوسی ایشن پنجگور کا دورہ کیا۔ اس موقع پر ان کے ہمراہ ڈسٹرکٹ بار ایسوسی ایشن کیچ کے صدر عبدالمجید شاہ ایڈوکیٹ، سابق صدر مکران ہائی کورٹ بار مہراب خان گچکی ایڈوکیٹ سپریم کورٹ، جنرل سیکریٹری کیچ بار نیاز محمد ایڈوکیٹ، جوائنٹ سیکریٹری عابد عمر ایڈوکیٹ، اور سینئر وکلاء عنایت اللہ دشتی ایڈوکیٹ، مجید دشتی ایڈوکیٹ اور طلال نزیر ایڈوکیٹ بھی موجود تھے۔

پنجگور بار میں ہونے والی ملاقاتوں میں بلوچستان بار کونسل کے انتخابات اور خطے کے وکلاء کو درپیش مسائل پر تفصیلی گفتگو ہوئی۔ شرکاء نے کہا کہ وکلاء برادری کے اتحاد اور پیشہ وارانہ ترقی کیلئے مضبوط قیادت ناگزیر ہے۔

اجلاس سے خطاب کرتے ہوئے صدر کیچ بار عبدالمجید شاہ ایڈوکیٹ، سابق صدر مکران ہائی کورٹ بار مہراب خان گچکی ایڈوکیٹ، پنجگور بار کے صدر علاؤالدین ایڈوکیٹ، امیدوار جاڈین دشتی ایڈوکیٹ سپریم کورٹ اور امان کریم بلوچ نے وکلاء کو درپیش چیلنجز پر روشنی ڈالی اور باہمی تعاون کی ضرورت پر زور دیا۔

ڈسٹرکٹ بار ایسوسی ایشن پنجگور نے متفقہ طور پر جاڈین دشتی ایڈوکیٹ کو پروفیشنل پینل کی جانب سے مکران و لسبیلہ سیٹ کا مشترکہ امیدوار نامزد کرتے ہوئے بھرپور حمایت کا اعلان کیا۔

اس موقع پر پنجگور بار کے اراکین عبدالوحید ایڈوکیٹ، علاؤالدین ایڈوکیٹ، امان بلوچ ایڈوکیٹ، امان کریم ایڈوکیٹ، امان قادر ایڈوکیٹ، محمد یونس ایڈوکیٹ، عبدالحئی ایڈوکیٹ، اکرم علی ایڈوکیٹ، شاہ جان ایڈوکیٹ ، نور احمد ایڈوکیٹ، الہی بخش ایڈوکیٹ، ندیم احمد ایڈوکیٹ، رحمدل ایڈوکیٹ سمیت بڑی تعداد میں وکلاء شریک ہوئے۔

16/09/2025

15/09/2025

کیچ بار ایسوسی ایشن کے صدر مجید شاہ ایڈووکیٹ کی صدارت میں بلوچستان بارکونسل کے آئندہ الیکشن کے حوالے سے گرینڈ مشاورتی اجلاس بار روم میں منعقد۔

جاڑین دشتی ایڈووکیٹ بارکونسل کیلئے متفقہ امیدوار ڈکلیئر۔

اجلاس میں مکران ہائی کورٹ بار ایسوسی ایشن کے سابق صدرمحراب خان گچکی ایڈووکیٹ، کیچ بار ایسوسی ایشن کے سابق صدر مجید شاہ ایڈووکیٹ، مہراللہ گچکی ایڈووکیٹ ،کیچ بار ایسوسی ایشن کے جنرل سیکرٹری نیازمحمد ایڈووکیٹ، سنیئر نائب صدر پیرمحمد ایڈووکیٹ، کہدہ عنایت اللہ ایڈووکیٹ، گل سمین ایڈووکیٹ سمیت دیگر وکلاء رہنماؤں نے خطاب کرتے ہوئے جاڑین دشتی ایڈووکیٹ پر مکمل اعتماد کااظہار کیا۔

اسٹیج سیکرٹری کے فرائض کیچ بار ایسوسی ایشن کے جوائنٹ سیکرٹری عابدعمر ایڈووکیٹ نے سرانجام دئیے۔

