The Kech Post

The Kech Post اے پیج ءَ ￴شمارا کیچ ءِ ￵ھرچ کسانیں ءُ ￶مزنیں ھالے سر کنگ بیت۔

19/03/2025

کیچ

کیچ ءَ دوئین ارشانی زمہ واری بی ایل اے ءَ زرتگ۔

بلوچ لبریشن آرمی ءِ جارکش جیھند بلوچ ءَ رسانکدر ھکل ءَ شنگ کرتگین وتی یک درشانے تہ ءَ گوشتگ کہ مئے سرمچاران زامران ءَ زورگیرین پاکستانی لشکرے سرا ارش کرتگ۔ اے ارش ءَ پاکستانی لشکر ءَ جانی ءُ مالی تاوان داتگ۔

آئی دیمتر ءَ گوشت کہ دگے ارشے تھا مئے سرمچاران بلیدہ ءِ دمگ زیردان ءَ بمب ڈسپزل اسکواڈ ءِ سرا ارش کرتگ ءُ اے ارش ءَ دو سپائی مرتگ ءُ ایندگے ٹپی بوتگ انت۔

دی کیچ پوسٹ

19/03/2025

کیچ

تمپ ءَ تیرگواری یک مردے بیران یکے ٹپی

کیچ ءِ ھند تمپ ءَ پجار نہ بیتگین سلاہ بندین مردمانی تیر گواری کرتگ یک مردے بیران ءُ یکے ٹپی۔

بیران بوتگین مردے نام جلائی ءِ اللہ بکش ءِ نام ءَ بوتگ ءُ ٹپی بوتگی مردے نام زاھر انت۔

دی کیچ نیوز

19/03/2025

کیچ

کیچ ءَ پاکستانی لشکرے سرا دیگے ارشے

کیچ ءِ ھند زامران ءَ پاکستانی لشکرے سرا بمب ارشے بیتگ۔

اے ارش ءَ پاکستان ءَ جانی تاوان رستگ۔

دی کیچ پوسٹ

19/03/2025

کیچ

کیچ ءَ پاکستانی لشکرے ءِ سرا ارش

کیچ ءِ ھند بلیدہ ءَ پاکستانی لشکرے بمب ڈسپوزل ٹیم ءِ سرا تراکے بیتگ۔

دی کیچ پوسٹ

19/03/2025

کیچ

کیچ ءِ بلیدہ سئے دلارنی کوش ءِ زمہ واری بی ایل اے (آزات) ءَ زرتگ۔

بی ایل اے ءِ جارکش آزات بلوچ ءَ رساندر بلوچ لبریشن وائس ءَ وتی شنگ کرتگین یک درشانے تھا گوشتگ کہ مئے سرمچاران پاکستانی دلار سالم ءِ امام بکش، ھالد ءِ ھان مھمد ءُ اشرپ ءِ درا ءَ سرا ارش کرتگ ءُ کشتگ۔

دی کیچ پوسٹ

19/03/2025

کیچ

کیچ ءِ مزن شھر تربت ءَ بیگوائین مردمانی کھول ءَ سی پیک دگ بستگ ءُ زھرشانی

تربت ءِ دمگ بھمن ءُ ڈنک ءَ بیگوائین مردمانی کھول ءَ سی پیک دگ ماں جدگال ڈن ءَ بستگ ءُ زھرشانی ءَ نشتگ انت۔

کھول ءَ گوشتگ کہ بیگوائین نھیم بشیر، اسماھیل ءُ نھمان رپیک ءِ آجو نہ بیگ ءِ سوب ءَ دگ بستگ۔

آہاں گوشتگ کہ مئے کرا ریاستی مردماں باز رند ءَ سوگند زرتگ بلے انگت مئے مردم یلا کنگ نہ بیتگ اَنت پمیشکہ ما اے رمزان ءِ ماھ ءَ دگ بستگ۔

