Johar Tv

05/09/2026

04/09/2026

زیدہ گرلز ڈگری کالج: ایک اہم تعلیمی مسئلہ اور فوری مطالبہ،

صوابی ( این این اے)

​صوبائی حکومت اور محکمہ تعلیم کو یہ تلخ حقیقت تسلیم کرنی ہوگی کہ زیدہ گاوں کا گرلز ڈگری کالج عمارت اور رقبے کے اعتبار سے اپنی مثال آپ ہے۔ خطے میں اپنی نوعیت کا یہ ایک وسیع و عریض تعلیمی ادارہ ہے، جس کی شاندار عمارت میں اس وقت بھی متعدد کمرے خالی پڑے ہیں۔ لیکن المیہ یہ ہے کہ یہ کالج بنیادی تعلیمی سہولیات کے فقدان کا شکار ہے۔
​یہ ادارہ فی الوقت صرف ایسوسی ایٹ ڈگری (AD) کی حد تک کلاسوں کا اجراء کیے ہوئے ہے، جبکہ یہاں بی ایس (BS) کی سطح کے درجوں کا نام و نشان تک نہیں۔ جب غریب اور متوسط طبقے کی طالبات ایسوسی ایٹ ڈگری مکمل کرتی ہیں، تو بی ایس کی اعلیٰ ڈگری کے حصول کے لیے انہیں اپنے گاؤں اور قریبی علاقوں سے باہر جانے پر مجبور ہونا پڑتا ہے۔ پختہ روایات، سفری مشکلات اور مالی وسائل کی کمی کے پیشِ نظر دیہی علاقوں کی اکثر بچیوں کے لیے یہ قدم اٹھانا عملی طور پر ناممکن ہوتا ہے۔
​نتیجہ یہ نکلتا ہے کہ جب طالبات مستقبل کے ان تاریک اور نامساعد حالات کا ادراک کرتی ہیں کہ زیدہ کالج میں بی ایس کی سہولت موجود ہی نہیں، تو وہ پہلے سے ہی اس خدشے کے تحت ایسوسی ایٹ ڈگری کو بھی غیر ضروری سمجھ کر ادھورا چھوڑ دیتی ہیں۔ یوں ہماری ہونہار بیٹیوں کا اعلیٰ تعلیم کا سفر شروع ہونے سے پہلے ہی دم توڑ دیتا ہے اور ان کی تمام صلاحیتیں رائیگاں چلی جاتی ہیں۔
​زیدہ اور اس کے گردونواح کے تمام مکینوں، عمائدین اور والدین کی صوبائی حکومت اور محکمہ تعلیم سے پُرزور مطالبه ہے کہ اس اہم مسئلے کا نوٹس لیا جائے۔ زیدہ گرلز ڈگری کالج میں ہنگامی بنیادوں پر بی ایس کی کلاسوں کا اجراء کیا جائے تاکہ بچیوں کی مایوسی کا خاتمہ ہو سکے اور دیہی علاقوں کی بیٹیاں بھی اعلیٰ تعلیم کے زیور سے آراستہ ہو کر قوم کی ترقی میں اپنا بھرپور کردار ادا کر سکیں۔

04/09/2026

صوابی کے لینڈ اونرز کے لیے اہم ترین ڈیجیٹل اقدام,

زمین کا ریکارڈ اب آپ کی انگلی پر,

صوابی (اویس خان سے)

​ضلعی انتظامیہ صوابی نے زمین کے تمام مالکان کو ایک شفاف، جدید اور محفوظ ڈیجیٹل نظام سے منسلک کرنے کے لیے ایک تاریخی قدم اٹھایا ہے۔ ڈپٹی کمشنر صوابی ڈاکٹر طارق اللہ کی خصوصی ہدایت پر لینڈ ریونیو ریکارڈ کی کمپیوٹرائزیشن کا عمل تیزی سے جاری ہے، تاکہ عوام کو ملکیت کے حوالے سے تمام سہولیات ایک ہی کلک پر میسر آ سکیں،
ضلعی انتظامیہ کی جانب سے ایک خصوصی موبائل ایپ متعارف کرائی جا رہی ہے، جس کے ذریعے شہری دنیا کے کسی بھی کونے میں بیٹھ کر اپنی زمین اور ملکیت کا مکمل ریکارڈ دیکھ اور جانچ سکیں گے۔
ضلع کے تمام زمین مالکان سے اپیل کی گئی ہے کہ وہ فوری طور پر اپنے متعلقہ پٹواری سے خود رابطہ کریں یا فیلڈ عملے کو اپنا درست شناختی کارڈ (CNIC) فراہم کریں۔
​ اس ڈیجیٹلائزیشن کا بنیادی مقصد زمین کے ریکارڈ کو محفوظ بنانا، جعل سازی کے تمام امکانات کا خاتمہ کرنا اور مالکان کو براہ راست رسائی دینا ہے۔
​پٹواری حضرات خود بھی زمین مالکان سے رابطہ کریں گے، لیکن اس کارآمد اور فلاحی عمل کی بروقت تکمیل کے لیے شہریوں کی ذاتی دلچسپی اور تعاون انتہائی ضروری ہے۔ اپنا شناختی کارڈ بروقت درج کروائیں تاکہ آپ کی ملکیت کا ریکارڈ محفوظ ہاتھوں میں منتقل ہو سکے۔