کیچ بار ایسوسی ایشن کے درج ذیل وکلاء نے جاڑین دشتی ایڈووکیٹ کی نامزدگی کا خیرمقدم کرتے ہوئے غیرمشروط طورپران کی مکمل حمایت کا اعلان کیا جن میں مجید شاہ ایڈووکیٹ، محراب خان گچکی ایڈووکیٹ، مہر اللہ گچکی ایڈووکیٹ، کہدہ عنایت دشتی ایڈووکیٹ، نیازمحمد ایڈووکیٹ، گل سمین ایڈووکیٹ، پیرمحمد ایڈووکیٹ، رستم گچکی ایڈووکیٹ، ناظم الدین ایڈووکیٹ، عبدالماجد ایڈووکیٹ، عبداللطیف ایڈووکیٹ، وسیم نسیم ایڈووکیٹ، عبدالرشید ایڈووکیٹ، تنویر برکت ایڈووکیٹ، شیرنواز ایڈووکیٹ، ولید برکت ایڈووکیٹ، عابد عمر ایڈووکیٹ، رضوانہ ایڈووکیٹ، شاکر ایڈووکیٹ، چاکر ایڈووکیٹ، خلیف دشتی ایڈووکیٹ، اقراء ایڈووکیٹ، عبدالخالق ایڈووکیٹ، عبدالمجید دشتی ایڈووکیٹ، عبدالوہاب ہوت ایڈووکیٹ، عبدالوہاب بلو چ ایڈووکیٹ، عابد میران ایڈووکیٹ، عادل علی ایڈووکیٹ، علی جان مقصود ایڈووکیٹ، بالاچ جاوید ایڈووکیٹ، بالاچ طاہر ایڈووکیٹ، بصیر احمد ایڈووکیٹ، باران خان ایڈووکیٹ، دلدار غنی ایڈووکیٹ، دردانہ شکیل ایڈووکیٹ، فائزہ کریم ایڈووکیٹ، فقیر جان گچکی ایڈووکیٹ، فرہاد علی ایڈووکیٹ، فاروق احمد ایڈووکیٹ، فیروز خان ایڈووکیٹ، فدااحمد دشتی ایڈووکیٹ، گہرام اختر ایڈووکیٹ، گہرام رحیم ایڈووکیٹ، گل ناز دلمراد ایڈووکیٹ، حبیب الرحمن ایڈووکیٹ، ہادیہ ایڈووکیٹ، حافظ سرفراز خالق ایڈووکیٹ، حامد علی ایڈووکیٹ، اکرام علی ایڈووکیٹ، امام بخش ایڈووکیٹ، اسرار احمد ایڈووکیٹ، جہانزیب اقبال ایڈووکیٹ، جمال لعل ایڈووکیٹ، صغیر احمد ایڈووکیٹ، کائنات قادر ایڈووکیٹ، کامران نسیم ایڈووکیٹ، کریم شمبے ایڈووکیٹ، خیر اللہ ایڈووکیٹ، کہدہ لیاقت علی ایڈووکیٹ، علی ایڈووکیٹ، مسعود ریاض ایڈووکیٹ، مہران دشتی ایڈووکیٹ، محمد عیسیٰ ایڈووکیٹ، محمد میران ایڈووکیٹ، قاسم لعل ایڈووکیٹ، محمد روشن ایڈووکیٹ، وارث رفیق ایڈووکیٹ، مختار احمد ایڈووکیٹ، منہاج گل ایڈووکیٹ، نگینہ ایڈووکیٹ، نزیر احمد ایڈووکیٹ، نوبت چاکر ایڈووکیٹ، قمبر عاقل ایڈووکیٹ، قمبر ریاض ایڈووکیٹ، ریاض مولابخش ایڈووکیٹ، رخسانہ ایڈووکیٹ، صدام مراد ایڈووکیٹ، صدام حسین ایڈووکیٹ، سمیع اللہ ایڈووکیٹ، سمی مولابخش، ثناء اللہ میر ایڈووکیٹ، سنگین ایڈووکیٹ، سرفراز ایڈووکیٹ، شاہ نواز مراد ایڈووکیٹ، شکیل تاج ایڈووکیٹ، شکیل پھلان ایڈووکیٹ، شیہک لعل، شیماء صابر، طلال نزیر، تسلیمہ ایڈووکیٹ، عزیز ایڈووکیٹ، واہگ بلوچ ایڈووکیٹ، وسیم سلیم ایڈووکیٹ، زوہیب اخترایڈووکیٹ، عبداللہ جان ایڈووکیٹ، انور حیدر ایڈووکیٹ ، باراں خان ایڈووکیٹ سمیت دیگر شامل ہیں۔