دی کیچ پوسٹ

18/03/2025

کیچ

کیچ ءِ ھپتگی جنگی ءُ لس ھالانی رپورٹ

• 12 مارچ کیچ ءَ بیگوائین سھید ءِ ھاترا سی پیک دگ بند ءُ 13 مارچ ءَ مزاکرات ءَ پد دگ پچ کنگ بیتگ۔

• 12 مارچ کیچ ءِ ھند بلیدہ ءَ پجار نہ بیتگین یک ورنایے جون دست کپتگ۔

• 12مارچ آل ٹرنسپوٹرزاں جار جتگ کہ ما مکران کوسٹل ھائی وے ءَ بند کنیں۔

• 12 مارچ ءَ کیچ ءِ مزن شھر تربت ءِ مزن شاہدربرجاہ ءَ بلوچ نودربر ایکشن کمیٹی (بساک) ءِ روانک ءَ پد زھرشانی برجاہ۔
نودربرانی گشگ اِنت کہ تربت شاہ دربرجاہ ءِ نودربر ءُ وانگ کش پالیسیانی سوب ءَ اے زھرشانی کنگ ءَ ایں۔
آہاں گوشتگ کہ تنا وھد ءَ مئے لوٹ سرجم نہ بوت انت ما زھرشانی کنیں۔

• 13 مارچ کیچ ءِ انتزامیہ گوشتگ کہ درا ھمال کار کنوک وتی رجسٹریشن ءَ بہ کن انت۔

• 14 مارچ ءَ کیچ ءِ ھند کولواہ ءَ ڈرونانی سرا ارش بیتگ۔ اے ارش ءِ زمہ واری بی ایل ایپ ءَ زرتگ۔

• 15 مارچ ءَسلاہ بندین مردماں زورگیرین پاکستانی لشکرے سرا ارش کرتگ۔ اے ارش سی پیک دگ ماں ڈی بلوچ ءِ کنگ بیتگ۔
اے یک آئی ای ڈی ارش یے بیتگ۔
اے ارشے زمہ واری بی ایل اے (جیھند) ءَ زرتگ۔

• 15 مارچ ءَ کیچ ءِ ھند زامران ءِ دمگ کٹھان پاکستانی لشکرے سرا ارش بیتگ اے ارش ءِ زمہ واری بی ایل ایپ ءَ زرتگ۔

• کیچ ءَ بلوچستان ءِ نام نہادیں مزن وزیر ءَ تربت آتگ ءُ ملا شاھمیر ءِ کوش ءَ ایر جتگ۔

• 16 مارچ ءَ کیچ ءِ ھند بلیدہ ءَ پجار نہ بیتگین سئے ورنا یے جون دست کپتگ۔

• 17 مارچ کیچ ءِ مزن شھر تربت ءِ دمگ آپسر آسکانی ءَ یک ورنایے بیگواہ بیتگ۔ ورنایے ءِ پجار زباد ءِ رشید نام ءَ بیتگ ورنا ڈانڈار کولواہ ءِ جامنندے۔
چریشی ابید باسد ءِ ابراھیم چہ گوادر ءَ بیگواہ بیتگ ءُ باسد دشت کیچ ءِ جامنندے۔

• 17 مارچ ءَ کیچ ءِ مزن شھر تربت ءَ بلائین تراکے بیتگ۔ اے تراک پولیس کانسٹیبل ولید ءِ اسھاک ءِ لوگ یک دستی بمب یے بیتگ۔

دی کیچ پوسٹ

12/03/2025

کیچ

کیچ ءِ ھالانی رپورٹ

• کیچ ءِ ھنداں چہ مال بروکین گاڑی ءِ سرا ارشے زمہ واری بی ایل اے (آزات) ءَ زرتگ۔

• کیچ ءِ ھند بلیدہ مھناز ءَ پاکستانی لشکرے ءِ سرا آئی ای ڈی ارش ءِ زمہ واری بی ایل ایپ ءَ زرتگ۔