03/09/2026

کوئٹہ زیارت قومی شاہراہ پر سیکیورٹی فورسز اور دہشت گردوں کی جھڑپ,

8 اہلکار شہید، 11 دہشت گرد ہلاک،

​کوئٹہ/زیارت (رحمت اللہ خان)،

کوئٹہ اور زیارت کے درمیانی علاقے میں قومی شاہراہ پر سیکیورٹی فورسز اور دہشت گردوں کے درمیان شدید مسلح تصادم کی اطلاعات موصول ہوئی ہیں۔
​سیکیورٹی ذرائع کے مطابق فرنٹیئر کور (ایف سی) کا ایک قافلہ میجر صلاح الدین کی سربراہی میں علاقے میں نئی چیک پوسٹ قائم کرنے کے لیے روانہ ہوا تھا، اس دوران گھات لگائے بیٹھے دہشت گردوں نے کانوائے پر شدید حملہ کر دیا۔
فورسز کی جوابی اور بروقت کارروائی کے نتیجے میں 11 دہشت گرد ہلاک ہو گئے، جبکہ علاقے میں کلیئرنس آپریشن کے دوران پاک فوج اور ایف سی کے 8 سیکیورٹی اہلکار جامِ شہادت نوش کر گئے اور ایک اہلکار زخمی ہوا۔
​اسی دوران ہرنائی کے اسسٹنٹ کمشنر کے اسکواڈ کو بھی نشانہ بنایا گیا جس کی فائرنگ کی زد میں آکر دو اہلکار زخمی ہو گئے۔
​غوڑگئی کے مقام پر زیارت، کوئٹہ شاہراہ پر روڈ کی تعمیر پر مامور نجی کمپنی کے کیمپ پر بھی حملہ کیا گیا، جہاں حملہ آوروں نے کیمپ میں موجود قیمتی مشینری کو نذرِ آتش کر دیا اور مبینہ طور پر کمپنی کے دو ملازمین کو اپنے ساتھ نامعلوم مقام پر پہاڑوں کی جانب لے گئے۔
واقعات کے بعد سیکیورٹی فورسز کی بھاری نفری کو فوری طور پر طلب کرکے علاقے میں سرچ اینڈ کلیئرنس آپریشنز کا سلسلہ جاری ہے۔ مسافروں اور عام شہریوں کی جان و مال کے تحفظ کو یقینی بنانے کے لیے کوئٹہ–زیارت شاہراہ کو دونوں اطراف سے ہر قسم کی ٹریفک کے لیے مکمل طور پر بند کر دیا گیا ہے۔

03/09/2026

مصطفیٰ کمال ایک دن پمز میں بیٹھا کریں گے،
وزیر اعظم

​ہسپتالوں میں جعلی ڈاکٹروں کے گھناؤنے انکشافات اور سکیورٹی کے سنگین مسائل پر ایکشن لینے کے بجائے اس طرح کے حکومتی تماشے عوام کے زخموں پر نمک پاشی کے مترادف ہیں۔ کیا ایک دن بیٹھنے سے پورا نظام ٹھیک ہو جائے گا یا یہ صرف عوام کی آنکھوں میں دھول جھونکنے کا نیا ڈراما ہے؟

​اس نااہلی اور حکومتی فیصلوں پر آپ کی کیا رائے ہے؟ کمنٹ میں اپنے خیالات کا اظہار کریں,

03/09/2026

اسسٹنٹ کمشنر رزڑ فخرِ عالم کا کرنل شیر کلے گورنمنٹ پرائمری سکول کا دورہ،
تعلیمی و انتظامی امور کا جائزہ,

​رزڑ (عاقب حسین سے)