14/09/2025

7ستمبر1974ء یوم الفتح کی یاد میں بین المدارس تقریری مسابقہ ۔
رپورٹ: ابومحمد بلیدی
عالمی مجلس تحفظ ختم نبوت ضلع کیچ کے زیر اہتمام 11ستمبر 2024ء بمطابق 17ربیع الاول 1447ھ کو مدرسہ دارالعلوم اصحابِ صفہ میری میں یوم الفتح ٧ستمبر١٩٧٤ء کی یاد میں ایک شاندار تقریری مسابقہ کا انعقاد کیا گیا،اس مسابقہ میں ضلع کیچ کے 13مدارس شریک ہوئے۔
١.مدرسه دارالعلوم رحمانيه چیرمین بازار گلی کوچہ بلیدہ
٢.مدرسه فاروقيه محمدآبادمينازبليده
٣.جامعه اشرف المدارس قلاتی بازار آبسر
٤.جامعه دارالعلوم آبسرکہدہ یوسف محلہ آبسر
٥.مدرسه دارالعلوم عثمانيه ڈنےسر آبسر
٦.جامعه اصحاب صفه ميري
٧.جامعه عربيه دارأرقم بلوچی بازار شے تگر
٨.مدرسه دارالعلوم اسلاميه گھنہ پلانی
٩.مدرسه محموديه رودبن
١٠.جامعه رشيديه آسياآباد
١١.جامعہ اسلامیہ السلفیہ چاہ سرتربت
١٢.جامعه تعليم الاسلام آسياآباد
١٣.مدرسه دارالعلوم اسلاميه بالیچاہ
پروگرام کا آغاز عصر کی نماز کے متصل بعد تلاوت کلام پاک سے ہوا جس کی سعادت قاری ممتاز استاد مدرسہ دارالعلوم اصحابِ صفہ میری نے حاصل کی،اس کےبعد حافظ محسن متعلم جامعہ اشرف المدارس آبسر درجہ رابعہ نے اپنی پرسوز آواز میں نعتیہ کلام پیش کیا،اس کے بعد راقم الحروف نے افتتاحی کلمات پیش کیے اور مسابقہ میں شریک طلباء کرام نے اپنی خطابت کے جواہر دکھادیئے،مغرب کی نماز کے بعد دوسری نشست کا آغاز تلاوت کلام پاک سے ہوا جس کی سعادت حافظ محسن متعلم جامعہ اشرف المدارس آبسر درجہ رابعہ نے حاصل کی اور مشہور ثنا خواں محترم عبدالسلام عابد نے اُردو زبان میں نعتیہ کلام پیش کیا ،اس کے بعد دوبارہ مسابق طلباء کرام کی تقاریر کا سلسلہ چل پڑا،طلباء کرام نے اپنی خطابت کے زبردست جواہر دکھا ئے،ہر طالب نے دوسرے سے بڑھ چڑھ کر جوش خطابت دکھائی اور سامعین پر سحر طاری کر دیا ۔
نتائج کی تیاری کے دوران مولانا عبد الکبیربدری رکن عالمی مجلس تحفظ ختم نبوت کیچ نے اپنی دلنشین آواز میں ترانہ ختم نبوت پیش کیا،مفتی مختار حیدر آسیاآبادی،مولانا سعید احمد تگرانی صاحب اور مفتی عبدالحلیم زامرانی ذمہ دار عالمی مجلس تحفظ ختم نبوت بلیدہ نے اپنے تاثرات کا اظہار فرمایا،منتظمین اور شرکاء کو مبارکباد پیش کی ۔
