24/05/2026
منفی پروپیگنڈے اور جعلی بیانات سے بل نگور روڈ کی تعمیر میں رکاوٹ ڈالنے کی سازشیں ناکام ہوں گی: اہلیانِ بل نگور و بلدیاتی اکابرین کا مشترکہ بیان۔
طویل عرصے سے زیرِ التوا منصوبے کا آغاز عوامی امنگوں کا ترجمان اور انقلابی قدم ہے۔
ذاتی مفادات کے لیے علاقے کی خوشحالی کے خلاف سازش کرنے والے چند عناصر عوام کو گمراہ نہیں کر سکتے۔
انتظامیہ کمیشن خور مافیا کا محاسبہ کرے اور تعمیراتی کام کو بغیر کسی تعطل کے تیزی سے مکمل کرایا جائے: مشترکہ بیان۔
بل نگور (پریس ریلیز) اہلیانِ بل نگور اور منتخب بلدیاتی و سیاسی نمائندوں نے سوشل میڈیا اور دیگر ذرائع پر "اہلیانِ بل نگور" کے نام پر جاری ہونے والے ایک جعلی اور گمراہ کن بیان کی سخت ترین الفاظ میں تردید کرتے ہوئے اسے یکسر مسترد کر دیا ہے۔ انہوں نے واضح کیا ہے کہ بل نگور میرانی ڈیم روڈ کی تعمیر کے حوالے سے پھیلایا جانے والا پروپیگنڈا سراسر جھوٹ پر مبنی ہے اور اس جعلی بیان کا بل نگور کے غیور عوام سے کوئی تعلق نہیں ہے۔
ان خیالات کا اظہار علاقے کی سیاسی، سماجی اور بلدیاتی شخصیات
جاوید اقبال بلوچ سابق ناظم، یونین کونسل بل نگور)
فیصل بلوچ سابق چیئرمین، یونین کونسل درچکوہ
*عبدالحکیم بلوچ* سابق نائب ناظم، یونین کونسل بل نگور
*ماسٹر محمد اکبر بلوچ* معروف سیاسی و سماجی رہنما
فریدشاہ کاشاپی نائب امیر، جمعیت علماء اسلام تحصیل دشت حاجی فدا بلوچ (سابق وائس چیئرمین، یو سی درچکوہ و ممتاز سماجی شخصیت
میر وارث رندمعروف کاروباری و سیاسی شخصیت، کپکپار بل نگور،
ذاکر سبزل سماجی کارکن
نظام عبدین سماجی کارکن و کاروباری شخصیت
نے اپنے مشترکہ بیان میں کیا۔انہوں نے کہا کہ ترقی دشمن عناصر کا اصل چہرہ بے نقاب ہو چکا ہے
مشترکہ تفصیلی بیان میں رہنماؤں نے کہا کہ چند مفاد پرست،کمیشن خور اور ترقی دشمن عناصر ایک سوچی سمجھی سازش کے تحت گمراہ کن بیانات کا سہارا لے رہے ہیں۔ یہ وہ مخصوص ٹولہ ہے جو طویل عرصے سے زیرِ التوا اور اب بفضلِ خدا زیرِ تعمیر "بل نگور روڈ" کے اس تاریخی منصوبے کی راہ میں رکاوٹ بننے کی ناکام کوششیں کر رہا ہے۔ انہوں نے واشگاف الفاظ میں کہا کہ بل نگور روڈ کی تعمیر کا آغاز اہل علاقہ کے لیے ایک انقلابی قدم ہے، جس سے پورے علاقے کی تقدیر بدل جائے گی اور عوام کو برسوں پرانی سفری و معاشی اذیت اور مشکلات سے مستقل نجات ملے گی۔
انہوں نے
منفی پروپیگنڈا کرنے والے عناصر پر کڑی تنقید کرتے ہوئے عوامی و بلدیاتی نمائندوں نے سوال اٹھایا کہ
> یہ نام نہاد ہمدرد اس وقت کہاں چھپے ہوئے تھے جب بل نگور روڈ برسوں سے کھنڈرات کا منظر پیش کر رہا تھا اور اہل علاقہ مٹی، دھول اور اذیت ناک سفر جھیلنے پر مجبور تھے؟ اس وقت ان کا کوئی بیان، ہمدردی یا احتجاج سامنے کیوں نہیں آیا؟
اکابرین نے واضح کیا کہ روڈ کے خلاف صرف وہی مخصوص عناصر مہم چلا رہے ہیں جنہیں علاقے کی ترقی و خوشحالی ہضم نہیں ہو رہی اور جو اپنے ذاتی و سیاسی مفادات کی خاطر عوامی فلاح کے منصوبے کو سبوتاژ کرنا چاہتے ہیں۔انہوں نے
انتظامیہ سے فوری کارروائی کا مطالبہ کرتے ہوئے
اہلیانِ بل نگور اور بلدیاتی اداروں کے نمائندوں نے اس عزم کا اعادہ کیا کہ کسی بھی مفاد پرست اور کمیشن خور ٹولے کو علاقے کے اس سب سے اہم ترین ترقیاتی منصوبے کو نقصان پہنچانے کی اجازت ہرگز نہیں دی جائے گی۔
ایسے ترقی دشمن عناصر اکثر اہلیان کا نام اپنے ذاتی مفادات کے حصول کیلئےاستعمال کرتے ہیں جو قابل شرم ہے
انہوں نے کہاکہ اب بل نگور کے تمام سیاسی و سماجی کاروبار سابق و موجودہ بلدیاتی نُمائندے خود تعمیراتی کام کی نگہبانی اور نگرانی کرتے رہیں گے ان جیسے عوام دشمن کمیشن خور عناصر کا مقابلہ سیسہ پلائی کی دیوار بن کر کھڑے رہیں گے
اور
آئندہ تمام اداروں اور میڈیا سے اپیل ہے کہ اہلیان کے نام پر جاری بیان کی علاقائی معتبرین ،سیاسی وسماجی شخصیات سے تصدیق کے بعد جاری کریں،تاکہ غلط اور ذاتی مفادات اور کمیشن کے حصول کیلئے پروپگنڈے کا ٹول استعمال نہ ہو اور کسی عوامی اجتماعی پروجیکٹ پر منفی اثرات نہ پڑیں۔
انہوں نے ضلعی انتظامیہ اور متعلقہ اعلیٰ حکام سے پرزور اپیل کی کہ وہ سوشل میڈیا پر جعلی بیانات کے ذریعے ترقیاتی کاموں میں خلل ڈالنے والے عناصر کا فوری محاسبہ کریں، اور روڈ کی تعمیر کے کام کو بغیر کسی تعطل کے تیزی سے مکمل کروایا جائے تاکہ عوام جلد از جلد سکھ کا سانس لے سکیں۔
