12/03/2025
#اسلامآباد
12 March 2025
سينيٽر پونجو ڀيل سينيٽ ڪميٽي ۾ ميرپورخاص کان عمرڪوٽ ٽول ٽيڪس جو معاملو اٿاريو.
سينيٽ جي مواصلات بابت اسٽينڊنگ ڪميٽي جو اجلاس اڄ اسلام آباد ۾ پرويز رشيد جي صدارت ۾ ٿيو. سينيٽر پونجو ڀيل، سيف الله ابڙو، محمد طلال بدر، دوست علي جيسر، محمد عبدالقادر، جام سيف الله خان، فوزيه ارشد ۽ ڪامل علي آغا سميت چيئرمين نيشنل ھاءِ وي اٿارٽي محمد شيريار سلطان،فيڊرل سيڪريٽري ڪميونيڪيشن علي شير معسود ۽ منسٽري آف ڪميونيڪيشن ۽ نيشنل ھاءِ وي اٿارٽي جي اعلي آفيسرن اجلاس ۾ شرڪت ڪئي.
سينيٽر پونجو ڀيل ٽول ٽيڪس جي غير منصفانه وصولي خلاف آواز اٿاريو.
ڪميٽي سينيٽر پونجو ڀيل پاران راجارستي کان عمرڪوٽ تائين 17 ڪلوميٽر روڊ مڪمل ڪرڻ کان سواءِ نيشنل هاءِ وي اٿارٽي (اين ايڇ اي) پاران ٽول ٽيڪس جي وصولي بابت اٿاريل عوامي اهميت واري معاملي تي بحث ڪيو. هن زور ڏنو ته 154 ڪلوميٽر روڊ منصوبي جي نامڪمل حالت جي باوجود ٽول ٽيڪس وصول ڪيو پيو وڃي جيڪو سراسر ناانصافي آھي ۽ سينيٽر پونجو ڀيل غير معياري تعميراتي مواد جي استعمال تي خدشن کي پڻ اجاگر ڪيو.
سينيٽر پونجو ڀيل ٽول ٽيڪس وصولي کي ناانصافي قرار ڏنو.
سينيٽر پونجو ڀيل زور ڏنو ته هي روڊ تجارتي سرگرمين لاءِ ھرگز ناھي ھي روڊ ننڍن ڳوٺن کي شهر سان ڳنڍي ٿو. هن نشاندهي ڪئي ته جيستائين انڊيا ۽ پاڪستان جي وچ ۾ ٿر ايڪسپريس ٽرين سروس فعال نه ٿيئي، تيستائين هن روڊ تي ٽول ٽيڪس لاڳو ڪرڻ جو ڪو به جواز ناھي ھن ٽرين جي فعال ٿيڻ کان پوء ھي روڊ ڪمرشل تو استعمال ٿي سگھي ٿو.
سينيٽر پونجو ڀيل آڊٽ ۽ سائيٽ جي معائني جو مطالبو ڪيو.
سينيٽر ڪميٽي کي وڌيڪ ٻڌايو ته ادائيگيون حاصل ڪرڻ جي باوجود، اين ايڇ اي واعدي مطابق ننڍا پل نه ٺاهيا ۽ ان جي بدران پراڻي ڍانچي کي استعمال ڪرڻ جاري رکيو. هن ڪميٽي چيئرمين کي درخواست ڪئي ته منصوبي جي معيار جو جائزو وٺڻ لاءِ هڪ آزاد آڊٽ ڪيو وڃي ۽ معاملي کي ڪميٽي ۾ بند ڪرڻ کان اڳ سائيٽ تي معائني لاءِ هڪ ذيلي ڪميٽي ٺاهي وڃي.
سينيٽر پونجو ڀيل اڳ ۾ سينيٽ ۾ هي مسئلو اٿاريو هو.
سينيٽر پونجو ڀيل پهريون ڀيرو 17 آڪٽوبر 2024 تي سينيٽ ۾ هي مسئلو اٿاريو هو، ان وقت مواصلات واري وزير عليم خان سينيٽ کي يقين ڏياريو هو ته ٽينڊرنگ جو عمل جاري آهي ۽ ڪم جلد شروع ٿيندو. جڏهن ته، ٽي مهينا گذرڻ جي باوجود، روڊ اڃا تائين نامڪمل آهي، ۽ اين ايڇ اي 23 جنوري 2025 تي ٽول ٽيڪس لاڳو ڪيو. هڪ ڀيرو ٻيهر، سينيٽر پونجو ڀيل سخت اعتراض اٿاريو ۽ ٽول ٽيڪس جي وصولي کي فوري طور تي روڪڻ جو مطالبو ڪيو.
سينيٽر پونجو ڀيل جي مطالبي جي ڪري ٽول ٽيڪس معطل ٿي ويو.
سينيٽر جي اعتراض جي جواب ۾، منسٽر سان تفصيلي ملاقات کان پوءِ مواصلات واري وزير ٽول ٽيڪس وصول ڪرڻ بند ڪرڻ تي اتفاق ڪيو.
اين ايڇ اي چيئرمين ڪميٽي کي منصوبي جي اڳڀرائي بابت آگاهه ڪيو.
ڪميٽي کي بريفنگ ڏيندي اين ايڇ اي چيئرمين چيو ته 154 ڪلوميٽر منصوبي مان 100 ڪلوميٽر مڪمل ٿي چڪو آهي ۽ روڊ جي ويڪر 5 ميٽر کان وڌائي 7.3 ميٽر ڪئي وئي آهي، جنهن ۾ 2 ميٽر ڪلهي جو اضافو ڪيو ويو آهي. هن يقين ڏياريو ته منصوبو اعليٰ تعميراتي معيار کي برقرار رکندي وقت تي مڪمل ڪيو ويندو.
سينيٽر پونجو ڀيل جي خدشن جي ڪري وڌيڪ ڪارروائي جي ھدايت.
ڪميٽي چيئرمين اين ايڇ اي کي هدايت ڪئي ته منصوبي جو ٽئين پارٽي جائزو ورتو وڃي ۽ انهن کي هدايت ڪئي ته اسلام آباد کان هڪ ٽيم ڪميٽي ميمبرن سان گڏ سائيٽ جي معائني لاءِ موڪلي وڃي.
Poonjo Mal