مفتی سرفراز صاحب نے پوزیشن لینے اور ججزکی ذمہ داری کے متعلق طریقہ کار کی وضاحت کردی۔
آخر میں منتظم جلسہ،سابقہ پوزیشن ہولڈر اور عالمی مجلس تحفظ ختم نبوت مکران کے نگران حضرت مولانا احمد شاہ بلوچ صاحب نے نتائج کا اعلان کردیا،
پہلی پوزیشن حافظ حق نواز ولد حافظ محمد اکرم ساکن کوشقلات تربت متعلم جامعہ اشرف المدارس آبسر درجہ اولی
دوسری پوزیشن حافظ عصمت اللہ ولد مولانا عبد الخالق صاحب ساکن سلو بلیدہ متعلم مدرسہ عربیہ دارارقم شے تگر درجہ اولی
تیسری پوزیشن حافظ محمد عمر ولد حافظ عبد الکریم رحمہ اللہ ساکن بہمن تربت متعلم جامعہ دارالعلوم اصحابِ صفہ میری تربت درجہ ثانیہ نے حاصل کی ۔
پہلی پوزیشن کو 14000روپے نقد مع کتابوں کا ایک سیٹ۔
دوسری پوزیشن کو 10500 روپے نقد مع کتابوں کا سیٹ۔
تیسری پوزیشن کو 8500 مع کتابوں کا سیٹ۔
اس کے علاوہ مسابقہ میں شریک ہر طالبِ علم کو 2000 روپے نقد اور کتب انعام کے طور پر پیش کیے گئے.
پروگرام میں ججمنٹ کی ذمہ داری
مفتی سرفراز صاحب لیکچرار بی آر سی تربت۔
مفتی عبد الغنی صاحب مبلغ عالمی مجلس تحفظ ختم نبوت گوادر۔
مفتی نصرت اللہ صاحب شیخ الحدیث مدرسہ عثمانیہ کہن پشت کوشقلات
نے سر انجام دی۔
پروگرام کے دوران نقابت کی ذمّہ داری مولانا عزیراللہ، مولانا فیصل،مولانا امام الدین اور مولانا ظفر اللہ صاحب نے سر انجام دی، جبکہ ٹائمر لائٹ پر مفتی نذیر احمد اور مفتی پیرجان صاحب تعینات تھے،
میزبان مسابقہ مفتی مراد جان صاحب کی دعا کے ساتھ پروگرام اختتام کو پہنچ گیا۔
مجلس ختم نبوۃ و میزبان کی طرف سے آنے والوں مہمانانِ گرامی اور علماء کرام کے لیے ضیافت کا انتظام کیا گیا تھا۔
عالمی مجلس تحفظ ختم نبوت مکران تمام اہل مدارس ،علماء کرام اور مسابقہ میں شرکت کرنے اور طلباء کرام کی حوصلہ افزائی کرنے والے عوام و خواص کا تہہ دل سے مشکور ہے اور آئندہ ہر پروگرام میں اسی طرح شرکت کرنے کا متمنی ہے۔
عالمی مجلس تحفظ ختمِ نبوۃ ملک بھرمیں اس طرح کی مسابقہ منعقد کرتی رہتی ہے جس کا مقصد ایسے رجال کار مقررین تیار کرنا تاکہ وہ محاذ ختم نبوۃ پر اپنی خدمات سر انجام دے سکیں اور منکرین ختم نبوۃ کی استیصال تعاقب کریں
شعبہ نشرو اشاعت عالمی مجلس تحفظ ختم نبوت مکران
وائس آف کیچ