اسسٹنٹ کمشنر رزڑ فخرِ عالم نے کرنل شیر کلے میں گورنمنٹ پرائمری سکول (GPS) کا دورہ کیا۔ اس دورے کے دوران انہوں نے سکول میں جاری تدریسی اور انتظامی امور کا تفصیلی معائنہ کیا۔
انہوں نے مختلف کلاس رومز میں جا کر طلبہ کی حاضری، تدریسی سرگرمیوں اور مجموعی تعلیمی معیار کا جائزہ لیا۔ سکول میں طلبہ کو فراہم کردہ بنیادی سہولیات اور صفائی ستھرائی کی صورتحال کا خصوصی معائنہ کیا گیا۔
اسسٹنٹ کمشنر نے طلبہ کی تعلیمی صلاحیتوں کو سراہا اور اساتذہ کی محنت اور لگن کی تعریف کی۔

03/09/2026

ڈپٹی کمشنر صوابی ڈاکٹر طارق اللہ کا تاریخی اقدام
مدارس کے طلبہ کے لیے "ہنرمند مدارس پروگرام" کا باقاعدہ آغاز،

​صوابی(اویس خان سے)

صوابی کے دینی مدارس کے طلبہ کو روایتی دینی علوم کے ساتھ جدید اور فنی مہارتوں سے آراستہ کرنے کے لیے ضلعی انتظامیہ نے ایک منفرد اور انقلابی قدم اٹھاتے ہوئے "ہنرمند مدارس پروگرام" کا اجراء کر دیا ہے۔ اس پروگرام کا بنیادی مقصد دینی طلبہ کو معاشی طور پر خودمختار بنانا اور انہیں باعزت روزگار کے حصول کے قابل بنانا ہے۔
​دینی تعلیم کے ساتھ ساتھ عصری اور فنی ہنر کی تربیت کی فراہمی،
​طلبہ کو مستقبل میں خود انحصاری اور روزگار کے بہترین مواقع فراہم کرنااور
​نوجوان نسل کو معاشرے کا مفید اور فعال شہری بناناھماری اولین ذمہ داری ھے،
ضلعی انتظامیہ کی جانب سے تمام مدارس کے معزز اساتذہ کرام سے پرزور اپیل کی گئی ہے کہ وہ اپنے طلبہ کو اس مفید پروگرام میں بھرپور شرکت کے لیے راغب کریں۔ اس کے ساتھ ساتھ، تمام طلبہ کو بھی ہدایت کی گئی ہے کہ وہ اس سنہری موقع کا بھرپور فائدہ اٹھاتے ہوئے مختلف ہنر سیکھیں اور اپنے روشن مستقبل کی مضبوط بنیاد رکھیں۔

02/09/2026

اسسٹنٹ کمشنر رزڑ فخرِ عالم کا کیٹیگری ڈی ہسپتال کالوخان کا اچانک دورہ، طبی سہولیات اور حاضری کا معائنہ
​رزڑ / صوابی
اسسٹنٹ کمشنر رزڑ فخرِ عالم نے ہسپتالوں میں طبی انتظامات اور علاج معالجے کے معیار کا جائزہ لینے کے لیے کیٹیگری ڈی ہسپتال کالوخان کا اچانک دورہ کیا۔ دورے کے دوران انہوں نے ہسپتال میں فراہم کی جانے والی طبی سہولیات، ادویات کی دستیابی اور ڈاکٹروں و دیگر طبی عملے کی حاضری کا تفصیلی معائنہ کیا۔
​اس موقع پر اسسٹنٹ کمشنر نے ایمرجنسی سمیت ہسپتال کے مختلف وارڈز کا معائنہ کیا اور وہاں زیرِ علاج مریضوں سے براہِ راست ملاقات کرکے ان کی خیریت دریافت کی۔ انہوں نے مریضوں سے ہسپتال میں ملنے والی سہولیات اور طبی نگہداشت کے بارے میں بھی پوچھا۔
​فخرِ عالم نے ہسپتال انتظامیہ کو سخت ہدایات جاری کرتے ہوئے کہا کہ عوام کو معیاری اور فوری طبی سہولیات کی فراہمی ہر صورت یقینی بنائی جائے۔ انہوں نے اس بات پر زور دیا کہ ڈیوٹی میں غفلت یا ادویات کی کمی برداشت نہیں کی جائے گی اور مریضوں کی فلاح و بہبود کے لیے تمام دستیاب وسائل بروئے کار لائے جائیں۔

02/09/2026

د ټپې ویاړ او د زړه ټکور

​(ډاکټر محمد علی جوهر یوسفزئ)