• بیگوائیں سھید بلوچ ءِ ھاترا کھول ءِ نیمگ ءَ چہ سی پیک دگ ماں تجابان ءَ بند۔

• کیچ ءِ ھند تمپ ءِ دمگ گومازی ءَ سلاہ بندین مرداں ارش کرتگ ءُ شاھنواز ءِ ھیات بیران۔

• کیچ ءِ ھند بلیدہ ءَ چہ بیگواہ بیتگین ورنا نزام ءِ الی ءِ جوان ماں سورآپ ءَ دست کپتگ۔

• بساک ءِ نیمگ ءَ چہ تربت شاھدربرجاہ ءِ اداراھی نالائقی ءِ سوب ءَ رونک ءُ پریس کانپرس کنگ بیتگ۔

دی کیچ پوسٹ

11/03/2025

کیچ

کیچ ءِ ھپتگی لس ھالانی رپورٹ

• کیچ ءَ چہ دو ہیلی کاپٹر دیم پہ آواران روگ ءَ گندگ بیتگ انت کہ اودہ آواران ءَ لشکر کشی کمک کرتگ انت۔

• کیچ ءِ ھند دشت ملائی نگور زرین بگ ءَ چہ یک ورنایے بیگواہ بیتگ ورنایے پجار وسیم ھمزھ یے نام ءَ بیتگ۔

• کیچ ءِ ھند تربت نودز ءَ سلاہ بندین مردماں بوزر گاڈی ءِ سرا تیرگواری کرتگ تاوان داتگ ءُ ڈرائیور بیھار ءَ پد یلا داتگ۔

دی کیچ پوسٹ

11/03/2025

کیچ

کیچ ءَ ھپتگی جنگی ھالانی رپورٹ

• بلوچ آجوئی لوٹوکین گل بلوچستان لبریشن پرنٹ ءِ جارکش ءَ رسانکدر آشوب ءَ وتی شنگ کرتگین یک درشانے تھا سئے جتائین ارشانی زمہ واری زرتگ۔

• کیچ ءِ ھند ھیرونک ءُ تجابان ءَ بی ایل ایپ ءِ سرمچاران ءَ دگ بستگ ءُ چیکنک کتگ ءُ اے میان ءَ لیویز پورسز گوزگ ءَ بیتگ انت بلے آہاں یلا کنگ بیتگ۔

• کیچ ءِ ھند زامران ءَ بی ایل ایپ ءِ سرمچاران جاسوسی کنوکین موبائل ٹاور جتگ ءُ تباہ کرتگ۔

• کیچ ءِ ھند تمپ ءَ بی ایل ایپ ءِ سرمچاران زورگیرین پاکستانی لشکرے بنجاہ ءِ سرا ارش کرتگ ءُ جانی ءُ مانی تاوان داتگ۔

• کیچ ءِ ھند بلیدہ مھناز ءِ دمگ مزن کور ءَ زورگیرین پاکستانی لشکرے سرا آئی ای ڈی ارشے بیتگ۔

دی کیچ پوسٹ

07/03/2025

کیچ

کیچ ءِ ھند ملک آبات ءَ جمیعت علما اسلام تربت ءِ جنرل سکٹری ملا شاہ میر ءِ سرا ارش۔

اے ارش ءَ ملا شاہ میر سک ٹپی بیتگ پدا نادراجاھ ءَ بیران بیتگ۔

اے ارشے زمہ واری انگت ءَ کس ءَ نہ زرتگ بلے سما ءَ بہ بیت کہ ملا شاہمیر ءَ گوں ریاستی کشندہ ٹولی ءِ گوما آوار بیتگ۔

دی کیچ پوسٹ

07/03/2025

کیچ

کیچ ءِ ھند مند ءَ سلاہ بندین مردماں بینک لٹیتگ ءُ 22 لاکھ کلدار برتگ۔

دی کیچ ہوسٹ

Address

Turbat

Website

Alerts

Be the first to know and let us send you an email when The Kech Post posts news and promotions. Your email address will not be used for any other purpose, and you can unsubscribe at any time.

Shortcuts

Share

Category