14/09/2025

شاہد گچکی کی قیادت میں مکران عوامی کاروان کا باقاعدہ اعلان کیا گیا ۔ کیچ تربت میں ایک پُروقار تقریب کے دوران معزز سیاسی راہنما شاہد گچکی نے مکران عوامی کاروان کے باضابطہ قیام کا اعلان کیا۔ تقریب میں عوام کی بڑی تعداد شریک ہوئی اور کاروان کی قیادت پر مکمل اعتماد کا اظہار کیا۔ اس موقع پر اپنے خطاب میں شاہد گچکی نے کہا کہ ہمارا حلقہ مدتوں سے بنیادی مسائل کا شکار ہے، نوجوان بے روزگاری سے دوچار ہیں، صحت کا نظام مفلوج ہو چکا ہے، زراعت زوال پذیر ہے اور انفراسٹرکچر کی حالت ابتر ہے۔ انہوں نے کہا کہ ان تمام مسائل کے حل کے لیے مکران عوامی کاروان ایک مضبوط عوامی پلیٹ فارم فراہم کرے گا۔ شاہد گچکی نے اس عزم کا اعادہ کیا کہ وہ اپنے حلقے میں جدید سہولیات سے آراستہ نئے ماڈرن دیہات قائم کریں گے جہاں ہر شہری کو صاف پانی، بجلی، معیاری تعلیم اور بہتر صحت کی سہولت میسر ہو گی۔ انہوں نے کہا کہ نوجوانوں کے لیے ٹیکنیکل اور ہنرمندی کے مراکز قائم کیے جائیں گے تاکہ وہ باوقار روزگار حاصل کر سکیں اور جدید ٹیکنالوجی، بالخصوص آرٹیفیشل انٹیلیجنس اور آئی ٹی کی تعلیم عام ہو۔ زرعی پیداوار بڑھانے کے لیے جدید ایگرو ٹیکنالوجی، ڈرپ اریگیشن اور گرین ہاؤس فارمنگ کو فروغ دیا جائے گا تاکہ کسانوں کی آمدنی میں اضافہ ہو اور فوڈ سیکیورٹی یقینی بنائی جا سکے۔ شاہد گچکی نے کہا کہ مکران عوامی کاروان کا مقصد صرف سیاست نہیں بلکہ حلقے کے ہر شہری کے لیے فلاح و بہبود، معیاری تعلیم، بنیادی صحت، جدید انفراسٹرکچر اور معاشی خوشحالی کو یقینی بنانا ہے۔ انہوں نے یہ بھی بتایا کہ بہت جلد مکران کے اہم سیاسی رہنما بھی اس کاروان میں شامل ہوں گے جس سے عوامی تحریک مزید مضبوط ہو گی۔
تقریب کے اختتام پر عوام کی بڑی تعداد نے شاہد گچکی کی قیادت پر مکمل اعتماد کا اظہار کرتے ہوئے مکران عوامی کاروان میں شمولیت کا اعلان کیا جن میں ایوب ملنگ، اسد ملنگ، عظیم پیری، گہرام پیری، مہلوک پیری، بالاچ پیری، علی جان پیری، امیر بخش، اکمل غلام، غلام جان، الطاف مہلوک، حنیف پھلان، عبداللطیف، شکیل احمد، جمیل احمد، شریف احمد، شمیم پھلان، عبدلحمید، عبداللہ، ساجد علی، شیر جان، محمد بخش، اعجاز بشام، شاہ نواز، علی نواز، الط پسند، پسند بلوچ، شاہ نواز پسند، پیری خداداد، فضل کریم، انور بارام، ماسٹر اسلام، اکبر بشیر، نادل بشیر، الطاف بشیر، عطیق بشیر، ضمیر انور، اشرف شاپک، دل مراد، حسن سید، میران سید، سید مراد، شبیر اور بارام انور شامل ہیں۔مزید لوگون رابطے میں ہیں اور مزید شمعولیتی پروگرامز ہونگے۔ انہون نے مزید کہا کہ مکران کے اہم سیاسی راہنما ان سے رابطے میں ہیں اور وہ بھی اس کاروان کا حصہ ہونگے۔ مکران کی سیاسی منظرنامہ بدلنے والا ہے جو ایک بہتر کامیاب مستقبل ہو گا۔
Vok

13/09/2025

تربت۔تربت شہرمیں ڈی جے سوئیٹس اینڈ بیکرز کا شاندار افتتاح، افتتاحی تقریب میں علاقائی سیاسی، سماجی اور صحافتی شخصیات سمیت زندگی کے مختلف شعبوں سے تعلق رکھنے والے افراد نے بڑی تعداد میں شرکت کی۔

افتتاح پاکستان میڈیکل ایسوسی ایشن کیچ کے صدر ڈاکٹر عبدالغنی بلوچ نے کیا۔

تربت شہرمیں بلوچ ہسپتال سے متصل کیچ ہسپتال کے سامنے ڈی جے سوئیٹس اینڈ بیکرز کی شاندار افتتاحی تقریب ہفتہ کی شام منعقد ہوئی۔