​د پښتو ژبې او ادب په شتمنۍ کې «ټپه» یوازې د څلورو لنډو پښو شعر نه دی، بلکې د پښتون ولس د زړه بې‌درده فریاد، د تاریخ ژوندے داستان او د احساساتو تر ټولو رښتونی انځور دے.
د دنیا په کومه بله ژبه کې داسې ځانګړی او جامع صنف نشته چې د یوې ټولنې غم، ښادي، ننګ، غیرت، مینه او د زړه رازونه په دغه لنډ او پرمغزه قالب کې ځای کړای شي.
دا په خپله د پښتو ژبې او د هغې د غني لمنې یو ستر کمال دی چې د ټپې په شان شاهکار یې نړۍ ته ډالۍ کړی دے.
​په دې لړ کې د نامتو لیکوال او څېړونکي باچاخان ساجد وروستے کتاب
«د زړه ټکور ټپې»
په پښتونخوا او پښتو ادب کې یوه ستره او رڼه کارنامه ده. نوموړي په دغه اثر کې د ټپې پر مختلفو اړخونو، فکري ژورو، لرغونتیا او ارزښت په مسلکي او علمي انداز بحث کړی دے. دا کتاب یوازې د لیکونو او پانڑو ټولګه نه ده، بلکې د پښتون د تاریخ او ثقافت یوه خزانه ده چې د راتلونکو نسلونو لپاره به د لارښوونو یو پیاوړی څراغ وي.
​د یادونې وړ ده چې د دې کتاب مصنف استاد باچاخان ساجد (شیوه اډه، سراج پور، تحصیل رړړ، ضلع صوابي) دے. کمپوزنګ یې استاد الشعراء فقیر حلیم ګل کړی، او په دغه اثر کې د حلیم ګل، پروفیسور محمد ظاهر شاه ظاهر، او بخت شیر اسیر په شان د نامتو شاعرانو په زړه پورې تبصرې او نظرونه هم شامل دي چې د کتاب ارزښت یې نور هم زیات کړے دے. د کتاب په مختلفو مخونو کې د مینې، هجران او ټولنیز ژوند انځورونکي په زړه پورې ټپې او بیتونه ځای پر ځای شوي دي.
​د باچاخان ساجد دا هڅې د دې وړ دي چې په پرانیستې ټټر ورته مبارکي وویل شي. هغه په خپل قلم سره د پښتو د دې زانگڑی صنف لمنه نوره هم پراخه او روښانه کړه. لکه څنګه چې په مینه ویل کېږي،
​باچاخان ساجد که د چا پلار دی،
خو زما یار دی!
​باچاخان ساجد زموږ هغه ګران او محترم یار دی چې د خپلو کلونو کلونو علمي او ادبي خدمتونو په ترڅ کې یې د پښتو ادب د تاندولو لپاره ئ قلم په لاس کی اخیستے دے او د دې کتاب په لیکلو سره یې د پښتونخوا د ادبي حلقو سر لوړ کړی دی.
​زه د زړه له کومې د باچاخان ساجد دې سترې ته د مبارکۍ تر څنګ، د هغه د نور بریالیتوبونو او اوږد عمر دعا کوم. الله تعالی دې د ده قلم نور هم تېغ کړي او د پښتو ژبې او ادب خدمت ته دې لا زیات توفيق ورپه برخه کړي. آمین!

02/09/2026

ڈپٹی کمشنر صوابی ڈاکٹر طارق اللہ کی زیرِ صدارت ضلع میں ڈینگی کی روک تھام اور کنٹرول 2026 کے حوالے سے ایک اہم جائزہ اجلاس منعقد ہوا۔ اجلاس میں ڈینگی سرویلنس کے نظام کو مزید موثر بنانے، مچھروں کی افزائش گاہوں کا قبل از وقت خاتمہ کرنے، اضلاع کی سطح پر صفائی ستھرائی کے خصوصی اقدامات اور عوامی آگاہی مہم چلانے پر تفصیلی غور کیا گیا۔
​ڈپٹی کمشنر نے تمام متعلقہ محکموں کو واضح ہدایات جاری کرتے ہوئے کہا کہ ڈینگی کے ممکنہ پھیلاؤ کو روکنے کے لیے تمام ادارے باہمی رابطے اور مربوط حکمت عملی کے تحت بروقت اقدامات کو یقینی بنائیں۔ انہوں نے اس بات پر زور دیا کہ فیلڈ ٹیمیں اپنی کارروائیاں تیز کریں اور عوام کو ڈینگی سے بچاؤ کے احتیاطی تدابیر سے آگاہ کرنے کے لیے ترجیحی بنیادوں پر اقدامات کیے جائیں تاکہ ضلع صوابی کو ڈینگی کے خطرات سے محفوظ رکھا جا سکے۔