08/08/2024
ہرنائی صوبائی وزیر خوراک حاجی نور محمد خان دومڑ نے حلقہ انتخاب کے دونوں اضلاع زیارت اور ہرنائی کے مختلف علاقوں میں سیلاب سے متعلق ضلعی انتظامیہ اور پی ڈی ایم اے کو متاثرہ علاقوں میں فوری امدادی کارروائیاں شروع کرنے کی ہدایت کی ہے۔ صوبائی وزیر نے ڈائریکٹر جنرل پی ڈی ایم اے، ڈپٹی کمشنر ہرنائی او زیارت سے رابطہ کرکے حالیہ بارشوں اور سیلاب سے ہونے والے نقصانات کے حوالے سے تفصیلی گفتگو کی۔ انہوں نے وادی زیارت کے علاقوں زندرہ، کواس، چنہ اور دیگر علاقوں میں بارشوں کے نتیجے میں سیلاب سے ہونے والی نقصانات پر افسوس کا اظہار کرتے ہوئے کہا۔ کہ متاثرین کی بحالی کے لیے وفاق اور صوبائی حکومت سے خصوصی پیکج کی منظوری کے لیے ہر ممکن کوشش کر کے متاثرین کے نقصانات کا ازلہ کرنگا۔ صوبائی وزیر نے ڈپٹی کمشنر زیارت اور پی ڈی ایم حکام کو متاثرہ علاقوں میں ریسکیو اور ریلیف سرگرمیاں فوری طور پر شروع کرنے کی ہدایت کی ہے۔ انہوں نے متاثرہ علاقوں میں رابطہ سڑکوں کی فوری بحالی کے لئے ہنگامی بنیادوں پر اقدامات اٹھانے کی بھی ہدایات کی ہیں۔ اور متاثرہ آبادیوں کو درکار امداد کی فراہمی کے لئے تمام دستیاب وسائل بروئے کار لائے جائیں۔ صوبائی وزیر نے کہا کہ وزیر اعلٰی بلوچستان میر سرفراز بگٹی سے بھی رابطہ کیا گیا ہے۔ وزیر اعلٰی نے یقین دلایا ہے۔ کہ صوبائی حکومت متاثرین کی بحالی کے لئے تمام درکار وسائل فراہم کرے گی۔ صوبائی وزیر حاجی نور محمد خان دومڑ نے کہا ہے۔ کہ بارشوں اور سیلاب کی وجہ سے کسی بھی ممکنہ ہنگامی صورتحال سے نمٹنے کے لئے زیارت اور ہرنائی کے ضلعی انتظامیہ سمیت تمام ادارے الرٹ رہے، سیلاب یا کسی بھی ناگہانی صورتحال کی صورت میں بروقت اور فوری امدادی کارروائیوں کو یقینی بنایا جائے۔ اور کسی بھی ہنگامی صورتحال میں ممکنہ جانی ومالی نقصانات کو کم سے کم کرنے کے لئے انتظامات کئے جائیں۔ انہوں نے کہا۔ کہ بارشوں اور سیلاب سے وادی زیارت میں بڑے پیمانے پر زمینداروں کے زرعی زمینوں فصلات، باغات اور گھروں، دوکانوں کو شدید نقصان پہنچا ہے۔ انہوں نے حکومت بلوچستان سے وادی زیارت کے متاثرہ یونین کونسلوں کو آفت زادہ قراردینے کا مطالبہ کیا ہے صوبائی وزیر حاجی نورمحمد خان دمڑ نے کہا کہ حلقے کے عوام کو مشکل کی گھڑی میں تہنا نہیں چھوڑیں گے متاثرین کی بحالی تک چھین سے نہیں رہونگا۔
جاری کردہ ترجمان صوبائی وزیر حاجی نور محمد خان دومڑ