افتتاح کافیتہ پی ایم اے کیچ کے صدر ڈاکٹر عبدالغنی بلوچ نے کاٹا، اس موقع پر معروف سیاسی وسماجی شخصیات نیشنل پارٹی کے مرکزی جوائنٹ سیکرٹری میر حمل بلوچ، بجاربلوچ،چاکر خان بلوچ، نیشنل پارٹی تحصیل تربت کے صدر طارق بابل، پی سی بی کے سابق ممبر اسکروٹنی عبدالرحیم بلوچ، محکمہ خزانہ تربت کے شوکت بلوچ، تربت پریس کلب کے صدر حافظ صلاح الدین سلفی، جنرل سیکرٹری نورشاہ نور، مقبول ناصر، طارق مسعود، ماجد صمد، پھلان خان، اسدبلوچ، یلان زامرانی، سرفراز شاہ، مبارک بلوچ، معروف شخصیت چاکر خان گچکی، عابد علیم، نزیر گاجی زئی،دلاور بشیر، بیکرز کے مالکان اصغرمحرم اور جنید مراد سمیت دیگر سیاسی وسماجی شخصیات کثیرتعدادمیں موجودتھے۔

اس موقع پر مہمانوں نے ڈی جے سوئیٹس اینڈ بیکرز کے قیام کو تربت شہر کے لیے خوش آئند قرار دیتے ہوئے کہا کہ اس ادارے کے قیام سے شہریوں کو مٹھائی اوربیکری کی معیاری اشیاء کی فراہمی یقینی ہوگی، شرکاء نے کہا کہ تربت جیسے ابھرتے ہوئے شہر میں ایسے معیاری کاروباری اداروں کا قیام ترقی اور خوشحالی کی جانب مثبت قدم ہے، شہریوں اور کاروباری حلقوں نے بھی اس اقدام کا خیرمقدم کرتے ہوئے توقع ظاہر کی کہ ڈی جے سوئیٹس اینڈ بیکرز معیار اور اعتماد کو برقرار رکھتے ہوئے شہر کی ضروریات کو پورا کرے گا۔

اصغرمحرم اور جنید مراد نے عزت افزائی اور تقریب میں شرکت پر معزز شخصیات کا تہہ دل سے شکریہ اداکیا۔
VOK

12/09/2025

تربت۔وائس آف کیچ۔ اہلیان سید آباد تھل ہوشاپ کا بجلی کھمبوں کی فراہمی اور بجلی بحالی پر ایم این اے پھلین بلوچ اور ڈاکٹر عبدالمالک بلوچ سے اظہارِ تشکر، اہلیان تھل ہوشاپ نے اپنے ایک بیان میں بجلی کے کھمبوں کی فراہمی اور بجلی کی بحالی پر ایم این اے پھلین بلوچ اور سابق وزیر اعلیٰ، رکن صوبائی اسمبلی ڈاکٹر عبدالمالک بلوچ کا شکریہ ادا کیا ہے، بیان میں کہا گیا کہ گزشتہ بارشوں کے دوران بجلی کے کھمبے گرنے سے علاقہ مکمل اندھیرے میں ڈوب گیا تھا اور عوام شدید مشکلات کا شکار تھے، اہلِ علاقہ کی درخواست پر ایم این اے پھلین بلوچ اور ڈاکٹر عبدالمالک بلوچ نے فوری اقدام کرتے ہوئے نئے کھمبے فراہم کیے اور بجلی کی سپلائی بحال کرائی، جس سے علاقے کے لوگ معمول کی زندگی کی طرف لوٹ آئے، انہوں نے کیسکو کے ایل ایس ظفر بلوچ اور ہوشاپ گرڈ اسٹیشن کے عملے کا بھی شکریہ ادا کیا،اہلیان تھل ہوشاپ نے کہا کہ عوامی مسائل کے حل کے لیے بروقت اقدامات قابلِ ستائش ہیں اور امید ظاہر کی کہ آئندہ بھی علاقائی ترقی اور سہولیات کی فراہمی کے لیے اسی طرح اقدامات کیے جائیں گے۔